ده قط لقيته قدام باب شقتي.. كان صغير قوي وصعب عليا فقررت اتبناه وسميته تايو علشان فكرني بقرص الشمس بعينه الي كانت زرقه زي السما وفروه الي كان بيلمع زي اشعه الشمس....
تايو كان تعبان انبارح.
. هو حرفيا كان بيموت.. فانا قررت اخده واروح عند دكتور بيطري يعالجه.. الصراحه كنت رايحه اعالجه في مستشفي حكومي. انا واختي.. بس واحنا رايحين المستشفي.. دخلنا بالغلط مستشفي خاص..
حقيقه معرفناش انه خاص غير في اوضه الكشف.. المهم قلت للدكتور ان قطي تعبان من انبارح عمال يرجع ومش بياكل وجسمه بيتشنج كده بطريقه غريبه.. فالدكتور نادا علي الممرض علشان يعمله فحص اولي..
يا دوب الممرض قاس الحراره وقال ان حرارته منخفضه قام الدكتور علي طول شخص حالته تسمم وقال انه مش هيعيش..
قالنا ان القط ده ميت سواء ان خد العلاج او لا وان الاوفر لينا نسيبه يموت وخلاص علشان منضيعش فلوسنا علي الفاضي.. طبعا هو قال ان نسبه نجاته عشره في الميه وانه هيموت اكيد.
فطبعا انا قلتله طالما في نسبه نجاه يبق توكل علي الله.. لقيته بيتنك كده وبيقول ان القط كده كده هيموت.. فاختي سالته هي دي المستشفي الحكومي قالها لا دي خاصه الحكومي في الشارع التاني..
طبعا اختي اتعصبت وقالت طب احنا هنروح للحكومي ونطابق كلامك معاهم ونبق نفكر.. خرجنا من المستشفي واختي قالتلي هتعملي ايه قلتلها اكيد هعالجه طالما فيه نسبه نجاه يمكن ربنا يريد انه يعيش..
بالفعل رحنا المستشفي الحكومي واول ما دخلنا الدكتوره كشفت عليه وقالت مش باين ان دي اعراض تسمم ده الفنوانزا القطط..
وطبعا قالت ان نسبه نجاحه قليله بسبب سنه الصغير وان ممكن مانلحقهوش في الوقت المناسب بس ممكن نحاول يمكن يعيش..
وقالت انه لو خد الدوا نسبه نجاحه قليله بس برضو لو مخدهوش ممكن يموت.. فلازم ياخده.. انا قلتلها توكلي علي الله.. وفعلا بدات تعالجه وحرفيا تايو كان بيموت بس الحمد لله ربنا ستر ولحقته وادتني ادويه علشان يمشي عليها لحد ما يخف تماما.. مع العلم ان مستشفي الحكومه كلفتني نفس المبلغ الي كنت هدفعه في الخاص بس بجد اخلاق الدكاتره في حته تانيه خالص..
ده حتي الممرض كان بيحاول يخفف عننا وكان عمال يهزر معانا ويقولنا هنلحقه ان شاء الله..
ودلوقت تايو نايم جنب كاندي قطه اختي والحمد لله صحته بقت احسن..، انا اتعلمت من التجربه دي ان الواحد ما يفقدش الامل من اول كلمه احباط تقابله.. لان في ناس وحشه قوي..
دكتور زي ده كان عمال ياكد علي موته وعمال يحبط فينا ولو كنا سمعنا كلامه كان زمان تايو مات بجد.. الحمد لله انه بخير وبلفعل ربنا قادر علي فعل كل شئ يعني حتي لو نسبه نجاته صفر فربنا قادر ينجيه ومش متخيله ان ممكن حد يتجبرت علي حكم الله كده وياكد حدوث شئ في علم الغيب ده حتي مهنش عليه يقوم يفحصه، قيم حالته وهو قاعد علي مكتبه هو في كده .. ربنا يهديه.. وربنا يوفق الدكتوره الي رضيت تعالجه وكان عندها لهفه انها تنقذ تايو حتي لو نسبه قليله انه يعيش وكان عندها ايمان ان ربنا هينجيه بقدرته .. بجد شكرا ان في دكتره زيها في الحياه دي ♡♡
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
