تفاعلوا كلكم و قولولي رأيكم 💕
.......
في وحده من مستشفيات بوظبي :
حاله استنفار الدكاتره رايحين رادين ، الي يجهز الادوات و الي يلبس لبس العمليه ، الي يكتب علي الاوراق ،
في الممر:
دانه (ممرضه)ركضت عند مكتب اليازيه :اليازيه بسرعه تعالي مش هذا واحد من اهلج
اليازيه خافت منها و من دخلتها : شو، منو ها ،شفيه
دانه تراويها القروب: جوفي " إصابه أحد العساكر ، إصابه خطيرة ، نطلب إخلاء غرفة العنايه المركزه رقم 06 ، واجتماع جميع الممرضين و أطباء الجراحة و المتخصصين في الحروق ، في غرفة الاجتماعات "
اليازيه : وين الاسم مافي اسم
دانه تاشر : طالعي شكبره الاسم ، المريض"عبدالرحمن راشد محمد ال****** "
اليازيه انصدمت: ريللل هنددددد بنت عمي حمددد ، لا قولي غيرها الحرمه حاملللل
دانه سحبتها: لا حول و لا قوه الا بالله ، امشي اروح الاجتماع
اليازيه سحبت دانه عشان تقعد : لا لا لا ، دقيقه صبري حد يا من اهله
دانه نقال العلوم: هيييي وياه واحد جي طووويل زيغني قسم بالله وحتى عصب على ساره
اليازيه استغربت: ليش عصب عليها
دانه: تعرفين انتي بعد ساره باررررده ، صححححح جفت دكتور عمر يراكض وياهم اتوقع يقرب له
اليازيه ضربتها ع راسها ب الأوراق: اخوه يا الهبله اخوه امشي اروح ، ان شاء الله تنجح العمليه ، ما قريتي التقرير
دانه: صبري خلينا نقرا ، "اصابه بحروق عميقه في الساق اليمنى ، كسر في عظم اليد اليسرى ، اختناق ٠لدى المريض المرض المزمن الربو٠ و ***** (باجي التقرير)
اليازيه شوي و تصيح: حرااام بصيحححح حليلها هنوده الله يعينها و عمو فاطمه شو بتسوي و باجي اهلهم امشي نشوف وين اهله يمكن يو
رن تليفونها
دانه: منو يدق
اليازيه: الريم دق كوميرا
دانه: منو الريم بعد
اليازيه: جفتي المريض الي بيسون اجتماع على حالته
دانه: هي شفيه
اليازيه: هاي اخته بس ساكنه في استراليا يعني ما اتوقع تعرف عن الموضوع
دانه حطت ايديها ع حلجها: تمزحين لا حرام بصيح تعرفين حالته خطرة جفته انا يايبنه من الاسعاف مادري بالضبط شو استوى بس جفته انه جسمه محترق
اليازيه: شو اسوي ارد على الريم ؟
دانه سحبتها: امشي عندنا اجتماع
اليازيه: انزين البنت ادققق !!
دانه: المرضى أهم ردي بعدين
و هم رايحين غرفة الاجتماعات ، جافوا فارس الي كان فار الغتره ع ويه بشكل عشوائي و يالس على الكرسي، و شكله محيوس
دانه ترمس اليازيه: هذا الي جفته وياه ، الي عصب ع ساره
اليازيه: اظن انه اخوه العود فارس اتوقع
دكتور خالد يا
:ممرضات دانه و اليازيه وينكم عن الاجتماع انا من زمان مطرش المسج بعدكم ما يتوا ، الاجتماع خلص و المريض دخل العمليات، و انتوا تسولفون مش سلامة المريض أهم
اليازيه تاشر حق دانه عشان تروح
اليازيه : دكتور خالد شو استوى حق عبدالرحمن ،حد من اهله يعرف؟
خالد تنهد : توه دخلوه العملية ، حالته خطيره وايد و في احتمال كبير يدخل غيبوبة
شهقت : غيبوبببههه انتتتتت تمزح ، تعرف انه حرمته حاملللل
خالد ببرود: لا ما امزح اكيد، هذا الي طالع حقنا ، و هذا اللي نقال في الاجتماع ، نحن بنسوي اللي علينا و الامر لله في النهاية ، و كل الي بيصير قدر و مكتوب
اليازيه عصبت من بروده: اكره برود الدكاتره هذا
خالد : ممرضه اليازيه اتمنى تلتزمين الهدوء كل الي في المكان يطالعونا
سارت اليازيه عنه وهي تقلده "ممرضه اليازيه" ياعمي سير ول ، و دخلت مكتب عمر ، بالغلط دق الباب بصوت عالي ع الطوفه
اليازيه انحرجت : اسفه عمر، "قالت حق عمرها :اخوج هو ،عمر اونه " ،ااا قصدي دكتور عمر
عمر عدل يلسته لنه كان مضايق و يالس يهوجس : تفضلي ممرضه اليازيه
يلست اليازيه على الكرسي و بدون مقدمات : عمر شو استوى حق عبدالرحمن
عمر قال بضيج: كان طالع مع ربعه ، و هم رادين ، رد هو بسيارته بروحه و كل الشباب الباقين في سيارة بروحهم ، و كان هو طايفهم اصلا عشان يمر على هند و يشلها من بيت عمي حمد
اليازيه مركزه : انزين كمل
عمر كمل : احترقت مكينه السياره و هو ما ركز الا بعدين ، حاول يطلع منها بس ما قدر و تعرفين عنده ربو حاد فصعبه ما يقدر يسوي اي شي لنه يته حالة الربو ، قعد يكح
اليازيه شوي و تصيح ؛ بعدين
عمر : الي في الشارع جافوا السياره و بلغوا بعدها يابوه المستشفى
اليازيه : انزين بس فارس هني كيف ؟
عمر استغرب ؛ فارس هنيييي
اليازيه تهورت : انت شو ما تعرف حاكر عمرك في المكتب مضايق
عمر : ما دق كيف بعرف يعني ، بعدين وين تبيني اقعد ما دخلوني
اليازيه: اوي ليش ما دخلوك
عمر بدا يفضفض : شعرفني ممنوع اونه انزين انا اخوووه
صمت للحظات
بعدين اليازيه تذكرت موقف خالد و نقزت من مكانها و مشتطه؛ تعرفففف ها خالدوا شو قال
عمر ابتسم؛ اليازيه ترا الكيمرات صوت وصوره نهدي الوضع عشان ما نروح انا وانتي في داهيه بنتم بدون شغل
اليازيه اللي توها تستوعب و تبا ترقع سرعه بس بدون بديهة ؛ لااا انا اقصد خالد اخويييي تعرفه انتَ صح 😉😉
عمر فيه الضحكه : عندج اخو اسمه خالد !! بس احيد ناصر و نهيان
اليازيه الخَريِطه(والله ما اعرف كيف اشرحها بس اكيد بتفهمونها) ؛ هيييي شعرفك عنديييي، المهم قال انه احتمال يدخل في غيبوبه والله ها الدكتور مادري ليش موضفينه باررررد ايب الجلطه
عمر عصب شوي : خالد قاللللل جي
اليازيه حست انها يابت العيد و هني ما عرفت ترقع ؛ ها اممم لا ،هي مادري مادرييييي
عمر رد على يلسته : ها منو عشان يقرر ، لا ان شاء الله بيطلع عبود بالسلامه صح انه الحروق عميقه و الكسر كبير بس باذن الله جسمه بيستجيب للعمليه
صمت للمره الثانيه
اليازيه تذكرت شي مره ثانيه ؛ عمرررر
عمر نقز لنها خوفته و هو يهوجس : هلا ، الله يسامحج خوفتيني
