تعال وياك أخذني وخـــــل نروح آبعيد ونعيش الفرحه كافي وخل نعوف الهـمّ تعبنه الوكــــــــــت والقدر بينه يدوس مجروحين آحنه والجرح يلجـــــــــــم محد بينه داري وعذبانـــــــه الحــآل وألك هذا الحچـي يـلّ وحــــدك آلتفهم كل شي يخـون بينه لكن انّـه ويّـــــآك أبد منخون حبنه وربك اليعلـــــــــــــم _____________ دُلهام: بويه اني ما موافق سالم : متأكد بويه : اي متأكد، روح شوف مصطفى حمحم ابوي وكام بس ولله تعبان وحيران كلش بسالفه هلبنت منيه ومنو عائلتها شنو طبيعتها شنو نسبها ؟ اففف هواي شغلات بالي ومالها جواب رحت حتى اني لان تعبان كلش ورى شويه اجاني مصطفى كالي : م...... ___________ شيري صرخت بكل ما عندي قوه يمكن حتى السابع جار فزو شيري : غيرررر احددددد منكمممم يفهممممنييي ؟ ام شيري ( بواجي ) : يمهه عمج يريد يورطج : بشنو يورطني ؟ عمي ابو خالد : بنتي اسمعين..... ام شيري : ما تسمع شي اطلع بره : اسمعي يا بت الناس شيري هي بتنا واحنا أحق بيها ضلو يسولفون واني اطرش بزفه اريد احجي ميخلوني بس يتعاركون كلت : ماما اطلعي بره ام شيري : يمه لا تسوين هيج اخاف عليج : اعرف بس اريد افتهم ممكن؟ طلعت امي وهي تبجي نكسر كلبي عليها سوده عليه يا يمه كعد عمي ورحت كعدت يمه كلت : اي عمو تفضل شنو السالفه تخصني ؟ : بنتي اسمعيني وما اريدج تفهمين غلط ؟ هزيت راسي هو كمل ابو خالد : بنتي تدرين ابن عمج خالد بيه مرض سرطان وما عندي فلوس حتى اعالجه داينت من شخص حتى ينطيني الفلوس وانطاني ٢٠ مليون والحمدلله كدرت اعالج خالد ورجع زين : واني شعليه بهذا الشي ؟ : اسمعي بابا ، فشخص رجع طلب مني فلوسه اني ما عندي الف انطيه دور ٢٠ مليون فكلتله ما عندي وحالتي الماديه مو كلش زينه هو أصر على فلوسه لان ٢٠ مليون مو سهله شيري : اذا انت مو كدها ليش داينت فلوس ؟ شفت عمي عقج وجها ما راضي بكلامي : لازم اداين علمود ابني اي ، فكلتله راح انطيك بت اخوي لان ما عندي بنات انصددددمت صدددمه عمري رجال يشتريني وعمي يذبني ما عرف بعد شكول عيوني وحدهن كامت يحجن بدالي اريد اكله ما مو بكيفك الساني نعكد من ورى الصدمه : شتكولين عمو ؟ ولله ما عندي غيرج ؟ اريد احجي ما أكدر كمت ابجي بكل هستريه لمن دخلت امي كامت تصيح على عمي وعمي وجه الكلام الي ابو خالد : لمي ملابسج باجر يردون ياخذوج عمي ديأمرني ما طلب رائي شديصيرر يا ربي دخيلك امي هم صارت تبجي وأخير طلع صوتي وكلت بصوت مبحوح : ماما ما اريد لا تخلي ياخذني ام شيري : صخاام الصخمني يربي راح يخذون بتي مني امي جانت ما عدها حل أبد كلت : ماما خلي نشرد ام شيري ( بشهكه ) : وين نشرد يمه انتي بعدج قاصر اذا لزمونه يدخلوني السجن وترحين للعمامج واني ما أكدر اعوفج شيري : وشنو الحل ؟ ام شيري : ما انطيج لو اعرف يذبحوني كمت ابجي بهستيري ما عرف شراح يصير بيه خايفه كلش خايفه من عمي لا يسويها وياخذني _________ دُلهام مصطفى: مستحيل اتزوج بت ما اعرف عنها شي دُلهام: شبيك على شنو تحجي ؟ مصطفى: بروح الغوالي يا دُلهام لا تضلمني وي بت ما اعرف عنها شي دُلهام: وشسوي مثلا ؟ مصطفى: تزوجها انت دُلهام: كلت ما اتزوجها : بداعت زو..... ضليت اباوعله وعيني كامت تلمع شويه وتطلع الدمعه من عيوني بس قويت نفسي وكلت : صار خويه بس بعد لا تحلفني بشي غالي مصطفى: اسف طلعت مني لا أرادين، شكراا لان راح تزوجها انت مو اني لان ما.... بعده ما مكمل كلامه كلت دُلهام: كافي لا تلغي صوتي يوجعني اطلع بره وسد الباب طلع وسد الباب رجعت لوره اذكر كلامه كلبي صار يوجعني دُلهام: شلون يربي اتزوج وحده وكلبي يم غيرها ، راح اضلمها هواي شنو ذنبها ، وأخوي بعده صغير مو مال زواج حطيت راسي على المخذه ودخلت امي ام دُلهام: صدكك يمه راح تزوج دُلهام: اي ام دُلهام: اللهم صل على محمد وآل محمد كلشش رادت تهلهل بصوت عالي كتلها دُلهام: رحمه الدينج يمه اريد انام ام دُلهام: غير يمه افرح بيك اريد افرح بابني ، صدك يمه يمته نروح نشوف البنيه شنو ابوي ما كال لامي بس عقد ماكو زواج دُلهام: يمهه لا تبنين احلام ما راح يصير اي عرس شفت امي مثل الانصدمت من كلامي وكالت ام دُلهام: ليش ما يصير عرس مو انت راح تتقدم للبنت ؟ غير اريد اتعرف على مرت ابني ؟ دُلهام: يمهه السالفه بما هي .... سولفتلها كلشي ام دُلهام: سوده عليه يمه حتى بزواجك ما تفرح دُلهام: يمه ماتت فرحتي من دفنت اعز شي على كلبي ام دُلهام: براحتك ييمه بس لا تظلمها وكلبك مدفون طلع حنيتك و كلبك الطيب وضحكتك الحلوه من يوم راحت ما نسمع صوتك ولا ضحكتك الي ترد الروح دُلهام(بتعب) : يمه تعبان اريد انام ام دُلهام: براحتك يمهه طلعت وسدت الباب واني رجعت راسي ودمعت اي دمعت على زوجتي الي فقدتها وهي جانت حامل ماتت وحتى بنتي ماتت وياها يوم مشئوم اذكر كل التفاصيل From the past : 2019/ 8 / 24 تقى : حبيبي إذ ولدت بسلامه شنو راح تسمي بتنا ؟ دُلهام( بفرح ) : شيري تقى بتسأل: شنو السبب ؟ دُلهام: معنى اسم شيري اسم علم مؤنث غير عربي، مأخوذ من اسم فرنسيchéri ، معناه الحبيبة، يطلق على الفتيات الجميلات الرقيقات الحسناوات ،كما تعني " عزيزتي " أو " محبوبتي " أو " الأعز ". تقى: حلوو انشالله انسميها شيري دُلهام: انشالله كامت تقى حتى تسويلي عشه ما سمعت اله صراخ نزلت لكيت زوجتي تقى مدميه من الدرجه الاولى للدرجه الاخيره !! نصدمتت رجلي بعد ما تساعدني اوكف !! طلعت امي وطلع ابوي واخوي اخوي اخذها بساع للسياره اني ما اعرف شصار بيه من أدركت الموقف نزلت دمعتي وأول مره بحياتي ابجي رحت بسرعه بسياره مصطفى لان خلاها بسيارته حضنتها واني ابجي واكلها : تقى مضل شي ونوصل شدي حيلج لا تيأسين علمودي تقى لا تعوفيني ما عندي غيرج ما جانت تحجي شفتها زركههه وجاها شاحب خفت كلش خفت من شفت منظرها بس ما يأست وصلنا بساع للمستشفى صعدوها على طوارئ بساع ضليت كاعد كبال غرفتها الي بلمستشفى وابجي عليها ورى خمس دقايق طلعت الدكتوره طفرت بساع كلت واني صوتي رايح من البواجي : بشري دكتوره ؟ دكتوره : اسفه سوينا كل الي نكدر علي نصعقت من سمعت الخبررر شلون تعوفني وتروح بهسهوله موو جانت تحجيلي عن بتنا وتأسيس حياتنه ليش تخلت عني دكتوره: البقاء بحياتكم الام وجنين في ذمت الله : شنو يعني دكتوره بتي وزوجتي خسرتهم بنفس اليوم ؟!!! دكتوره: اعتذر بس انتو من اجيتوني هي ميته بطريق وطفله ماتت من الاول كمت ابجي حيلللل نكسرت من راحت عني !! الحاضر عمضت عيوني ورجعت نمت _________ شيري ضليت افكر لمن تعبت ونمت كعدت حتى اروح للدوام تعبانه كلش بلكوه اجر بنفسي ام شيري : ها يمه شعدج من الصبح رجعي نامي شيري : يمه اريد ادوم عندي متحان شهري ام شيري: سوده عليه يمهه روح بدلي لمن اسويلج ريوك هزيت راسي ورحت دخلت للحمام وشفت عيوني حمررر ومنفوخه ضليت اتلمس بعيوني و نزلت دمعه لا اراديه غسلت وجهي وبدلت وكاعده امشط شعري كدام امي وهي تطبخ كلتلها بصوت مبحوح وبلكوه اجر بلكلمه : شراح يصير بموضوع عمي شفت ام صفنت وابدا ما تباوعتلي كالت ام شيري: الي يكتبه الله يصير هزيت راسي ورحت يمها لكيتها تبجي بسكته حضنت امي وكمنا نبجي اني وياها شيري : ماما لا تبجين كلبي يوجعني ام شيري : بعد روحي يمهه اهم شي كلبج ما بي شي شيري : ماما شلون بسالفه عمي راح اموت من تفكيري فدوة ماما شوفيلي حل لو اعرف اموت ما اروح ام شيري: راح اسوي كلشي الي يطلع بيدي شيري : نور تعرف ؟ ام شيري : لا يمه بس اني وانتي وعمج ومرته شيري : يمهه تعبانه ام شيري: بيه ولا بيج عفتها ورحت كعدت ورى شويه كعدنا نتريك بدون صوت رحت اخذت جنطتي حتى اروح للمدرسة سلمت على امي وطلعت خلص الدوام ب ١٢:٣٠ رجعت لكيت عمي ومرت عمي ورجال غريب وامي سلمت عليهم من ورى خشمي لان تعبانه ردت اصعد لفوك سمعت عمي يكول ابو خالد : جهزي بتج حتى الرجال ياخذها درت وجهي كلت لعمي شيري : تحلم حلم اطلع من بيت ابوي مفهههوم ؟ شفت عمي اجاني وامي كامت تصيح ما عرف شنو حط على خشمي اريد ادافع عن نفسي ما أكدر لمن معت روحي بعد ما اعرف شصار بيه _________ دُلهام كلعاده كل يوم الصبح بدوامي رجعت للبيت الساعه ١:٢١ شفت امي كاعده بالمطبخ مثل المتوتره : السلام عليكم ام دُلهام: وعليكم السلام : شبيج يمه وضعج ما عاجبني ام دُلهام: البنيه جابوها جنت كاعد على الطاوله بساع كمت كلت : شلون؟ منو جابها؟ وليش صار الموضوع بالسرعه؟ ام دُلهام: لا تسألني يمه اني هم ما اعرف اي شي بس يا يمه البنيه جابوها مغمي عليها : استغفرالله العظيم، وينها هسه ام دُلهام: بغرفتك دُلهام: شسوي بيها ؟ ام دُلهام: ما اعرف بس ابوك كال خلوها بغرفتك عفت امي وصعدت على غرفتي لكيتها نايمه على السرير مالتي ما نتبهت الها أخذت ملابسي ونزلت لغرفت امي سبحت بحمامها وطلعت لكيت العائله كلها مجتمعه كلت دُلهام: بويه شبساع جبت البت وليش مغمي عليها سالم : وعليكم السلام انتي الحمدلله بخير وانت شلونك؟ رفعت عيني على ابوي كلت : اعتذر لان بسرعه سألت ، بس اريد افتهم ؟ سالم : باجر العصر الشيخ يجي يعقد عليكم دُلهام:......... __________ يكول دُلهام اليذكروني عفتهم لجل شوكي وياك... واني اتذكّرك وانت الي ناسيني... بايعني برخص واني بغلاة أشريك... مو انت الگلت بالروح تشريني ؟... روح وداعت الله بس أگلّـك ها... الي رب كريم الصبر ينطيني... ___________ حبايبي هذا حسابي الانستا تابعوني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولا تنسون تصويت هذا البارت حتى انزل الكم كل أسبوع باااي اشوفكم بلبارت الرابع 🙈♥️🦋🦋
