الاحد
كان هتان بيدخل الفصل بس حس بأحد يسحبه
لف بسرعة وحصل نواف الي أبتسم وقال
"صباحي أنت"
أنحرج هتان وصرف الوضع وسأله " تبي ندخل؟"
سكت نواف وقال" الي ودك تبي ندخل ولا ودك نروح السطح ؟"
هز رأسه هتان بمعنى الموافقه
هو ابدا مايبي يدخل الفصل واول حصه اساساً
كان عليهم استاذ خالد
راحو سطح المدرسه وكان الجو ممطر
أبتسم هتان وهو يتأمل السماء ولف على نواف
الي حمى نفسه تحت مضله
"شفيك ماتحب المطر؟" قالها هتان
أبتسم نواف وهز رأسه وقال" اموت بلمطر بس مابي اتبلل "
تقدم هتان وسند نفسه جنب نايف وسأله
" فاضي الخميس؟"
رد نواف وأبتسم" اي أكيد فاضي وحتى لو مشغول كلي لك"
قرب هتان من مخلي اكتفافهم تتلاصق
" بنطلع انا وفيصل وهيثم وسالم البر بنقعد هناك ثلاث أيام"
"يمدي تجي معانا؟"
سكت نواف وطالع بعيون هتان وقال" ليه اخترتني انا "
رد هتان بدون تفكير" عشان تقوى علاقتنا ونتقرب من بعض"
حس نواف انه انحرج وقال" أعجبتك؟" قاصدها بمعنى ثاني
بس هتان حسب أنه اعجبته صداقته فهز رأسه وقال أيه
نواف نزل رأسه ورجع طالع بهتان الي كان يطالعه وأبتسم واضح هتان مافهم عليه بس سكت وقال
"خلاص موافق بطلع معاكم"
سكتو كلهم وصارو يطالعون المطر الي بدأ يخف والشمس بدأت تظهر
طالع نواف بهتان وقال له" خلاص هتان خلينا نرجع الفصل "
هتان فتح جواله وقال " لسى باقي عشرين دقيقه على نهاية الحصه"
نواف نطق بإستغراب"اماا حصص استاذ خالد دايم بطيئه"
أبتسم هتان وصار يطالع السماء والساحة
نواف حاول يقطع الصمت وقال" فيه شخص يعجبك حالياً؟"
سكت هتان لفتره كأنه يفكر بعدها نفى
"لا مافي شخص عاجبني"
نواف "توقعت فيصل عاجبك"
هتان أنحرج وقال" لا انا وياه علاقتنا غريبه للحين مافهمتها"
سكت نواف هو وده يقول أنت تعجبني بس صرف الموضوع
هتان طالع نواف وسأله "وانت فيه شخص عاجبك؟"
هز رأسه نواف وقال " معرف أذا هو أعجاب بس جايب راسي
الشخص هاذا"
هتان سأل بفضول " أعرفه؟"
نواف ضحك ورد " تعرفه زين ياهتان"
هتان حسب أنه نواف يحب فيصل عشان كذا سكت
نواف حس بهتان ولف عليه
"شفيك؟"
هز رأسه هتان بمعنى "مافي شي "
رنت الحصة ونزلو تحت دخلو الفصل بعد ماطلع الأستاذ
جلسو بطاولتهم تحت أنظار الطلاب المستغربه
