في يوم جديد في تمام الساعه السادسه كان يسير قاسم في الشارع بهدوء ظهر بجانبه حاجب و نظر له قليلا
_ انت صاحي بدري كده ليه ؟
قاسم : بسوي تمارين عشان اخس.
ضحك حاجب بصوت مرتفع: و الي في ايدك دي ايه.
نظر قاسم الي الطعميه الساخنه التي كانت في يديه: اه انت قصدك علي الطعميه لا دي طعميه عادي.
حاجب : مش هتخليك تتخن يعني ؟
قاسم : هتخليني اتخن بس دي طعميه فاهم.
نظر له حاجب ثم اكمل سيرهم وجد حاجب كلب كبير واقف صفر له ليلفت انتباهه وجد فجاء الكلب يزمجر و في استعداد للهجوم عليه صرخ حاجب ثم ركض بسرعه نظر له قاسم بأستغراب ثم أردف و قال .
_ بتجري ليي..... يلهوووووويييي
بدء في الركض خلف حاجب و الكلب يركض خلفهم
قاسم و هو يركض: يخربيتك يخربيتك انت مش جن ياض ما تعمل حاجه تلحقنا.
حاجب و هو يبتسم بخبث : ما ده مش كلب ده جن بس متشكل في كلب .
توقف قاسم لوهله : طالما هو جن بيجري ورانا ليه ما انت زيك زيه؟
حاجب بصراخ : يعم اجري اجرييييي.
ركض قاسم بسرعه قبل أن يمسك به ذلك الكلب و كلنا عارفين هيعضه فين .
________________________________
دخلو المدخل العماره و أغلقو باب خلفهم استندو علي الحائط يلهثون بقوه .
قاسم : حسبي الله ونعم الوكيل.
حاجب : فيك.
قاسم : فيك انت فيك انت يا بعيد الهي اشوفك محروق في نار جهنم .
حاجب بتهكم : عقبالك معايا.
قام قاسم بضربه و قال بغيظ : يعني غلطان و بتبجح غلطان و بتبجح ده انت خنزير و بعدين طالما هو زيه زيك كان بيجري ورانا ليه معلش
رد حاجب بكل بساطه : كنت بضربه و احنا صغيرين.
قاسم : ده الكلام ده بقالو كام قرن علي كده؟
حاجب : هو مكنش بيجري ورايا عشان كده.
قاسم بحاجب مرفوع : اومال؟
حاجب بتلعثم : اصل و احنا صغيرين كنا بنلعب و انا من غ غير قصد كنت بشوط الكره جات في وشه راح من حظه الأسود البلف جيه في مناخيره فاتحها.
تجعد وجه قاسم بألم فهو يعرف ألم أن تأتي الكره في وجهك شعور منتن .
قاسم : دي كانت كوره جمره دي؟
حاجب : يعم غور كوره جمره ايه كانت كوره عاديه الي هي التقيله دي .
قاسم : يوووه شوف اهي الطعميه بردت يلا نطلع بقا عشان نلحق نطفحها.
~~~~~~~~~~~~~~~~~~~~~~~~~~~
كانو جالسين علي السطح المنزل بهدوء يحتسون الشاي حتي لاحظ حاجب أن قاسم ينظر له منذ فتره .
حاجب : لو عايز تقول حاجه اتنيل قول متوترش الي خلفوني .
قاسم : هو انت بتتصرمح معايا ليه معندكش حياه تعيشها؟
حاجب و هو يرتشف من كوب الشاي : لا معنديش حياه اعيشها عشان كده قاعد معاك.
نظر قاسم للسماء التي أصبح لونها برتقالي و وردي: براحتك انا كده كده هكون فتره في حياتك و بعدها هتمشي و هرجع وحيد تاني.
نظر له حاجب بحزن ثم نظر إلي السماء: متخافش مش هسيبك هو انت اه دماغك تعبانه و مكفر سيئاتي بس مش هسيبك متخافش.
ابتسم قاسم بخفه للطف حاجب معه فهو أول شخص يعامله بلطف منذ زمن طويل خلع نظارته يمسح عدساتها و أعاد ارتدائها لكن حين وقع نظره علي حاجب الذي اختفي من امامه فجاء وجده يصرخ و يركض خلفه كتكوتين .
حاجب و هو يصرخ : الحقني يسطا هموتني هيقتلونننييي .
نظر قاسم بصدمه هل حاجب فعلا خائف من كتاكيت صغيره؟ اقترب منه و امسك بهم برفق و نظر إلي حاجب و قال.
_ انت شحط و خايف من شويه كتاكيت.
حاجب : يعم بص الكتكوت ده بيبصلي ازاي حالف ينتف شعري .
قاسم : انت ملبوس ياض ملبوس صح.
حاجب : طيب استهدي بالله كده و ابعد الكتاكيت دي عني .
نظر قاسم الي الكتاكيت التي في يديه التي تصوصو و شكلها لطيف ثم نظر إلي حاجب أعاد نظره الي الكتاكيت ثم قال بهدوء .
_ انت بتخاف منهم صح ؟
حاجب و نظر إلي الكتاكيت بخوف : اوي اوي .
فجاء وجد حاجب أن قاسم الكلب يركض خلفه بالكتكوت فر هارب منه و قاسم مستمر في الركض خلفه
قاسم : يا ملوخيه افهم دي كتاكيت مش هتأذيك .
حاجب بصراخ : ابعد عنييييييي.
~~~~~~~~~~~~~~~~~~~~~~~~~~~~
أنت تقرأ
حكايتي مع ملوخيه الجن
Humorمجرد شاب عادي بنظارات يخبره الجميع أنه متوحد و في أحد الأيام يجد قط شارع ليربيه لكنه يكتشف بالصدفه البحته أنه جن كيف سيتصرف بطلنا مع تلك الصدمه لنري عزيزي القارئ أتمني أن تكون رحله ممتعه.
