صدفه بلا ميعاد ربي جمعنا.✨

بارت 9

ياسر ::دق على امه عفوا دق على اخوانه تكفون كلمو امي ابي اتزوج البنت الي احبها ..

عبدالله ::ابشر بروح اكلمها الك ..
عبدالعزيز :انا والله بالرياض ماني بالجنوب ..
ياسر::تمام عبدالله كلمها انت الكبير يمكن تسمع منك ..
راح عبدالله كلم امه حاول فيها رافضه زواجه تماما ..

عبدالله :كلم ياسر امي والله رافضه
حاولت فيها يـ ياسر ماهي موافقه تعال انت كلمها وحاول فيها..

ياسر ::انا طالع من تركيا اليوم وجاي مراح اسمح لمي تغلط مرتين يكفي المرهـ الاولى مراح اسكت عن حقي ..

راح ياسر الصباح للجامعه اعتذر منهم قال عندي ضروف ولازم افصل من الجامعه كانت ذي ثاني سنه لـ ياسر ..

قالوا له تمام وياسر راح يقول لـ احمد
اني بروح لسعوديه وقدمت فصل على الجامعه..

احمد ::انا معاك والله ماتروح لحالك ..
ياسر :: لا احمد كمل الجامعه انت عندك هدف ..
انا صارت لي ضروف مقدر اكمل ..
احمد ::احنا جينا سوى ونرجع سوى ماجي معاك وترجع بدوني لعنبو خوي يخلي خويه ..
وراح احمد وفصل من الجامعه وقال معك يعني جينا مع بعض نرجع مع بعض انا جيت معك بروح معك والله ماخليك لعنبو خوي يخلي خويه ..
ياسر ::قدام ياحزامي طيران على السعوديه الحين ..
احمد ::تم يالخوي قدام مانرجع وراى ..
ياسر ::لازم اسلم على يارا وقولها الموضوع وبعدهـ نسافر .

احمد ::انا بعد لازم اقول لـ بيرين عشان ماتزعل مني ..
راحوا احمد شرى باقة ورد وشكولت وسورا فيه حروفهم ..
ياسر ::شرى باقة ورد وباقة شكولت وعقد الماس فيه اسمها واسمه ..

ياسر ::الو يارا وينك ..
يارا ::هلا حبيبي موجودهـ ليش ..
ياسر ::تعالي عند الكافي انا موجود هناك ..
يارا ::تمام جايتك يلا ..
ياسر ::لاتطولين مستعجل بسرعه شوي ..
يارا ::تمام تمام جايه مراح اطول ..

جت يارا وقعدو يتقهوون بالكافي وصارو يسولفون ..
ياسر ::يارا بقولك شي بس لاتزعلين ..
يارا ::قول حبيبي عادي اسمعك ..
ياسر ::انا كلمت امي عنك اني بتزوجك ورافضه ..
يارا ::عيونها صارت تدمع ليش ياسر ..
ياسر ::والله يارا حتى اخواني كلموها
رافضه تقول بزوجك من بنات اعمامك وقلت مابيهم وقفلت جوالها ..
كلمت اخوي عشان يكلمها ويقول رافضه وانا لازم اروح السعوديه عشان اكلمها انا ابيك انتي مابي بنات اعمامي ..
يارا ::مسكت ايدهـ وصارت تبكي ياسر اوعدني ماتخليني اوعدني ماتتزوج غيري ياسر انا شفت الحياهـ والراحه معاك تكف ياسر لاتخليني لاتذبحني بيدك بس ماحييتني ..

ياسر ::مسح دموعها وباس عيونها اوعدك وربي يشهد علي والله العظيم مالعبت عليك ولا كذبت عليك انا احبك وابيك يارا اذء ماخذيتك بطيب بخذك بالغصب واذء ماخذيتك والله لموت اوعدك اذء ماصرتي زوجتي مالي حياهـ بعدك وان مت سامحيني ..

يارا ::لا ياسر بسم الله عليك لاتقول كذا حتى انا اوعدك ماخذ غيرك واذء ماخذيتك موتي ارحم لي من اني اصير على ذمة واحد غيرك ..

ياسر ::انا فصلت من الجامعه وبروح السعوديه اكلم امي لحد ماتقتنع ونجي ونخطبك ونسوي لك زواج في تركيا ونخذك لسعوديه ونسوي لك زواج هناك ..

ياسر عطى الورد والشوكلت ليارا وعطاها العقد ..
قال ::هذا خليه عندك امانه هذا الوعد بيني وبينك بجيك واخذك ولبسك العقد بيدي بينهم كلهم وبنصير لبعض قدامهم وبينتصر الحب صدقيني ..

يارا ::اهه يارب يارب الله يسمع منك يارب ..
ياسر :: انتبهي لنفسك تراك امانة نفسك انتبهي لها
لين اجيك انتي امانه حضنها استودعتك الله الذي لاتضيع وادئعه وشوفك على خير ..

ياسر :: ابتسمي ياحلوة الملامح مو لايق عليك الزعل..
(شعارنا اما نصير لبعض ولا نموت مع بعضض ..)

راح ياسر لسعوديه هو واحمد وكل واحد راح لـ اهله ..

ام ياسر ::سلمت على ياسر ياهلا يالله حيه وترحيب وسوالف وقهوهـ وشاهي وحلى والعلوم ذي وعشاء ..

ام ياسر ::ماشاء الله عندك اجازهـ ولا وش عندك غريبه جاي ؟

ياسر ::لايمه انا جاي اكلمك عن موضوع الخطوبه حتى الجامعه فصلت منها ماعاد ابيها ابي بس هالبنت وبجيبها السعوديه وبقدم على اي وضيفه ..

ام ياسر ::انت جاي الحين وفاصل من الجامعه الي انا واخوانك تسلفنا وجمعنا عشان نوضفك والحين تفصل منها بكل سهوله وتبيني اوافق على زواًجك منها انت اما انجنيت ولا مسحور ..

ياسر ::اي يمه مسحور انجنيت الي تبين انتي تبين فلوسك برجعها انا ابي البنت يمه اما اخذتها برضاك ولا بدون ارضاك ابيها يعني ابيها ..

ام ياسر ::عطته كف مابقى الا انت ياولد سلطان تتكلم متى طلع لك ريش وصرت ترفع صوتك علي مافيه احترام ولا ادب البنت ذي عناد مراح ازوجكيها لو تموت ماوافقت عليها ..

ياسر ::مشكورهـ يمه يجي منك اكثر
بس فهميني وش قصتك مع البنت انا الي بتزوجها مو انتي ..

ام ياسر ::البنت اكيد من الصايعات الضايعات الي لااهل ولا رقيب من مكان لمكان من شله لشله وتبيني ازوجك وش تبي الناس يقولون فوزيه على اخر عمرها جايتها اجنبيه لاتخاف من الله ولا من الناس ماني موافقه تسمع ولا طق راسك في اقرب جدار ماني موافقه عليها تبي تفتح علي حلوق خلق الله بتخذ بنت عمك تسمع ولا لا ياولد سلطان ...

ياسر ::ماني اخذ بنت عمي مراح تجبريني ولا هو على كيفك اخذ الي تبين انتي انتي بتعيشين حياتك معاها ولا انا الي بعيش معاها مراح اظلم نفسي مع وحده ماحبها وبعدين ليه بس تقولين ياولد سلطان وش فيك على سلطان وش مسوي لك سلطان ذا ماهو عازك ورازك وش تبين اكثر ..

ام ياسر ::انا اخذت ابوك غصب عني يكفي اني انحرمت من الشخص الي كنت احبه وسلطان الله لايوفقه هو السبب اخذني عناد ماهو محبه واليوم كلكم مجبورين تخذون غصب عنكم مثل ماصار معاي انا ماخذيت الي احب وانتم مراح تخذونهم بعد ابي انتقم وحرق قلب سلطان ذا الي حرق قلبي اكرهكم وكرهه معاكم ..

ياسر ::ابوي توفى والله يرحمه ويغفر له ترا توفى من زمان وليش ماتدعين له خافي ربك ترا مات وحتى انتي بتموتين تعرفين وشو مات وتدعين عليه لاحول ولاقوة الا بالله اعوذبالله من قساوة قلبك يايمه الله لايقسي قلوبنا استغفري ربك ..

ام ياسر ::استغفرالله العظيم بس مقهورهـ للحين
مانسيت انه احرمني وانت الي بتنحرم مثلي..

ياسر ::مرااح تعيدين الغلطه مرتين ماهو على
كيفك انتي غلطتي مرهـ والثانيه مراح تنعاد ......

بارت 10 والاخير🌷