صدفه بلا ميعاد ربي جمعنا.✨

بارت 16

ياسر ::بسم الله عسى خير منهو الي جاي هصباح وش هطق الله يستر عسى خير يارب .
ام ياسر :كانت حاسه انه اعمام ياسر وخواله ورجال الحارهـ .
فجاء الا الضجيج والاصوات طالت فزت ام ياسر راحت ركض لبست عبايتها وتغطت وجت تمشي شافت من عند الباب الرجال واجد ..

قامت  تنادي لـ ياسر ودخلو  عليها عيالها عبدالله وعبدالعزير يمه خوالي دقو علينا هم واعمامي وقالوا تعالو ..
ودخلو وراهم اخوانها فلاح الكبير ابو مفلح ومحمد  الثاني ابو فيصل.
ودخلو وراهـم عمان ياسر ( سلمان الكبير ابو ماجد  وسليمان ابو خالد وسالم ابو محمد ..

فلاح اخوها ::ليه يافوزيه ماعلمتينا ولا درينا الا من الرياجيل دقو علينا وعلمونا ماتًوقعنا هسواهـ منتس يابنت امي وابوي ليه ماخذتي راينا وشورنا مير حتى 
عزيمه ما عزمتينا ..

ام ياسر ::هلا فيك ياخوي ياولد امي وابوي وابرك الساعات ثاني ياخوي الزواج قسمه ونصيب ولافيه شور وراي ياسر اهو الي اختار وباذن الله انه توفق اما سالفة عزمتكم والله ياخوي انت ومحمد ماعمركم حتى دقيتو تسالو عني ليه ادق اعزمكم لو دقيت مانتم جايين وانا عزيت نفسي عنكم ماني مدورهـ الي مايدورني ..

نزلو راسهم اخوانها وسكتو ..

سلمان عم ياسر ::انتي ماتحترمين لاصغير ولا كبير الدنيا على كيفتس يافوزيه حنا رجال ماحنا راضين في الي تسوينه اما تطلقونها ولا تطلعون من ديرتنا حنا مانبيكم ماهو على كيفتس انتي ولدتس تجيبون عندنا وحدتن اجنبيه وعند بناتنا عشان تخربهن علينا وتفسدهن اختاري ياتطلقونها ولا تطلعون من ديرتنا ..

ام ياسر ::الطلاق ماحنا مطلقين بنت الناس
عشانكم ترضون ولا عساكم ماترضون .

كلهم في صوت واحد اطلعو عن الديرهـ اطلعو عن الديرهـ وصاروا يرمون حجر على البيت بيكسرونه ..

ام ياسر ::اسمعو كلكم بسالكم وجاوبوني ..
الحارهـ هي خاصه الكم ؟ محد رد
الديرهـ هي خاصه الكم ؟محد رد
حنا ساكنين في بيوتكم ولا في بيوتنا ؟محد رد
حنا ناكل من اكلكم نشرب من شربكم ؟محد رد
لكم شي عندنا لكم مطلب غير هالكلام ؟محد رد
اكلنا حلالكم ؟ محد رد

تكلمو عمان ياسر كلهم مالتس عندنا حاجه ولا لنا عندتس حاجه لكن حنا رجال ولا نرضى المذله المصيبه الي جبتوها فكونا منها ولا اطلعو من الديرهـ اليوم تسمعون ولا لا ؟

ام ياسر ::انتم بذات لاتفتحون فمكم واخر ناس تتكلم لو فيكم خير ماكلتو حلال عيالي يوم توفى ابوهم بدال ماتحافظون على حلالهم وهم صغار اكلتوهـ مالكم عندي امر لانتم ولا شكالكم محد يامر علي تسمعون ولا لا؟

عمان ياسر كلهم نزلو راسهم الارض مقدرو يتكلمون ..

ثاني شي البنت بنتي والولد ولدي ومالكم شي عندنا
طلاق ماحنا مطلقين وطلعه من الديرهـ ماحنا طالعين الا اذء توضف ياسر وثالث شي وهو اهم شي ...

حنا ولله الحمد والشكر بـ حماية الله ثم حماية ال سعود الله يحفظهم ويطول في عمرهم ويسدد خطاهم مافيه ظلم ولا فيه اجباري ويعطون كل مواطن ومقيم حقه ديرة حق وعدل ولاهم ماقصرين جزاهم الله خير على الي يقدمونه والسعوديه بلاد الجميع الله يحفظ لنا السعوديه  وحكامها بتجون انتم تطردوني من ديرتي مالكم حق لكن والله ومعاهدتكم بالله اذء ماوخرتو عن طريقي انا وعيالي لحطكم بسجن واحد ورا واحد ..

ومرت ولدي بخذها معي في كل حفله وكل مكان وعلمو حريمكم الي فيها خير تفتح فمها عندي والحين صك الباب بوجيهم يـ ياسر لعنبو هالوجيه الباردهـ ..

صك الباب ياسر وهو مبسوط  وباس راس امه وصار يرقص عاشت امي عاشت امي ويضحك ماشاء الله عليتس يمه والله انتس بطله بسم الله عليتس خوفتيهم كلهم رجعتيهم خايبين ..

ام ياسر ::جعلهم للخيبه دابلين تسبدي من سنين يبون نطلق البنيه يكفي انا انظلمت مرات واجد ماني ظالمتها بعد الظلم شين ومودي يعيد الزمان غلطته الاغلاط الي في حياتي مودي انها تكرر ..

عبدالله جاء عند امه وصار يهاوش يمه وش معنى تدافعين عن زوجة ياسر وانا مازوجتيني البنت الي ابيها ..

عبدالعزيز يمه ليه مازوجتينا البنات الي بغينا ليه جاوبينا من سنين نبي الاجابه اجابه وحدهـ بس نبي نعرف السبب..

ام ياسر ::مافيه سبب بس البنات مالله كتبهم لكم متى تفهمون انتم خلاص سكرو الموضوع .

عبدالله ::يبكي يمه جاوبيني تعبت يمه ابي اعرف ليه احرمتيني منها وش السبب بس ابي اعرف السبب تكفين يمه جاوبيني ..

عبدالعزيز ::جاوبينا كلنا سنين نسالك ماعطيتنا جواب ..
ياسر ::ودي اعرف يمه ليش حاقدهـ على ابوي حتى وهو ميت ..

ام ياسر ::بتكلم وتحملو الصدمات اليوم اول شي ننبدا في سوال عبدالله ليه رفضت ازوجه البنت ذيك رغم انه حاول اكثر من الف مرهـ السسبب ياعبدالله هو  ان البنت امها كانت ..!