صدفه بلا ميعاد ربي جمعنا.✨

بارت 15

راحت ام ياسر تسير على جاراتها ام صالح اول ماطقت الباب طلعت لها بنت صغيرهـ سلمت عليها وعطتها حلاو وقالت خلي جدتس تجي قولي لها ام ياسر هنيا ..

راحت البنت وبعدين جت ام صالح سلمت عليها ام ياسر مبروك ماجاكم والحمدالله على سلامة بنيتس شلونها هي وليدها وشلونكم انتم عساكم طيبين ..

ام صالح ::والله يـ لا ولا الخوف من الله مارد عليتس السلام ولا حتى ادخلتس بيتس وش الي سويتي يافوزيه .

ام ياسر :وش الي سويت يام صالح عسى ماشر علامتس ماتبين تردين السلام ولا تبين تدخليني بيتس ؟

ام صالح :ماتدرين وش الي سويتي وش انتي جايبتن هالكافرهـ الي ماينعرف اصلها من فصلها في حارتنا ومع بناتنا ؟
ام ياسر : هههههه ياحليلتس يام صالح قصدتس عن زوجة ياسر البنت مسلمه وبنت حلال .

ام صالح ::لونها بنت حلال ماجبتوها هلون داسينها لاعرس ولا غيرهـ مدري منين جايبها ولدتس الله اعلم هي بنت حلال ولا بنت حرا* ؟

ام ياسر ::البنت بنت ناس والنعم فيها ويوم ماسوينا لها عرس ترا ماهو لازم كل حفله تحضرنها البيوت اسرار وياسر ولدي مايبي احد غريب ..

ام صالح :بتحسفين يافوزيه مير اصبري ولاتجين ولا نبيتس و كل الحريم زعلانات منتس ويقولن هذا وهي مرتن كبيرهـ وفاهمه وعاقله ترضى في هلون تجوز ولدها وحدتن ماينعرف فصلها من اصلها وجايبينها في حارتنا ومع بناتنا ..

ام ياسر ::البنت في بيتها ماهي جايه بناتكن خلن بناتكن عندكم وسكرو عليهن وانتي وحريم الحارهـ دابلتن تسبدي من سنين ولدي يبيها وجوزته والناس ماعمرها سكتت مير ترضن ولا تزعلن والله ماهمني لاهرجسن ولا زعلتسن والحين ماتشوفين شر ..

ام صالح ::اسمعي يافوزيه اما تطلقون البنت وترجعونها لديرتها ولا والله لـ نقوم الحارهـ عليكم رجالها وحريمها يطردونكم من هالحارهـ مانرضى هالبنت تصير بينا حنا وبناتنا انتي ماعندتس بنات عشان كذا معليتس منها ..

ام ياسر ::قامت اسمعي انتي قوميهم كلبوهم واعلى مافي خيلتس اركبيه ولي ماتطول يديتس الحقيه برجولتس لاني خايفه لامنتس ولا من اكبر راس ولي فيه خير خليه يجي المحاكم واجد والله لحطكم واحد فوق واحد والبنت ذي الي تقولين والله ومعاهدتس بالله انها تسوى بنات الحارهـ والقبيله مير سدي حلقتس لابارك الله فيتس ولا في مسيارتس ..

ام صالح ::روحي جعلتس مراويح السحاب فضحتينا جعلتس للفضيحه يهبي ولاتكفيس اعوذباالله منتس..

راحت ام ياسر عند حريم الحارهـ وحريم عمان ياسر كانن جالسات هم كلهم جنب بعض حارهـ صغيرهـ ويطلعون كل عصر كل مرهـ القهوهـ على وحدهـ جت ام ياسر ..

ام ياسر ::ياحليلتسن مسيتن بالخير يالحبيبات شلونتسن
عساتسن طيبات وبخير ..

ردت عليها عجوز كبيرهـ بسن اسمها ام عقاب
قالت لها ::لاهلا ولا مرحبا وش الي جايبتس عندنا لاتجينا ولا نجيتس اعوذبالله من شرتس اعوذبالله من شرتس ..

ام ياسر ::عسى ماشر يام عقاب وش الي جاتس مني يومنتس تعوذين من شري ؟

ام عقاب ::ليه ولدتس يخذ وحدتن لاهي من سلمنا ولا هي من عربنا وش الي حادهـ يخذ وحدتن مانعرفها ولا نعرف اهلها وهو ليه ماخذ راي عمانه في عرسه يعرس على كيفه وانتي يومنتس امه ليه مارديتيه عن هالعرس ..

ام ياسر ::اسمعي عاد يام عقاب ياسر رجال وانا ماني رداته عنها يومنه بغاها واخذها وانا مالي كلمه عليه وترا ياسر رجال ولي نفسه ماهو ورع عند عمانه عشان يخذ رايهم هذي حياته ماهي حياة عمانه ..

دخلو حريم اعمام ياسر كلهم وصاروا يهاوشون ويطالبون انتي اصلا تبينها وانتي عاجبتس الوضع والله انتس تقدرين ترفضين لكن قولي انتس مبسوطه ..

وام ياسر كانت ساكته وتكلمت جاراتهم
ام فيصل :: هالحين يافوزيه ولدتس مخلي بنات الشيوخ وبنات العز ورايح يخذ وحدتن مايدري وش وراها وش فيهن بنات عمانه مخليهن وهايت ورا وحدتن مايندرا وش وراها ..

ام عقاب ::خليه يطلقها ويخذ الجازي بنت عمه ويحمد ربه عليها غير هالهرج ماعندنا ولا عاد نبيتس معنا لين تتطلقون هالبنت الي جايبينها ..

ام ياسر ::قامت بتمشي طلاق ماحنا ماطلقين وبنات عمانه الله يرزقهن وانتن ترضن ولا جعلسن مارضيتن لاعادهـ الله من مكان ومن حريم ماتشوفن شر ..

ومشت ام ياسر وهي منغثه وراحت عند يارا وياسر وصارت تسولف لهم وقالت كل شي قالوهـ الحريم لها .

ياسر ::اعوذبالله من الحسد والحقد الله يكفينا شرهم يايمه تكفين لاتسمعين كلامهن هذلن يبن يخربن بينا شافونا مبسوطين وشافوك تجينا ومبسوطه معنا يبون يخربون بينا يمه تكفين لاتسمعين منهم يارا بنت حلال وطيبه ..

يارا ::وهي تبكي علامهم علي وهم حتى ماشافوني يحكمون علي بس عشاني من تركيا انا مايهموني خالتي انا احبك مثل امي وتمسك يدينها تكفين خالتي لاتسمعين فيني كلام انا احب ياسر ماعيش بدونه اعتبريني بنتك لاتسمعين فيني الكلام تكفين خالتي انا بنتك .😢

ام ياسر ::تعالي يابنتي عني وحضنتها وقالت معاهدتس بالله ماسمع الكلام فيتس حتى لو اطردونا من حارتنا انا الهن اكبر خصيم من زمان دابلتن تسبدي ..

ياسر ::هههههه كفو امي كفو اي والله جعلتس للقوهـ الله يطول بعمرتس ..

يارا ::الحين نتقهوى ونحلي ونخلي الناس اخر همنا ..
ام ياسر ::اي والله بنتقهوى وخلي الكلاب تنبح ذبحونا الناس ماحد يسلم منهم..

تقهووى وتعشو وزانت الجلسه بالحوش وعلى القمرا وياسر على رجل امه يمين ويارا على رجلها يسار وكانت تلعب في شعورهم وتقول لهم قصص ومرت اليله بسلام وناسه وشعور حلو ..

قالوا حريم عمان ياسر ل ازواجهن كل ش صار وعمان ياسر كلمو خواله وكلهم صارو ضد ياسر ..

ياسر وامه ويارا كانو يفطرون بالحوش في امان الله فجاء رجف الباب شوي يكسرونه و المشاكل الي صارت من الصبح....

بارت 16