هوس امبراطور الصعيد +21

part 20

النجمه يا حبايب قلبي و رايكم و استنوا بكرا فى بارت بدايه الجنون

اى اللى انت بتقوله ده يا حج ازاى يعنى هيكون في حاجه بينى انا وبنت اخويا

نظر اشرف داخل اعينه كانه يقرا مابين السطور وقال:لا فى يا جود هو انا مش عارفك دى غزال من ساعات ما حطت رجليها فى البلد وانت حالك انقلب مبقتش جود ابنى العقل لا انت بقيت واحد مجنون واحد بيتصرف بطريقه غريبه ده انت حته اتغيرت مع مراتك

جود بغضب:لا مش مراتى يا حج انا طلقتها وعمرها ما هترجع ليا مره تانى انا خلاص ما صدقت انى خلصت منها ازاى عاوزنى ارجع تاني ليها ليه

اشرف بسخرية:يعنى كل اللى انا بقوله مش فارق معاك انت فرق معاك بس حوار انى قولت على شاهندا مراتك

جود بغضب:اه يا حج لان بنت اخوك متستهلش الشرف ده بنت اخوك يا حج كدابه كدبت عليا طول السنين اللى فاتت لبستنى العمه وخلت كل البلد تتكلم عليا الهانم لم قالت انها هى اللى مش بتخلف كنت مفهمنى العكس وانا كنت شيلها فوق دماغى على أساس ان انا اللى مش بخلف كنت كل يوم و التانى ترمى كلام يحرق الدم عشان افضل ساكت ماهى يا حرام متجوزه واحد مش بيخلف لكن فى الاخر اكتشف ان العكس اى عاوزنى بعد ده كله افضل ساكت المفروض بعد ده كله اكمل معاها طب ازاى ده انا عشت سنين وانا كاره نفسي وكاره حياتى بسبب كلامها اى يا حج اشرف عاوزنى بعد ده كله افضل ساكت ولا بعد ده كله عاوز تتهمنى انى انسان زباله فى حاجه بينى انا و بنت اخويا اى لدرجه شايف ابنك وسخ يا حج

نظر اشرف الى ابنه بحزن:طب أهدأ يا بنى أهدأ يا جود

جود بغضب:ازاى يا حج ازاى عاوزنى أهدأ و اسكت لا وفوق ده كله عاوزنى اكمل معاها فى موضوع الجواز طب ازاى يا بابا

اشرف بجدية:طب قولى اى اللى عرفك ان شاهندا هى اللى مش بتخلف

نظر جود الى الارض وقال بحزن:معرفش انا فجاه لقيت رسائل بتجيلي على الواتس ان مراتك مستغفلك مراتك هى اللى مش بتخلف انت سليم وبعتلى تقرير طبي وبعديها انا مكدبتش خبر وراحت لدكتور مختلف عن اللى كنت بروح ليه مع شاهندا الدكتور قالى انى اقدر اخلف من بكرا لو انا عاوز ولما روحت لدكتور التانى وهددته عرفت ان الهانم كنت بتاخد فلوسي وتديها لدكتور عشان تسكته ثم اكمل بوجع نبع من قلبه يعنى البجحه كنت بتزلنى و تكسرنى بفلوسي عشان هى شايفنى خروف

كان يقول جود كل هذا و الدموع تنهمر من عينه بكل قوه اه من قهر الرجال نظر اشرف الى ابنه وقال بصوت ضعيف: اهدى يا بنى و كل اللى انت عاوزه انا هعمله عشانك لان انت اهم و اخواتك اهم حاجه عندى

جود بهدوء:انا عاوزك بس تكون واثق فيا مش اكتر من كدا يا حج انا عمرى ما هفكر انى اعمل حاجه تحط راسك فى التراب