فصلية أبن الجنوب ( الأصلية )

كَلام

السلام عليكم.

أولاً، لاحظت وجود تعليقات مسيئة على قصص الفصليات، بينما هنالك حب كبير لقصص الخطف وأشياء أخرى أغلبها بعيدة عن الواقع.
أنا ما جاي أنتقد القصص ولا كلام الناس، لكن يا عمري، مو معقولة ننتقد الرواية بأسلوب جارح. إذا شخص قراها وحبها، هذا على عيني وراسي، وإذا شخص ما حبها وشافها مو مناسبة، همين على عيني وراسي.

لكن المشكلة لما أحد يكتب تعليق مثل: تابعت الرواية لأن ماكو رواية حلوة

الحمد لله، الرواية صعدت ونجحت وما توقفت، والتفاعل اللي چان غايب في البداية صار قوي بالنهاية، وهذا بفضل الله.

أنا ما طالبة منكم شيء كبير، بس لما تقرأون الرواية، لا تحكمون على بدايتها أو على وصف الشخصيات. ليش نحكم على مواصفات الشخصيات؟ يعني معقولة كل الروايات المكتوبة تكون كذب وماكو هيچ أشباه بالحياة؟ أو الشخصيات تكون مثالية تماماً والباقين مو بمستواهم؟

هذه مجرد كلمات، لكن تأثر على مشاعر الناس اللي أمامكم. حاولوا تنتبهون أكثر للكلام اللي تكتبونه، لأن الكلمة قد تكون جارحة بدون قصد.

شكرًا لتفهمكم.