تصويت قبل القرائه وتعليق حلو مثلكم
مُتابعه لـ حسابــي.
قُيــود السُلطانــه (الدفــان)
:- ريـــِـري.
~~~~~~~~~~~~
خلي ايَدك وَسط ايدي
حِلوه احضان الچفوف .
-أيڨيـن -
كعدت على أثر كابوس شفت نفسي عرگانـة
وكوة اتنفس كمت وأني امسح على صدري
أريد هاي الخنگة تروح نزلت جوة دخلت للمطبخ
شربت مي وخليت راسي على الطاولة هدأت
شوية وحسيت أيد تلف على خُصري وترفعني
ضميت وجهي برگبتة .
أرام :- شبيـها عَـزيزة عـيوني
:- ما بيَ شي مِجرد كابوس
باس شعري ورجعنة للغرفة خلانـي بحضنة ردت
أنام ومكدرت هوَ نام واني بقيت سمعت مناغي
تـالـين كمت اخذتهـا العب وياها وهيَ تضـحك
غسلتلها وغيرت ملابسهاا وكعدنه اني وياها بالبلكون جان مخلي مرجوحة زغيرة بي كعدت
وهيَ بحضني .
لحد ما صار ألـصبح وشتغل المُنـبة سمعتة يصيح
بأسمي اباوعلة من الباب يروح َيرجع بالغرفـة ويدور علينة ضحكت وصحت.
:- هناا حـبيبـي تعـال
من سمع صوتي اجة يركض حضنة ثنينه على صدره .
:- شبيك حبـيبي على شنو هل رجيـف
:- حلمت أنتِ عايفتني ورايـحة ومن كعدت وما لگيتج روحــي راحت
:- اني روحــــي بيك شــلوَن أعـــوفـك .
:- رِيحانـة گلــبي أنتِ .
اخذنة من أيدي وراح غسل واجة نزلنة شفناهم
كاعديـن لأن البارحة كلنة نمنة من وكت كاعدين
نتريـك وسمعنـة صوت طبة قويـة طلعنة نركـض.
وجـان نشوف رُقــاب لازم المُسدس ودمــار واكعة
بالكاع دمها يجري وتون وكع بحَـر رجليَ ما تعينة
يروحلها ركض أرام لأمها بحُضنة ويباوع على أخوه الي لازم المسدس ويهز براسه بمعنى "لاا"
تقربت منة اهزة هيَ مفتحة عيونها بعد بيها نفس
هزيت أرام بقوه حتى ينتبه الي.
:- كوووَم خليييي ناخذهاا للمُستشفى راااح تموووت.
كام بروح رايحة صعدت وخليتها بحضني
بألف يا علــي ع اله وصلنة راح جاب سدية
وخلوها ورأساً دخلوها عمليات كعد بالكاع حيلة
مهدود تقربت اول ما حضنتة شهك بحضني يبجي.
أرام :- ردتت اجمعهممم يميييي تااالييي اخسرر
وااحد منهممم امووت والله أموووت.
:- ادعيلها يا روحــي على شنو تبجي
بقيت حاضنتة اهدي بي شوية ودخلو وعمو فؤاد
ورمَيم وبـحَر وعمتـي أفراح تقرب بحَـر عيونة
دم حمر.
أنت تقرأ
قُيــود السُلطانــه (الدفــان)
Acakأوَه نِــعمَ..؟! بدئِـتَ المُـتعَــه يِـوجَـد هُـناا دمِــاء. ::- ريـــِـري.
