PETALS of The SWORD || TK || Complete

chapter 42

" කුකී...ප්‍රොෆෙසර් හෙඩ්‍රික් ඔයාට එන්න කිව්වා.."

ටේහ්‍යුන් , සූගා, යුගී, ජිමින් එක්ක කකා හිටපු ජන්ග්කුක් ළඟට දුවගෙන ආව රෝස් කියනකොට ජන්ග්කුක් පුදුමෙන් එයා දිහා බැලුවා..ප්‍රොෆෙසර් හෙඩ්‍රික් කියන්නේ ඉස්කෝලේ ඉන්න වයසකම කෙනා වෙනකොට එයාගේ විෂය උනේ මායා යෂ්ටිය හැසිරවීම් ඉගැන්වීම උනත් එයා විෂයට අදාළ නොවන කිසිම දෙයක් කිසිම ළමයෙක් එක්ක කතා කරේ නෑ..ඒ නිසාම ලමයෙක්ට එයා එන්න කිව්වා කියන එකම හැමෝටම ප්‍රශ්නයක් උනා..විශේෂයෙන්ම ප්‍රැක්ටිකල් එකට පැය භාගයක් තියෙද්දි එන්න කිව්ව එක හැම ලමයෙක්ටම කුතුහලයක් ගෙනාවා..

" යන්න කුක්...මොකක් හරි ප්‍රශ්නයක් වෙන්න ඇති..."

ජන්ග්කුක් බය වෙලා බලන් ඉන්නකොට ජිමින් ජන්ග්කුක්ට යන්න කිව්වේ ළමයි හිතන් ඉන්න තරම් ප්‍රොෆෙසර් හෙඩ්‍රික් වස නපුරු කෙනෙක් නෙමෙයි කියලා ජිමින් දන්න නිසායි..මොකද ජිමින් එක එක ප්‍රශ්නවලට උත්‍තර හොයාගන්න ඕන තරම් ප්‍රොෆෙසර්ව හම්බුවෙන්න ගිහින් තියෙනවා..

" යමු..මන් මගට එන්නම්.."

ටේහ්‍යුන් නැගිට්ටාම ජන්ග්කුක් ඔළුව හොල්ලලා නැගිටලා ටේහ්‍යුන් පස්සෙන් ප්‍රොෆෙසර් හෙඩ්‍රික් ඉන්න එයාගේ ඔෆිස් එක ළඟට ගියා..

" මන් මෙතන ඉන්නම්..බය නැතුව ගිහින් එන්න.."

දොර ලඟ බිත්තියට හේත්තු උන ටේහ්‍යුන් කියනකොට සද්ද නැතුවම ඔලුව වනපු ජන්ග්කුක් හිමින් හිමින් දොරත් ඇරන් ඇතුළට ගියා..

" ප්‍රොෆෙසර් හෙඩ්‍රික්...?? "

ඇතුලේ කවුරුත්ම පේන්න නොතිබෙනකොට මුලු ඔෆිස් එක පුරාම තිබ්බේ එක එක විදියේ පොත් රාක්කයි අමුතු අමුතු ජාතියේ ගැජමැටික් කෑලි වෙනකොට ඒ මොනාද කියලා නම් ජන්ග්කුක්ට තේරුමක් තිබ්බේ නෑ...

" යක්ෂයා අවදි වෙලා...!!! "

බයෙන් බයෙන් ඇතුළට ආපු ජන්ග්කුක් ගැස්සිලා ගියේ එකපාරටම රාක්කයක් පිටිපස්සෙන් කවුරු හරි කොදුරනවා ඇහුන නිසායි..

" ප්‍රොෆෙසර් හෙඩ්‍රික් ?? ඔයා කොහෙද?? "

ජන්ග්කුක් මුමුනන ගමන් හිමින් සැරේ ආයි අර කොදුරන සද්දෙ තියෙන පැත්‍තට ගියාම එයා දැක්කේ ප්‍රොෆෙසර් හෙඩ්‍රික් සුදුපාට ලොකු මායා බෝලයක් ඉස්සරහ ඉදන් මොනවාම හරි රහසින් මුමුනන විදියයි...