PETALS of The SWORD || TK || Complete

chapter 21

ජන්ග්කුක් හිටියේ ටැනීගේ පිටේ නැගලා යන ගමන් වැන්ටේව හොය හොයයි..වැන්ටේගෙ ඉව පස්සේ ටැනී ගියත් ටැනී ජන්ග්කුක් එක්ක එනවා කියලා දැනුන ගමන් ටේහ්‍යුන් එතනින් ඉක්මනට මාරු වෙනකොට ජන්ග්කුක් ටැනී එක්ක මුලු දවසෙම රෑ වෙනකම්ම ටේහ්‍යුන්ව හෙව්වා...උදේ කලන්තේ දැම්මාට පස්සේ නැගිට්ට වෙලේ ඉදන් කෑමත් නොකා ජන්ග්කුක් වැන්ටේව හොයන්න ගත්‍ත එකෙන් ජන්ග්කුක්ගේ ඇගේ ශක්තිය පවා අඩුවෙලායි තිබ්බේ..

" ටැනී...අපි නතර වෙලා යමු.."

ඇඟට පණ නැති ගතිය එක්ක දැනුන තෙහෙට්ටුව නිසා ඉස්කෝලේ එහා පැත්තේ තියෙන කැලේ මගක් හරියෙන් නතර උණ ජන්ග්කුක් ටැනීගේ කරෙන් බැහැලා ඒ ළඟින් ගලාගෙන ගිය වතුර පාරකින් වතුර ටිකක් බිව්වා..මහන්සියටම ජන්ග්කුක් ගහකට හේත්තුවෙලා වාඩි වෙනකොට ටැනීත් වතුර තිබහා යනකම් වතුර බීලා ජන්ග්කුක්ගේ මූන ලෙවකෑවේ ජන්ග්කුක් ඉන්නේ අමාරුවෙන් කියලා ටැනීට දැනුන නිසායි..

" මන් හොදින් ටැනී...අපි ටිකක් වෙලා ඉදලා යමු එයාව හොයාගන්න...මට විශ්වාසයි එයා මේ ලගම ඇති !! "

ජන්ග්කුක් වටේට ඉව අල්ලන ගමන් කියනකොට ටැනී ජන්ග්කුක් කියපු දේට එකඟ වෙලා ජන්ග්කුක්ගේ ළඟින් වාඩි උනා..කොහොම හරි විනාඩි පහලවක් විතර පොඩි විවේකයක් ගත්ත ජන්ග්කුක් ටැනීගේ පිටේ නගින්නේ නැතුව ටැනී එක්කම හිමීට ඇවිදගෙන කැලේ ඇතුළට ගියේ ටේහ්‍යුන් ඒ ළඟම ඉන්නවා කියලා ජන්ග්කුක්ට දැනුන නිසායි..

" වැන්ටේ...ඔය කොහෙද ඉන්නේ ?? වැන්ටේ !! ප්ලීස්...අපි ටිකක් කතා කරමු...වැන්- ''

ජන්ග්කුක් කෑ ගහ ගහ ටැනී එක්ක කැලේ ඇතුලේ ඇවිද්දත් එකපාරටම එයාගේ වචන නතර වෙලා ගියේ කවුරුම හරි ඇවිල්ලා එයාගේ බෙල්ලෙන් අල්ලන් ගහකට හේත්තු කරපු නිසායි..

" මොකටද මගේ පස්සෙන් එන්නේ කියනවා !! "

ගින්දර වගේ මකර ඇස් එක්ක, උල් තියුණු දත්, මකර අගයි මූණේ තැනින් තැන මතුවෙලා තියෙන මකර කොරපොතු එක්ක අර්ධ මකර ස්වරූපෙන් ඉන්න වැන්ටේව දැක්කාම ජන්ග්කුක් බය උනත් ඊට වඩ බය හිතුනේ වැන්ටේ එයාගේ බෙල්ලෙන් හිර කරන් ඉන්න නිසායි..