PETALS of The SWORD || TK || Complete

Chapter 47

" ඔයාට දැන් කොහොමද කුකී ?? "

ජන්ග්කුක්ට ආයි සිහිය එනකොට ජිමින් ඇවිල්ලා හිටියා වගේම ජන්ග්කුක්ට සේලයින් එකක් පවා දුන්නේ ජන්ග්කුක්ට ජිමින් ගැන සැක නොහිතෙන්න ඕන නිසායි..

" මට කිසිම වෙලේක හොඳක් දැනෙන්නේ නෑ චිම්..."

ජන්ග්කුක්ගෙ මලානික ඇස් ඔහේ වහල දිහා බලන් ඇදේ හාන්සි වෙලා ජිමින්ට උත්තර දෙනකොට ජිමින් ජන්ග්කුක්ගෙ ඔලුව අතගෑවා..

" චිම් ?? "

" ම්ම්ම් ?? "

" ඇත්තටම ඒක මන් කෝමා එකේ ඉන්නකොට දැක්ක හීනයක්ද චිම් ?? "

ජන්ග්කුක්ගෙ අසරණ ඇස් ජිමින් දිහාට එල්ලවෙලා තියෙනකොට ජිමින්ට කට උත්‍තර නැතුව ගියා..ජිමින්ගේ හිත ජන්ග්කුක්ගෙ ඉස්සරහ සමාව ඉල්ලලා අඩා වැලපුනා..

" ඇයි කුකීට ඒක හීනයක් කියලා පිලිගන්න අමාරු ?? "

ජිමින් අහනකොට ජන්ග්කුක් අමාරුවෙන් වාඩි වෙලා ජිමින්ගේ පපුවෙන් අත තිබ්බා..

" ඔයාගේ හදවත ගැහෙනවා චිම්...ඒ හීනේ ඇතුලෙදිත් මට ඔයාගේ හදවත ගැහෙනවා දැනුනා...මගේ අයියලා දෙන්නා මාව තුරුල් කරගන්නකොට එයාලගේ හදවතේ රිද්මේ මට දැනුනා චිම්...ටේහ්‍යුන්ගේ පපුව උඩ ඔලුව තියන් නිදන් ඉන්නකොට තාලෙට ගැහෙන හදවතට මන් ඇහුම්කන් දුන්නා..එයාගේ හුස්ම පවා මට දැනුනා චිම්...එයාගේ උනුහුම තාමත් මට දැනෙනවා...ඉතින් මන් කොහොමද චිම් ඒ හීනයක් කියලා විශ්වාස කරන්නේ ?? "

ජන්ග්කුක්ගෙ ඇස්වල කඳුලු බේරෙනකොට ජිමින් ඒ කඳුලු පිහිදලා ජන්ග්කුක්ගෙ ඔළුව අතගෑවා..

" කුකී දන්නවාද චීන උණ ගහේ කතාව?? "

ජිමින් අහනකොට ජන්ග්කුක් නෑ කියලා ඔළුව වැනුවා..ඒත් එක්කම මියුන්ග්‍යු සුප් එකක් අරන් ආවාම ජන්ග්කුක් ව ඇද මිට්ටමට හේත්තු කරපු ජිමින් ජන්ග්කුක්ට සුප් පොවන ගමන් කතාව කියන්න පටන් ගත්‍තා..