تضحكين وقلبِي يذوب بعذوبُه المشهدّ

البارت 24

تذكيره البارت 23

سما بخوف هزت راسه بـ لا
ضحك محمد وقال : شفت ياعقاب ! شششفت
صفق عقاب سما كف وقال : ياكلبببببه !!! ليييه تبليتي على الرجااال لييه
سما : كنت خااايفه مدري
عقاب صارخ عليه بقوه زلزلت المكان : ياحيووووووانه ! خليتني اضيع اخوووي من يدي
اما عند محمد الي طلع وركب سيارته بدون مايقول وين رايح وهو به غصه ومنوجع قلبه
شاف جواله مكالمات من عقاب وحاتم والجد صالح وكل احد
سكر جواله وراح ياخذ نفس
اما عند البنات الي كانو متوترررين
هيام كانت خايفه ومعصبه : قسم بالله ان شفت سما لا ادوووسه دوس
هيا : خلك مرتاحه انتي اول مانرجع البييت صدقيني بعلمه الشغل
ليان بصدمه : انا بفهم شلووون عقاب وفلاح يصدقون ! شلون
أسيل وهي اعلنت كرهه لعقاب : متخلللف الي اسمه عقاب ذا يدري ان اخته كلبه وجاي يلعلل بدون مايعرف السالفه
هيا : متفشششله من اخواني انا تعبت منهم
تهاني : مالك شغل با اخوانك انتي كلن يمثل نفسه
عند عقاب الي كان متحسر ويراقب الطريق على امل محمد يرجع بس وييننن كسره محمد وكبريائه مهي هينه وهو يدري كويس بهالشي
حاتم دق على محمد وهالمره رد محمد
حاتم : محمممد ؟ ويينك ياولد
محمد بضيق : شتبي ياحاتم عشرين مكالمه ليش
حاتم بعصبيه : وشو ليش طالع بدون ماتقول ويين اكيد بدق وترى هيام متضايقه وطول الوقت تسألني إذا رديت اول لا
زفر محمد بضيق لما سمع ان هيام متضايقه وقال : ادور لي مكان يشيل ضيقتي خابر مكان ؟
حاتم يحاول يخفف عليه قال : قللبي يشيلك ويشيل أحزانك ، واذا ماتبي قلب هيام متوفر ههههههه
ضحك محمد بضيق وقال : جعلني ما انحرم لا منك ولا منه
ابتسم حاتم وقال : ارجع يامحمد ترى جدي اكل ثلاث حبوب من الضغط وهيام ضايقه وخايفه
محمد : برجع ياحاتم ، توصيني على شي
حاتم : سلامتك
قفل محمد وهو راجع للعزبه وبقلبه عتب وزعل على عقاب
حاتم دخل خيمه الرجال وقال بصوت جهوري : محمد كلمني بيرجع الحين
الجد صالح : الحمدالله
ابو محمد : قلت لكم مرده بيرجع خلوه انتم
حاتم بعتاب ونغرات لعقاب : هذا اخو دنيتي شلون اخليه ياعم
لف راسه عقاب بضيق
طلع حاتم يقول للبنات
حاتم من برا الخيمه : ليان ليان
طلعت ليان وهي لابسه جلابيه سودا بسيطه وفوقه طرحته وحاطه روج احمر ومكحله عيوونه بطريقه تسحر
استند حاتم على احباال الخيمه وقال : يا آدميه ارحمييني!
ليان ب استغراب : ليش شسويت
حاتم : جمممالك ! والف اخ على جمممالك ياليان
ليان استحت وقالت : يوووه
ضحك حاتم على تعبيره وقال : ليش يوه مو عاجبك مدحي ( وعطاه هالنظره 🤨)
ليان بضحك : ما احلا منك إلا كلامك ومدددحك
حاتم : ضيعتي علومي ونسيت شكنت بقول يالله منك
ضحكت ليان وجلس حاتم يناظره وهي تناظره
حاتم : صح قولي لهيام محمد بيجي
انرسمت على ملامح ليان ابتسامه عذبت قلب حاتم وقالت : والله ! الحيين اقوووله
حاتم ضحك وقال : اركضي
ضحكت ليان ودخلت تعلمه
أسيل : ساااعه عند الباب انتي وحبيب القلب متلازمه هيام ومحمد انتقلت لك
تهاني : أسيل ماعندك شغله إلا تستقعدين ساعه وساعه خليهم ياخي
ليان قرصت أسيل وقالت : مالك شغل انتي لا تخليننني اعضك مع خشمك
أسيل بضحك : ضاقت الأمكان تعضيني مع خشمي
شهد : ايه احسن يمكن يصغر ويصير سله سيف
انصدمت اسيل وقالت بصوت طويل : شههههههدددددد
شهد : وللعننننننه
ضحكو البنات
ليان : ايي صح هيام ترى محمد راجع
هيام بفرحه وانزاح هم عليه : يالله لك الحمممد والله شلت هم
آسيل خزته وقالت : يوه يوه بدينا مصطلحات الامهات
ضحكت هيام وقالت : حرررام عليك اي مصطلحات
هيا : يالله لك الحمد تقصد هههههههه شدعوه أسيل مشخصنه مره
هيام كشت على اسيل وقالت : مالت عليييك
دخلت ام محمد والجده غاليه
الجده غاليه : ولسسنه انتي وياه اصواتكن طالعه استحن على وجيهكن
ليان : اسفيين جده
هيام : خالتي ام محمد ترى محمد راجع بالطريق
ام محمد : والله ؟؟ يالله لك الحمد
انفجرو البنات ضحك
الجده غاليه : ضحك بلا ضروووس ان شاءالله وش الخبال هذا
ليان وهي تدمع عيونه من الضحك : طلعتي صادددقه يا أسيل
أسيل : قلت لكم انا هههههههه
هيام بضحك : حسبي الله عليكم ههههههههههه
اما عند محمد الي رجع وشاف حاتم يستقبله
محمد بضيق : هلا بالخوووي الوافي
شد عليه حاتم وقال : استح على وجهك ماني خوي انا انا اخوك يامحمد
شد عليه محمد وقال : انشهددد انشهد
دخل محمد المجلس وفزو الكل
سلم محمد على الجد صالح وابوه
الجد صالح : لا تخرعنا عليك مره ثانيه
محمد : ابشر
سلمو عليه محمد وعزيز وهم ساكتين وهاذي مو من عادتهم
مر خمس دقايق صمت
قال عقاب : يامحمد اء..
ماكمل عقاب كلامه إلا استوقفه محمد وقال : لا تعتذر ولا تبرر ياعقاب صدقت كلام الناس علي وانتي تدري بسوايا محمد ، مالي كلام معك
تنهد عقاب بضيق وقال : اي ناس يامحمد ؟ هاذي اختي اختي يامحمد ولما قالت لي ماتمالكت اعصابي لو انت مكاني بتفهم شعوري
محمد تاثر شوي بس مابين وقال : اختك ؟ وانا ماني اخوك ياعقاب ؟ تربينا سوا ولو ماحنا اخوان بالدم بس تجمعنا عشره عمر من حنا وغدان تهقى اسوي كذا
عقاب : إلا اخوي يامحمد وأقرب من الاخو ، ودامنا اخوان يامحمد افهم وضع اخوووكّ
وشد على آخر كلمه بصوت رحيم وجبروت
قام محمد وجلس جنبه وشد على يده : معذور ياخويّ ومابينن الاخوان عذر
شد عقاب على يده
الجد صالح ابتسم وقال : ونعم الاخوووه
جا فلاح وهو منحرج وندمان وقال بضحك : دامك طيحت الحطب مع الكبير تسامح الصغير صح
ضحك محمد وقال : لا
فلاح : افاااا
محمد : حب راسي واشوف اقبل اعتذارك او لا
فلاح : بالله عليك
محمد هز راسه بالموافقه
حب فلاح راسه وقال: هاه سامحتني
محمد : جب لي مويه
فلاح : يلا دز عاد اشوف جاز لك الوضع ههههههه
ضحكو العيال ورجعت جلستهم الي كله ضحك ووناسه
عند البنات
هيام فزت وقالت : اسمع صووت ضحك محمد ولا يتهيالي
ليان ضحكت وقالت : شوي شوي على روحك
اسيل : لو بيده تمشي على يدينه اهم شي تجيه
ضحكت هيام وقالت : والله فكره خلوني اجرب
شهد : هههه هههه اقول اجلسي لا تنكسر يدك ويفضح بنا محمد
استحت هيام
صفقته تهاني وقالت : عشتووو اخيرا شفتك مستحيه لأول مره بحياتك
ليان حضنت هيام وقالت : عاد إلا هيامووه كل الحياء والزين عنده
محمد من برا الخيمه قال : وانتي الصادددقه يالياان
قلب المجلس تصفيق وتعزيز لعلاقه محمد وهيام
وهيام مستحيه بقوووه
محمد : يابنااات طلعولي هيام
طلعت راسه ليان من باب الخيمه ( يجي شراع يارب فهمتوه )
ليان : وشتبي بهياموووه
محمد : ابيه صار لي ساعتين ماشفته
ليان ضحكت وقالت : متاكدددين محمد ؟ ليكون بدلوك او شي
محمد وهو يمثل العصبيه قال : روحي انقلللعي ناديلي هيام
انخرشت ليان وقالت : بسم الله امداني امدح تغيرك
ولفت على هيام وقالت : هيام روحي مع المتوحش حقك لا ينجن علينا
هيام ناظرت رجله بضيق وقالت : شلون اروح له بالله عليك
سمعه محمد وقال لليان: قولي للحريم يتغطون بدخل
نفذت اوامره ليان قبل مايعصب ويحوس الدنيا عليهم
دخل محمد بوجود الجده غاليه وام محمد وشهد والبنات
ابتسم محمد وقال : البسي عبايتك وحطي لثمه
هيام : لييه
محمد : سوي الي قلت لك ومعليك ليان جيبي اغراضه
سوت هيام الي تبيه وهي مخروشه منه وهو هاليومين أعصابه لك عليه
لبست هيام وقالت بعصبيه من أسلوب محمد : يلا استاذ محمد شلون بمشي الحين ؟
أسيل بضحك: زي ماقلت لك على يدينك يالحبيبه
محمد ضحك بخفه وقال : تعالي
هيام انخرشت لما قرب منه وقالت : وين
ماكملت كلامه إلا شاله محمد بين يدينه وفرق الحجم كان يضحك
ضحكو البنات بتعزيززز ويصفقون ويصفرون
وام محمد من الفشيله غطت وجهه بطرحته
والجده سلمى تهاوش وتخانق
ليان انهارت ضحك على امه وقالت : يمممه ههههههههههه شتسوين ياحبيبتي
ام محمد ب احراج : استحيت يمه ماتشوفين اخوك وحركاته
ضحكو البنات والجده سلمى بعد على ام محمد
هيام الي انصدمت وماستوعبت إلا بعد ماطلعو من الخيمه وقالت : محممممممد
ضحك محمد وهو يدري توه تستوعب قال : عيووون محمد
هيام حطت راسه على صدر محمد وقالت : لازززم تخليني استحي يعني
محمد : ما ازززين من جمالك الا حياءك
ضحكت هيام وتجرأت وحطت يده على رقبه محمد وهي تعيش اللحظه كانه أميره فعلا
دخله محمد سيارته وركب وحرك وقال : افتحي الغطووه خليني اتاممممل شوي
ضحكت هيام بغرور وقالت: اخاااف تصدم من الجمال
ضحك محمد وسرحت هيام بضحكته الي حتى وهو يضحك به كميه هيبببه وشخصيه
محمد طق راسه بشويش وقال: وين وصلتي استاذه هيام
فهت هيام وهي ماتدري شتقول : الحين صدق انت زوجي
ضحك وانصدم محمد من سواله وقال: هههههه هيام حبيبتي وش هالسوال هذا
ضحكت هيام ب احراج واستحت وهي توه تصحى على عمره
ابتسم محمد وقال: انا الي مفروض اسال كل هالجمال زوجتي ؟
هيام : اييه تخيل بس
ضحك محمد وقال: ياحظظي والله لو رحتي علي واحد تزوج هالجمممال والله لا امووت
هيام وهي ماتستوعب الكلام قالت : انا والله الي بمووت إذا تزوجت غيري وراح علي هالجمال والنعيم هذا
ضحك محمد بصدمه وهو يكح
وانحرجتتتت هيام وطول الطريق يذكره محمد وتسكتته ب احراج
جلسو العيال بالخيمه بطفش
فلاح : يخربيت الطفش ياعيال
سعود : منجد ياعزيز وين افكارك
عزيز وهو يضحك بهمس لههم: تعالو شويه
طلعو العيال
سعود : الله يستررر منك
عزيز : خنسوووي مقلب بالعيال
ضحك فلاح وقال: للحيين ماتببتت عن المقالب ياعزيز
ضحك عزيز وقال : رجع ملك المقالب رسمممي
كشر عليه سعود وقال: استاذ مقلب وش بنسوي
عزيز وهو يفكر: نسوي نفسنا قطااع طرق ونهجم على العزبه شراييكككم
انعجبو العيال بالمقلب وقالو : تممم
غيرو ملابسهم العيال ولبسو اقنعه وجه وجابو مسدس محمد وفضو طلاقته واستعدوو
عند حاتم وعقاب الي يسولفون مع ابو محمد والجد صالح راح ينام
ابو محمد : صجيتو راسي بروح انام
حاتم : رح رح ياعم
راح ابو محمد والمجلس فضى على حاتم وعقاب الي كانو يسولفون بالشغل والجرايم
وفجاءه دخل عليهم عزيز و وجهه السلاح عليهم وقال وهو يحاول يضخم صوته: لا تتحرك انت وياه
انخرعو العيال وجلسو يناظروووون
صرخ سعود وقال بصوت متغير : قم انت ويااااه وسلمنا مفاتيح السياره وفرغو الجيوب
ناظرو بعض حاتم وعقاب بورطه وهم شايلين هم الحريم
قال عقاب بصوت واثق : انت تدري مع من تتكلم ياكلب
عزيز وهو يضحك ب استهزاء: العقيد عقاب ؟ والعميد حاتم ؟ صح ولا غلطان وضحك
حاتم : ايه نعم ، وانتم مين ياحثاله
فلاح وهو بعد يحاول يغير صوته: لا تقول كلام مانت قده
وبهاذي اللحظه دخلت شهد الي بتجيب القهوه والشاهي
دخلت شهد المجلس وصرخت بأقوى ماعنددده لما شافت المنظر
طلعو البنات على صرخته إلا الجده غاليه وام محمد وسما الي جالسين يحسبونه شافت حشره ولاظل
دخلو البنات المجلس
اسيل: شهد شهدءءء !!!! وصرخوووو البنات بصوت واحد والدموع تجمعت بعيونه
اما ثلاثي المصايب توهق ومايدرون يكملون او يعترفون بس اشر عليهم عزيز انهم يكملون
حاتم وعقاب خافو يسووون شي بالبنات
وقال حاتم بتهديد : والله لو تلمسون شعررره من البنات اني لا اهد عليكم ضلوع حايل (( واخيررررا عرفنا مدينه روايتنا))
عزيز وهو يضحك : صدددق يالملازم حاتم ؟ خرعتني
اشر عقاب للبنات يطّلعون بهدوء بس اشر عليهم عزيز السلاح وقال: ولا حررركككه
انتفضت قلوب البنات بخرعه
شهد قامت تشاهق بسكوووت
فلاح ماتحمل يشوف وجا بيرفع الغطاء وحاتم وعقاب يحسبوونه بيرفع السلاح
وجا حاتم سحبب السلاح من عزيز بحركه ذكيه وهم متدربين وطرح عزييز وحط كوعه ببطن عزيز وطرحه على الارض ولفه وحط يدينه على ظهره
وعقاب سحب سعود وعطاه بقس مع وجههه وطاح ومسك فلاح وسواا نفس حركه حاتم
حاتم بصراخ :اوررريكمممم ياكلااااااب
وشال القناع عن وجه عزيز وقال واعتلت عليه ملامح الصدمه وقال بصوووت ثقيل : عزيززززز !!!!!!!!
ضحك عزيز وقال: وخررر عني ياولدد
ابتعد عنه عزيز وحاتم للحين بصدمته
فلاح وهو يضحك بورطه وقال لعقاب : بعد ياخووووي
عزيز طار لسعود وحاول يوقفه وقال : كيف المقلب
كان سكووووت والبنات للحين يرجفون خوف وحاتم وعقاب يناظرون بصدمه
عقاب صارخ باقووووى صوت وقال : ياكلااااااااااااااااااب !!!!
دخل ابو محمد والجد صالح وام محمد والجده سلمى وسما بعد
ابو محمد : شصايييررر بدت اصواتهم تختفي تدريجيا لما شافو حال الخيمه العيال بملابس غريبه وملامح عقاب وحاتم والبنات الي صوت شهقاتهم الكل يسمعه
الجد صالح بعصبيييه : شصاييررر
بلعو الشباب ريقهم بخوف وهم يناظرون عزيزز بمعنى نكبتنا ياكلبب
حاتم مسك ياقه عزيز وقال : ماتعقللل انت لعنبو حيك
عزيز تورط وقال : كنا حاسبين حساب اننا بنخرعكم انتم بس ماحسبنا الشعب السعودي
عقاب بصراخ وهو منجن : هذااا تبريرك يالخاااايس ؟؟؟!
الجد صالح : شصاييررر فهموني
سعود : انا افهمك ياجد
الجد صالح كشر وقال : فلاح فهمني شصاير
سعود : اح
فلاح بورطه :اءء كنا بنمزح مع الشباب ونسوي نفسنا حراميه بس دخلو البنات وصار الموضوع جدي شوي وشوفه عينك
توسعت عيون الجد صالح وابو محمد وام محمد والجده سلمى بصدمه ويناظرون البنات الي للحين ما استوعبو وملامح عقاب وحاتم الي للحين مصدومه
بالصمت هذا كله ضحكت تهاني بقوه
اللكل التفت له وتفشلت وسكتت بعدين ضحكو البنات وعزيز وفلاح وسعود ضحكو بخفه بعدين الكل صار يضحك بشكل مجنووون حتى الشيبان
عزيز وهو يدمع عيونه من الضحك ويقلد حاتم : والله لو تلمسون شعررره من البنات اني لا اهد عليكم ضلوع حايل
سعود بضحك : ههههههههههه لا تهديد قوي الصراحه ههههههههههه
ضحك حاتم
ولف عقاب على أسيل وقال : غريبه مانطحتيهم معنا يابو الشباب
تفشلت اسيل وقالت : لا المره الجايه بنطحك انت
توسعت عيون عقاب بصدمه وضحك بقوه
والكل ضحك من ضحكه عقاب وكلام اسيل الي تفشلت زود كانت بترقعه وعمتها وبدو يضحكون ويتذكرون الموقف وينهارون ضحك
اما عند طيورر الحب على قوله أسيل 😭
محمد ماسك يد هيام ومشغلين اغنيه قليل الحظ
وكانت كلمات الاغنيه تلامس شعور محمد لهيام الي جلس يستمع بكل حب
قليل الحظ وربي جابني لك
وحظي فيك أنا أصبح كثير
على كيفك انا ياحبني لك
على مشهاتك امريني يصير ❤️
باس محمد يد هيام
هيام ابتسممت بحب وهي تدعي ان الله يسخر له محمد ويصير كذا معها دايم
هيام بضحكه : وين ودك توديني
محمد : ودي !؟ ودي اخذك لقلبي ودي ادخلك ولا احد يشوفك غير قلبي
هيام ابتسمت وقالت : وانا يكفيننني من هالدنيا يبقى هالقلب يحبني
ابتسم محمد ورجعت هيام تسال بضحك: طيب صدق وين بنروح
محمد : وين ودك تروحين ونروح له
هيام : نبي نتمشى بهالطريق ليلل والطريق نجوووم ومعك ؟ جنننتي مابي غير هالطريق شي
محمد ابتسم وقال : نمتر الطريق لعيووونك
هيام بصوت طويل : محمممد
وهدت صوته وقالت : احبك
انخرع محمد بس شافه تبتسم وهو مايدري شقالت بالاخير قال : شقلتتي
هيام : ماسمعت ؟ قهر
وقف محمد على جنب وقال : لا ماسمعت عيدي
رجعت هيام ظهره وقالت : كلام الملوك لا يعاد مرتين
ضحك محمد وقال : يارررب صبرررني
ابتسمت هيام وتجرأت وباس خده وقالت بصوت مسموع ونبره هاديه وناعمه : أحبك
ارتخت عضلات محمد بحب لما سمع هالكلمه من هيام ولف عليه بهدوء وقال : اهيم بك ياهيام
ابتسمت ليان وكملت طريق وهي تسمع الاغاني بكل حب وهي تحلف انه بأسعد أوقات حياته
بعد مافرو نص ساعه رجعو المجلس وشاف الكل مجتمعين بخيمه وحده
نزل محمد هيام ولما قرب وسمع صوت ابوه وجده نزله وخلاه متمسكه بيده حشيمه لابوه
دخل وقال بصوت جهوري : السلام علييكم
ردو السلام وقال ابو محمد : وين رحت
دخل محمد وحب راس ابوه وامه وجده وقال : تمشيت شوي أنا وهيام ورجعنا
هز راسه ابو محمد ودخلو وتاكد محمد ان هيام جالسه مرتاحه وجلس عند العيال بين عقاب وحاتم وحوليه العيال
حاتم بضحك: فاتك مشووين
ابتسم محمد بخفه من ضحكت حاتم وقال : شصار
عقاب : دخلو علينا ثلاث رجال متلثمين ومعهم سلاح
طارت عيون محمد وقال بصوت جهوري وثقيل : وووشو !!
الكل لف عليه وسكته حاتم وقال : بعد مصارعه تخيل من طلعو
محمد وهو مركز : مممن؟!
اشر حاتم على الثلاثي الي جالسين جنب بعض ب ادب ولا تقول سوو شي
محمد توسعت عيونه بذهول وقال : اسألك بالله ؟
ضحك حاتم على رده فعله وقال : والله ولا بعد تخيل شهد كانت داخله تجيب قهوه وشاهي وشافت المنظر وصرخت وجو البنات ... وجلس يحكيه شصار ومحمد كلشوي بصدمه اعلى وهيام نفس الشي الي قالو له البنات بس بالأخير الكل ضحك على مقالب الثلاثي عزيز ، سعود ، فلاح
والكل متفق انهم متصدرين بقلوب الكل من ناحيه الوناسه والضحك

هاي ياحلوووين اجحدووه اكتب لكم من نص الاختبارات والحوسه 😥 تعليقاتكم على البارت ؟ حسيت رجعنا لبدايه الروايه ومقالب الثلاثي وكلشي ❤️