استعجب سيف و من حوله من طريقة ردها على سيف .
أدهم : نور حبيبتي انتي كويسه ؟؟!
نور : شايفني بشد في شعري ياادهم ..... انا عايزه اروح بيتي
سيف : طيب يا حبيبتي اما الدكتور يكتب خروج
نور : مش هستنى دكاترة انا
امل : طيب استني للصبح طيب
نور : لاء يعني لاء
امل : خلاص يا سيف ريحها ياابني روح كلم الدكتور ...... و انا هراعيها
نور : لا يا ماما انا كويسه ميرسي ليكي .. بس انا رايحه بيتي
امل : ليه يا بنتي
عمرو احس بنور : سيبيها على راحتها ياماما ..... مش كده هتبقي مرتاحه يا نور
نور : ايوا
امل : واحنا مالناش الا راحتك يا حبيبتي
خرج سيف و قام بنداء الطبيب جاء به اخبرته عند رغبتها كتب لها على خروج واعطاها بعض الادوية التي توقف النزيف مع تعليمات صارمة بعدم الاجهاد والحرص على نفسيتها ....... قامت من مكانها بمساعدة ادهم و ديالا بدلت ملابسها بمساعدة ديالا وامل .....
خرجت من المشفى مسندة على اخيها وسيف ..... استقرت في السيارة بجانب سيف انطلق الى المنزل وصلا وخلفهما ادهم بعد ان اوصل ديالا دخلت المنزل ......... دخلت غرفتها السابقه واغلقت على نفسها ودموعا تنزل من عينها فقط تتذكر كل شيئا من البداية .......
(( الم بطنها في البداية ،،،، كرهها رائحة عطر سيف ،،،، استمرار الالم وهي لا تعرف لماذا تخمين الجميع بانها حامل ،،،، الم غير محتمل و ذهابها للمشفى وعلمها بالحمل ،،،، عدم استيعاب سيف ،،،، تحسسها بطنها دائما ذهابها للطبيب . ))
لم تستطع عندها الاحتمال وبكت بحرقة ...... فتح عليها الباب واقترب منها ........
نور : ممكن تسيبني لوحدي
سيف : حبيبتي متزعليش نفسك احن العمر ادامنا طوييل نجيب غيره
نور : محسسني انه عربية و لا لاب توب دا ابني يا بني ادم ابني سيف : ما هو ابني انا كمان
نور : ابنك اه بس انت متعبتش فيه ولا كان جواك ولا حته منك دا انا كنت بعد الايام كان هيبقى في حضني كمان 4 شهور بس انانيتك انت وادهم ضيعتوا ......... سكتوا ليه مقلتوش ليه اما عرفتوا خايفين على البيزنس بتاعكم مش شكري بس اللي موتوا كلكم مشتركين في موت ابني ........ سيبني لوحدي ياسيف سيبني بقى
خرج سيف من الغرفة مصدوما من كلامها وجد ادهم امامه مصدوما ايضا فقد سمع الحوار من اوله ........ توجهاه نحو غرفة المعيشة و جلسا .
سيف : شوفت اختك بتتهمني باايه
ادهم : يعني هي اتهمتك لوحدك يااما قولتلك نقولها
سيف : قولنلها واللي عملت حسابه حصل
ادهم : بفعل فاعل ..... بس لو كنا قولنلها بالراحه وهديناها مكنتش راحت ولا كان دا حصل
سيف : دي ارادة ربنا ياادهم
ادهم : عندك حق ونعم بالله ........ معلش ياسيف هي شوية وهتروق وتبقى فل
قطع عليهم حديث صوت هاتف ادهم يعلن ان ابيه يتصل به .
ادهم : دا بابا اقولوه ايه دا
سيف : اي حاجه بقى مش فارقه وخرج مغادرا المكان
ادهم : ايوا يابابا
عامر : ايه ياادهم مبتردش ليه من الصبح
ادهم : معلش يابابا اصل كنا في الستشفى
عامر بلهفة : اختك حصلها حاجه
ادهم : اجهضت
عامر : يا نهار اسود
ادهم : وعرفت الحقيقة
عامر : واما عرفت اجهضت
ادهم : الحيوان جوز امها ضربها ووقعت
عامر : ياابن ال .. يا ابن ....
ادهم : المهم انت لازم تيجي البنت حالتها صعب
عامر : البسبور بتاعي في مشكلة تخلص وهاجي على طول ادهالي اكلمها يا ادهم
ادهم : منهارة ومش عارفه تتكلم ...... اما تيجي بقى
عامر : طيب سلملي عليها .......... واغلق الخط
أنت تقرأ
ولدت يوم احببتك
De Todoفتاه تتزوج اكثر من مره اجبارا من ابيها وخطيبها السابق تتحمل الكثير والكثير وتحارب من اجل حريتها هل ستجد الحب الحقيقي هل ستجد من يساندها ويحميها من بطش من حولها هل ستكتشف حقيقه من حولها
