ولدت يوم احببتك

حقا احبك

وما ان انتهت ديالا من جملتها حتى ---------

ظهر عامر اما اعينهم يلوح لهم من خلف الزجاج .... شعرت هي باحاسيس متضاربه شوق ولفهة وحنين وعتاب وحزن على مافعل بها شكري وحرمها من هذا الملاك ..

خرج من المطار واعينه مركزة عليها .... توجه نحوه ادهم وسيف تبادلوا العناقات الحاره وهو ينظر لها بابتسامة واعين دامعة .....وما ان انتهى من عناق ابنه وصهره حتى مشى لها بخطوات سريعه ووقف على مقربة منها كانت تنظر له و هي تبكي جعلته يبكي هو الاخر .
عامر : طيب بتعيطتي ليه دلوقتي
نور بطفولة وهي تمسح دموعها بكم سترتها : مش عارفه ...... بس عشان وحشتني
عامر : امال انا اقول ايه ..... دا انتي وحشاني من يوم ما اتولدتي
23 سنه ...... وما ان انتهى هو من جملته حتي طارت هي الى حضن ابيها ..... ليست اول مرة ولكنها الاجمل والارق والاحلى يدور بها ويضغط على جسدها خوفا ان تضيع منه مرة اخرى وهي معلقة بعنقه بقوة خوفا من ان يأخذوه منها مرة اخرى ...... كان يراقب الموقف سيف وديالا وادهم بدموع الفرح والتأثر من المنظر ..... دار الموقف قرابة ال12 دقيقة وانتهى بسيارة سيف حيث ركب عامر في المقعد الامامي وهي على قدميه في احضانه .

سيف مداعبا حماه : واضح كده يامعلم انك جاي تقطع عليا
عامر : عندك مانع يالمض انت
سيف : وانا اقدر
وصلوا الى حيث فيلا عامر التي تقطع في الكيلوا واحد و عشرين اشبه بقصر معزول عن الحياة الصاخبة ..... ترجلوا الجميع من السيارات دخلوا القصر شاهدوه وانبهروا به .
سيف مازحا : ان لو منك يانونو استغل الموقف بقى واخلي الحاج ابو ادهم يكتبلك القصر
رد عليه ادهم بنفس الاسلوب : بصرف النظر عن اسلوبك البيئة بس انا كلي لنور
ديالا : يعني اطلع منها انت
وقضى الجميع الوقت في المرح والضحك ونور مازالت في احضان ابيها .......

الى ان اتصل عمرو يخبرهم انه قد وجد الحل الذي سيطير به شكري و حاتم معا ....... وصف له ادهم طريق القصر

جاء عمرو وسلم على عامر وبارك لنور عودة ابيها ودخل بالموضوع سيف : هنعمل ايه بقى ياعمرو
عمرو : صلوا على النبي
الجميع : عليه افضل الصلاة واتم التسليم
عمرو : في راجل كبير اوي اوي اوي في الداخليه هو نااو لواء متقاعد بس يبلف الداخلية دي كلها في جيبه دا اللي حاتم بيبقى معتمد عليه في تدخيل البضاعه للبلد من غير ماحد يقوله تلت التلاته كام
ادهم : دا ان شاء الله هيفدنا في ايه ..... دا كده اتعقدت اكتر
سيف : انت كده بتقولنا ان البضاعه داخله داخله وان انا وادهم هتطير رقبينا
نور بلفهة : خلوه يكمل ياجماعه ...... كمل ياعمرو
عمرو : الله ينور عليكي يامرات اخويا ...... الراجل دا ملوش حبيب عشقه الاول والاخير الفلوس لو دفعتله زياده عن حاتم جنيه يبيع ام حاتم ....... انا وصلتله واتفقنا وعملنا ديل وكله في السليم وقانوني عامر : ايه هو الديل
عمرو : انه يدخل البضاعه عادي خالص ووقت ميكون حاتم بيجهزها و بييخزنها يدي هو اشاره للداخليه يتدخلوا يدكوا الدنيا وبخ حاتم و بخ شكري
نور : ودا مقابل كام
عمرو : ما هي دي المشكلة عايز 5 مليار جنيه
سيف : عايز تموت ولا تتسجن ياادهم ....... خمس مليار ايه نجيبهم منين دوول
نور : استنوا بس ياجماعه مااحنا كل واحد من ناحيته شوية
سيف : ياروح قلبي احنا كل اللي بنلعب في 60 ، 70 مليون مش اكتر
نور : لاء في وفيه اللي يغطي المبلغ كمان
ادهم : قاعده على كنز علاء الدين حضرتك
نور : ورث عادل يافكيك يكفي ويفيض وانا كده كده مش هصرفه ولا عايزاه
سيف : وانا المطلوب مني بقى اني اخلص نفسي بفلوس جوز مراتي الاولاني
نور باانفعال : انت اكتر واحد عارف الحقيقة يعني الكلام دا مالوش لزمه ...... دي فلوس حرام ولازم نخلص منها ودي انسب طريقة