Behind (Bl ) (Complete )

48

Daou တို့အတွေးများနေတုန်း Jeffတယောက် Daou ပုခုံးအား လှမ်းပုတ်လိုက်ပြီး ဝမ်းသာအားရ စကားဆိုလေတော့သည်။

"ငါမှတ်မိပြီကွ ဒီပန်းချီကားနဲ့ပတ်သတ်ပြီး Rio ငါ့ကိုပုံပို့ဖူးတယ်ကွ အဲ့တာကြောင့် ဒီပုံကိုမြင်ဖူးတယ် မှတ်နေတာ ခဏလေးငါပြန်ရှာပေးမယ် "

ပြောရင်းဆိုရင်း ဖုန်းထဲမှ ဓာတ်ပုံများထဲ ရှာဖွေနေလေသည်။ မကြာ Daou အား ဖုန်းထဲမှ ပုံတပုံအား လာပြလေသည်။ ထိုပုံထဲမှလူသည် ယခုမြင်နေရပါသော နံရံထက်ကပန်းချီကားပေးဝယ် လက်ပိုက်လျက် ဓာတ်ပုံရိုက်ထားခြင်းပင်။ ထို ဓာတ်ပုံထဲမှ လူသည်ကား မသေဆုံးခင်က Rio ဖြစ်လေသည်။

Daou လဲ ဓာတ်ပုံအား ကြည့်ပြီး သဲလွန်စ ရှာဖွေနေပါသောလဲ ကောက်ချက်ချစရာ မည်သည့်အရာမှမတွေ့မိပေ။ သူ့ဘေး‌ရပ်နေပါသော Jeff ကိုသာ မေးမြန်းလိုက်ဝောာ့သည်။

"ဒီပုံကိုဘယ်တုန်းက ပို့ထားတာလဲ? အဲ့ပုံပို့တုန်းက သူတခုခု‌ပြောတာများရှိသေးလား ? "

"အဲ့တုန်းက ဒီအတိုင်း သူကြွားဖို့ပို့လိုက်ရုံသပ်သပ်ပဲ ပြီးတော့ ဒီပုံကိုသိမ်းထားဖို့ပဲ သူပြောခဲ့တာ အမှတ်တရဆိုပြီးလေ "

"အဲ့ပုံပို့ခဲ့တဲ့အချိန်တုန်းက စာအပြန်အလှန်ပို့ထားတာ တွေ ဖတ်ကြည့်လို့ရမလား သူတခုခု သဲလွန်စချန်ခဲ့နိုင်တယ် "

"ကြည့် ကြည့်လေ ဒီမှာ ... "

ပြောရင်းဆိုရင်းဖြင့် Jeff လဲ သူနှင့် Rio အပြန်အလှန် ပြောဆိုထားသမျှအား ပြလာလေသည်။ သို့သော် ဘာအထွေအထူးမှ မတွေ့ရသည်ကား သူအား လမ်းပျောက်စေလေသည်။ Daou လဲ နောက်ဆုံး Rio ပို့ထားပါသော ပန်းချီကားပါသည့် ဓာတ်ပုံကိုသာ ကြည့်နေမိတော့သည်။ ထိုသို့နှယ် သူကြည့်နေရင်း တနေရာ အရောက် သူအနည်းငယ် စိတ်ဝင်စားသွားလေသည်။

ထိုသို့ကား ပန်းချီကား ဘေးဘက်တွင် ပါဝင်နေပါသော နာရီပုံဖြစ်လေသည်။ နာရီညွှန်းပြနေသည့်အချိန်ကား 12:35 ဖြစ်လေသည်။ သို့နှယ် Rio ပုံပို့ထားသော အချိန်နှင့် ဓာတ်ပုံရိုက်ထားသော အချိန်သည်လဲ 12:35 ဖြစ်နေလေသည်။ ထိုသည်ကား တိုက်ဆိုင်သည်လား။ စာပို့ထားသည့်အချိန်နှင့် ဓာတ်ပုံရိုက်ချိန် ဓာတ်ပုံတွင်ပါဝင်သော နာရီရဲ့ အချိန်တို့သည် အတူတူသာဖြစ်ကြလေသည်။