Behind (Bl ) (Complete )

32

Uni

သူရဲ့နားနှစ်ဖက်လုံးတွင် လေတိုးသံတွေသာ ကြားနေရပြီး သူ့ခန္ဓာကိုယ်တခုလုံးဟာလဲ လေဟာနယ်ထဲမှာ‌လွင့်‌မြောနေသလိုခံစားရလေသည်။ တစုံတယောက်က သူ့အားတင်းကြပ်စွာ ဖက်တွယ်ထားပြီး ရှိနေလေသည်။ သူ့မျက်ဝန်းတွေကို ကြိုးစားဖွင့်ကြည့်ချင်ပေမဲ့ ပြင်းထန်လှသော လေတိုက်ရှိန်ကြောင့် သူ့အ နေနဲ့ဘယ်လိုမှ ဖွင့်ကြည့်လို့မရခဲ့ပေ။

ထိုပုံစံအတိုင်း ခဏကြာပြီးနောက် သူ့ဟာအေးစက်သော ရေပြင်ထဲနစ်ဝင်သွားခဲ့လေသည်။ အေးစက်တဲ့ ရေပြင်ကျယ်ထဲ သူလှုပ်ရှားရုန်းကန်နေပေမဲ့ ပြင်းထန်တဲ့ရေစီးကြောင့် သူ့ရဲ့ ကိုယ်ခန္ဓာတခုလုံးသည် ရေစီးကြောင်းရဲ့ဆွဲခေါ်ရာနောက် မြောပါသွားမြဲပင်။

သို့သော် သူအလျော့မပေးနိုင်စွာ ရေထဲ၌ရုန်းကန်ကူရးခတ်မြဲပင်။ ထိုသို့ကူးခတ်‌ နေစဉ်အတွင်း ရေစီးရဲ့အရှိန် ပိုမြန်လာပြီးနောက် သူလဲမထိန်းနိုင်စွာ ရေအောက်ထဲရှိ တစုံတစ်ခုနဲ့ အပြင်းအထန် ရိုက်မိတော့သည်။

ပြင်းထန်လွန်းလှတဲ့ရိုက်ချက်ကြောင့် သူ့ကိုယ်ခန္ဓာ တခုလုံးဆီမှ မည်သည့်ခံစားမှုမှ မခံစားနိုင်ရသလို ထုံကျင်သွားမိလေသည်။ ထိုအချိန်တွင် သူသိနေသည်မှာ တကိုယ်လုံးနာကျင်နေသည်ဆိုသည့်အသိတစ်ခုသာရှိလေသည်။

ရေကူးဖို့ပင်မတတ်နိုင်စွာ သူသည် အေးစက်သော ရေပြင်ထဲ နစ်မြုပ်သွားခဲ့လေသည်။ သူအပြင်းအထန်ရုန်းကန်ချင်ပေမဲ့ သူရရှိလိုက်သည်ကတော့ အောက်ဆီဂျင်မလုံလောက်ခြင်းနဲ့ ‌တဖြေးဖြေးမှေးမှိတ်လာတဲ့ မျက်ဝန်းနှစ်စုံသာ ဖြစ်လေသည်။ သူအထက်ရှိ မဲမှောင်နေတဲ့ လက်လှမ်းမမိနိုင်တဲ့ရေပြင်ကျယ်ထဲ သူဂာနစ်မြုပ်လို့‌နေသည်။ ကယ်တင်ပေးမဲ့လက်တစုံအား သူတိတ်တဆိတ်မျှော်လင့်နေဆဲ။

သို့သော် သူ့မျက်ဝန်းတို့အဆုံးထိ မမှိတ်သွားစဉ်ဝယ် လှုတ်ခတ်သွားသော ရေမျက်နှာပြင်နှင့် သူ့ဆီတဖြေးဖြေးကူးခတ်လာပါသော အရိပ်တခု။ ထိုအရိပ်တခုထံသို့ သူရဲ့လက်တဖတ်အားကမ်းလှမ်းလိုက်မိလေသည်။ သူကမ်းလှမ်းလိုက်သော လက်တဖတ်အား တဖတ်ကလူသည် လှမ်းဆွဲလိုက်ပြီး သူ့အားရေပြင်ထက်သို့ တဖြေး‌ဖြေးခေါ်ဆောင်သွားလေသည်။ ထိုလူသည် သူ့အားတဖြေးဖြေးသယ်ဆောင်သွားရင်း ကမ်းစပ်တခုဆီသို့ ခေါ်ဆောင်သွားခဲ့လေသည်။