Behind (Bl ) (Complete )

50

Daou အနောက်မှ ခပ်သုတ်သုတ် ကပ်လိုက်လာပါသော Jeff တယောက် ကားထဲရောက်‌ လေသည်နှင့် ကားစ‌ မောင်းပြီးမကြာ Jeff သူ့ထိုင်ခုံထက် ဂဏမငြိမ်ဖြစ်‌ နေလေသည်။ထိုအရာအား ဘေးခုံတွင် အနားယူနေပါသော Daou သတိထားမိပါသောလဲ အလိုက်တသိ မေးမနေဘဲ သူခန္ဓာကိုယ်အား အနားပေးဖို့အာရုံစိုက်‌‌ နေရန် မျက်လုံးများ မှိတ်ထားလိုက်လေသည်။ Jeff မှာတော့ သူ့အားအဖတ်မလုပ်သူ Daou အား သူမှမနေနိုင်စွာ သူသိချင်နေသည်အား ထုတ်မေးလိုက်လေသည်။

"ဒါပဲလား  ...? Daou .... ငါ့ကိုဖြေအုန်းလေ !
Daou ..."

"ကျစ် !.... Jeff ! ခင်များက ဘာထပ် ဖြစ်စေချင်လို့လဲ ? "

ဘေးဘက်မှ အနားယူနေပါသော Daou မှ တုံးတိတိပြန်ပြောလိုက်လေတော့ Jeff သူ့ရဲ့ နှာခေါင်းထိ လျောကျနေပါသော မျက်မှန်အား ပြန်ပင့်တင်ရင်း ဆိုလိုက်လေသည်။

"မဟုတ်ဘူးလေကွာ !!! ငါကြားဖူးသလောက်ကွာ မင်းတို့လို အဖွဲ့တွေကကွာ သူသေ ကိုသေ ချကြတာမဟုတ်ဘူလား ! အခုလို ....."

"အခုလို ဘာဖြစ်လဲ ....... "

Daou မှ သူ့အား စိုက်ကြည့်လာသည်မို့ Jeff တံတွေးမြိုချလိုက်ပြီး စကားအား ဆတ်လိုက်လေသည်။

"အခုလိုပြီးသွားတာကြတော့လေ ! မင်းတို့မပီသ သလိုပဲနော် ! "

"ဘာလဲ !! လူမိုက်မပီသဘူးပြောတာလား ? "

"အဲ့လိုတော့ မဟုတ်ပေမဲ့.... အဲ့လိုပါပဲ ! "

"အဲ့ဒါဆိုလဲ သူတို့ကို ကျနော် ပြန်ခေါ်ပေးမယ်လေ ခင်များတယောက်တည်း ရင်ဆိုင်လိုက် ! "

"မဟုတ်ဘူးလေကွာ ! ငါပြောချင်တာကို မင်းသိတယ်မဟုတ်လား ! Daou "

"ခင်များ မြင်ဖူးနေကြလို တဖွဲ့နဲ့ တဖွဲ့ တွေ့တိုင်း ခွေးရူးတွေလို ကိုက်နေတဲ့ အဖွဲ့တွေက ဒီတိုင်း အာဏာမရှိလို့ ခွန်အားနဲ့ အနိုင်ယူနိုင်တာလေးကို ဂုဏ်ယူနေတတ်တဲ့ အလကား သွေးနား ထင်ရောက်နေတဲ့ နလပိန်းတုံးတွေပဲ လေ "

"ကျနော်တို့လို ဂိုဏ်းအဖွဲ့တွေမှာ သူ့စည်းမျည်းစည်းကမ်းသက်မှတ်ပြီး အုပ်ချုပ်တဲ့သူတွေကြီးပဲ တနေရာကို သူတို့အပိုင်အဖြစ်သတ်မှတ်ပြီး နယ်မြေကိုယ်စီခွဲထားတာမို့ သူ့နယ်မြေကို ဝင်မရှုပ်သရွှေ့ ဂရုစိုက်နေမှာမဟုတ်ဘူး! အခုကိစ္စကတော့ Shan ဆိုတဲ့သူကို ခင်များ နယ်နယ် ရရမှတ်နေတာလား ! သူလို့လူကို အနိုင်တိုက်ဖို့ လွယ်တယ် ထင်နေရင် Cover ရဲ့ ဘယ်လက်ရုံးတယောက် ဖြစ်လာစရာ အကြောင်းမရှိဘူး ! ခင်များအခုလိုတွေးနေပုံထောက်ရင် သူ့ကိုအနိုင်တိုက်နိုင်လာတဲ့ ကျနော့်ကို အထင်သေးနေသလိုပဲနော် "