لا تصارع !
فـ ( الاقدار ) لا تسرق ~
و أنت قدري •° . !
فرح : لا لا انتي مو كلتي لازم اني احجي وياه علمود يحبني اني
مروة : مو اريدج تبقين ع تواصل وياه علمود مينساج او يغلس
فرح : لا انتظري اليوم احاول اقنع حسن و نشوف .. خالتي اجت روحي هسة
ام حسن : ها خالة كملتي
فرح : يي
خرجت من المطبخ و اتجهت الى غرفتي .. اتصلت بحسن و لم يرد لا اعلم ماذا افعل او كيف اقنعه .
_ وسام .
كنت نائم و رن هاتفي .. فتحت عيناي كان صديقي محمد
قلت بنعاس .. وسام : صباح الخير
محمد : هلا عيني الساعة عشرة كوم
بقلم الكاتبة سارة مزهر حسابي @_novels1
نهضت من وسادتي ..
وسام : شكو ليش
محمد : طيبة تريد نروح نشتري اثاث لشقتنا و اني ماافتهم بهل سوالف
وسام : شايفني مدير شركة سيدار و مخابرني اني شعليه
محمد : الصديق وقت الضيق
وسام : استغفر الله دولي هسة خلي اكوم
محمد : و خابرني وره متكوم لان متاكد راح ترجع تنام
في هذه الاثناء نادتني امي ..
ام وسام : وساام .. وساام
وسام : اسمع دتصيحني شرجع انام يلا سلام
محمد : سلام سلاام
دخلت امي الى غرفتي ..
ام وسام : حبيبي كاعد
بقلم الكاتبة سارة مزهر حسابي @_novels1
وسام : صباح الخير عمري
جلست امي ع السرير و قبلت راسها ..
ام وسام : عبالي نايم و اجيت اكعدك لان اعرف تسهر
وسام : غير اشتغل يعني اسهر شسوي
ام وسام : اعرف تسهر ويه بنات
ووسام : هههههههه شوف الغبيرة هو الي عنده صاكة مثلج هم يدور بنات
ام وسام : يعني متحجي ويه بنات
وسام : اذا هنه مية الف بنية و كلهن نفس الحجي معجبة بيك و احبك بس ابنج مؤدب ميحجي و لا ويه بنيه
نظرت لي امي ..
وسام : يي اوكي يحجي احممم
ام وسام : يارب تلكه منهم الي تناسبك
وسام : لا ماريد منهم اريد اني اختارها مو هي تجي
ام وسام : و تختار وحدة تستاهلك
وسام : يي اكيد .. يلا راح اروح اسبح
ذهبت لاستحم .. و عندما انتهيت خرجت لاتصال بمحمد ..
وسام : ها هسة شنو
محمد : ماعرف شاختار و طيبة تريدني اساعدها وسام انت ذواق تعال بداعت شواربك
وسام : هههههه راح ازينهم لا لا راح اجي
محمد : تعال لبيتي و نمر ع طيبة و امها
وسام : امها بالسالفه اني شكو
محمد : امها بس تحجي و طيبة كالت اريد اني اختار
وسام : ماشي راح اجي
قمت بتغير ثيابي من ثم اتجهت الى منزل محمد ..
احيانآ لو نعلم خطانا الى اين تقودنا لكنا توقفنا و لم نخطها .
عند وصولي الى بيت محمد .. طرقت الباب
محمد : همزي اجيت يلا امشي ✋
اتجهنا الى منزل طيبة خطيبة محمد ..
طرقت الباب .. فتحت الباب فتاة جملية يمكنني القول انها حسناء ..
مروة : هلو محمد شلونك
محمد : عاش من شافج مروة
مروة : انت عاش من شافك اني ليل و نهار بقسمكم بسبب توتي
محمد : بس حتى متجين تسلمين .. اوكفي فوت وسام
وسام : لا ميحتاج انتظرك هنا
مروة : منو وياك ؟
محمد : صديقي وسام
مروة : اها اوكف هسة اصيح طيبة .
