هي ليست .. °
( ساعات او ايام او اشهر ) ~
هي لحظات تؤلمنا الان !
ليدوم آلمها الى الابد ( ) .. !
وسام : ممكن تحجيلي القصة كلها بدون متكطعين !
فرح : باول مرة حجينا انعجبت بيك مرحت من بلي بيومها يمكن دتفكر ان هي شغلة شكل لان شكلك حلو ميخالف فلنفترض شغلة شكل انعجبت بيك و خلص بعدين عرفت اسمك وسام بقيت فترة 3 اشهر اني اشوفك بالجامعة و بيوم جنت تضحك و تباوع اني عبالي عليه و صفنت عليك صديقتي الي اخذتك مني انتبهت عليك و قررت تساعدني عرفنا من الي شايلها بيدك انو انت طب صديقتي بت عمها بكلية الطب و عرفتك و كالت انت بحمله وياهم و نطتنا اسم حسابك و صديقتي سوتلي حساب ع انستكرام و حجينا اني و انت
وسام : اوكفي !!!!
فرح : انتظر اكمل .. بس لان الدنيا بخيلة ويايه قررت تلعب لعبة قذرة و هي انو تكشف جذبة صغيرة جنت ضامتها عن صديقتي هاي و هل جذبة انو زوجة ابوها تصير امي
هي مسمعتني و لا فهمتني مجرد عرفت الحقيقة قررت تستنتج من مخيلتها و قررت تخوني و خانتني بيك تعاركت وياك من حسابي و ضربتك بلوك و قررت تتقربلك اول سؤال سالته الها ليش و هاي كالت رد الجذ بالجذب و جذبت صديقتي و نجحت بجذبهل لحد ما لبستك هل حلقة الي بيدك
نظر وسام الى خاتم الخطوبة و هو مصدوم نهض من كرسيه ..
وسام : تريد اصدك الي دتحجيه !!!!
فرح : خلي عقلك يحكم
قمت باخراج البوم الصور من حقيبتي ..
فرح : هاي صورنا اني و مروة من جنه صغار لحد هسة انت مصدوم هسة بس اذا تريد احجيلك بالتفاصيل كلي رقمي مكتوب بورقة بنص الصور
نظرت الى وسام ..
فرح : اني اسفةة بس الخيانة صعبة حيل
تركت وسام و خرجت من الغرفة غادر المشفى و انا احاول ان اقنع نفسي ما قمت به جيد و لكن قلبي يقول عكس ذلك .
_ وسام .
لننقل ان عقلي يحكم و لكن المنطق له كلمة كنت اتصفح الصور جميعها لمروة حسنا قلت انه من الممكن قد تلاعب احدهم في الصور و انا لم ارى مروة عندما كانت صغيرة لذلك لا اعرف كيف كان شكلها .. حملت الصور ة اتجهت الى منزل مروة .
طرقت الباب فتحت لي ام مروة ..
ام مروة : وسام شلونك ابني ان شاءلله زين
وسام : زين الحمدلله انتي شلونج
ام مروة : الحمدلله بخير ابني
دخلت الى غرفة الضيوف و جلست ..
ام مروة : هسة اصيح مروة
اتت مروة و هي تبتسم ..
ام مروة : شلونك عمري
نظرت لها ببرود ..
وسام : عندج صور من و انتي صغيرة
مروة : همههههه شذكرك بيهم
وسام : عندج ؟
مروة : شبيك هيج تحجي يي عندي
وسام : جيبيهم
ذهبت مروة لتحضر صورها كنت اقول حسنا ليست هي و ان الصور لن تتطابق .. اتت مروة ..
مروة : هاي صوري وسام
ترددت قبل النظر الى صورها و لكني نظرت ..
وسام : الصور تتشابه !
قالت مروة متسألة .. مروة : يا صور !
حاولت تمالك اعصابي ..
وسام : عندج صديقة اسمها فرح !!
نظرت لي باستغراب لكنها لم تقل شيء ..
وسام : عندج مو هاي الي تصير امها زوجة ابوج
قالت بسرعة ..
مروة شفت فرح !!!
امسكتها من يدها ..
وسام : تجذبين عليه
امسكت بيدي بسرعة و ادخلتني في غرفة اخرى و اقفلت الباب لكي لا تسمعنا امها ..
