"Isang Magandang Ala-ala"
Dumating ka at puso'y pinasaya;
Umalis ka at hindi na nagpakita pa.
Sa iyong paglisan, puso'y nalumbay;
Puso'y binalot ng kalungkutan at
Ikaw ay nais ng kalimutan.
Sa paglipas ng panahon,
Ikaw ay unti-unting nakalimutan.
Puso ay muling sumaya sa piling ng iba.
Ikaw ay nagbalik, ngunit ika'y nag-iba na.
Dating kislap sa iyong mga mata ay naglaho na.
Ang dating damdamin para sa iyo ay wala na.
Pag-ibig sa iyo ay lumipas na.
Isang magandang ala-ala mula sa nakaraan.
Magandang ala-ala na nais baunin sa
paglipas ng mahabang panahon.
