طبعا عرفنا ان امل واحمد اتجوزوا وسافروا لفرنسا
ومنه ومحمد اتجوزوا وسافروا تركيا شهر عسل منه ومحمد رجعوا قبل امل واحمد
منه صحيت من النوم تصحي محمد بدري
عشان شغلوا صحي ولبس وجهزتلوا الفطار وفطروا
مع بعض وسلم على منه ومشي لكن منه كانت خايفه
اول مره تبقا في البيت لوحدها فتحت التلفزيون وسابتوا
وراحت تعمل الغدا وتجهزوا قبل ما محمد يجي
وكان معاها كتاب طبخ لانها مش بتعرف تطبخ
وكانت عاوزه تعملوا مكرونه بشاميل وكانت نبيله معاها
في التليفون عشان مش عارفه تطبخ واول مره تبقا لوحدها وتعمل اكل وتابعتها لغايه ماخلصت وقعدت وهي بتقول يااربي ايه ده انا تعبت الله يعينك يا ماما
اذا كان الطبخ كد امال العيال والبيت هيبقوا ازاي
نروح بقا لامل واحمد
كانت الفرحه مش سايعاهم وامل كانت مبسوطه جدا
بوجود احمد معاها وانهم بقوا لبعض خلاص
وكانت طيارتهم بعد ساعه وكانوا بيجهزو الشنط
وخلصوا وطلعوا للمطار وخلصوا الاجراءات بسرعه
وركبوا الطياره ......
نيجي بقا عند منه جهه محمد بدري عن معاده استغربت
منه انه جه بدري راحت تساله لكن كان محمد معصب
منه : ايه الي جابك بدري ياحبيبي
محمد بزعيق ونرفزه : معلش يا منه اطلعي انتي مش ناقص :@
منه باستغراب : مالك بس في ايه ؟!
محمد بزعيق : قلتلك اطلعي بره
منه بخنقه والدموع هتنزل : طيب
طلعت منه وهي بتعيط والدموع في عنيها ازاي يزعقلي كد احنا بقالنا شهرين بس امال لو كنا سنتين كان هيعمل ايه ؟!
هدي محمد شويه وقام يطلع يشوف منه لانو استغرب
انها مجتش تناديه للغدى او تكلمه او اي حاجه
وطلع ولقى وشها باين عليه العياط وقالها
محمد : مالك؟؟
منه بتمسح دموعها وبتقوم : مفيش انا قايمه احضرلك الغدا
محمد مسكها من اديها : انا اسف والله غصب عني
اتخانقت مع مدير الكليه
منه : طيب
محمد بيبؤس راسها : متزعليش مني والله بحبكـ
منه بابتسامه ونسيت الي حصل :
حطت الغدا على السفره قام قالها
محمد : الله الله ايه الاكل الجميل ده تسلم ايدك يا حبيبتي
منه : تسلم يا حبيبي بالهنا والشفا
نيجي بقا لامل واحمد
احمد بيفتح باب الشقه وبيحط الشنط وامل بتتفرج على الشقه
احمد: نورتي الشقه يا حبيبتي
امل : بنوركـ يا حبيبي
احمد: تحبي اقولك مفاجاه هتعجبك اوي !
امل : ايه هيا ؟!
ياترى ايه المفاجآه ؟!
احمد: تحبي اقولك مفاجاه هتعجبك اوي !
امل : ايه هيا ؟!
احمد :عارفه مين الي فوقينا؟!
امل : مين ؟!
احمد : منه ومحمد
امل بفرحه واستغراب : بتهزر صح
احمد : والله تعالي يلا نطلع هوريكي
امل :
طلعو امل واحمد لمنه ومحمد وكانت مفاجاه لمنه
منه : ايه ده امل ازيك وحشااااني
امل وهي بتحضن منه : وانتي كمان يا حبيبتي
امل : احنا جيرانكم بقا ها
منه : ازاي
امل : ههههههه انا مستغربه ولسه عارفه دلوقتي احنا تحتيكم الدور التاني
منه : الله بجد فرحتيني
اتفضلوا ...
دخل احمد وامل الصالون وجهه محمد سلم عليهم وجت
منه اخدت امل بعد ما فرجتها على الشقه وقالو ينزلو تحت عند بيت امل وفرجتها امل على الشقه وقعدوا
يتفرجوا على التلفزيون ويحكوا لبعضض عملوا ايه
في شهر العسل ومنه حكت لامل على الموقف الي حصل ليها من محمد وكانو مبسؤطين جدا وهما مع بعض
وكل واحده مع التانيه في نفس العماره يساعدوا بعض
خلصوا مع بعض وكل واحد راح شقتوا
عند منه كانت بتقول محمد انها فرحانه جدا على المفاجاه دي واستاذنت محمد تبقا تنزلها في فتره
عدم وجوده عشان متبقاش وحدها ونفس الحكايه
مع امل استاذنت من احمد
عدى 9 شهور كل يوم امل عند منه ومنه عند امل وكانت حياتهم مستقره الحمدلله وجه يوم من الايام
منه وهي في البيت بتعمل الاكل وسابت الاكل على النار
وحست بدوخه وان الدنيا بتلف بيها ووقعت على الارض
وهي مش حاسه بنفسها وفي نفس الوقت امل كانت طالعه لمنه ولقت الباب مفتوح وشمت ريحه الاكل بيتحرق طفت عليه وشافت منه واقعه على الارض
اتصلت بالاسعاف بسرعه وبعدين اتصلت بمحمد واحمد يجو على مستشفى ......
ياترى اول ما جه محمد واحمد عملوا ايه ؟!
