بوابة امل

الجـزء الرابع

شباب بنات يله حضروا روحكم اليوم حنروح لبيخال
- شوود .. نص ساعه وبالسياره
يسر : اهوو هم كعدت يمي 😠
عصام : والله بكيفي مو سياره الخلفوج 😏
يسر : تره اكله لبابا 😏
عصام : بدينا بسوالف الجهال .. شتكليله ابن عمتي كعد يمي ؟ ثولة
يسر : اني مو ثولة 😠
عصام : لا ثولة وهوايه هم
يسر : مو ثولة😡
عصام : مو اي ثولة .. " ثولتي "
..
" تونسوا ببيخال و رجعوا .. بقوا دايما يطلعون بلمتهم
وعلاقه عصام بـ يسر بس مناگر "
يسر : ماما بابا صديقاتي هنا ويريدون نطلع سوة حبابين خلي اروح 😞
- اوك روحي لتتاخرين
..
عصام : ها لابسه وين رايحه
يسر : ويه صديقاتي للمول
عصام : ههه ظريفه ديله رجعي لغرفتج بنيتي
يسر : مو بكيفك اهلي قبلو انته شعليك
عصام : مم لعد اذا هيج اني اجي وياج
يسر : ليش يمه !
- متروحين وحدج واذا حبيتي تبقين يم صديقاتج عادي بس مجرد اجي اني حته لو اكعد بعيد عنكم ، اوصلج حته ..
- اوك خوش فكره
" الطريق كله بقوا يتشاقون ويضحكون "
- تدري مجنت اعرف انته هيج حباب لعد ليش بس نتناكر احنه
- احب اتناكر
- ههه الله يساعد جنات
- لا اتناكر بس ويه الاحبهم
- 😐 ، تره جملتك تحير
يعني متحب اختك ؟
- لتصيرين ثولة 😏
- قصدك مثلك ؟ 😌
- نجبي
،
" من رجعوا "
- شكرا عصام وصلتني والله اتونست هوايه صار هوايه مشايفتهم
- يسر بقالج شكد وتتخرجين ؟
- سنة هيه الاخيرة
- شنو طموحج ؟ مفكره او مخططه لشي ؟
- طموحي عادي اتخرج واشتغل
- ممفكره تطلعين بره
- ماكو طريقه اطلع بيها
- واذا كتلج اكو ؟
- شلون 😐
- بعدين اكلج يله نزلي داقفل
- 😒 ، زين
- روحي بدلي وارتاحي وبعد ساعه تعاي بلحديقة
- اوك بيباي
..