بوابة امل

الجـزء التاسع

جانت تسمع صوت حجي عالي وصياح
ومسمعت بس صوت بجي امها
وبعد الهوسة والصوت العالي صار هدوء
بقت فترة تنتظر و تفكر شصار ؟
طلعت ..
- اهلي وين ؟
شنو صار ؟
اني وين ؟
تمشي وتحجي ويه نفسها لحد موصلت للسيارة
صفنت ومعرفت شتسوي
اول فكرة جتي ببالها تاخذ التلفون وتمشي
بما انو السيارة بعد متصلح للسياقة لان بنچرت تايراتها من الضرب العشوائي عليهم
اخذت جنطة ايدها و التلفون وبقت تمشي
تعبت .. عطشت .. جاعت و ماكو اي شي يمها
چولة وتمشي بوحدها والدنيا بدت تصير ليل
لحد ما شافت اب وبنته صغيره يمشون .. شافوها !
- عفية الله يخليكم بس مي .. ( تحجي و تتلعثم بلحجي و حلكها يابس )
اخذها الرجال ووياه بنته وراحو لبيتهم
بيتهم جان بيت قروي عادي بسيط و بي ضوه واحد من بره وداير مدايره ظلام ..
جابولها مي ..
- هاج بنتي اشربي مي ، وين اهلج منين انتي عندج احد نخابره ؟
- يسر تباوع عليهم .. الاب الام الجهال كلهم صافنين عليها عبالك كائن غريب اجه الهم وكاعد ببيتهم ،
اني ...
اهلي ..
وبجت يسر
- شبيج بنيتي شبيهم اهلج ؟
- كتلوهم ... اخذوهم ، ما ... مادري !
- منو اخذهم
- داعـ.. داعش .. ( وترجف )
الاب يرجع شويه ليوره وع وجهه علامة ذهول ! ، يطلع من الغرفة وتبقه يسر يم الام والبنية الصغيره و بقيه اخوانها الثنين
البنت جانت اكبرهم وحبت يسر كلش ، جتي كعدت يمها و تلزم ملابسها وشعرها ويسر صافنه متعرف شراح يكون وضعها