ياقلبي لماذا؟
لماذا تصرخ وتبكي؟
الا يكفي ماحدث؟ لماذا لا تنسا من طعنك وحرقك الف مرة ؟ اااااه يالمي... نحن النساء نتضاهر بالقوة وعدم المبالاة امام الناس ولاكن داخلنا كالزجاج المحطم الف قطعه. نتضاهر باننا لم نتأثر ولا نكترث ولاكننا نسهر الليالي ودموعنا تسيل .. تجري على الخدود وكانها قطرات نار ولاكننا لا نشعر بالمها لان نار قلوبنا اقوى واكثر الماً.
لاخبركم قليلا عن المي ....عن ... عشقي... نعم فانا لم احب في حياتي رجلاً بل عشقت! عشقاً قادني الى معانا...
دخلت الى منزل وانرت الاضواء... نضرت الى ذلك المنزل الذي كان جنتي والان اصبح جحيمي.... ههه الان فهمت ما معنى مقولة: الحياة مراحل . فتحت باب غرفتي ونضرت حولي.... كل ما نضرت الى شيء فيها اتذكره اتذكر كيف كان يضحك فيها يصرخ فيها يبكي فيها وتذكرت كيف... كيف كان يتوسل فيها... وعادت بي الذاكرة خمس سنوات للوراء....
قبل خمس سنوات....
واخيييييرااا سوف اعود الى العراق! بعد فراق ١٥ سنه سوف اعود. حسنا لاخبركم على حياتي....
اسمي روبي واعشق هذا الاسم لانهم اخبروني بأنه هوه من اختاره لي... (عشقي) ساخبركم عنه لاحقاً... حسناً انتقلت مع والدي من ١٥ سنه للعيش في امريكا لان والدي كان يعمل هناك كثيراً وايضاء لان الاوضاع في العراق ساءت كثيرا حينها. نحن نعتبر من اغنى العوائل من بين اقرباءنا فابي تاجر ناجح ورجل اعمال معروف. اما انا فدرست وتخرجت واصبحت محامية. وايضاء لدي مكاني الخاص في القانون الدولي. اما والدتي فتوفت يوم ولادتي لذلك ليس لدي الا ابي. وعلاقتنا قوية جدا فنحن كالاصدقاء....
في الخامسه من عمري كنت لاازال اعيش في بغداد وتحديدا في منزل عمي. بسبب سفر ابي الدائم... كنت اعيش مع عمي وزوجته واولاده وجميعهم كانو ولا يزالون في غايه اللطف كنت اشعر حقاً بالراحة وانا معهم. بأستثناء واحد... الابن الاكبر لعمي شاهين! كنت دائما اتشاجر معه لم يكن يسمح لي بالخروج من المنزل بمفردي وعندما افعل هذا يصرخ بي ويعيدني الى البيت. كان يكبرني بعشر سنوات. كنت دائما اضربه بالحجار واقول له بأني اكرهه واتمنى ان اتخلص منه. وللاسف تحققت امنيتي وسافرت ولم اراه منذ ذلك الوقت. كطفله كنت اشتاق له كثيراً لانه اكثر شخص كان يلعب معي كانت صوري كلها معاً وايضاً لدينا البوم خاص بصورنا.. ولاكن بعد سفري بفتره.. لم اتحدث اليه لانه انشغل بحياته وانا انشغلت بدراستي... بعد مرور سنين وجدته مرة اخرى عن طريق الفيس بوك. وجدت بعض الصور الخاصه به... لا اعرف ما السبب الذي جعلني احتفظ بجميع صوره حينها وكنت اشاهدها كل يوم لقد كان رجل جذاب وساحر!! شكله عيناه جسده لون بشرته السمرااء صوته المخملي... في الحقيقه انا اعشقه!
واليوووم اخيرا سوف اراه...
كان عمي في المطار ليستقبلنا...
- الحمد لله على السلامة.. شلوونكم
- الله يسلمك الحمد لله
- شلونج روبي؟
- الحمد لله كلششش زيينة هسه يلا خل نروح بسرعه لبيت خاله ام شاهين كلش مشتاقتلهه
- ههههه هيه هم خبصت روحهة ممصدكة راح تشوفج بعد كل هاي السنين...
- حبيبتي فديتها غير هيه امي الثانيه!
- هههه يلا امشو امشو
واخيرا وصلنا الى منزل عمي... كانت عيناي لا تبحث الا عنه تشتاق لرؤيتة وقلبي يدق كسرعه البرق لا يستطيع ان يصبر حتى يراه...
كانت زوجة عمي واولاد عمي ينتضرونا عند الباب وهوه كان يقف خلفهم لذلك لم استطيع ان اراه جيدا... ترجلت من السيارة وركض الى زوجة عمي....
- خاااااالةةة حبيبتيييي شلونج
ارتميت في حضنها وسالت دموعي لا اراديا... انها كانت دائما بمكان والدتي كانت دائما ترعاني انها ذو القلب الحنون اي نبع الحنان!
رحبو بي جميعا بفرح وهوه ايضاً ولاني كنت امزح كثيراً معه عندما كنا صغار، اردت ان اكرر ذات الشيء الان لذلك ترجلت لاقف امامه.... ولاكني لم استطيع التحدث ادركت حينها بأن كل شيء اختلف بيننا... اصبحت نضراتي اليه نضرات عاشقة... بقيت احدق الى عينيه.... وبدون ان ادرك ماحدث شعرت بيده تضربني على رأسي بخفة وقال: ولج سالمين شنو انكطعت الشبكة مالتج؟ شو فصلتي؟... ثم نضر بغرور وقال: خاف هذا جمالي دوخج مو ؟ ههههه
- ههههه ولي لك بس..اااةة تذكرتك من جنت صغير شلون جنت اجكم وهسه شلون صرت... وقاطعني وقال: صاك
- ههه لا تخرع قصدي
- امشي لج ام خشم وين تلكين مني اني اخر نسخه هههههه
- كام يفيك اصلا انته نسخه الاخيرة لان اجكم بقوك قطعه نادرة هههههه
نضر الي بغضب ثم قاطعنا عمي: يلا كافي ولكم لتتكافشون ههههه.
دخلنا الى الداخل وكانت زوجة عمي قد حضرت وجبتي المفضله (الدولمة) وجلسنا نأكل سويا وجلس هوه بجانبي....
- على كيفج مو تاكلين ايدي بالغلط
لم اعلق بشيء واكفتى هوه بنضره حادة مني.
عندما انتهينا من الطعام جلسنا كلنا في الصاله نتبادل الحديث... لم اكترث لما كانو يتحدثون لاني كنت منشغله باللعب معا اطفال اولاد عمي الى ان بدأو بالحديث عن شاهين .... وقال ابي: اي شاهين ليهسه ماكو مشروع زواج؟ شو انته اكبر اخوتك وليهسه متزوجت.... وقال عمي: اهااا وبما انك اجيت للعراق اجلنة خطبه شاهين لدينا لحد متجي وتروح ويانة نخطبهه!
ياللهي سيخطب؟؟ كما وانهم صفعوني بقوه شعرت بقلبي يحترق بشده. تمالكت نفسي لان دموعي كادت ان تسيل.... سيخطب ابنه عمي الاصغر دينا؟؟ هل يحبها؟ هل حقا يريد ان يكمل حياته معها؟ ...
قال ابي: الف مبروك لعد الله يتمم على خير شوكت نروح؟
اجاب عمي: بعد سبوع
- زين انتو سألتو البنيه يعني موافقه لو بعدهي متدري؟
- يعني كلنا لابوهه وكال من نجي نطلبهه نعرف اذى موافقه لو لا.
- ان شاء الله خير
حاولت ان اخفي حزني ونضرت الى شاهين متصنعه الفرح وقلت: هممم يعني واخيرا راح نخلص منك وتتزوج. شجنت منتضر كل هاي الفتره شو صار عمرك ٣٠ سنه ولهسه ممتزوج.
نضر الي بتمعن وقال: جنت انتضرج....
اندهشت مما قاله وقلت: ااةة و... منو كال اقبل بيك؟
ضحك بسخريه وقال: ههههههههه ومنو كلج اني اريد اتزوجج بس لان يوم عرسي ممنوع اصتحاب الاطفال. هههههههه.
- لعد ميصير تتزوج هسه لان ميخلوك تطب. بعدك طفل هههههههه.
نضر الي بغظب وقال: منو طفل ولج؟
نضرت اليه بنضرة بريئه وقلت بصوت منخفظ: انته. وقبل ان يفعل شيء ركضت بسرعه الى غرفتي وانفجرت ضاحكة....
بقيت اضحك بصوت عالي الى ان وصلت الى غرفتي وسرعان ما تحول ضحكي الى بكاء... لقد عشقته كل هذا الوقت واخيراً عندما اراه مره اخرى يتزوج بآخرى... لماذا لما يحدث هذا معي... كم كنت غبيه لم ادرك بأن حبي له من المستحيل لان لا احد سيوافق على هذا بسبب الفرق الكبير بيننا.... فرق السن والحاله الماديه. لاني اعتبر اغنى منه بكثير وان تزوجت به سيقولون بأنه تزوجني من اجل المال وبأني من سيصرف عليه ومن هذا الكلام... حسنا لا يهمني الكلام ولاكن كل شيء كان سيقف ضدنا... ببساطه عشقي له مستحيل وانتهى الامر!
بقيت بضعه ايام في غرفتي لا اكلم احد ولا اراى احد. ادعيت بأني مريضه واريد ان ارتاح بضعه ايام. وبينما كنت جالسه على سريري سمعت صوته وهوه يطرق باب غرفتي...
- ممكن ادخل؟
- تعال...
- ها شلون صرتي؟
- احسن الحمد لله.
- زين يلا مادام صرتي احسن يلا بدلي وتعالي وياي بسرعه بسرعه.
- شنو وين ؟
- هسه دتعالي عاد يلا راح انضرج خمس دقايق جوة بين ما تخلصين. اذى تأخرتي ثانيه اموتج يلا بسرعه.
خرج من الغرفه وارتديت ثيابي بتكاسل. لقد كان هوه اخر شخص اتمنى ان اراه... نزلت الى الاسفل وكان هوه بأنتضاري. لم يخبرني الى اين سنذهب واصطحبني الى سيارته. وبعدها اتجهنا الى المركز التجاري الى ( مول المنصور) فهو من افخم مراكز التجاريه في بغداد.
- شوفي اني شلون حباب جبتج علمود اونسج شويه ادري بيج تتخبلين على المولات. اليوم يومج هههه.
- انته مستحيل تسويلي شي اذى متكون بي مصلحة الك. يعني يلا حباب كول بسرعه شتريد؟
- الصراحة الصراحة؟
- اي؟
- جبتج علمود تختارين وياي بدلة حلوة علمود باجر من اروح ونطلب ايد دينا.
لم استطيع ان اتمالك نفسي وانفجرت غاضبه عليه وقلت: اي واني شعليه متشوف شي انته على ذوقك جايبني من البيت وخبصه علمود هاي التفاهة اصلا انته واحد مزعج واناني ومتفكر بس بنفسك. واني اساساً غلطانه لان اجيت وياك.
ثم تركته واتجهت الى باب الخروج. كنت اريد الهرب منه لكي لا يراى دموعي ولاكنه كان اسرع مني فاستطاع ان يمسك بيدي....
- روبي روبي اني اسف صدكيني مجنت اتوقع راح تتضايقين هيج زين بلاهه البدله ماريد شي تعالي خل نكعد بمكان ونحجي بي على كيف.
- ماريد اكعد وياك اريد اروح للبيت. رجعني للبيت احسن لك.
- مو على كيفج امشي وياي للحديقه هناك خل نتفاهم على كيف.
وشد دراعي معه الى الحديقه وجلسنا على احدى مقاعدها. ثم نضر الي بتمعن وقال: صحيح صارلي هواي مشايفج ولا حاجي وياج بس اني اعرف كلش زين. انتي مو مريضه ولا شي بس اكيد اكو شي صاير وصرتي هيج. انتي مو توثقين بيه كليلي حتى اساعدج لان ماحب اشوفج هيج.
- مابيه شي بس اكو شغلة صارت وياي خاصه وضوجتني كلش.
- زين شصار لو ميصير تكولين؟
- اني.... هفف ماكو شي لتسأل. اريد ارجع للبيت.
- يلا خل نروح لعد.
عدنا الى المنزل وذهب الى غرفتي. نضرت الى نفسي في المراءة... وجهي شاحب عيناي متعبتان وكل هذا بسبب من؟ بسبب رجل لا يستحق؟ لن اكترث له بعد الان. وانتهى الامر!... خرجت من غرفتي وذهبت الى غرفته. دخلت اليها دون ان اطرق الباب بينما كان هو يغير ملابسه.... كان قد خلع للتو قيمصه وبقيت انضر الى جسده وعضلاته البارزه... ثم تداركت نفسي وقلت: اااة عبالي ماكو احد بس الضاهر اجيت بالوقت الغلط هههه.
- وتضحكين بعد؟ شتسوين هنا شتردين؟
- هي هي على كيفك ابو الشباب ليش العصبيه. اجيت ادور عليك لان الصراحة الصراحة؟
- اي؟
- اريد اختار لك بدله تلبسهه علمود باجر.
ثم قلت بصوت منخفظ: امري لله.
- لعد مو اخذتج مول وخبصه نشتري شي جديد جايه هسه تحجين. ثول.
- دولي مو صوجك صوج الي جاي يقدرك ويساعدك. لعد حير وحدك بلكي متعرف تختار شي بي خير علمود اضحك عليك باجر ههههه.
- تعالي لج. وين فالته. مصدكتي!
- اي هيج تعدل وقدر النعمه الي انته بيهه. روبي شخصياً جاية تساعدك وتختارلك على ضوقها.
- ياستار!
ترجلت الى خزانته بقيت افكر جيدا بما سيرتديه. وهو كان يراقبني طوال الوقت صامتاً. واخير قرر ان ينطق بشيء وقال: اكلج انتي من جان عمرج ٥ سنين وطلعتي من العراق و١٥ سنه انتي بامريكا وليهسه تحجين عراقي عدل شنو سالفتج؟ يعني اني اعرف ناس بس راحو لغير دوله سنتين نسو العراقي وكامو يفيكون ويحجون غير لغه.
- ههههه مو جنت احب العراقي كلش وبابا ٢٤ ساعه يحجي عراقي وهم ٢٤ ساعه نتفرج على قنوات عراقيه. اخبار مسلسلات مسرحيات كله عراقي.
- هم زين لان لو متعرفين عراقي جان ضحكو عليج.
- لا لتخاف اعجبك اني.
ثم اقترب مني ووقف امامي وقال: طبعا تعجبيني.
وضعت يدي على جبينه برقه واقتربت منه الى ان اصبحت انفاسنا تختلط ببعضها وقلت له بهمس: اي انته هم
ثم همس لي ايضاء وقال: هم اعجبج؟
قلت له برقه: انته هم شكلك مصخن. وانفجرت ضحكاً امامه.
بقيت اضحك وهوه ينضر الي بنضرات غاضبه واستطعت اخيرا ان اتوقف عن الضحك وقلت له: ولك مو عيب عليك راح تتقدم لوحدة وهيج تسوي.
ميصير ابني ميصير ههههههههههههههه.
- ولج اني اساساً جنت اضحك عليج اشوفج شتسوين اذى واحد كلج هيج.
- هااا تشوف شسويييي ايي صحيح. ههههههههه.
- اي لعد شعبالج قابل احبج. اصلاً اني راح اطير من الفرح لان باجر اطلب ايد دينا حبي الاول والاخير.
- ههه مبروك لعد.
خرجت من غرفته وعدت الى غرفتي. وللحضة ضننت بأنه حقا يكن لي تلك المشاعر. ضننته صادقاًً لان عيناه كانت تقول الف كلمة حينها. ولاكنني تداركت نفسي وقمت بخداعه بتلك المزحة لانه كان سيعرف كان سيشعر بي. والان طعنت من جديد لما قاله ههه وانا من كنت اريد ان ابدء من جديد وان انساه كيف سافعل هذا وانا ضعيفه امامه؟ ام انه فعلاً العشق. عندما نعشق احدهم لا نرى احد سواه لا نكترث الى احدا سوه. حتى قلوبنا تنادي مع كل دقه اسمه.... والعقل لا يصور صوره في بالنا الى صورته. ماذا سافعل؟؟! هل سابقى اصفق له واهنيه في يوم خطوبته وبعدها زفافه؟! اااه كم اتمنى ان اخطفه من بين الناس ونذهب سويا الى مكان بعيد لا يوجد فيه احدا غيرنا واصرخ بصوت عالي واقول انت عشقي!!
في اليوم التالي كان الجميع يحضر للذهاب الى بيت عمي الثاني من اجل خطبه دينا... لقد رأيتها مرة واحده عندما اتيت الى هنا وهذا كان في يوم الاستقبال. لقد جاء معضم افراد عائلتي ليزوروني حينها.
وصلنا الى بيت عمي واستقبلنا بفرح. كان الجميع سعيد بهذا اليوم الا انا. كان يوم تعيس بالنسبة لي... عندما جلسنا في الصاله بدء ابي في الحديث وفتح الموضوع....
- اخويه اليوم جايين نطلب ايد بنتك دينا على سنا الله والرسوله لابنا شاهين. شتكول موافق؟
- والله اني عليه موافق شاهين رجال معدل وماكو منه بس القرار النهائي يم البنيه توافق او لا.
- لعد صيحو البنيه خل نسألهه.
نادو على دينا لتأتي الى الصاله من اجل الموافقه... كم كنت اتمنى بأن يوقفو هذا الطلب كم كنت اتمنى بأن اصرخ بهم واقول لهم لا شئن لكم به انه لي انا! في تلك اللحضات شعرت حقاً بأني عاجزة عن الكلام كنت اجلس كالمتجمده لا استوعب مايحدث امامي.... دخلت دينا الى الصاله وسألوها مرة اخرى ان كانت توافق على الزواج بشاهين....
- ها دينا حبيبتي موافقه تتزوجين شاهين؟
- اااة م...مامواقفه.
صدم الجميع من ما قالته لا نصدق ما سمعناه... هل حقاً لا توافق؟؟!
سألها عمي مرة اخرى ليتأكد من ما قالته..
- بنتي شكلتي موافقه لو لا ؟
- لا اني اعتذر.... عن اذنكم..
غادرت دينا بسرعه من الصاله وبقي الجميع مصدوم من ما حدث... بقيت انضر الى شاهين لاراى ان كان حزين فعلاً ولاكنه عادتاً لا يضهر حزنة امام احد. اما انا فكنت مصدومة حقا. لا اعرف ان كنت اشعر بالفرح او بالحزن...
كسر ابي حاجر الصمت وقال:
- يلا لعد الحمد لله على كل حال المهم البنيه تكون مرتاحة وماكو اي مشاكل.
- لا طبعا الله لا يجيب المشاكل بينا.
قال الجميع: امين.
وبعد برهه خرجنا من منزل عمي لنعود الى البيت وقال شاهين: روحو انتو اني راح افتر شويه بالسياره واجي ليضل بالكم...
ذهب هو باتجاه سيارته ونضرت الى والدي وقلت: بابيي خل اروح ويا حباب ميصير نعوفه هيج بهاي الحاله. خطيه.
- لا بنتي مترحين يجوز يريد يبقى وحده شويه.
- اي ميخالف تدري اني وياه دائما سوه خل اواسي احجي ويا شويه.
- ديلا روحي اذى قبل ياخذج وياه.
- هههه لتخاف!
ذهبت بسرعه الى سيارته وركبت فيها.. نضر الي بأستغراب وقال: سالمين وين جايه؟
- وياك.
- روحي صعدي وياهم اريد ابقى وحدي.
- اي عيني وانته الملك حتى تصعد بسياره وحدك واحنا كليتنا بسياره وحدة مو. امشي امشي اصلاً همه راحو اركض وراهم؟.
ثم صرخ علي: اهوووو هسه انتي شجابج شتردين بكلشي حاشره روحج يعني حتى اذى اريد ابقى وحدي ميصير لازم تطلعين انتي وراي؟
بدءت دموعي تسيل من شده غضبي بسببه وصرخت به: صوجي اني اجيت اواسيك وماكدر اعوفك وحدك بيهيج حاله وطلعت حقير ومتستاهل مو مال واحد يخاف عليك ولي انته وسيارتك اشبع بيهه.
خرجت من السيارة ومشيت بسرعه لكي لا يلحق بي... سمعت صوته يناديني ولم اجبه كنت حقا غاضبه حينها! لم يصرخ عليه احداً هكذا من قبل.
اثناء سيري شعرت بيده تشدني من ذراعي بقوة لكي توقفني
- وين طايره بهالليل وحدج يلا امشي وياي.
- كتلك ولي من يمي.
- لتكولين ولي وامشي عاد.
- ها تعصبك ولي مثلا؟ وانته من تصرخ عليه بحجي مدري شلون عادي يعني شكو بيهه مو؟ انته ششايف نفسك فوك مداساعدك واخاف عليك انوب هيج تسوي.
زفر بقوة وقال بصوت منخفظ وهوه يمسك بذراعي: اني ماريدج يمي! افتهمتي هسه؟ اني اريد اتهرب من يمج.
- ههه هلكد تكرهني؟
- اهوووو ماكرهج اني ما.كر.هج اني ا..... يلا امشي سدي الموضوع!
- لا احجي انته شنو؟ خلينا عاد نحجي كلشي ونخلص من هاي المشاكل وكلي خلي كل واحد يكول الصراحة للثاني وخلص. يلا احجي اسمعك؟
- روبي كافي عاد امشي ماكو شي ينحجي.
- لا اكو اكو هواي هم. يلا احجي اسمعك؟
- هسه شتردين يعني اكلج؟ اي اني احبج واحبج من زمان هم اي واني اتهرب منج لان ادري مستحيل احد يوافق اي اني جذبت من كتلج احب دينا.
ياللهي هل.. هل هو.. ايضاً يحبني؟ هل كان يعاملني هكذا لانه لا يريد ان اعرف بحبه. هل ماسمعه حقيقه ام يخدعني مثل ما فعل من قبل؟
- اا... انته شتكول؟
- الي سمعتي. بس انتي اكيد متوافقين ولا ابوج لانج محاميه وعندج شغلج الخاص وحياتج الخاصه الي اشكالي ممرغو.....
قاطعته وقلت: اني هم!
- شنو؟ شنو انتي هم؟
مسحت دموعي وقلت: اني هم اعشقك مو بس احبك ومن زمان هم! بس مكدرت اكلك لانك جنت راح تخطب وعبالي تحبهه و....
قاطعني وقال: ههههههه كولي والله تحبيني؟
قبل ان انطق بشيء حملني الى الاعلى ودار بي وقال بصوت عالي: احبببببببججججج!!
- ههههههههه كافي ولك نزلني.
انزلني ثم احتضني بقوه
اول مره اكون قريبه منه هكذا... كنت اسمع دقات قلبه المتعاليه.... احتضنته بقوه اكثر لاشعر بدفئه اكثر كنت اشعر حقا بأمان هكذا.... تمنيت بأن يقف الوقت بنا هنا وانا بين ذراعي حبيبي وعشقي!
ذهبنا للجلوس في احدى الحدائق وهوه لا يزال يمسك بيدي... وقال لي: تدرين شنو اريد؟
- شنو؟
- اريد اغنيلج.
- اي اي اي غني يلا.
نضر بتمعن الى عيناي... وبدء بالغناء:
ذهب ذهب معدنك في عيني ويا عز الطلب
معدنك يغنيني في هذا الكون عن كسب الحلي.
لو يزعل العالم بتبقى في نضر عيني ذهب
يوم المعادن ما اصلحت الايام تطليها طلي
غلاك نقش السومري الي وسط قلبي انكتب
كل نا خفق قلبي يطيرلك حمام بابلي
واذا سألوني الناس عن حبك اقول بلا سبب
ماهو ضروري اقنع العالم بشي جازلي
.....
وانا عليك اغار وان حرك طرف ثوبك مهب
واغار من كف الهوى لا شال عطرك وانت لي
يا اصدق من عيوني اذا هالكون بعيوني كذب
يا مبتدأ يا اخري يا اوليي.
