عندما انتهى الزفاف اتجهنا الى الفندق الذي سنبقى به يوميان ومن بعده سنذهب الى امريكا!
- اااااة روبييي كلش فرحان كلش!! احبج واحبج واحبج واعشقج!!!
-هههههه واني احبك واحبك واحبك واموت عليك!
- بس شلونه الفندق؟ حلو مو؟
- اييي كلش هذا الشراتون مو؟
- اي اشهر فندق بالعراق.
ثم نضر الي نضره مكر وقال: حتى يكولون بي جرباية تخبل كلش مريحة.
- هههههههههه امشي لك بدينا بقله الادب.
- هههههههههه شوف شوف اني وين افكر وانتي وين تفكرين. اني قصدي يعني ننام عليها كلش مريحة مو هذيج الشغله البالج. صفي النيه.
احمر وجهي بسبب ماقاله فضربته بخفه على صدره وقلت: ولي بعد ماحجي وياك.
شدني اليه واحتضني وقال: تعالي لج اشاقه وياج. زين انطيني بوسه هيج بسكوت؟
- اممم لاا!
- مو اخذها اني؟!
- امم زين غمض عيونك لان استحي.
- فدوة تستحي. يلا غمضت.
دفعته بسرعه للخلف وركضت الى الحمام واغلقت الباب خلفي. وانا اضحك بصوت عالي.
- هاي ليش ولج اني اعلمج قابل راح تبقين بالحمام.
- هههههههه ايييي تره كلش مريح حتى بانيو بي عود ابات هنا.
- طلعي لج.
- ما ما. خاف تفترسني.
- ممم اوكي بكيفج اصلاً كلت لخدمه الغرف يدزون اكل بعد شويه. ابقي بالحمام اذى تردين.
- همم والمطلوب اصدكك؟
- بكيفج لتصدكين
ترجل هو الى الصاله وبعد خمس دقائق طرق احدهم الباب وكان فعلاً من خدمة الغرف واحضرو الطعام لنا.
- اااااام شلووون اكل طيييب. على عناد ناس حابسه روحها بالحمام..... الله طيب طيب وحاااار اويييليي حتى كنتاكي جايبيين....الله يسلم على القلب.
- ههههههههههههههه لك خبييييث بقيليييي.
- ههههههههههه تعالي اكلي وياي مراح اسويلج شي تعالي.
خرجت من الحمام وجلست امامه. وبدءنا بالاكل وكان هو لم يلمس اطباق الطعام بعد....
- يا لوتيييي اصلا مضكت الاكل.
- ههههههه شلون اكل والقمر بعده مجاي.... بالعافيه حبيبتي.
- امم الله يعافيك. تره كلش طيب. افكر ابقه هنا فد شهر.
- اي خاطر نرجع كناتير مو بشر.
- ههههههههه لا عيني اني رياضيه ماسمن بسرعه.
- خل نشوف بعد كم سنه... بس لا ولج ديربالج تسمنين تره اطلكج! حتى اذى تحبلين ماريد اشوف كرشج.
- لا والله وين اودي مثلا افشه للطفل علمود ابو ميقبل؟
- ههههههه مش مشكلتي. هوه خل يجي حتى على الكاع ماخيلج تمشين.
- هههههه ان شاء الله... بس اكلك. وين الجنطه مال ملابس اريد انزع الفستان خبلني.
نضر الي مرة اخرى بتلك النضره وقال: تره اني هم اكدر انزعج اياه!
نضرت اليه بنضره حادة وقلت: اتلم ياواد.
- اهووو بابا صفي النيه قصدي السحاب طويل مراح تكدرين تفتحي غير اساعدج.
- هاا السحاب اي صحيح. بس لا شكراً ايدي اطول اني افتحه.
- اي لعد بكيفج. بس صفي نيتج شويه.
- ها يعني من تباوعلي هيج شراح يجي ببالي مثلا؟
- مو هاي النضره البريئه مالتي. ههههههههه.
- ايي خطيه كلش بريئ انته. سوده عليه. ههههههه. على كولة بابا... اجكم! ههههههه. والله شتاقيتله. حبيبي شمسوي هسه.
- عادي يتعود لتخافين.... يلا كومي خل نبدل....
- يلا.
ذهبنا الى غرفه النوم وكانت الحقيبه هناك. اخذت الملابس منها وهوه ايضا ثم بدء هوه بتغير ملابسه امامي.....
- هي هي اوكف وين وين؟
- سالمين شكو؟
- شنو شكو؟ روح بدل ملابسك بالحمام.
قال ببرود: ليش؟
- باع هذا يكلي ليش؟ شنو جاي تبدل كدامي؟
ذهب ووقف خلفي وقال: اوكي خل ابدل وراج لعد. هههههههه.
- اهوو مو صوجك خل اطلع اني.
اتجهت الى الباب فسبقني واغلقه. ثم اقترب مني وهمس لي: ترة عادي صرت زوجج يعني ابدل كدامج تبدليين كداميييي.
- دفعته للخلف وقلت: لا حباب شكراً. الجناح جبير الحمد لله.
خرجت من الغرفه وضحك قليلاً كم هو مجنون بصرفاته. وكذلك جذاااب ايضاً. كل ما اقترب مني اشعر بحرارتي ترتفع كثيراً واشعر بالبرد في ذات الوقت!
اتجهت للحمام لاخلع الفستان.... اااااة لااا ياللهي. ماقاله كان صحيح السحاب كان طويل فعلاً ولم استطيع ان افتحه. بقيت احاول واحاول الى ان مللت وناديته....
- شاهييين!! تعال بسرعه.
ركض هو للحمام وقال شكو شبيج؟
- تعال افتح السحاب نرفزني مينفتح.
- هههههههههههههههههه مو كتلج بس انتي تعاندين.
- اهوووو يلا افتحه.
اقترب ووقف خلفي ابعد شعري من على ضهري وامسك بالسحاب وبدء بفتحه. كان يفتحه ببطء شديد... شعرت بحرارتي ترتفع مره اخرى بسبب لمساته على ضهري... بعد ان انتهى من فتحه بدء بتمشيه يده الى اعلى ضهري ببطء وانا كنت كالمتجمده لم استطع ان اتحرك خطوه. ثم اقترب من رقبتي وبدء بتقبيلها برقه... استدرت اليه كالمخدره واستجبت معه ولاول مره قبل شفتاي. كان قبلاته رقيقه ولطيفه جدا وفي كل ثانيه تقوى اكثر.... وفجأه تداركت الامر عندما سقط فستاني ابعدت عنه بسرعه وامسكت بفستاني مره اخرى...
- اااة شكرا على السحاب ممكن تطلع اريد ابدل!
- احم اخذي راحتج.
خرج من الحمام واغلقت الباب بسرعه.... ياللهي مالذي فعلته. هل انا ضعيفه لهذه الدرجة امامه؟ كنت حقاً كالمخدره. حسنا... هذا من الطبيعي اني يحدث بيننا ولاكن... اخاف كثيراً من هذا... لا اريد ان يحدث هكذا بهذه السرعه... علي اولاً ان اعتاد على ان اشارك حياتي مع رجل لذلك اتمنى ان يتفهمني.....
بدلت ملابسي وخرجت من الحمام... كان هوه يتمدد على السرير ويشاهد التلفاز...
رفع الغطاء واشار بأن أتي للنوم بجانبه...
نمت بجانبه وقبل راسي وقال: ارتاحي ونامي زين ادري بيج تعبتي اليوم.
- شاهين اريد اكولك شي... على الي صار قبل شويه....
- اشش ماريد اسمع شي.. بس اريدج تعرفين انو اني ابد مراح اجبرج على شي كلشي يجي بوقته. لتخافين. كل الي اريده تبقين يمي لاخر يوم بعمري.
ابتسمت وقبلت خده وقلت :اعشقك!!
كانت ليله رائعه منذ بدايتها الى نهايتها! كنت في الصباح خطيبته وبعدها علم العالم باكمله باننا اصبحنا ملك بعضنا اصبحنا زوجين امام الجميع. من الان سامشي بجانبه وانا متأكدة بأنه لي انا. انا فقط من احادثه انا فقط من اقترب منه. انا فقط من اقبله!
في اليوم التالي ودعنا عائلتنا وودعنا بغداد الحبيبه واتجهنا ليلاً الى المطار...
كانت لحضه صعبه علي عندما ودعت والدي. بقيت ابكي طوال الوقت وهو وشاهين يهدأني ولاجدوى. لم تكن اول مرة اسافر بها بدون والدي ولكن هذا المرة كانت مختلفه جداً ومن شده حزني لفراقي لولدي، بديت اصب غضبي على شاهين طوال الرحلة.
- اهئ اهئ اصلا كلة من وراك اكرهك اكرهك. لو ما تزوجنه مجان عفت بابا حقييييييير كلة من وراااك اهئ.
- اشش حبيبي كافي يعني شسوي هسه؟
- اريد بابا.
- زين بعدين نخابرة وتحجين ويا. بس اهدي هسه عبالهم خاطفج اني.
نضرت الي كالطفله وقالت: سوري.
ثم اقتربت مني ووضعت راسها على كتفي واغمضت عينها لتنام... كم انا محظوظ بها. انها كالملاك اثناء نومها. واثناء حزنها كالطفله. وعندما تتكلم بشي مهم تتحول الى امراءة ذكية وعندما اغازلها تصبح امراءة ناضجة وجذابة. وفي وقت حزني تساندني كمسانده الام لولدها. هي حقاً عشقي المميز والابدي! هي ملاكي الصغير!
(امريكا)
خرجنا من المطار للتو وكانت هناك سياره بالخارج بانتضارنا... ركبنا فيها واتجهنى الى منزلنا الجديد....
كان في محافظه بوستن...
- الله شاهين هذا البيت كلش حلو وجبيير. حتى قريب على البحر!
- اهم شي يعجبج!
- كلش حلو يخبل. بس شلون اخذته؟ يعني قصدي هيج بيوت كلش غاليه!
- اجرته من عمي ودفعت لمده ٥ اشهر.
- من بابا؟ يعني هذا البيت لبابا؟
- اي. وهسه احنا اجرنا. بين ما الكة شغل زين ويتحسن وضعنا اشتري منه. وصير النه.
- هههه ان شاء الله. تره كلش مريييح ياااااااي.
- ههههه زين تعالي خل اشوفج ياه...
تجولنا في المنزل وكان ساحراً فيه حديقة كبييره وجميله جداً وايضاً الاثاث كان فخم للغايه. صعدنا الى الطابق العلوي. كان فيه ٥ غرف كبار جداً....
- شوفي هاي غرفتنا. لان احلى واكبر وحدة. وهاي بصفهه غرفه مال اطفالنه. شوفي شلون حلوة ونازكة. وباقي الغرف انتي تفكرين شراح نسوي بيهن. وبعد عندج طابق لاخ فوك بي بالكون هم. وهسه كليلي شنو رايج؟
- يجننن!! اساساً هاي ڤله مو بيت... بس تدرني شنو احلى مابي؟
- اي؟
- انو مفروش جاهز وكل شي. يعني يلا تعال خل ننام لان كلش تعبانه.
- ولج انتي بس تنامين حتى بالطياره كضيتيها نوم. متردين اكل اسوي على السريع لو اطلب اكل جاهز من بره؟
- لا الف عافيه اطلب الك اني ماريد شي بس انام هسه.
- ههههههه اوكي تعالي لعد من تكعدين نطلب اكل.
- اوكي.
ذهبنا الى غرفه النوم. دون ان اقول كلمة ارتميت على السرير وسرعان ما غرقت في النوم....
بعد ثلاث ساعات نوم استيقذت ونضرت حولي... ها ياللهي اين انا؟ لمن هذا الغرفه؟... وفجأه دخل هوه الى الغرفه ويحمل صينيه طعام وتذكرت ما حدث. انه منزلنا الجديد والان اصبحت متزوجة!!
- يلا اصحي شنو كل هذا نوم.
- ولك نسيت كلشي كعدت من النوم اباوع هيج اكول اني وين. من طبيت انته يلا تذكرت.
- خاف بيج جني؟ ههههه
- اي من شافك طار.
- طبعا غير اني الملاك.
- ايي فقييير انته كلش.
- ههههههه ولج هاي بدال ما تشكريني جايبلج اكل وخبصه تره اكله وحدي واعوفج.
- لا لا خلص تعال جوعانه... شنو انته منمت؟
- لا نمت بس منمت مثل فد ناس عبالك طبو غيبوبه مو قيلوله.
- هههههههههه.
....
- اكلك؟
- ها؟
- شنو رأيك نروح نفتر شويه نسوي جولة بالمدينه تره كلش حلوة بالليل؟
- اوكي يلا بدلي لعد.
- بس شلون الانكلوزو مالتك؟ خاف تطلع متعرف وتضحك عليه.
- امشي لج اصلاً اني من الصغر احب الانكليزي والحمد لله تعلمته توب.
- هههههه يلا امشي قبل لنتأخر
ذهبنا للتجول في المدينه التقطنا الكثير من الصور حينها... بقينا نتجول فيها لوقت متأخر وهو كان يمسك بيدي طوال الوقت... لحين عودتنا الى المنزل.
- ااااة كلش تعبت صارنا ٤ ساعات طالعين.
- اييي بس كلش حلوة المدينه كلشي بيها.
- ايي مو وضخمة. وبيها هواي عرب هم.
- اي انتبهت اكثر شي خليجيين.
- اي شفتهم شكد بيهم صاكي...
نضر الي بحدة وقال: بيهم هواي شنو؟
- لا هيج ماكو شي ااة احضرلك الحمام حتى تسبح؟
- ها عبالي كلتي شي. اي يلا حضري.
- على الاقل واسيني شويه وكول لا حبيبتي ميخالف انتي تعبانه ماكو داعي شي لو بدينا شغل سي سيد.
- ههههه انتي كلتي واني الصراحة مابيه حيل اسوي.
ثم اقترب مني وامسك بي وقال: اذى تردين نحضرة سوه ونسبح سوة؟
- اتلم ياواد....
- شوف شوف هم راح بالها بعيد بتموتي انتي فقله الادب؟
- هاا هم راح بالي بعييد اي بلا اطربني وكول شنو جان قصدك؟
- يعني قصدي اساعدج تحضري... ونسبح سوة يعني بنفس اليوم شبييج.
ثم نضر الي تلك النضرة الماكرة وقال: لو تردين غير شي؟
اقتربت منه كثيراً وهمست له: اي اريد..شامبو جديد ضد القشرة لان نسيت مالتي هههههههههههههههه.
قبل ان اركض امسك بي وقال تعالي لعد اني اعلمج. حملني الى الحمام وتحديداً اسفل الدوش...
- لا لا حباب لتفتح المي حباااب لاااا
- ههههه كان على عيني...
ثم فتحه واتبلت ملابسنا.
- اهووو اكرهك ولي!
- هههههههه اني هم اموت عليج.
في اليوم التالي وردتني رساله من صديق لي وطلب فيها ان اتصل به ....
- hey John
-? hey Rouby. How are you
- i'm fine and you
- me to darling... Mm i texted you about your husband... I find a new job for him.
- ?owh really? Where
- its a big company for car design. He have to come for a conversation with the manager and then they will see if he gonna work with them.
- yeah verry good send me the date of the conversation and i will tell him and thank you verry much!
- you welcome darling
- hey see you!
- bye bye.
ذهبت مسرعه الية وايقذته من نومه..
- شاااهيين شاهييين شااهيين شاااااهيين كوم كوم كوم بسرعه.
- خيير شكو البيت احترك شبيج من الصبح تصرخين فوك راسي
- اهوو ولك دكوم مو لكيت لك شغل.
فتح عيناه ونضر الي وقال: شنو؟
- هسه خابروني كالو اكو شركة تصميم سيارات تريد تحجي وياك علمود يشوفون اذى يقبلوك او لا.
- اهااا اوكي.
جاء يوم الموعد وذهب اليه... اما انا فبيقت انتضره في المنزل لحين عودته. كنت حقا قلقه ولم استطع ان اهداء الى انا وصل الى المنزل....
- هااا شصار ؟
صرخ بصوت عالي وركض نحوي وحملني وقال: باركييييليي باركيييلي قبلوووو!! راح اشتغل وياهم والراتب هم كلش زين.
- ههههههه حبيبي الف مبروك.
- ممصدك كلش فرحان الشركة كلش فخمة وحلوووة.
- ههههههه ولك صارلي ساعتين على اعصابي بس اريد اعرف شصار والحمد لله. بس ليش تأخرت هلكد ؟
- بعدين اكلج بس هسه بدلي بسرعه راح نطلع.
- وين نروح؟
- معليج بعدين تعرفين بس بدلي هسه بس اكشخي شوية.
- اوكيييي!
غيرت ملابسي وتأنقت قليلاً كما طلب . اما هو فكان في غايه الروعة لانه كان يرتدي بزة سودا وكانت غضلاته بارزة.... ذهبنا سويا الى مطعم فخم جدا..
- شنو رايج عازمج على العشا.
- ها عبالي راحين مدينه العاب مو هذا مطعم كبالي ششايفني غبيه ههههههه.
- شوف هاي. بابا انتي مال روماسنيه انتي مال احبسج بالمطبخ واخليج تثرمين ثوم وبصل واشغلج اغنيه شجابني على الضيم جنت مدللة .
- ههههههههههههههههههه. سوري عيني.
دخلنا الى الفندق وطلبنا الطعام... بعد ان انتهينا من الاكل.. احضرو كعكة لطاولتنا ومكتوب عليها happy birh day my princess.
نضرت اليها وتذكرت بان اليوم يوم ميلادي... كيف نسيت هذا اليوم....
- حبيبيييي شلون تذكرت يوم ميلادي والله ولا على بالي اليوم.
- ههههه حبيبتي كل عام وانتي حياتي.
اتت ايضاً فرقه عزف وعزفو لي موسيقى اعياد الميلاد وبدء جميع الناس في المطعم بالتصفيق لي. اما هو فاخرج علبه جميلة جدا من جيبه وقدمها لي... فتحتها وكانت فيها خاتم الماس...لم اصدق مالذي فعله من اجلي اليوم وكاننا في رواية وليس واقع... بدءت دموعي تسيل من شدة فرحتي...
- ااا.. ماعرف شكول...
- بس استمتعي!
عندما خرجنا من المطعم كانت لا تزال ابتسامه عريضه مطبوعه على وجهي... لم اكن سعيده ابدا كهذا اليوم.. ابي كان يفاجأني ايضاً في اعيد ميلادي ولاكن هذا اليوم مختلف... لان الرجل الي اعشقه يعاملني كمعامله والدي لي. شعرت معه حقاً بانني لم افقد والدي بل عوضني عنه بحنانه وبحبه. في كل يوم ونحن معاً اكتشف فيه شيء جديد واجمل.....
ترجلنا الى السياره وعدنا الى المنزل... عندما دخلت... كانت هناك مفاجأه اخرى... لقد زين البيت بالبالونات الورديه وورود وضعت على الارض بشكل رائع وموسيقى هادئه ايضاً... بقيت انضر بأندهاش حولي لما فعل... لم اعرف حقا ما اقول فقط التفت اليه فحضنته بقوة وقلت: اعشقك اعشقك اعشقككك!!!
- هههههه واني هم اعشقج واعشقج واعشقج لاخر نفس الي.... تعالي خل نركص سلو.
(روبي)
رقصنا معا على الموسيقى وبقينا نضر الى اعين بعض ونبتسم... لاادري مالذي يحدث معي عندما اقترب منه هكذا وانضر الى عيناه... اشعر بقلبي يرقص من الفرح.. ويصرخ باسمه مع كل نبضه...
(شاهين)
بعد ان خرجت من المقابله لعملي الجديد اليوم.. تذكرت بانه اليوم يوم ميلادها.... حجزت في المطعم واتفقت معهم بان يحضرو الكعكة والموسيقى.... ثم اتصلت باحد اصدقائي في بوستن وطلبت منه ان يحضر المفاجأه الاخرى في المنزل... رتبت لكي شيء بدقه لهذا اليوم... كنت فقط اريد ان افرح اميرتي في يوم ميلادها كما افرحتني هي بمساعدتي للعمل. كنت اعشق ان اراها سعيده ومبتهجة... واحب ايضاً ان اراقبها عن قرب... لذلك طلبت ان ترقص معي الان.. نضرت الى ملامحها السعيده... الى عيناها اللامعتان... امسكت بخصرها وبيدها الناعمه وقربتها الي... استنشقت عطرها الرقيق... بقينا نرقص معا ونحن صامتين. كانت فقط لغه العشق تتكلم بيننا... بالنسبه لي فروبي حقا مميزة لاننا نعيش معا في منزل واحد واشتاق لها في كل ثانيه...
- حبيبتي... اكو مفاجأة اخييرة كلش صغيرونه بعد.
- هم شنو بعد ماتحمل راح يغمه عليه من الفرح هههه.
- لا اسم الله تعالي اشوفج اياها.
اخذتها الى غرفتنا وفتحت الباب... كانت هناك ورود حمراء تملا الغرفه وعلى السرير ورود تشكل قلب كبير...
كانت هي تنضر باندهاش حولها... بقيت مبتسمه ولاتعرف ما تقول....اقتربت مني وقالت:للمرة الالف اكلك... اعشقك!
ثم قربتني اليها اكثر وبدءت بتقبيلي...
( روبي)
لم اكن اعرف ماقول له الان كنت اشعر بكثير من الانجذاب اليه بسبب ما فعله لذلك اقتربت منه وقبلته... تجاوب معي هو ايضاً وبدء بتقبيلي...قبل شفتاي وجنتاي رقبتي....وها قد اصبحت الان زوجته....
استيقظت من النوم بتعب وشعرت بيداه تحاوط خصري... ادركت بأني لاازل مجردة من الملابس تماماً حاولت ان ابعد يداه لاقوم ولاكنه استيقظ.. وامسك بي بقوة اكثر لكي لا اقوم.. قبل رقبتي من الخلف وقال: صباح العسل.
- ص..صباح النور...
حاولت ان اغطي جسدي لكي لا يراه لاني كنت اشعر بالخجل الشديد... لا اعتاد على هذا ابداً...
- ممكن تشيل ايديك وتغمض عيونك..
- امم لا مو ممكن.
- اهوو حباب
حضني بقوة باحكام اكثر ومهس لي: امم اساساً شفت كلشي. ماكو داعي تخجلين.
ااه شعرت بالخجل اكثر من ما يقوله وكنت اريد ان احطم رأسه بسبب ذلك... و من دون ان انتبه لتصرفي استدرت اليه لاكن الغطاء كان قد انزلق الى الاسفل اكثر ليضهر جسدي اكثر... امسكت بالغضاء بسرعه ودخلت تحته وقلت : اهوو ولييي من يمي ماريد اشوفك.
انفجر هو ضاحكاً وقال : هههههههههه خلص راح اكوم... بس طلعي من جوة البطانيه اريد اكلج في شي...
اخرجت رأسي بغضب وقلت: شكو؟
اقترب مني وهمس لي: احبج.
ثم نهض من السرير وبعد ان اخرج من الغرفه ذهبت بسرعه الى الحمام قبل ان يراني مره اخرى هكذا...!
بعد مرور شهر...
سارت حياتنا بشكل طبيعي كأي زوج وزوجة ولاكننا بالطبع الاجمل لاننا كنا وسنبقى كالعشاق. هوه بدء بعمله الجديد في شركة السيارات وانا قررت بأن اعود الى عملي.. اي المحاماه. عدت الى مكتبي الخاص وعدت الى العمل الجاد مرة اخرى. في الحقيقه اخذت اجازة طويله منذ ان سافرت الى العراق. لقد مرت ثلاثه اشهر على اجازتي ولقد حان وقت العوده... وهكذا استمرت حياتنا... بقيت اراقب نجاحات شاهين واحده تلو الاخرى وكيف كان يبني نفسه ببراعه وسرعه... كان يترقى من مكان الى اخر الى ان اصبح رجلاً معروف وغني جداً... كنت افتخر به واسانده دائما وكذلك والدي لقد كان معجب كثيرا بشطارته في عمله وفي المكان الذي وصل اليه...
- حبيبتي اليوم بالليل جهزي روحج لان معزومين يم صديقي بالشركة.
- اهوو وانته هسه جاي تكلي مكلت البارحة لو اله بنفس اليوم.
- سوري حبيبتي نسيت جنت مشغول.
- سوري عيني نسيت شغلك اهم مني... خلاص روح وحدك ماجي.
- شبيج هيج تحجين شنو شغلك اهم شنو روح وحدك؟
- لعد شنو مو شغلك اهم مني صار حتى مدنكعد سوه شويه دائما ماشوفك ومن اشوفك تبقى مشغول. حتى وقت اليه ماعندك.
- يعني شنو تذبين الصوج عليه لعد انتي مو هم مشغوله عني دائما.. كل ماجي للبيت الكاج تشتغلين بقضيه... وحتى سلام ماكدر اسلم عليج. بعدين اساساً ليش هلكد تشتغلين وتعبين نفسج.
- ايي شتغل سي سيد خوب كول اريدج تبطلين وتديرين بالج عليه وبعدين اطفالنه. مو هيج تريد.
- وينهم اطفالنه. صارلنا سنه متزوجين وليهسه مفرحتيني وكلتي اني حامل.... بعدين منو كال اريدج تبطلين اني علمودج خاطر لتعبين زايد بالشغل.
- والمطلوب هسه شنو؟
- ممكن تهدين شويه؟
- ليش شايفني جاي اكسر بالبيت؟
- احجي عدل وياي.
- من انته تنتبه على اخطائك اني احجي عدل.
- لا حول ولا قوة اله بالله. ترة ماكو داعي كل هاي المشكلة بس علمود مترحين للعزيمه بس كليلي ماريد اروح وخلاص اعوفج على راحتج ومن روح.
- لا ليش روح روح وشوفلك وحدة من اليشتغلن يمك واخذها وياك ليش اني.
- اهااااا هيج السالفه...
اقترب مني وامسك بفكي وقال: يعني اميرتي تغاار عليه لان اكو بنات يشتغلن وياي هههه. ولج ثولة لو يجيبون ملكة جمال العالم يمي هم ماتملي عيني وحدة غيرج.
بدء بدغدغتي وقال: غير انته الروح مال اني...
- هههههههه كافي! اهو شكد مزعج لازم تضكني.
- طبعا ماكدر اخلي امرتي زعلانه من شي. ولخاطرج مراح نروح للعزيمه اليوم وراح نبقى سوه وشتردين نسوي نسوي. شنو رأيج
- اااممم اوكي.
- اريد بوسه بالاول حتى اقتنع.
- هههه اجكم.
قمت بتقبيله وقلت: اقتنعت؟
- لا بعدني دافكر.
- هههه خبيث ولي.
- هاا تره اروح.
- لا لا خلص
قبلته مره اخرى وقلت: هسه اقتنعت؟
- ااامم يعني شويه.
- هههههه ولي لك.
حاولت ان اركض بسرعه الى غرفتي لاكنه امسك بسرعه وحملني
- لاا عوفنيي... تره اخابر الشرطه عليك هههههه.
- هاا صار بيها شرطه اني اعلمج.
- هههههه هاي شبيك ترة اشاقه عوفني حباب.
- هه فات الاواان..
ذهب الى غرفتنا ورماني فوق السرير وامسك بي وبدء بتقبيلي وبيده كان يداعب خصلات شعري...
- هسه يلا اقتنعت راح نكضي الليله هنا. ههههه
- ههههه امشي لك. ماريد.
- هاا متردين.. لعد ليش مقاومتيني من بستج؟
- لان ادري بيك قوي فماكو فائده اقاومك بس راح اتعب نفسي.
- هاا ايي.
- هههه ولي لك.
اقتربت منه وبقيت انضر اليه وانا اداعب شعره...
بقي ينضر الي وبعدها قال: دتفكرين بشي صح؟
- صح... شلون عرفت
- اامم احس بيج.. بس كوليلي بشنو تفكرين؟
همست له: افكر اذى فديوم تحاول تكسر قلبي بشي راح... اكسرك اني هم مو بس قلبك... راح اخليك تندم على كل شغله اذيتني بيها.
( شاهين )
فتحت عيني على اوسعهما لما تقوله... بقيت انضر اليها وبقلق وقلت: ليش حبيبتي شنو الي يخليج تفكرين هيج..
بدءت عيناها تدمع قليلاً وقالت: اخاف فديوم ... تعوفني لو تخوني... اخاف اخسرك فديوم...
- اششش لتفكرين هيج... ماكو انسان يعيش بدون روحة. وانتي روحي!
احتضنتها بقوه وقبلت رأسها... بدءت اداعب خصلات شعرها الناعم واتمتع بكل ثانيه وهي الى جانبي... لقد اشتقت اليها حقاً في الاشهر الاخيرة ابتعدت عناها كثيراً بسبب انشغالي في العمل ولاكني لم افكر ابداً ان اخونها او انضر لامراءة غيرها... هي الوحيدة من تملك قلبي وتسكنه!
( روبي )
لم اشعر بما قلته له كان الكلام يؤذيني اكثر من ما يدهشه... ولاكني كنت حقاً خائفه من ان يفعل شي كهذا... اصبحت كالعمياء بسبب عشقي له.. وفكرة بأنه يمكن ان يخونني صعبه جداً علي لاتقبلها... ولانه انشغل عني في الفتره الاخيرة كثيراً طلبت من احدهم بأن يقوم بمراقبته ويخبرني بالتفاصيل مالذي يفعله... وعلمت بأن هناك نساء تعملن عنده... لذلك شعرت بالغيره والغضب الشديد... وبدءت من ذلك اليوم ان افكر ماذا سافعل ان قام بخيانتي في يوم ما...
بعد مرور ٤ سنوات زواج..
بقيت اشاهد نجاحاته وثروته الطائلة... اصبح مغروراً مستبد واناني.... كل ما تشاجرنا سوياً يستطيع ان يهدئني وينسيني غضبي...
- شاهين اريد احجي وياك!
- ماعندي وقت هسه بعدين.
- هيي هيي شنو بعدين داكلك اريد احجي وياك ماكو شي اسمه بعدين...
- اهوو روبي الله يخليج بس اخلص هذا التصميم واحجي وياج.
ذهبت الى الطاولة وامسك بقلمه ورميته على الارض وقلت: انتبه لي شويه اني اريدك يمي احجي وياي ساعدني ساندني اربعه وعشرين ساعه اساسا ماشوفك ولا ادري بيك شتسوي دائما مشغول على الاقل تذكر كول اكو وحدة متزوجها تشتاقلي تحتاج مني شي لو خلص سويتلي دليت من ذاكرتك.
- استغفر الله روبي بلا هاي المشاكل مال كل يوم مال انته ممهتملي و مدايرلي بال. تدرين كلش زين اني شكد احبج بس كل ماخلص شغلي احاول اتفرغلج بس هم تطلعلي شغله جديده اني بعد شسوي...
- اهوو شتسوي يعني خلص لتسوي شي خل انام احسن من ما اتلف اعصابي من وراك.
ذهبت الى غرفتي لكي انام... كنت غاضبه جداً بسبب ما فعله وكدت ان ابكي... قمت بتغير ملابسي وقبل ان انتهي دخل هو الغرفه... بقي ينضر الي... ثم اقترب مني ودفعني بخفه على الحائط ووضع يده اليمنا على يدي والاخرى كان تداعب خصلات شعري...
- شبي القلب ليش زعلان عليه... انتي تبجين من ورايه ليش حبيبي ليش تعالي ضربيني ولا تبجين من ورايه...
- اهئ كلة من وراك متهتم لي ولا تنتبه لي...
- لج ثولة لو علية اخذج لجزيرة وحدنا ونعيش بيها اني وياج بس غير انشغل عنج شوية حتى تشتاقيلي وتدلليني وادللج...
ثم قام بتقبيل وجنتي وشفتاي ايضاً وقال: شنو هالعسل؟ انتي كل متكبرين تحلين هههه.
مسحت دمعتي وقلت بصوت طفولي: طبعا بس انتة متشوف!
- اذى اني ماشوف لعد منو يشوف مو هياته العسل يمي...
اقترب مرة اخرى وقام بشدي اليه حاوطت يداه خصري وقام بتقبيلي..وانا ككل مرة اضعف امامه واستجيب معه دائماً فكيت ازرار قميصه وقربته الي.......... وتصالحنا!
عادت علاقتنا جيده مرة اخرة لبضعه ايام... وبعدها تلقى اتصال من احدهم وبدى عليه الارتباك... ثم اغلق الهاتف وقال لي بأنه امر طارئ بالعمل وعليه ان يسافر اليه. حضرت له حقيبته وودعني وذهب ليلحق بموعد طيارتة.
في الحقيقه كانت تنتابني الكثير من الشكوك حول تلك المكالمه ولاكن كل ما فعلته هو انني بقيت انتضر الاخبار. نعم فأنا منذ ان وصلت معه الى اميركا وطلبت من احدهم بأن يراقبه ليلاً ونهاراً ولا يتركه ثانيه ويتطقس عنه كل التفاصيل. سمعت احياناً بانه يقابل بعض الفتيات لذلك كنت اصب غضبي عليه ولاكنه كان يقابلهن فقط من اجل العمل ومع ذلك كنت اشعر بالغيره. كانت صوره تصلني لحضه بلحضة بكل ما يفعل. نعم انا احبه واثق به ولاكنني خشيت بأن يخونني في يوماً ما وهذا بسبب تغير حياته من وجل عادي الى رجل غني واضافه على ذلك بأنه وسيماً جداً....
منذ سفره لم اسمع شيء حتى هو لم يتصل بي. لذلك هديت وقلت بأنه امر طارئ في العمل وليس هناك داعي للخوف او الشك. الى ان وصلني بريد من المراقب بصور عن شاهين.....
اخذت الضرف وفتحته بعدم مبالا...
نضرت الى مايحتوي.... ولم استطع حتى النطق... لم اصدق ما ارى! بقيت انضر اليه لاستوعب مايحتويه. لقد كانت صور شاهين و..وهو... ي..يقبل فتاة! ك.. كيف فعل هذا؟ كيف؟ هل كان يخدعني كل تلك المدة؟ هل عشقنا كان خدعة؟ هل من عشقته كان كاذب ومخادع؟ وكأنني كنت في حلم واحدهم صفعني لاستيقظ منه! لم اتحمل وبكييت بكييت وصرخت بحرقة! هل قام باستغلالي؟ بدءت بتكسير الاغراض من حولي دون ان اشعر...ولا جدوى. لم اهدء لان قلبي كان قد تكسر وتألم اكثر...بدأ رأسي بالدوران ولم اعد ارى شيء سوه الظلام... فسقطت ارضاً. فتحت عيناي وانا في سريري وكان هو ينام بجانبي ويحتضنني.... دفعته بقوه ونهضت من السرير... ثم صرخت به: انته شجابك هنا اطلع بره ماريد اشوفك بعد. اطلع برررة.
( شاهين )
عدت الى المنزل بعد سفري باسبوع تقريبا..فتحت الباب ووجدت روبي واقعه على الارض... حاولت ايقاظها ولاكنها لم تستجب. اتصلت بالدكتور ليأتي ويفحصها... اخبرني بأنها عليها الاسترخاء هذه الفترة لانها حامل!! لا اعرف ما كان علي ان افعله حينها. افرح لانها تحمل طفلي ام احزن لانها اغمي عليها بسببي... لاني فور دخولي للمنزل وجت صوري في يدها وانا مع ( جانا )...
بقيت بجانبها لحين ان تستيقظ ولاكني غفوت ايضاً....
- حبيبتي اهدي شوية بس خل نتفاهم.
- هه اي نتفاهم؟ ماكو شي ينحجي بعد كلشي واضح. طلعت انسان جذاب وحقير وماعندك مسؤليه ونصاب واستغلالي. استغليتني بس علمود توصل للي انته بي واخر شي تخوني.
- اهدي الله يخليج. انتي فاهمة الموضوع غلط.
- هاا غلط يعني من اشوفك تبوس وحده بالشارع هذا يعني غلط. خطيه جانت حزينة وانته الحنون تواسيها. موو؟ انته انسان جذاب وعلى كد محبيتك على كد ماحتقرك هسه ولو بيدي اكتلك بهاي اللحضه. على اساس امر طارئ ورحت سافرت وياها مو. كضيت شهر العسل وياها واجييت!!
انفجرت باكيه وبقي هو مذهول لا يعرف ما يقول... اقترب مني وقال: روبي!
- وخر من يمي ماريد اسمع صوتك.
- حبيبتي بس خليني اشرحلج.
- ماريد اسمع اي شي منك كافي الي شفته. اهئ اهئ.
بقيت ابكي بحرقة وهوه يجلس امامي بصمت... ولاول مرة بكى هوه ايضاً.... نضر اليه ولاحضت بكأه.... وقال: ماريد اخسرج ماكدر اعيش بدونج لتسوين هيج الله يخيلج. ضربيني صرخي عليه بس لتسكتين هيج. بس والله الموضوع سوء تفاهم. اني اساساً ماعندي شي وياها بس هيه..
- بس هيه شنو؟ هيه شمرت نفسها عليك؟ بعدين مو هاي نفسها التشتغل يمك سكرتيرة؟ اذى تعرف بيها هيج تشمر نفسها ليش ما طردتها؟ لا طبعا شلون تطردها وانته اصلاً عاجبك الموضوع.
مسحت دموعي واقتربت منه واشرت باصبعي وقلت: مثل ما خليتك توصل ليهج مكان راح اخلي تخسرة بثانيه! اني وعدتك كتلك بس تكسر قلبي اكسرك.. اهدم كل الي بنيته.
- اني ماريد شي غيرج. والله مفديوم جذبت عليج بكلمه اني احبج احبجج!
- اشششش حتى صوتك كام يزعجن....
شعرت بالدوار مرة اخرى وكدت ان افقد الوعي من جديد.. حملني هو بسرعه الى السرير...
- اهدي اذى مو علمود صحتج علمود صحت طفلنا!
- ش..شنو؟ شنو طفلنا شجاي تخربط انته؟
- جبتلج الدكتور من اغمى عليج وكال انج حامل!
- لعبه جديده هاي منك لو شنو؟
- انتي حاامل بطفلنا حاامل!
هه لا اعرف مافعل هل افرح لانني ساصبح ام؟ ام احزن لاني احمل طفله؟ طفل رجل عديم المسؤليه ومخادع؟
نضرت الى شاهين بحدة وقلت : كلشي يجي منك ماريدة!
- شنو يعني؟
- يعني ماريده الطفل!
- لتلعبين باعصابي. مشاكلنا نحلها سوه مو تدخلين الطفل بالموضوع. حبيبتي.
- اششش ولا كلمة. تحب اخذ غراضي واطلع اني لو انته تولي يم حبيبه القلب؟
- محد يطلع من البيت لحد ما نتفاهم.
- ماريد اتفاهم وياك كل ماباوع عليك احتقرك اكثر!
- زين اهدي الله يخليج لتبجين. خلص راح اطلع راح اطلع.
ترجل الى باب الغرفه وقبل ان يذهب قلت له : روحة بلا ردة.
خرج من المنزل بأكمله وبقيت انا احترق في داخلي.... صرخت بصوت عالي لعي اهدء قليلاً ولا فائده.... ماذا سافعل الان؟ وماذا عن طفلي؟ لما يجعلوني استيقظ دائما من اجمل حلم حياتي؟ لماذا يرموني من حلم الى كابوس بشع؟ كل هذا فقط لاني عشقت احدهم؟ هل هذا هو العشق؟ يؤذي اصحابه،!....
بقيت اتألم طوال الليل... لم ترى عيني النوم... ظننت بأن الناس الذي ينتحرون من اجل الحب مجانين.. ولاكني فهمت الان شعورهم... عندما نعشق احدهم لا نستطيع ان نتحمل رؤيته معا آخر... حتى لو كان ذلك الشخص مجرد قريب او صديق! عندما نعشق نكون قد عمينا بمن عشقنا!
( شاهين )
خرجت من المنزل ولم اتحمل ماحدث... لا ادري ماافعل لاجعل روبي تصدقني بأن لا يوجد شيء بيني وبين تلك الفتاة التي رأتني معها... هي سكرتيرتي الخاصة وكانت معجبه بي... وحاولت ان تتقرب مني ولاكني لم اسمح له ابداً... وفي ذلك اليوم كانت قد تعدت حدودها وقامت بتقبيلي دون ان اسمح لها! وبعد ان فعلت هذا قمت بطردها من العمل حينها. سافرنا معا فعلاً ولاكن كان هذا فقط بسبب جانا... لقد هددتني بأن تذهب وقول لروبي بأني على علاقه معها... وروبي لا تتحمل سماع هذه الاشياء حتى لو كان كذب... لذلك ذهبت اليها بسرعه وطلبت بأن نسافر سوياً الى نيو يورك... بقينا هناك وحاولت ان اقنعها بأن تترك العمل وتبتعد عني وعن روبي... ولاكن بعد ما حدث قمت بطردها و اردت بأن اشرح لروبي كل شي بهدوء... ولسوء حظي تأخرت....
( شاهين )
مرت بضعه ايام وانا لم اراها.... قررت ان اعود الى المنزل لاتحدث معها... وقبل ان اذهب تلقيت اتصال منها...
- الو...
- حبيبتي شلونج؟
- تعال للبيت بعد ساعه اريد احجي وياك.
- ماشي جاي.... بس روب...
قبل ان اكمل اغلقت الخط.
اتجهت الى المنزل وفتحت لي الباب... كان وجهها شاحب وتبدو متعبه للغايه سمحت لي بالدخول....
- باجر نروح للمحكمة ونطلب الطلاق!
- ش..شنو.. طلاق شنو؟
- الي سمعته. واذى رفضت اوكي ماكو مشكله اطلب اني الطلاق وهمه يطلقوني منك.
- روبي مو لعب جهال هذا...
- اش خلاص وله كلمه ماريد اشوفك بعد بحياتي ولهنا وكافي.
- يعني مصممه.... خلاص الي تردي يصير. بس راح تندمين بعدين لانج راح تعرفين شلون غلطتي بحقي وبحق نفسج.
- اني الغلطانه مو؟... شوف بالكوة كامشه اعصابي مابيه حيل اتعصب من جديد من وراك.
زفر قليلاً وقال... باجر اجي عليج ونروح للمحكمة. ثم خرج من المنزل....
في اليوم التالي جاء هوه للمنزل وذهبنا فعلاً للحمكمة... بعد ان استمعو لاقوالنا وافقو على الطلاق وطلبو منا ان نوقع على الطلاق.
وقع كل منا عليه واصبحنا... غرباء عن بعضنا...
- راح اخذ غراضي واطلع من البيت.... ولتكول لبابا شي عن الطلاق هسه.
- لعد شراح تكوليله من يشوفج ماخذه غراضج ورايحتله؟
- معليك انته.
- هه! خلاص لعد اتمنى لج حياة سعيدة. بس لتتصورين راح اختفي من حياتج لان ابني يمج وراح اجي علمود اشوفه.
- اساسا لو مو حرام كان من زمان تخلصت منه لانه ابنك.
نضر الي بحدة وزفر قليلا ورحل!
عدت الى منزل وانرت الاضواء... نضرت الى ذلك المنزل الذي كان جنتي والان اصبح جحيمي.... ههه الان فهمت ما معنى مقولة: الحياة مراحل . فتحت باب غرفتي ونضرت حولي.... كل ما نضرت الى شيء فيها اتذكره اتذكر كيف كان يضحك فيها يصرخ فيها يبكي فيها وتذكرت كيف... كيف كان يتوسل فيها...
جلسن على الارض وخانتني دموعي مره اخرى... بكيت وبكيت من شده المي... هل ساستطيع ان اعيش بدونه؟؟!
جمعت اغراضي وتركت المنزل... ذهبت الى المنزل الذي كنت اعيش فيه عندما كنت ادرس ولم اذهب الى والدي... لقد حذرني من حدوث هذا ولاكني كالغبيه لم اصغي اليه بل اصغيت الى قلبي...! وهذه النتيجة!
بعد مرور اسبوعين من انتقالي قررت ان اعتمد على نفسي من الان فصاعدا واحاول ان انسى شاهين. وكل ما سافكر فيه الان هوه طفلي... كنت قد كذبت على شاهين بأني اريد التخلص منه لان ومهما حدث لن افرط فيه. لقد كان الشيء الوحيد الذي يشعرني بالسعاده..... في احدى الايام كنت جالسه في المنزل اشاهد التلفاز وتلقيت اتصال من رقم غريب.
- hallo roubey speak..
- شلونج روبي...
- الحمد لله بس انته منو؟
- ولج شبسرعه نسيتيني اني احمد.
- هااااا احمد شلوونك والله معرفت صوتك.
- ههههه الحمد لله زين انتي شلونج شلون صحتج.
- بخير... بس شذكرك بيه بعد كل هاي المده.
- ليش اكو واحد يكدر ينسى صديقه.
- هههه شمدريني عبالي نسيتني.
- مانساج لتخافين. هسه عوفينه اريد اشوفج.
- همم اوكي وين؟
- شنو رايج اعزمج على مطعم ؟
- طبعا موافقه اذى الشغله بيها اكل. ههههههه.
- هههههه ادري بيج. اوكي لعد باجر بالسبعه اجي عليج اخذج. بعدج بنفس البيت ويا ابوج مو؟
- اااة لا تعالي يم السنتر مال بوستن الجبير هناك اشوفك.
- اوكي على راحتج.
- يلا لعد اشوفك باجر.
- بااي.
لاحدثكم قليلاً عن احمد... هو احد اصدقائي المقربين. اعرفه منذ عشر سنوات تقريباً لقد كنا معا في نفس المدرسه واصبحنا اصدقاء مقربين جداً منذ ان كنت في الخامسه عشر من عمري وهوه في السادسه عشر!
في اليوم التالي تأنقت كثيراً وذهبت برفقته الى المطعم. كان شهيراً جداً وفخم للغايه... كان هناك العديد من رجال الاعمال الخ.....
دخلت الى هناك وشعرت بأن جميع الاعين موجها علي... تجاهلت جميعها وسرت مع احمد الى طاولتنا... وفور جلوسي وقعت عيني عليه.... لقد كان هو ايضاً هناك يجلس مع رجال اخرين واضن بانه كان في عشاء عمل... بعد برهه انتبه بوجودي وبقي يحدق بي... وكانت عيناه تشتعلان من العضب عندما راني مع احمد....
تصنعت عدم المبالاة وبدءت تبادل الحديث مع احمد..
- روبي اكو شي؟ عبالك متوتره.
- هاا؟ لا ماكو شي بس تدري من اجوع ماعرف شيصير بيه ههههههه.
- هههههه نسييت نسييت. راح اطلب الاكل لعد.
طلب الطعام لنا وبدءنا بالاكل.... كنت اشعر طوال الوقت بأن شاهين يراقبني... حاولت جاهده ان اتجنبه ولاكني لم استطع... لم اتحمل رؤيته امامي طوال الوقت لذلك اردت الذهاب الى الحمام...
- روبي بيج شي؟ تحبين نطلع منا؟
- لا لا ماكو داعي بس عن اذنك ثواني اروح للتواليت.
- اوكي انتضرج.
ذهبت الى الحمام وشعرت بجسدي يشتعل... كل ما حاولت التخلص منه اراه امامي... وكيف اتخلص منه وهو لا يفراق مخيلتي ثانيه...
نعم لاازال اعشقه نعم لاازل اشتاق لرؤيته.. نعم انا مجنونه به...
اتجهت الى باب الخروج من الحمام ورأيته امامي... دفعني لداخل دوره المياه واغلق الباب...
- هي هييي سالمين.. شكو شدتسوي هنا؟
- سالمين انتي. انتي شدتسوين ويا ذاك الرجال؟
- وانته شعليك؟ خاف ابويه واني مادري؟ شعليك تحاسبني ؟
- اني زو.... انتي بنت عمي وماكدر اشوفج هيج واسكت. موعبالج احنا بامريكا وخلص يعني تطبين وطلعين بكيفج.
- وانته شعليك؟ حتى لو ابن عمي مالك اي حق تحاسبني. عندي ابو وهو يحسبني.
- ها اوكي لعد خل اخابره واكلة كلشي واكله تعال اخذ بنتك. مو تخليها عايشه وحدها.
- ها يعني تهددني؟ اوكي خابره... واني هم اكله شنو من انسان جذاب و ابو نسوان انته.
- اللهم طولج ياروح... اسمعي هسه تجين وياي ارجعج للبيت ويا ويلج لو شفتج مره ثانيه وياه. متلومين اله نفسج.
- وبالنسبه هسه انته قافل عليه الحمام واكف هيج قريب مني مو هم ميصير؟
اقترب اكثر وامسك خصري وابتسم تلك الابتسامه الساحرة وقال بصوت منخفظ : انتي شوكت كبرتي هيج وصرتي تكليلي شسوي... جنتي قبل حتى بحضني تنامين من جنا صغار...
شوكت كبرتي هيج وصرتي مرة كل ماشوفها قلبي يطير مني ويركضلج...
اقترب مني اكثر وقام بتقبيلي... وانا كالبلهاء لم استطع ان امنعه... كل ما اقترب مني شعرت باني كالمنومه وهو من يقودني...
ابتعد عني وهمس مره اخرى وقال: كافي عاد هاي الاسابيع وانتي بعيده عني والله ماتحمل كلش شتاقيتلج ...
- واني مو لعبه تلعب بيها شوكت ميعجبك وتشمرها شوكت ميعجبك.
دفعته للخلف وقلت له: عن اذنك...
خرجت من الحمام ببطء لاراى ان كان هناك احداً... وبعدها غادرت تماماً عدت الى الطاولة حيث كان احمد ينتضرني..
- سوري على التأخير.
- لا مو مشكلة. بس قلقت عليج.
- ماكو شي بس اجاني تليفون مهم وطولت هلكد.
- اها. اوكي. تحبين نروح؟
- اي يلا.
خرجنا من المطعم وركبنا في سيارته... وانزلني كما طلبت في سنتر بوستن القريب على منزلي. ومن هناك ركبت سيارتي وعدت الى المنزل.
غيرت ثيابي وارتميت على سريري لانام.. وفور ان اغلقت عيناي تذكرتة... تذكرت كيف كنا نجلس مع بعضنا في الساعات ونحن نضحك سوياً كيف كان يداعب خصلات شعري لانام... تذكرت كيف كان يغني لي بصوته المخملي عندما اغضب... انا حقاً لاعرف كيف ساتحمل اكثر من هذا بدونه... لم استطع النوم ليلتها وبقيت ابكي وابكي. ليته كان بجانبي ليساعدني ويخفف المي. ليته جاء ودق بابي وصرخ باعلى صوته وقال بانه يعشقني وبأنه لن ينضر لامراة غيري...
في الساسه التاسعه صباحاً اتصل بي شاهين...
- صباح الخير.
- هلة. شعندك من التسعه تخابرني؟
- الناس تصبح بالاول.. نزلي فتحي الباب.
- ياباب؟
- باب سيارتي. يعني يا باب باب بيتج اني جوة.
اغلقت الهاتف ونزلت بتكاسل وفتحت له الباب...
كان يحمل اكياس كثيره بيده وعلى مايبدو انها العاب وملابس لاطفال....
ابتسم لي وقال: وخري شويه خل احط الغراض.
- خير خير شنو هاي؟
- ملاعيب وملابس لطفلنا.
- بعدين شمدريك اذى بنيه لو ولد بعدني بشهر الثالث.
- عادي ان شاء الله توم. بس اذى بنيه صاكة جبتلها غراض. واذى ولد حات على ابو هم جبتله غراض.
- تسلم اخذ غراضك واطلع بره ميريد شي طفلي.
- راح اكص لسانج لو اخذ غراضك واطلع. طفلي هذا ان هم مو من الشارع.
- زين يلا مع السلامه.
نهضت من الكرسي لافتح له الباب ليخرج ولاكني شعرت بدوار شديد وكدت ان اسقط ولاكنه امسك بي بسرعه وحملني الى السرير....
- روبي روبي... انتي زينه؟ حرارتج مرتفعه. راح اخابرك الطبيب.
قلت بتعب : لا ماكو داعي... دوخة بسيطه.
تجاهلني واتصل بالطبيب ليفحصني...
لم اسمع ما قاله الطبيب بسبب فقداني للوعي مجدداً...
استيقذت ورأيت شاهين يقوم بجمع اغراضي.. ناديته بتعب..
- هي سالمين وين ماخد غراضي؟
- راح ترجعين وياي لبيتنا.
- شنو ارجع وياك بكيفك هوه. عوفي ارتاح هنا. بعدين ماكو شي اسمه بيتنه!
قال ببرود وهو لايزال يجمع اغراضي: لو عليه اعوفج واطلع بس الدكتور كال لازم متبقى وحدها لانج بوقت صعب واذى فديوم تخربطتي ومحد يمج يساعدج يمكن الطفل يتأذه. او يموت.
- يمه اسم الله... اةة... اوكي اخذني لبيت بابا.
- واذى اخذتج لبيت ابوج شراح يكول عايف مرته وشامرها عليه.
- اهوووو ولي من يمي. بعدين شلون اعيش وياك بنفس البيت واحنا متطلقين؟
- عادي انتي تنامين بغرفه واني بغرفه. بس اذى مواثقه بنفسج انو مراح تتحارشين بيه بعد هذا شي ثاني.
- ههههه اني اتحارش بيك؟ ليش مو انته تقلل ادبك والشيطان شاااطر.
- طبعا انتو تخلو يفعل الخدمة دائما بدلعكم. بس احنا الزلم ايمانه قوي.
- اي خطيه كلش قوي من هاي رحت تبوس وحده بالشارع.
زفر قليلاً ثم قال: يلا كومي بدلي خل نروح. غراضج كلهن بالجنطه.
خرج من الغرفه و قمت بتكاسل لاغير ثيابي...
بعد ان انتهيت ذهبنا سويا الى منزلنا او الذي كان منزلنا...
دخلنا الى هناك وتذكرت كل ماحدث فيه... واول ما تذكرتة ذلك اليوم... اليوم الذي خذلني فيه من كنت اعشق... غضبت كثيراً عندما تذكرت ونضرت له بحدة وقلت : ماريد. ماريد ارجع هنا. خلي البيت الك. وقبل ان ينطق بشيء خرجت من المنزل وتبعني هو... مشيت بسرعه لاكنه الحق بي وامسك بذراعي...
- وين رايحة بهالليل. تعالي جوة نتفاهم اصلاً الجو بارد.
دفعته قليلاً وصرخت : عوفني ماريد حتى ماريد اشوفك... وفجأة بدأت بالبكاء وتابعت سيري...
وبقي هو يلحق بس ولاكنه صمت ولم يقل شي...
بعد خمس دقائق من المشي توقفت عند الباب الخلفي الذي كان يطل على المطبخ ومسحت دموعي وقلت بصوت طفولي : جعت.
- ههههههههههههههههههههههه فوتي فوتي.
دخلنا الى المنزل ولازال هو يضحك.. نضرت اليه بغضب وقلت: خير شكو تضحك.
- ههههههههههههه لا هيج ماكو شي. روحي ارتاحي اني اسوي اكل. شتردين تاكلين؟
- معكرونة بالجبن وشويه شطه. وزلاطه مال خيار وخس بس. و لا لا اريد ككو. صمت قليلاً ثم قلت : لا لا مو ككو كيمر وعسل.
- اجيبلج سوبر ماركت مو احسن؟ شتردين عاد دوختيني؟
-.... خلص قررت... بيتزا.
- هههههههههه يلا روحي قبل لا تغيرين رأيج.
ذهبت الى الصاله وجلست امام التلفاز انتضرته الى ان جاء ببيتزا خضار... نضرت اليها ولاكن فور ما شممت رائحتها شعرت بالتوعك وركض الى الحمام.... ركض هو خلفي ليطمئن علي...
- سلامتج حب... سلامتج.
- الله يسلمك...
- انتي هسه بشهر الثالث يعني منا للتاسع اصعب فتره عليج. لازم ترتاحين زين. واني من اطلع للشغل اجيبلج ممرضه تعتني بيج وتبقى وياج.
- ماكو داعي عود من يصير بيه شي اخابر الاسعاف.
نضر الي بحده وقال : امشي خل ناكل.
عدنا مره اخرى للصاله وفور رؤيتي للبيتزا مجدداً صرخت به: يعني نفسي لعبت من وراه البيتزا وانته تريدني اكلها. شبيك انته؟ ماريد ماريد خل اشوف شي من الثلاجة واكلة.
ذهبت الى الثلاجة وتركته ينضر باستغراب لي ثم قال : ها سوري تذكرت هاي الهرمونات بالحمل يخبلن الوحده. هههههههه.
قلت له وانا اقف في المطبخ: طلعت خبير نسوان.
بقيت انضر الى الثلاجة الى ان جاء هو واقترب مني وقال بصوت منخفظ: صرت خبير حوامل علمودج. تدارك نفسه وقال: اقصد علمود ابني.
قلت ببرود : اها. بالعافيه.
بقيت احدق بالثلاجة وثم اغلقتها بغضب وقلت: ماريد شي شبعت. راح انام.
- هههههه تصبحين على خير.
تجاهلته وذهبت الى غرفتي وخلدت للنوم بسرعه.
فتحت عيناي وانا اشعر بارهاق شديد... شعرت بشي فوق بطني... لقد كانت يده. صنعت النوم وشعرت بيده تمسح على بطني برفق... اقترب منها وهمس: لو تدري او تدرين شكد فرحان لاني راح اصير اب ان شاء الله... وانته او انتي... عندكم احلى ام بالدنيا بعد شريد.... ثم قبل بطني ونهض ليغادر الغرفه....
ابتسمت مع نفسي لما رأيته للتو... مؤكد بأنه سيصبح اباً رائعاً...
ترجلت من الغرفه وخرجت الى الصاله... كان هو يجلس هناك يحتسي قهوته وبعدها نضر الي... ثم تغيرت نضرته الى استغراب...
قلت بتكاسل: خير شبيك تباوع هيج.
ابتسم تلك الابتسامه وقال: شوفي نفسج الاول وبعدين احجي.
- شبي... نضرت الى ملابسي.. كنت لاازال ارتدي شورت قصيراً جدا و تيشيرت يفضح اكثر من ما يستر.. ركضت بسرعه الى غرفتي واغلقت الباب...
- ثوول ثوول ثوول عمه وصخاام. امداني يعني. هلكد طلعت زماله. يااااا شكد عيبب خرب خرب. حاولت ان اهدء نفسي وقلت : يلا اصلاً عادي... خرب خربب شنو عادي من جنه متزوجين مجنت البس هيج انوب هسه. ثووووول خرب خربب صخاام.
غيرت ثيابي وارتديت ( دشداشه ) طويله وعدت مره اخرى... تصنعت عدم المبالاة وجلست امامه... بقي ينضر الي واشحت نضري الى الناحيه الاخرى....
- احم.. تره الدشداشه حلوة عليج. اول مرة تلبسيها.
نضرت اليه بحدة وقلت : شتقصد؟
ابتسم بمكر وقال : سلامتج ماقصد شي.... يلا ديري بالج على روحج بعد شويه تجي الممرضه اني راح اروح للشغل. تردين شي؟
- ولي.
ابتسم قليلاً وبعدها خرج ....
بعد خروجه بخمس دقائق اتت الممرضه لتبقى معي... كانت رسميه جداً ومزعجة للغايه... لقد كانت لبنانيه وتتحدث العربيه بطلاقه...
- مدام ارتحاي شوي وازى بدك شي ناديني وانا بساعدك.
- ماريد اريد اسوي غده.
- مدام خليني انا بساوي بس مابيصير تعبي حالك كتير.
- لا ميخالف ماريد اعود نفسي على الكسل من هسه.
- بس يامدام...
- اهووو شبيج انتي كضيتيها مدام مدام مدام تره مو عجوز اني يمكن فرق كم سنه بيناتنه. صيحيني بأسمي وخلص ماحب الرسميات.
- ااة... اسفه بس هيك التعليمات.
- اللهم طولج ياروح... يا غثيث انطاج التعليمات؟
- زوج حظرتك.
قلت مع نفسي : داكول منين جايبه هاي الغثاثه.
- اوكي واني اطلب منج ترحين ترتاحين ومن احتاجج اصيحج.
- ابتسمت بتصنع وقالت اوكي.
وفور جلوسها امسكت بهاتفها... بدأت تعبث به... بقيت اراقبها بغضب... كانت حركاتها مزعجة وهي تعبث بهاتفها.. نضرت الي وقال: مدام بتسمحي لي اتصل شوي. لانها مكالمه مهمه.
نضرت اليها ببرود وقلت : اتصلي.
ذهبت الى المطبخ واجرت مكالمتها... انتابني الفضول مع من كانت تتحدث لذلك تبعتها بخفه الى المطبخ...
- اي سمير كيفك؟ انا منيحا...
ثم ضحكت تلك الضحكة ( الماعرف شيسموها) وقالت: يي عليك شو قليل ادب.
قلت مع نفسي: هلو هلو هلو البنت دي خبرة...
- يلا حياتو بتصل فيك بعدين.... امووواح.
اغلقت الهاتفس وبعد برهه اتصلت باحد اخر....
- اهليين حياتي... كيفك يعمري...
( هلووو عيني طلعت مسويه جمعيه الاخت... )
- انا وين؟ انا في البيت
( اي بيت الخلفوج بت ال***)
- شو لابسه....
( العببب هاي يا ممرضه يابطيخ. شوف الحيوان جايبلي ياها من اقرب ديسكو الضاهر...)
- انا لابسه قميص نوم احمر قصير كتيير وعم مشط شعراتي...
( هجم بيتج لابسه صدريه مال ممرضه وطالعه جنها بطل حليب وتكول قميص نوم.)
- هههه ماشي ياعمري بتصل فيك بالليل.. مووواح.
( لا اذى مراح اطردها من بيتي راح اخابرلها شرطه الاداب. اهوو وين اكو اداب... خرب يومج اني اعلمج )
انهت المكالمه وتضاهرت بأني دخلت للتو الى المطبخ... امعنت النضر اليها وقلت : يلا مع السلامه انتي.
نضرت الي باستغراب وقالت : شو مدام مفهمت ؟
- يعني روحي لبيتكم ماريدج يمي اليوم.
- بس يامدام
- يلا لمي غراضج وراح ادزلج الفلوس للمستشفى الدزوج منها.
غادرت المطبخ وقامت هي بجمع اغرضها وتركت المنزل... ( ايه الصايعه دي استغفر الله )
بعد ساعتين من خروج الممرضه، عاد شاهين الى المنزل... كنت اجلس امام التلفاز...
- سلام عليكم
اجبت بيرود : هلة.
- وين الممرضه ؟
اجبت ببرود مره اخرى : طردتها.
زفر قليلاً وقال: ليش ؟
نضرت اليه وقلت: هنيالي علساس ممرضه طلعت لمواخذة.
- شنو شدتكولين وضحي شويه؟
- ست شريفه اوي اوي اوي. كلتلها كعدي شويه وهاي كمشت التليفون وبدت تخابر هذا وذاك. مسويتها وكاله.
- هههههههههههههههههه لا بربج؟
- لا وتضحك بعد هاي سوالفك. يجوز تطلع مصادقتك.
اخذ نفساً عميقاً وجلس بجانبي.
- لعد اذى هيج راح ابقى يمج لحد متجيبين.
- شنو يعني؟
- يعني راح ابقى وياج بالبيت واشتغل هنا.
قلت ببرود: ماكو داعي. خاف تنرفزني وانوب تطلع بالطفل.
اقترب مني وحاول الامساك بيدي ولاكني ابعدتها... واقترب اكثر ابتعد للخلف اكثر واقترب مره اخرى... اصبح قريباً جداً مني وقال بصوت مخملي: يعني هسه انتي متنرفزه ؟
- ل.. ا.. اي.
لمس بيده وجنتي بطلف وقبلني... وانا بكل غباء تشبت به اكثر وقبلته ايضاً كنت اشتاق اليه الى لمسه مداعبته الحديث معه وكل شي فيه... تداركت نفسي ودفعته عني...
- انته شبيك؟ ميصير بعد تسوي هيج. مو مرتك اني.
- لعد خل نتزوج مره لخ.
- مستحيل.
- ليش هيج جاي تسوين بلا لعب هسه هاي حياتنه وهذا مستقبلنا. ماريد ابني يتربه وابو وامه متطلقين.
- لعد مفكرت هيج قبل ما تروح تخوني. لو هسه اني طلعت الغلطانه.
زفر قليلاً قال: لو كنتي سمعتيني من البدايه مجان صار هيج.
- زين اسمعك هسه بلا شراح تكول؟
- اكول انو ماكو شي بيني وبينها. كلشي صار سوء تفاهم! هيه شمرت روحها عليه.
- هههه! اي والمطلوب؟
- شنو والمطلوب احجي عدل. يعني كل هذا وليهسه مدتقتنعين انو اني احبج بس انتي. ماكو اي وحده غيرج. عاد كافي والله ماتحمل كل هاي المده وانتي مو يمي.
- اوكي خل نكون شويه واقعيين. يعني اذى شفتني جاي ابوس رجال هيج بالشارع او بأي مكان. بلا شتسوي؟...راح تسمعني؟ راح تنسه؟راح تسامحني بسهوله اذى انته تحبني؟ لو لان انته رجال يعني اني لازم اتقبل كلشي واكول عادي. على الاقل تعلم من غلطك.
- يعني بربج انتي مكبره هذا الموضوع بس علمود الصوره الشفتيها لو اكو شي ثاني مخوفج؟
- ماريد اكمل وياك هيج... تحس على نفسك شلون تغيرت من صرت هيج يعني رجال ناجح وغني... مغرور مستبد متكبر... شاهين الي عرفته اختفى... صار واحد ثاني غريب عليه. اساساً شنو الي يخيليني اصدك انو انته تريد تتزوجني مره ثانيه علمود تحبني؟ مو علمود برستيجك كدام الناس؟... خلينا على الاقل بعيدين هيج. عندي صوره لشاهين القديم ماريدك تخربها هيج... ترجلت من الصاله واتجهت الى غرفتي ... اغلقت الباب والقيت بنفسي على السرير...
كل ما قلته ربما يبدو ككلام تافه لا معنى له. ولاكني وبسبب عشقي لاحدهم.. اخشى ان يتدمر ذلك العشق بسبب اخطاءنا... احيناً نختار ان نكون بعيدين عن من نحب لنحافظ على تلك الصوره الجميله اليه في مخيلتنا. ولاكننا كالمقيدين في العشق... كل ما حاولنا الابتعاد... نختنق ويضيق العالم بنا...
استيقظت في اليوم التالي ونزلت للمطبخ مباشرتاً ... صادفته هناك وكان يجهز الطعام. ابتسم لي وقال: صباح الخير.
- صباح النور.
- يلا تعالي اكلي شلون ريوك سويتلج. لو تطبخين. خمسين سنه مراح تعرفين تسوين مثله.
ابتسمت ونضرت لما حضره...
كان الفطور عباره عن جبن بيض مسلوق... وقشطه مع العسل...
- سالك بس بيض وجاي تفيك. والباقي كله جاهز.
- هههههه على اساس انتي تعرفين تسوين بيض مسلوك.... تتذكرين كل مجنتي تسوي بيض سلك شيصير...
ضحكت بصوت مرتفع وتذكرت ما كان يحدث حينها...
- حبيبي شلون بيض سويتلك يخبل. تعال بسرعه قبل ليبرد...
جلسنا حينها على السفره لنتناول الفطور... قام بتقشير البيض وبعدها قام بفتحها...لقد كان داخلها لا يزال طري جداً ولم يستوي بعد...
- هنيالي. هاي البيضه مالتج؟ جنها جلي. شكبرج تصيرين ومتعرفين تسوين بيض. اكو واحد ميعرف يسوي بييض. ههههههه. واني هم كيفت كلت اخيرا راح ناكل. انضربت بوري اني.
- ههههههههههههههه. يااا خرب يعني شسوي الشغله الوحيده الي ماعرف اسويها. تره صعبه.
- صعبه موو؟ نسوان هالوكت. تهي بهي. ههههههه.
- يلا عيني بلا سو انته بيض وخل نشوف شلون راح يطلع طيب.
- بعيني فديوم اسويلج بيض اخليج بعد تستحين تطبيت للمطبخ من الفشله.
- هههههههههه.
بقيت اضحك بصوت عالي بسبب ذلك اليوم...
جلست على السفره وقمت بتقشير البيض نضر الي بمكر وقال : مو كتلج فد يوم اسوي واخليج تستحين تطبين للمطبخ. هاي نفذت وعدي.
- اي خل نشوف...
قمت بفتحها... كانت لا تزال طريه ايضاً ولم تستوي...
- ههههههههههههههههههههههههههههههههه. اخخ بطني. ههههههههههههه. طارت كصتك طااارت. هههههههههههههه. اني واني وخبصه وشلون بيض. يمه اني لو منك اكعد بالزاويه مال بيت والطم. هههههههههههههههه.
- هههههههههههههههه هيج طلعنا فاشلين بطبخ البيض.
قام برمي البيض في سله المهملات وقال : اصلاً مطيب من صغري ماحبه . ههههههههههه.
- بهاي المناسبه الفتلك اغنيه....
نضرت اليه وانا لا ازال اضحك وبدءت بالغناء : توووبه طم طم تووبه طم طم توبه مادخل المطبخ بعد توبه. طم طم هههههههههههه.
- ههههههههههههه. كافي راح اكتلج.
- بعد شيخلصك مني راح افضحك يم اطفالنا هههههه.
نضر الي بحب وقال: الله شكد حلوة كلمه اطفالنا منج.
تداركت نفسي وقلت: زله لسان....
زفر قليلاً وقال : بعد شويه نروح اني وياج للدكتور نشوف وضع الطفل.
- اوكي.
بعد ساعه تقريبا ذهبنا الى احد المشافي القريبه من منزلنا... اخذنا موعد عند احد الاطباء وانتضرنا الى ان سمحو لي بالدخول للكشف...
بقيتنا ننتضر بفارغ الصبر لنعرف ما جنس الجنين...
وضعو ذلك الجهاز على بطني ليرو طفلي... بعد بضع ثواني قال الطبيب..
- مبارك لكما انها فتاة.
ابتسم كلانه من فرحتنا ونحن نشاهد طفلنا. او طفلتنا... امسك بيدي وقال: اكيد راح تطلع حلوة على امها.
ابتسمت له لاني كنت حقا سعيدة.. خرجنا من المشفى وانا احمل صوره لها...
- الله شفتها شكد حلوة وصغيره. الحمد لله الحمده لله صحتها بخييير. هههه فرحاااانه فرحانه كلش ماكدر اتحمل لحد ما اولدها.
- هههههه على كيفج بس فكرتي شراح نسميها؟
- امم تعال خل نكعد هناك ونفكر باسم الها...
ذهبنا وجلسنا بقرب احدا المقاعد التي تطل على البحر...
- امم شنو رايك بسالي؟
- لا سالي شنو كارتون هيه.
- سما؟
- لا. شنو رايج بسعديه؟ هههههههه
- لا بربك؟
- اشاقه.. سميها ريتا؟
- امم ريتا حلو بس خل نفكر بعد.
- روزا؟ ساندي؟ غاندي؟ جاسميه؟ دله؟ هههههه.
- صينيه ماعون خاشوك ؟ ههههه شبيك خاف جوعان.
- مو خبلتيني مدتختارين شي؟
- اممم خلاص ريتا حلو عليها.
- الله يكومج بالسلامه لعد.
- امين.
في المساء عدنا الى البيت ولا زلنا سعيدين. سنحضى باول مولود لنا رغم خلافاتنا ولاكني اشعر بانها ستكون خير لنا. حتى اني نسيت غضبي على شاهين وقضينا طوال فتره حملي بهدوء. لم اسامحه بعد ولاكني اعلم تماماً باني سوف افعل. لا استطيع ان اتركه او انخلى عنه . . ربما ارتكب خطاً ولاكن من يحب يجب ان يسامح...
( الساعه الثانية ليلاً )
كنا قد غفونا امام التلفاز لذلك استيقظت واشعر بان الم لا يحتمل في بطني.. ياللهي انه يوم ولادتي.. صرخت بصوت عالي.....
- شااااهيييييييين كوووم كوووم كوووم راح اجييب كوووم.
استيقظ هو بفزع ولا يعرف ما يفعل.. صرخت به مره اخرى
- اااااااه شبييييك وديني للمستشفى راح اولددد.
- اي اي لحضه
حملي بسرعه الى السياره وذهبنا الى المستشفى... اسمك بيده بقوه وسحبته معي الى غرفه الولاده... واثناء الولاده ضربته و شتمته كثيراً بسبب المي...
- ااااه حيووووان كله من وراك. اااااااة ولي اكرهك ماريد اشوفك .
- اهدي اهدي خلاص راح اطلع.
- وين مولييي خليك يمي اثول. اااااااة
- استغفر الله. يلا حبيبتي تحملي تحملي مبقى شي.
- ااااااااة يا الله يا الله. اي وانته شكو علييييك. قابل انته جاي تطلك. انته جاي تتألممممم. اكرهككك
امسكت بكف يده وقمت بعضه بقوه.
لم يفعل شي هو وتحمل الالم واستمر بتهدأتي..
واخيرااً ولدت!!
قام الطبيب والممرضات بتهنأتنا واعطوني اياه لاحملها... كم كانت صغييرة وناعمه جداً... قام شاهين بتقبيل يديها الصغيرتين وقال: الف مبروك. حبيبتي.
بعد يومان خرجت اخيراً من المشفى... عدت الى المنزل وقام هو بتجهير غرفتها... كانت الغرفه مطليه بطلاء زهري ومزينا بالعديد من النجوم والورد على الحائط والسقف... كانت غرفتها حقاً رائعة. وضعناها معاً في سريرها وقمت باحتضانه بقوه.
مسح هو على ضهري بخفه وهمس لي : الحمد لله على سلامتج. حبيبتي.
- الله يسلمك.
ضربته بخفه على ظهره وقلت: دير بالك بعد تزعلني. اخذها واطلع.
- واني اكدر. صار عندي بدال الاميره ثنين.
قبل جبيني وقال : اعشقج!
ابتعدت عنه وقلت: اخذنا الواهز واحنا اصلاً مامتزوجين...
امسك بيدي واخرجني من عرفه الطفله وقال ضحك بصوت عالي وقال : ليش احنا اصلاً تطلقنا؟
- شنو شنو ؟ شنو يعني؟ لعد ذاك العقد شنو مال خضره؟ مو وقعنا وخبصه وين بالك؟
- وانتي تتصورين اني اقبل بهالسرعه اطلقج؟
نضر الي بمكر وقال : اساساً العقد مزور وكله كلاوات. ولا تطلقنا ولا شي.
- صدك تحجي؟ يعني ضحكت عليه كل هاي المده؟
- ههههههههههه ايووون.
ضربته بخفه على صدره وقلت : لا يا جذاب واني اكول معقوله هذا هلكد حقير حتى بسرعه يطلقني هيج.
- هههههههه تعيشي وتاكلين غيرها.
- حقيير. ولي.
امسك بي من خصري وقام بتقبيلي: فديتج.
بعد مرور سنتين...
كبرت ريتا واصبحت بالكاد تتعلم المشي... اما انا وشاهين عدنا كما كنا في السابق. عدنا كالعشاق...
- احم
- احمات خير؟
- خير يصيبج.
- شرايد؟
- رايد سلامتج.
- الحمد لله بخير.
- ها.
- اي
- ام.
- هسه شنو راح نكضيها هيج؟
نضر الي بمكر وقال: تره عندي اقتراح ثاني احسن من هيج؟
- الله يستر من هاي النضره كول واطربني شنو اقتراحك؟
- يعني اني فكرت بريتا حبيبه بابا خطيه جاي تكبر وشنو رايج نجيبلها اخ اخت ثانيي؟
- هاا. سوده عليه كلش تفكر بيها.
- فديتها عندي شي احلى منها؟
- مو اضربك. واني وين رحت؟
- لك انته الروح والريا والقلب والكبد.
- ههههههه. اممم اوكي اقتنعت.
نضر الي بمكر وقال: تره ريتا جاي تنتضر اخوها...
اقتربت منه وقلت: اوكي بس بشرط؟ اريدك تغنيلي بالاول..
- تأمرين...
امعن النضر الي وامسك بيدي وبدء بالغناء...
شي في قلبي همس لي
قالي ان انت بس لي
من عمر انتضر هذا اللحضه وجت
.....
انت فرضه حب جات بوقتها
ومستحيل ارضى من ايديني تضيع
وانت فرحة كنت ابيها ونلتها
ياللي تكفيني عن العالم جميع
حلمي بحبك وتحقق
قلبي اختار وتوفق
انت لي
بس لي
وهذا كل اللي ابيه.
.....
اعشقك حتى الثماله
ابتعد عنك استحاله
فرحتي
وراحتي
امرها بيدينك انت.
ليهست هذا النهايه.... للعشاق لا توجد نهايه.
عشقهم يتجدد كل يوم ويكبر يوم بعد يوم... يخفق القلب كل ما راى صاحبه...
ربما تكون هذه الروايه خيال.. ولاكننا نستطيع ان نجعلها حقيقه... فقط نأمن بأننا سنلتقي يوماً ما بذلك العاشق المجهول الذي سيغير حيتنا الى جنة...
