اللي فوق يشبه تقريبا" فهد "
وصلنا لبيت اخوي زوجت اخوي كانت حبوبه بس لما اسئذن اخوي وطلع لخوياه بدت تتطلع على حقيتها
وحبيت العب معها يعني اللعب باعصابهه وشكلهه ميته على فلوس اخوي والورثه حقنا واخويه بصفته ولي امرنا انا وباقي خواتي هو اللي ماسك حلالنا
وهي باين عليها الطمع اصلا
قلت
كيفك ان شاء الله بخير
مرت اخوي :الحمد الله ليش جايهه
انا : بيت اخوي لازم اجيه
مرت اخوي :قصدي وش مرجعك السعوديه
انا:والله جايه اشوف حلالي واخذ نصيبي
هي باللحضه ذي بخت الشاي اللي كان فمها وبدت ترتجف اتونست على شكلها كان مصخرهه
كملت :ههههههع شفيك بغيتي تموتين
مرت اخوي:هاء لامنو يموت قبل يومه
انا:والله صادقهه نرجع وش كنا نقول ...ايه جايه عشان اخذ حلالي من اخوي وانا اساس كنت عند خواتي وكل وحده قالت بتاخذ نصيبها
هنا بديت احسها خلاص شوي وتموت وانا ميت ضحك عليها وحبيت اخليها تتعلم درس عشان ماترفع خشمها علي فارحت غرفت اخوي
انا :اكيد ذي غرفة محمد صح
مرت اخوي :لا ذي غرفتي انا ومحمد
انا:اي مو مهم المهم اخوي فيها
وفتحت باب الغرفه باوسع شي وقعدت انقز على السرير وافتح مكياجها وهي ساكتته ما تقول شي عشان انا باخذ حلالي وكل شوي تقول اكيد تخلين محمد يتولى حلالك هو يفهم بالامور ذي
انا :لا اصلا انا باخذ فلوسي وبروح اكمل دراستي
مرت اخوي :اي بس دراستك مو على الحكومه
انا :اي بس قطعتها وجيت ولازم اكمل ع احسابي
مرت اخوي :طيب خلي محمد يتولى فيهن وهو يرسل لك كل شهر المبلغ اللي تبين
انا :لا خير ان شاء بعدين انا جوعانه وين عشاك
مرت اخوي:انا ما اطبخ محمد يجيب من المطعم ايش بغيتي عشان اقوله
انا :ها لا خلاص ارجع بيتي واسوي لي اكل
ورجعت الفندق اتعشيت ونمت
...صحيت الصبح وقررت
خلاص انا مليت من الحرب ذي تعبت نفسيا ماني قادره اسوي شي حق خواتي ويوسف مانعهن عني فقررت ارجع اكمل الدراسهه هو الشي الوحيد اللي بيبعدني عن يوسف وفهد وخواتي وارتاح بس واللي خلقني حق خواتي برجعهه لهن من ماكان هو ما راح يمنع عنهن حقوقهن
جهزت اغراضي وحجزت اقرب موعد كان بكره اتجهزت من كل شي احتاجه بروح اقابل خواني واودعهن
دق جوالي وكان اخوي يقولي انه عازمني ع الفطور قبلت عشان اقوله اني برجع
اتجهزت وعطيته عنوان الفندق برسالة واتساب ومضى شوي وقت ووصل رحنا لمطعم بس انا وهو حتى زوجته مو معه
قلت
انا:اءءءء محمد انا برجع اكمل دراستي
محمد:حلو الله يوفقك بس لاتقطعينا لازم تتصلين
انا:ان شاء الله
محمد:متى طيارتك
انا : بكره الساعه 7المغرب
محمد : محد راح يوصلك غيري
مشكور اخوي حبيبي انت الله يخليك لي
خلصنا فطور ورجعت االفندق
فماكان ثاني ساره ماكانت تدري شنو راح يصير بالفتره اللي بتقعد فيها بالفندق لحالها
