جَـمّـرَة آل عَليِ 🔥🤍

Part 20

* ﷽*

الرَوُايـَة :جَـمّرَة آل عَليِ🔥🤍
الرَآوُيـي: شَـمّسِيّنْ🫶🏻🫀

*"بَيْنَ ضَحَكَاتٍ رَقِيقَةٍ تَسْكُنُ قَلْبِي، وَبَيْنَ أَقْدَارٍ شَاءَتْ أَنْ تَخْتَبِرَ صَبْرِي.. وُلِدَتْ حِكَايَتِي لِتَكُونَ دِفْئًا وَأَمَانًا وَسَطَ كُلِّ هَذَا اللَّهِيبِ.. مَرْحَبًا بِكُمْ فِي عَالَمِ
                                          'جَمْرَةِ آلِ عَلِي'."*

                          ✨تصويت+مُـتابعة+تعليق ✨
_______________________________________________

فاطمة: ...

آل علي: شگول أگول إلها حبيبتي راح تجي هنا مريم تگابلچ وتگعد غير يصير ذبحنا جماعي

هو گال هيج وأنه متت تخيلت تجيني هنا تتمخطر بلبسها المدري شلونه ونوب همَُّ أكيد راح يجتمعون على مود الواجب والمُخطط ، يا رَب صبر آيوب ،نزلت سويت روحي طبيعية
فاطمة: هممم
يوسف:  هلا بـ مدام آل علي إلي راح تذبحنا كُلنا
أبتسمت إله
فاطمة: ليش ؟
حيدر:  أحمم هيج يمسلت مالچ شغله بي
هزيت راسي ورحت گعدت يم آل علي ، همست بيني وبينه٫
فاطمة:  تتوقع شنو راح يصير ويخليني اذبحكم ؟
أباوع عليه صار يحمحم ويگح ،...
يوسف: يا يا شمالك خويي بس لا خفت من الذبح
عاطوا بي ٫,
آل علي: نعااااااااااللللل
حيدر: يوووووووووووسفففففف گوم جيب قُز القُرط بـ گلبك الزلمة أختنگ
گام يوسف يدردم عليهم ٫
يوسف: والله يالله گادرين بس على الفقير هسه زلمة أبن ابو يحجي الواقع زلم أخر وكت يخافون من الجَمر طيح الله حظكم يا زلم أخر وكت أن شاء الله قُز القُرط بـ گلوبكم زلم اخر وكت زلم تخاف من الجمر والله يالله

أجه للـ آل علي حطله الماي على الطبلة٬...
يوسف:  تفضل حبيبي
آل علي : حبيبي
حيدر يهز بـ إيده وانـه أضحك على سوالف يوسف,گعدوا يسولفون نوب يوسف كل ساعة يذبله حجايـه عن مُوضوع مَـريم ...
عفتهم وصعدت راسلت البنات على الگروب ...
إيـڤا:إنتِ هسه شنو راح اسوين ؟
شمس: يُمااااا نوب ريلي هناك والله اذا سكتي يا فطيم أگلب الدنيا على راسچ وراسه وراسهه
لينا: غزا العزاني أرچولتنا كُلها هناك
دُعاء: ولچ احنا أرحم على الأقل ما راح نشوف ويحترگ گلبنا فاطمة راح تگابلها وتگعد
إيڤا: صُدك ترا انتو أهون لأن هي ما ميته على رجولتچن هي تريد آل علي
شمس: بس راح تتقرب منهم لأن من نوع هذا ما رادني أروح الهذاك فطوم زلمنا بحمايتچ
فاطمة: هو انـه زلمتي ما حاميته
بُقينا نسولف شوي وصعد ال علي ، فتحلي إيده نمت على صدره ...
آل علي: إحـمم فطوممم
فاطمة: هممم
-تغارين عليَّ مو؟
:-أكيد
-زين وإذا وحده چانت تريدني وأجتي بحُكم العمل شنو راح تسوين ؟
:- حسب منو هي وشنو راح سوي وانتَ شنو تعاملك وياي وياها ليش هل أسأله ؟
- لا أكيد هي راح أعاملها كـزميله لا أكثر وانتِ جمرة فؤادي 
:-حبيبي انـه ما متعودة عليك تلف وتدور مينه راح تجي ؟
عدل گعدته وحضني أقوى
-مَـريـم
:- أههاا هلا بيهة
گلتها ودرت وجهي ونمت ،
آل علي: يابـه شبيچ ؟
فاطمة: ماكو شي أريد أنام حتى أكعد أستقبل خُطاري ولازم أفرغ غُرفة ثانية بعد
إبتسـم
آل علي:  أحب عيونچ
فاطمة: شُكراً وخليني أنـام علي
آل علي: علي ؟
عفته ونمت وانـه كومة أفكار براسي ثاني يوم گعدت بـ 8:00 نزلت نضفت الجـَوة سويت تنضيف عميق للبيت كُله خلصت ورحت للمطبخ أسوي رَيوگ لأن ولدنا وصلوا
لأگعد حيدر
حيدر: صباح الخير
فاطمة:  أهلًا صباح النور
راح گعد بالصالة ونوب گعد يوسف وگعدوا يسولفون شوي ونزل آل علي ،...
آل علي: إحمم الولد وصلوا
گالها وغمز ٬
يوسف:كُلهم لو الأحم ماكو؟
طلعت من المطبخ وانـه أنشف بـ إيديه ٫
فاطمة: لا مسيو يوسف الاأحم العصر توصل
آل علي طلع للولد وانـه رجعت أرتب بـ الأكل وحيدر ويوسف يتناگرون ٫٬...
دخلوا الولد سولفوا وشوي ودخلوا عليَّ آل عُمر ومحمد ٫...
محمد: هلا ببنت عمي شلونچ مرت اخوي الحُب
أبتسمت إله تقرب باسني من راسي ٫
فاطمة: الحمد لله انتَ شلونك
محمد:بخير
آل عُمر: هلا بخيتي شلونچ ؟
باسني من راسي وحضني من كتفي ٫
فاطمة:زينه
آل عُمر :شلونه وياج؟
فاطمة: وين اكو منه؟
آل عُمر: بس يسوي شي گولي لا تخافين وأنـه أخوچ جميرة
أبتسمت إله بعده جاي يسولف وياي ودخل آل علي
آل علي: هلاااووو هاي شني ؟ وخر لك مرتييي هاي قبل تحضنوها وتبوسون راسها هسه مرتي
سحبني من آل عُمر ٬
محمد: هاي يا هو عفط ؟ أكل خـ** ولك هذا آبو جمرة بكفيك هي هاي أخوي أبو جميرة ولك عَزيزتنا هاي
آل عُمر: هههايي ولك هاي أختي قبل حتى لا تباوع بخلقتك ولك هاي جانت تگول أنتَ أخوي لأن ثنينا ما عدنا أُم وأب تجي انتَ تالي وكت تريد تبعدني عنها عزيزتي
محمد:  والله صلف
آل عُمر: أجاك تالي عگبك
آل علي: والله عمي خوش أكلوني وشربوني
فاطمة:  أخوتي بَـعد
آل علي: والله ونَـعم ، يلا صبي وتعالي أگعدي يمي لا تتفيكين أنتَ مريتي فنَّ أي واحد منَهُم يباوعلج بغير نضرة
آل عُمر:  حتى أحط رجلي بعينه
محمد:  على مود أشگها لعينه
هزيت راسي،...
وبلشت أصب والولد ينگلون سويت صواني ثلاثة باگله بالدهن وأجبان وچاي وبس كملوا وگعدوا ورحت يمهم،
فاطمة: سلام عليكم
گاموا وگفوا تاج الدين وصاحبه موسى ،
مُـوسىٰ:  وعليكم السلام خويه جمرة تعبناچ اليوم
فاطمة:  لا ولول كُل الهلا بيكم
مُـوسىٰ : الله يسلمچ
گعد موسى،
تاج الدين: اهلاً جمرة عاشت إيدچ
فاطمة:  تسلم خويه عاشت أيامك
تاج الدين: الله يخليچ
گعد وبلشنا ناكل وكل ساعة واحد لو آل علي لو آل عُمر لو محمد حاط گبالي شي هُمَّ من زمان هيچ
محمد: أكلي أكلي سوده عليَّ أخوي ما يوكلچ أكلي من إيدي حتى اذا سمنتي گولي من إيد محمد
آل علي:  لا بلا هاچ بويا أكلي مالچ غرض بهذا أنـه ريلچ أوكلچ من خيري
آل عُمر:  شلچ غَـرض بـ هذولا المـسودنين هاچ أكلي من أبو عُمير هذولا كل ساعة واحديـعيرچ و أنـه أخيچ
كملت أكل وگمت شوي وبلشوا الولد ينگلون إلي المواعين تاج وموسى راحوا ناموا وحيدر ويوسف طلعوا ومحمد و آل عُمر وآل علي أجوا يمي آل علي گعد يسولف وآل عُمر يناوشني غراض ومحمد يصفط بيهم ،...
محمد: مريم وين ؟
هو گال هيج آل علي غص وآل عُمر يضحك ،.
آل عُمر: طيح الله حظك
آل علي: أنلصم محمد
محمد: ليش ؟ بس لا جمره ماتعرف ،شلون اكو واحد ما يعرف منو  راح يجي
رحت ضربت آل علي على ظهره ،
فاطمة: شلون ما أعرف غير ريلي گال إلي راح تجي مريم بس عندي مُشكلة وين أنومها ما عندي مكان
آل علي:  أنـه أنام يم الولد وهي خليها يمچ
شهگت،
فاطمة:  شنوهههههه؟ أنـه مَـريم تجي يمي لو أموت
آل علي: چا شلون ؟
فاطمة: ما تولي لفندق واذا على الواجب تجي العصر هنا تشوفه وتولي
آل عُمر: أحم زحمة بوية جمره
محمد: خايب ما تنجب هي لو تعرف الزحمة ما تجي البيت كُله زلم
فاطمة: بالعباس بس انتَ التفتهم
آل عُمر: جميرة هسه إنتِ مو يمنا
آل علي: عمير لا تجيب مريم على فاطمة
محمد:  أولاً فاطمة زوجت آل علي و البيت بيتها يعني هسه بدفره تشحتنا وفاطمة بهواي أشياء تختلف عن مريم ،يا عمير الواعي
آل عُمر:  زين هي مريم شعجب ما راح الفندق
آل علي:  إحم أنـه گلت إلها تعالي
لطمت على صدري،...
فاطمة: شلون يعيوني ؟
محمد: تفضل بعرها
آل عُمر:  هههايي
فاطمة: ولك عليوي عندك تواصل وياها ؟
آل علي: لا حبيبي لا
فاطمة: عزا العزاك يـ معزه ولك عليوي
آل علي:  لا حبيبي أفهمني ،هي گالت لموسى راح أروح فندق أنـه گلت الموسى خلي تجي ودزيت الموقع الموسى و هو حوله إلها
فاطمة: وانتَ من شوكت تسوي شي بدون ما تاخذ رأيي ولك عليوي
أندار على الولد وغمهم ،
آل علي:  أمم الفگور بس أجيتوا تعاركنا ،حبيبي توقعتچ ما ترفضين أذا تريدين هسه أشحتهم كُلهم
محمد:  شگد ****
آل عُمر: حبيبي الغالي
فاطمة: عليوي خليها ببالك أي حركة ما تعجبني أحطها وأكتلها
آل علي: إحم إحم
محمد: يا يا شبيچ أنجلبتي
آل عُمر:  زحمة خويـه شني تسودنتي
فاطمة: أنـه مَـره ما أتحمل آشوفها تـ...أستغفر الله العلي العظيم من كُل ذنب عظيم أطلعوا أنتو مو تعبانين روحوا ناموا وأنتَ گوم نطلع للحديقة مال بيت ترا وصخه منظرها مو مريح
محمد: شمالچ بويه ؟
آل عُمر:  شحتتنا ههه
آل علي: هي من تعصب لو تضوج تطرد بالوادم ويجيها ألهام للتنظيف
راحوا الولد ناموا وطلعنا أنـه وآل علي ننظف الحديقة كملنا و دخلنا سويت كيكه وهيج كم حلو وضميتهم بالثلاجة وآل علي گعد يباوع بالـTV
صارت بالـ4:30 طلع موسى من الغُرفة ,
مـوسىٰ:علي شنو آقرب نقطة على البيت
گال إله النُقطة وطلع مُـوسىٰ ،
وأنه چنت لابسه ستريچ أسود وهاينك صوف طويل كلش لجوه الرُكبه ورافعه شعري كُبايه
بعدني بالمطبخ شفت من الشُباك مَـريم دخلت لابسة تراك لونه أبيض هاينك رياضي و بـ إيدها جُنطة سوده شلون الرياضية ورافعة شعرها ذيل حصان وهو شعرها قصير بـ المُختصر عبالك جايـه من الـGM دخلها موسى من باب المطبخ ...،
مُـوسىٰ: إحـم إحم
فاطمة: تفضل خويـة تفضل
دخل هو ودخلت مَـريم بـَعده ،
مُـوسىٰ: إجاچ خُطار خويه
فاطمة: هلا بـ كُل من إجه
مَـريم: مَـرحـبا
فاطمة: أهلا وسهلا
تقربت رادت تبوسني بس أنـه مديت إيدي وسلمت عليها ،
مَـريم: شلونچ مَـدام آل عَليِ
فاطمة: هلاو عيني بخير تفضلي
دخل موسى وأحنا ورا لكيت تاج وآل علي گاعدين من شافونـا وگفوا صار بوجه مريم تاج ، مدَت إيدها وسلمت عليه ...
مَـريم: النقيب تاج الدين شنو أخبارك ؟
تاج الدين: آهلا بـ المُلازم أول مَـريم ، الحمد لله
تقدمت توجهت للـ آل علي وهم مدت إيدها عساها بالكسر ،
مَـريم:آل علي شلونك ؟
أنـه چنت ورا مريم باوع عليَّ آل علي وأنه تكتفت أبوع عليه ،
خله إيده على صدره وجاوبها برسمية ...
آل علي: آهلًا وسهلا بيچ أنِسه مَـريم .
هي نزلت إيدها وردت عليه بأبتسامة ، وراحت گعدت على كُرسي القنفات ...
مَـريم:إي عيوني شلون العرسان ؟
فاطمة: بخير الحمد لله
مَـريم:ههههيي خربنا عليكم شَهر العسل مو؟
فاطمة: لا بيب أساسًا أحنا چنا بسليمانية و دهوك
مَـريم: أممم عليكم بالخير والعافية عيوني ،إحم أكو غُرفـه فاضية هنا ؟
فاطمة:إي بيب تعالي وياي
گامت أخذت جُنطتها ومشت وراي صعدتها فوگ دخلتها بغُرفتنا ،
فاطمة: تفضلي بيب هنا راح تنامين وهذيچ الخانة فرغتها إلچ وهذاك الحمام إذا تريدين تسبحين
مَـريم:أي والله جسمي مكسر من الطريق إريد أسبح بـ مي حار
فاطمة: أي تفضلي
أخذت من جُنطتها بُرنص وخاولي لون وردي وفرشه أسنان ومعجون ودخلت للحمام ،وأنه نزلت طلعت الكيك وجان أكو عصير برتقال هم رتبت الصينيه وصعدت المَـريم دگيت الباب وسمحتلي بالدخول دخلت لگيتها لابسة شلون الستريج بس برمودة وهاينك ماروني وجاكيت أسود خفيف وقصير وجواريب وچانت تمشط ،
فاطمة: إحم راح تنامين ؟
مَـريم: لا راح أنزل كملت
عافت شعرها مفتوح وهو مبلل ونزلت قبلي گعدت تسولف رحت أنه جبت الصينيه ، وگعدت بصف ال علي ...
مَـريم: علي هاي مين الكيك والحلو ؟
آل علي: إحم هاي جمرة سوتها
مـَريم :ياااي عاشت إيدچ تجنن عبالك جاهز علي هنيالك بيها
فاطمة:شكرًا
مَـريم:بيتكُم حار
تاج الدين: إي مو بي تدفئة
ذبت الجاكيت وچان الهاينك رُبع ردن وكُلنا نُعرف شلون الهاينك ضيق ،باوعت عليها مَصدومة عبالي نست نفسها او ما نتبهت أدري بلبسها مدري شلونه بس مو هيج ...
تقربت منها وهمست بيني وبينها
فاطمة:مَـريم؟
مَـريم:همم ؟
فاطمة:أنتِ ترا لابسة هاينك رُبع ردن
مَـريم: آيي ؟
فاطمة:ها يعني عادي ؟
مَـريم: اي كُلهم حبايبي
فاطمة:همم ،مو عبالي إنتِ مثلنا ما تلبسين هيج گدام الغريب
مَـريم:يعني شلون؟
فاطمة:إحنا هذا لبسچ نلبسه بس من نكون ويا أزواجنا لو ويا صديقتنا فقط أما مُقابيل الغير نلبس شي طويل ومستور
مَـريم:إيو شنو هالتعقيد
فاطمة:ياا وين التعقيد بالموضوع ؟يعني إذا ما طلعت زنودي للغريب معناها مُقعده لو إذا ما برزت تضاريس جسمي معناها مُعقده؟
مَـريم: أووي جَمور سوري بس عَقليتچ كُلش قديمة ،يعني هو جمال البنية شنو جسمها وبياضها وبعدين وجها صح أني مسوية جسمي نحت ثلاث مرات واضرب أُبر تبيض بس يعني
فاطمة:ياا يا خيـة چا شبقيتي ؟ خَيـة الستر حلو صح أني مو محجبة بس لبسي كُلش حلو ومستور
مَـريم:هههه لعد لو تعرفين شمسويه بوجهي لعد ؟ منو يدور ستر هسه حُبي البنت تبرز جمالها بهاي الأشياء
فاطمة: أُمداني أذا هيج أبرز جمالي خـيه هيج لا راضية الله ولا عبادة ،هذا كله ومسويه بعد
مَـريم:بعد كُل واحد وعقليته أني اشوف البنت هيج نبرز جمالها أنتِ عقليتچ قديمة فـا ما عجبچ كلامي ،يعني مسوية رتوشات بسيطة فلر وبوتكس وتكساس ونضارة وتاتو هم وخشمي ،و دا أفكر أسوي تعديلات بعد وهم أسحب عيوني
سكت منها وهزيت إيدي لأن ما عجبتني كلش،شوي وگعدوا ولدنا وأجوا الولد وگعدوا يسولفون عفتهم وگمت رتبت وعدلت وسويت العشه كملت وسمعت صوت الأذان من تلفوني صعدت صليت نزلت لگيت بس مَـريم گاعده ،
فاطمة: همم الولد وين ؟
مَـريم: يصلون بالأستقبال
هزيت راسي ، ورحت للمطبخ رتبت الأكل بصحون والميز ما يكفي أكيد فـافرشت سُفرة بالصالة طلعوا الولد گعدوا وأجوا ولدنا ينگلون بالأكل راحوا گعدوا وأنـه أخذت الخُبز و الماي ورحت وراهم لگيت مَـريم گاعده على القنفة ،
فاطمة: ما تنزلين ؟
مَـريم:ما أعرف أگعُد بالگاع
لا إراديا كلت بـ ستهزاء،
فاطمة:لا والله صدوگ
آل عُمر: إحم
باوعت على الولد گوه حاصرين الضحكه ،
فاطمة:إحـمم گومي جبي إلچ ماعون من الكاونتر وصينيه
گامت جابتهم وإجت وأنطتني الماعون و وگفت فوگ راسي متخصره وتتشرط،
مَـريم:جَمور حطي من هذا ...لا لا من ذاك أطيب ...حطي هذا هم  لا لا لو هذاك أفضل ...زين جيبي هذاك خلي أشوفه ... لو لا لا حطي من هذا خلاص ...لا لا هذا أحسن
رگعت الماعون بالگاع هم زين ما نكسر ...
فاطمة: أستغفر الله العلي العظيم مريم هاچ أنتِ صُبي
مَـريم: آي جيبي
نزلت أخذت الماعون وكُل شوي گالت لواحد ينطيها شي لحد ما ترست الماعون وراحت گعدت على الگُرسي تاكل ،
چنت گاعده بين آل علي و آل عُمر تقرب آل عُمر همس قريب مني،...
آل عُمر: شبيج وياها أتحمليها گعدي سولفي وياها شوفي مايها شبيج بويـه
آل علي:أنـه أخاف أحجي
فاطمة:تحرگ بدمي سولفت وياها عقليتها مالـ ...توء خليني ساكتة ،عود جاي أتناقش وياها تگول عقليچ قَديمة ،لا والله أنهجم بيت العقليه الفريش ،أنـه هـاي المـستهتره تگول عليَّ إيو لا والله تخسي
محمد: أعصابك أبو جَمر يروحون فدوة لسير نعالچ
فاطمة:الغالي أبو الحمود
آل علي:مخابيل والله هاچ إكلي إكلي بويـا
وهم بلشوا كُل ساعة واحد حطوا شي گبالي ،كملنا وگمت لملمت وآل علي صعد جاب أوراق وتاج هم جاب أوراق وگعدوا كُلهم يتناقشون وأنـه گاعده أباوع عليهم واراسل البنات ،...
شَـمس:بلا دزي إلي صوره إلهم
صورتهم وكل ساعة وحده متغزلـة برجلها ،
دُعاء: خطيه تاج وصاحبه وصاحب يوسف محد بتغزل بيهم
إيـڤا: منو گال إلچ تاج محد يتغزل بي ؟هسه دزيت الصورة لـ تينة شبعتو غزل بحيث تمنيت روحي تاج
لـينا:يا هيَ تينة؟
إيـڤا:مُرجان السكرتيره مالتي
شَـمس: هاي سَمر المحبوبة ؟
دُعاء: آيييي ذكرتها
فاطمة: بس گلتي تينة عرفتها والله هنياله تاج إذا أخذها
لـينا: بلكي تنفك الچبسة مالته وياخذها بس كون مصفي بآله
إيـڤا:لا لا أني أبصم إلچ بالعشرة تاج بآله صافي و إذا مو بداية السنه عرسه من تينة بفرحة الزهره بهاي السنه الجايه
دُعاء: وأنتِ دكتورة ماكو شي منا منا ؟
شَـمس :صُدگ إيفانهه ماكو واحد تتغزلين بي يمنا صخام لطام لأن من نحجي على زلمنا هنا وأنتِ ما تشاركين أحس روحي گاعده يم سَـيد وأفشر
لـينا: لا أبو صابر راح ياخذها
ضحكت على تشبيه لينا عود لأن سيارة موسى رصاصي ،
دُعاء: شني راح تحبين مُطي ؟يا شمالچ خـيه
شَمس: يا يا هاي تسودنت گلنا أتغزلي بواحد بس مو مطي
إيـڤا:يمعودات يا مطي يباوع بوجهي چني ألف دينار
لـينا: أبو الرصاصي
فاطمة: يلا كافي أنلصمن أكلچ إيڤانوووو
إيـڤا: گولي حُبّ
فاطمة: ضيفي مُـرجان أكدر أضيفها بس خاف ما تقبل أنتِ عندچ ميانة وياها أكثر
شَـمس: إي والله خوش فكرة
دُعاء: أي حتى من نتغزل برجولتنا هي تسوي إلنا واهس بمكانچ
لـينا: إي والله ، حتى يصير گروب الحوامل والمخطوبات و الزاحفات و أُمهات الرصاصي
فاطمة: أنـه من يا صنف
شَمس: لا أنتِ بعدچ كلاسيكية فترة و نسودنچ هسه چانت لينا بعدها نوب دخلت ويانه تسودنت
فاطمة: چا أنـه صار قرن يمجن ماكو شي تغير بس لساني يطول أكثر
لـينا:حُبي أنتِ خوش بنية محافظة على شخصيتچ بس ترا بعدين الحمل يخبل حتى رجلچ سوده عليَّ محمد ذاك اليوم راد يشگ هدومه ويكتل روحه
دُعاء:أي والله ذاك اليوم عمير دخل للحمام يصرخ
شَـمس:هههههههييييي يُماااا متت بطني شمسويات بالزلم
فاطمة:ياااااا ههههه حبيت هاي السالفة حلوه هههه
إيـڤا: دخلت مُرجان
مُـرجانَ: هلأوووو
لينا: هلا بچنتنا
شَـمس : هلا بـ زوجة النقيب
دُعاء: هلا بـ تينة تاج
فاطمة: هلا بـ مدام النقيب تاج الدين
مُـرجانَ: يا يا خجلونييي ، من حلگچن لـ باب السِمَه
شَمس: راح أغير أسم الگروب
وافقنا هو چان إسمه "*التس*" صدمتنا شَـمس من غيرته إلى *"زواحف الضُباط "*
فاطمة: عزا العزاچ ولچ هسه إلي يشوف الأسم شيگول ولا كأن نحجي على رچولتنا
لـينا: لا لا خوش إسم ضابط علينا
دُعاء: يا يا ضخام
مُـرجانَ: ااااا الله جوي وأجوائي الأسم
إيـڤا: طبعًا أني ما مشمولة
لينا: أمممم بي أم رصاصي
فاطمة:إححححممم
مُـرجانَ: مُراقبيها الثلاث نجوم
شَمس: أوووييي شبيجن قاتلات المُتعة ، عيني سَيد إيـڤا ترا ما مرتاحة إلچ
دُعاء: بالعباس أنـه هم أحس ضامة صماخ هـَ كُبره يحط رتب رجولتنا بجيبه
مُـرجانَ: لا لا ها الدكتورة إيـڤا عز الدين عيب هذا الكلام
فاطمة: رجاءً هاي شقرائنا الجميلة ما يصح هذا الكلام عليها
إيـڤا: ظلمتوني
لـينا: توء توء ما يصير هيج تظلموها أختي بسيطة ماخذه واحد من طبقة رجولتنا
إيـڤا: طاح حظچن وحظ إلي ينطيكم سِر بعد
دُعاء: ولچ شميسة شفتي ؟
شَـمس: إي خيه دعيوية شفت
إيـڤا: عمي باعوا ترا مُوسـىٰ......
بلشت تسولف وشوي گاموا الولد لأن باجر لازم من الـ8:00طالعين
صارت بـ 12:30 دخلوا الولد ناموا وآل علي نام يم محمد وآل عُمر ومريم صعدت وأنه طفيت الأضواء وصعدت ،
دگيت الباب ،...
مَـريم: تفضل
دخلت لگيتها لابسة شلون الفستان مال نوم بنفسجي لفوگ الرُكبة وصلوخ ودلعه ،
فاطمة: إحـمم ترا راح نام هنا سوا
مَـريم: اي اوكي
أخذت تراك صيفي برمودة وفتت للحمام بدلت وغسلت وطلعت وهي هم دخلت تغسل وأنـه بلشت أرتب بـ جُنطة آل علي الباجر ،
طلعت تمدت بالسرير بس تباوع عليَّ شوفني شلون إرتب وشنو أحط عبالك جاي تحفظ بعيونها ،...
ما عجبني أنام بصفها فـ نزلت فراش ومخدة ولحاف من الكنتور وفرشتهم بالگاع وهي ما حجت بس جانت تكتب بتلفونها ،
وها من گال آل علي راح تنام بالغرفة غيرت الجراجف و قفلت كُل الكناتير ما عدا خانة إلها ، شوي گلبت بالتلفون و راسلني ال علي سأل عن وضعي شوي ونمت وهي تكتب ،