🤍بسم الله الرحمن الرحيم 🤍
الكاتبة ؛ شمسين 🫶🏻🫀
القصة ؛ جَـمّـرَة آل عَليِ 🔥🤍
~~~~~~~~~~~~~~~~~~~~~~~~~~~~~~~~~
ام نارين: ام علي اتلصت فيه وكالت راح اجي خطابه ل نارين
حسيت مثل الانسطرت معقول يعني راح اتزوج علي ؟ ضليت صافنه وافكر يعني صدگ راح اسجل ب اسمه راح اعيش ويا نفس البيت والغرفه لا لا مستحيل اني بحلم بعلم معقول من گال اخذج غصبا على اكبر شارب و سواها صدك ٬ صحيت من صفنتي على صياح امي
ام نارين: ولج بعدين بتستوعبي هلاء كومي بدلي يلا يلا راح يوصلوا يلا ولج كومي
نارين: هااا شنو ايي هسه كايمه
كمت بعد ما استوعبت صعدت فوك فتحت الكنتور حرت شنو البس فستان لو گلبيه كلت خلي اكمل كلشي واشوف سبحت وحفيت وجهي على السريع لئن حفيته قبل عرس نارًا بيوم حطيت مكياج وشسورت شعري طلعت شال لونه رمادي وگلابيه بيضه بيها شلون التطريز لون فضي ب النص وحول الردان طلع اموتتت وصلوا خاله ام علي واختها وبنت اختها شافوني وهاي وگالت امي بعد يومين نرد خبر وراى يومين ردينا خبر الموافقة وجاب مشايه شكبرها كلها شيوخ وضباط والسيارات يعني انترس الفرع قراوا الفاتحة وكالوا بعد يومين عقد القرآن وراها ب اسبوع العرس استغربت ليش هيج مستعجل وهاي كلها واني ما عندي تواصل ويا وبعد يومين صار عقد القران مالبست ابيض لبست اوف وايت فستان ستن لجوه الركبة و ربع ردان وبيها نفخا من الكتاف ركص وهلاهل و طفينا الاغاني كالوا راح يصير العقد جابوا بشت لون ابيض وحجات لبستهم ورحت كعدت يم باب الاستقبال وبداء يحجي الشيخ من وصل الى
- نارين بنت مهند هل تقبلين بـ علي ابن محمد زوجًا لكي ان كنتي موفقة فـ قولي نعم قبلت وانتَ وكيلي
حسيت انو راح اوكع من طولي نوب رددها ثلاث مرات ب الرابعه امي ندستني
نارين: نَعم قَبلت وانتَ وكيلي
- علي ابن محمد هل تقبل ب نارين بنت مهند زوجتاً لك ان كنت موافق ف قول نعم قبلت وانتَ وكيلي
سمعته سحب نفس وفرزه وكال ب علو صوته
علي: نَعم قبلت بيها زوجه وحبيبه و * أعـضَم أنتصَـاراتِي * و انتَ وكيلي
أنت تقرأ
جَـمّـرَة آل عَليِ 🔥🤍
General Fictionبِي قَلمِي : شَمّسِيَن 🫶🏻🫀 آلرُوأيِة : جَـمّـرَة آل عَليِ 🔥🤍 عَوضها،. آلضابط آل عَليِ يقع في حُب جمرتهُ عندما كان طفلًا وكان اول حُب وهو حُب الطفولة ،المراهقة ، الشباب ... جَمرَتهُ ،. الصيدلانية فاطمه تقع في حُب ابن عمها وعندما كانت مراهقة بدأت...
