* ﷽ *
الرَوَايَـة : جَـمّْـرَة آل عَـلِيِ 🔥🤍
الرَاوِيِ : شَـمّْـسِـيِّـنْ 🫶🏻🫀
✨تصويت+مُتابعة+ تعليق ✨
"بَيْنَ ضَحَكَاتٍ رَقِيقَةٍ تَسْكُنُ قَلْبِي، وَأَقْدَارٍ شَاءَت أَنْ تَخْتَبِرَ صَبْرِي.. وُلِدَتْ حِكَايَتِي لِتَبْحَثَ عَنِ الدِّفْءِ وَالْأَمَانِ وَسَطَ هَذَا اللَّهِيبِ..
فَأَهْلًا بِكُمْ فِي عَالَمِي،عَالَمِ 'جَمْرَةِ آلِ عَلِي'."
—————————————————————————————————
لهب النار بلش يتصاعد بالحديقة وأنـه ما أعرف شنو مصيري أموت أتشوه شنو راح يصير بيه ، والرجفة مسيطرة عليَّ أنتهيت صرت عاجزة عن كُلش أحس حتى النفس ما بيه حيل أجرة ،وهذا رجع يدز بس ما بيه أگوم أشوف وفوني أحترگ من الأتصالات من البنات ورجع على الباب الرئيسي يدگ بي ......
لَـٰكن خَلفَ أسوار الدار ، كان قَدر آخر يُكتب .
گوه گمت لگيت الملثم طالع برا الحريق ويباوع عليه وهو يلتهم المكان ، بس صار شي محد چان مُتوقعة وهو...
صار ضوَه سيارة قوي بوسط هذا الظلام وهذا الملثم بلش يتلفت يريد يختل بـ مكان بس ماكو بس النار
فجأة نزل الشخص من سيارته بس ما واضح نزل بلش يسولف هو والملثم ويأشر على الحريق بس ما أعرف هذا الغَريب شنو شاف بحيث مدد الملثم بالكاع ودگ كتل بي ، نوب رفعه وبحركة سريعة جر اللثام منه وصور وجهه وهذا الملثم شرد بسرعة راح هذا الغريب السيارته جاب مطفأة حريق وبلش يطفي بالنار لحد ما طفاها كُلها ،
وگعدت بالگاع أبجي وأضحك مثل الخبلة ربي نجاني من حريق لو متأخر هذا الغريب بس دقايق چان هسه أني متت يعني ما أعرف شنو أسوي وأشكر ربي أنُ دزلي هذا الغَـريب
شوي وسمعت صوت دگات الباب عرفت هذا الغريب يريد يشوف أهل البيت نزلت كوة لأن بعدني بيه الرجفه فتحت باب المطبخ وسمعته يگول
:- يابه أكو أحد هنا ؟
جاوبته وصوتي يرجف ومبحوح من البجي
فاطمة: أي خويـة
طلعت فتحت الباب ،
:- السلام عليكم بابـه خو ما صار ألكم شي
فاطمة: وعليكم السلام ورحمة لا خويـة مشكور تعبناك ويانه وما أعرف شلون أجازيك نقذتني من الموت
:- أكو أحد بالبيت خويه
فاطمة: لا والله خويه محد لأن زوجي وأخوانه ضباط بالواجب وأتصلت حتى على مُدير بس التلفونات مُغلقة
؛-زين خويـة هذا السوه هاي السوايا النگسة منو هم شاكة بـ أحد ؟
فاطمة: لا والله خويـة بس هو بلش يدگ بالبا وأنـه جنت أحجي ويا خواتي وأندك الباب بكل قوة أنرعبت وبلش راسايل تهديد تمطر على تلفوني من رقم مجهول حتى سديت الخط بوجه خواتي وهاك شوف الرسايل
أنطيت التلفون بلش يقرآ بيهم ،
:- خويـة هذا واحد مبين حاقد على زوجج بس ترا أني صورته قبل لا يفلت النگس هاج شوفي تعرفي ؟
رفع تلفونه بوجهي وأنصدمت عطت بصدمة ،
فاطمة: هذا حسين
:- تعرفي ؟
فاطمة: اي هذا صديق زوجي بس بيناتهم مشاكل بس حلوها وكل من گاعد بمكانه بس ليش هيج يسوي ليش؟
عقد حاجبة بغض وباستغراب ...
:- يعني صاحب زوجج ؟ يا وسفة على الشوارب الي بوجهه ... خويـة أني راح أنام بسيارتي هنا ... وأنت أستهدي بالرحمـٰن الأمان هسه رجع للدار لحدما يجون أهلج و دخل طمني خواتج لأن فلشن التلفون أكيد هسه قلقات عليج وأطمني وحرمة هذا البيت من حرمة بيتي لا تخافين بس أنطيني رقم أي واحد
هزيت راسي وأنطيته رقم آل عُمر ، وهو راح للسيارة وأنه دخلت گعدت بالصالة مهدود حيلي يا رب گمت سبحت و بدلت وشوي أسترجعت من حيلي رحت باوعت من الشباك شفت الحديقة الورا نص مشوه ونص لا محروگ لأن الحديقة جبيرة فـ مو كلها أحتركت لأن ما طولت النار أنقهرت كُلش ، أتصلت على البنات وسولفت إلهم و لـينا وإيڤا يتعاركن ويحجن على أبوهم لأن ما جان يرد وشمس ودعاء يبجن عليَّ ومُرجان تحاول تلطف الجو
بقيت وياهن و صارت الساعة بٓـ 7:15
فاطمة: خلي أسوي أكل للزلمة بس والله سبع
مُـرجانَ: هاي الزلم الخشنة
شَـمس: عمي نعم الله عليه شريف واحد بمكانه ولا إله علاقة
لـينا: كفو منه
دِعاء:هذا زلمة تمشي بدمه الشهامة
بس إيـڤا ساكتة ،بقن يمدحن بي ويسولفون ويحجون على الولد عفت التلفون ولبست صايه وأخذت صينية الريوگ وطلعت للولد رفع راسه شافني من جام السيارة نزل وإجه
:- مشكورة خويـة على شنو تعبتي نفسچ
فاطمة: لا خويـة دلل أنتَ صاحب فضل جبير عليَّ وهذا أقل شي أسوي أنـه معروفك هذا ما أعرف شلون أرده ألك
:- خويـة أحنا زلم الغربية عيبه علينا نشوف واحد يأذي واحد ونسكت
فاطمة: ونعم منكم خويـة
:- ونعم من أصلج خويـة ولو تدخل أنتِ من الجنوب ؟
فاطمة: إي خويـة أصلنا بصرة بس عايشين ببغداد بس أجينا لهنا عود شهر عسل بس خابروا زوجي على واجب وراح
:- والله وكفو ونعم أني صاحبي بصراوي بس عايشين هم ببغداد أني وياه
فاطمة: ونعم من الكل بس خويـة ولو دوختك بس الأسم بالخير
:- خَـطاب
فاطمة: ونعم خيتك جمرة آل علي
خَـطاب: ونعم منچ خويـة
فاطمة: يلا خويـة أخذ راحتك اكلك بُرد
راح للسيارة وأنه دخلت كملت سوالف ويا البنات نوب شَـمس كتلها الفضول تريد أوصف إلها شكله ، وتريد أسمه ...
فاطمة: يعني شكله طبيعي
شَـمس: أي أوصفي حبابه راح أموت من الفضول
فاطمة: باعي هو طوله وهيج يشبه تاج
مُرجانَ: الله قياساتي
إيـڤا: باوع الخفيفه
فاطمة: خلي أكمل بس يعني ما منتبهه على شكله كُلش بس الأعرفه هو من هذولي الي يصيرون كُلهم شگران حتى رموشهم هيج شكله وبس وها أسمه خطاب ومن الغربية
دُعاء: يااااايييي والله وشَهم
لـينا: والله كومة سمعت عن شجاعه أهل الغربية و وغيرتهم كفو منهم
شَمس: حَبيت ونعم من السباع
مُـرجانَ: هو مو بس لأن من الغربية شجاع وشهم ...
قاطعتها إيفا ،
إيـڤا: راح تگول لأن هم يشبه تاج
مُـرجانَ: لِـچ أيييي فديت الي يفهمني
فاطمة:بس لو أعرف حسين شنو يريد ؟
شَـمس: مَـع أحترامي لـتربية أهلي بس بـ هذا الموضوع لازم يعني باعي حسين فـد واحد **** وعنده هم واحد ويا يساعده وهم **** فـ صايرين شلـة مالـ مـ*****
دُعاء: يـا يـا هاي نزعت أخلاقها
إيـڤا: توء توء شنو هاي
فاطمة: أعذرينا دكتورتنا بس أخذاها الواهس
لـينا؛ يستاهل واحد حتى يحرگه مو بس يفشر عليه
مُـرجانَ: غَـديـي غدي كش كش أريد أعرف أبو شنو جان يشرب من سماه حسين ما يگول هسه واحد من يريد يفشر على أسمه ما يگدر هو هذا وينه وين الحسين دخيلك يـ بو عبدالله بِريّ منه الحسين أن شاء الله
فاطمة: أففف أنه ما أريد آلعلي يعرف حسين الحرگنا
دُعاء: جا شني تگولين إله إذا شاف الحديقة
فاطمة: مجهول من يجون الولد أبلغهم ما أريد آلعلي يعرف لأن علي راح يروح يكتله نوب يشتكي عليه ومن يشتكي أكيد راح يفصلون حسين لو ينقلوا وأنـه ما أريد آلعلي يكون إله إيد بقطع رزق حسين خلي هُمَّ يلگفوا
لـينا: باعوا هاي أم گلب رهيف
إيـڤا: سوري فاطمة بس گلبچ إحم
شَمس: طاح حظج جنچ أُمي
مُـرجانَ: والله أخلي يكتله ويجيبه إله هم أني أكتله ونروح أني ورجلي أشتكي عليه وشرط أني أسلمه للشرطة بـ إيدي گلبچ رجيج يحتاج إله إعادة مصنع
بعدنا نسولف ،وأندگ الباب ،صارت بيه خرعه من الباب ردت أسد الخط بس البنات ما قبلوا شوي ودگ آل عُمر عليَّ بلغت البنات وسديت الخط ...
آل عُمر: هاااا بويـه شبيج ؟
هو گال شبيج وأنه أنفجرت بجي ،
آل عُمر: بويـههههههه فطيم وتبجي أفتحي الباب يلا خويه
گمت فتحت الباب وصاروا بوجهي هو ومحمد و يوسف وحيدر وموسى وراهم ، أتقربوا محمد وآل عُمر مني صرت بيناتهم وأبجيي والولد يردون يعرفون شكو ؟ شوي وأجه هذا الولد خطاب ،
خَـطاب : إحم يوبا سلام عليكم
ردوا السلام ،
خَـطاب: بويـه أني أسولف إلكُم
محمد: نعم ؟ شني خويـة محتاج شي شني
گوه حجيت ،
فاطمة: هـ هـا ـهـٰذا ساعدني
آل عُمر: گول خويـة
خَـطاب: خويـة أني جنت ... *"سولف إلهم الحدث "* ... وهاي صوته
شافوا صورته محمد كام يغلط وآل عُمر يهدي بيه وحيدر منزل راسه ويوسف يطبطب على ظهر حيدر و موسى هم يحجي ...،
آل عُمر : مشكور خويـة ماقصرت تعال تفضل غداك يمنا تعال
ما قبل الولد بس توسلوا بيه كلهم ،ودخلوا بالأستقبال،وأستأذنوا منه ودخلوا بدلوا وسبحوا ودخلوا ،قبل لا يدخل آل عُمر گتله لا تبلغ آلعلي طمني ما راح يبلغه لأن هم يخاف عليه دخلوا ،وأنه سويت الغده صبيت للولد وگعدوا بالأستقبال ،جاي أصب الروحي وطلع آل عُمر گعد على الكُرسي مالـ ميز الطعام وگال :يلا يلا صبي هسه محمد راح يجي هم
صبيت وطلع محمد گعدوا على الميز وأنه كعدت يمهم بس أستغربت ليش عافوا الولد ...
محمد: أحنا بعد نعوفچ أمداك عُمر
آل عُمر : من بعد هاي السالفة بعد ولا أعوفچ
فاطمة: أخخخ يُما شكد أتصلت شكد دزيت ماكو وحتى لـ ضياء الدين اللواء وماكو أبد ونار مولعة وأنـه بس أريد أحد يرد ماكو
آل عُمر: ففف أسف بويـه والله لو أعرف إله أعوف الواجب وأجب أنعل والديه
محمد: والله هذا الزلمة مطيح حظه ومصورة واحد بمكانه بس يطفي الحريق لو ماله علاقة أصلا
فاطمة: أيي والله
أكلنا وكل ساعة واحد منهم يعتذر مني صح ضايجه منهم بس مو بـ إيدهم الموضوع ومحمد يلطف الجو ،شوي وگاموا جابوا المواعين وأنه أغسل بيهم وأنضف نوب ،شوي وراح الوَلد والولد دخلوا ناموا ،وأنه نظفت البيت ،وصعدت لگيت آلعلي داز لي و متصل جاوبت عليه وگعدت أسولف ويا طبيعي بس بلغته أنُ صار شي بس من يرجع يعرف وبقينا نسولف وهو يلح يريد يعرف وبلغني باجر بليل يرجع هو وتاج ، نمت
ثاني يوم ...
گعدت بـ 10:30 لگيت الولد گاعدين ويوسف وموسى بالمطبخ يسون ريوگ صبحت على الولد وأنـه أحجي عليهم وهما يمدحون بأكل يوسف وموسى وأنُ هما يردون يسون
دخلت للمطبخ شفتهم مكملين بس جاي يرتبون بالأكل والمطبخ يلمع ،
يوسف: مدام آلعلي عبالچ بس أنتِ تعرفين تطبخين اكل طيب تعالي ضوگي أحلى ريوگ من مسيو يوسف
ضحكت وهو صاح الولد گعدت بين آلعُمر ومحمد وناكل ونسولف وفجأة مُـوسىٰ قرر هو يسوي العشه والغده گالوا عليچ كملنا وگمت لملمت وطلعوا حيدر ويوسف وموسى شوي وگال ...
آلعُمر: بدلوا خلي نطلع
هزيت راسي وصعدت لبست هودي وبنطرون وخليت شوي ميك آب ورفعت شعري وطلعت ولگيتهم مخلصين وطلعنا رحنا للقلعة أفترينا وآلعمر خابر حيدر وگال إله نلتقي بالمطعم الفلاني وصلنا للمطعم وأكلنا ورجعنا للبيت سويت چاي للولد و حلويات و گعدوا يسلفون وصعدت نمت گعدت المغرب صليت ونزلت لگيت المواعين على السنك غسلتهم ورتبت الصالة شوي وگعد
مُـوسىٰ: ست جمرة بلا زحمة أطلعي برا
فاطمة: هااا؟
مُوسىٰ : أقصد من المطبخ خليني أشتغل وإذا گعد المُساعد مالتي الملازم أول حيدر علي مُساعد النقيب مُـوسىٰ الكاظم مرتضى الشيف گُولي إله لأستاذ مُـوسىٰ يريدك
هزيت راسي بـ أبتسامة وطلعت لگيت محمد وآلعُمر گاعدين وحيدر ويوسف هم ويوسف راح لـ مُـوسىٰ بَـ المطبخ سووا العشه وكل ساعة لو محمد لو حيدر يروح يخرب عليهم ويوسف يصرخ چنه طفل ماخذين حليبه وآلعُمر يصيح بيهُم نوب فرشوا السُفره ونگلوا الأكل ورتبوا
يوسف: يلا عيني مدام أنزلي
مُـوسىٰ: شني كل ساعة صايحين واحد عزيمة كُردي
گعدنا على السُفره و تگابلوا الثلاثي موسى ويوسف ومحمد طلعوا الاكل من خشمنا من الضحك وكملنا ولملمت الأكل وهم آلعُمر ومحمد گعدوا يمي بالمطبخ نسولف ويساعدوني
فاطمة: تردون كيكه
محمد: أي شي من إيدچ حلو
سويت كيكه عاديه إلهم وللـ آلعلي ككو سويت هم للـ آلعلي لحم بعجين وبيتزا صغار وأسولف ويا الولد ،نوب آلعلي أتصل عليَّ وطلعوا الولد من المطبخ وأسولف ويا آلعلي ومنطلقة وهسه خليت الأكل بالفرن ،و أندگ الباب راح آلعُمر فتحة طلع آلعلي ،دخل للمطبخ أبتسم إلي وتقرب باس راسي وحضني من كتفي ومشاني وياه سلم عليهم كلهم وهو لازمني من إيدي، نوب صعد وصعدت ورا بس أحس حانگتني العبرة أريد أبجي بحضنه وأگله ليش عفتني لأن صوره حسين والحريق ما تروح من بالي صعد ،وأول ما دخلنا للغرفة حضني وأنـه بلشت أبجي هو ساكت بس يمسح على راسي شوي ورفع راسي بـ إيده
آلعلي: وداعة عيونچ چنت حاس اكو شي راح يصير قبل لا أروح گلبي يلعب
فاطمة: عفتني
گلتها وأنفجرت من البجي
آلعلي: لا بويـه لا فَـطُـوم فطيم باباتي حبيبي بس حاجيني
رفعت راسي باوعت عليه وهو دنگ باس عيوني ونزل على شفايفي وعافني ودخل للحمام وأنه طلعت إله ملابس وهو طلع شعره مبلل وملفوف على خُصره المنشفة أبتسم بوجهي ومن راد يبدل طلعت نزلت شفت الأكل مستوي طلعتهم من الفرن شويي ونزل وأجاني للمطبخ يفتر فوگ راسي وأنـه أرتب وهو يسولف وياي ...
آلعلي: آلعُمر أتصل عليَّ وگال أكو واحد هيج وهيج والولد خَـطاب لزمة وكتلة بس مالحگ يصوره
هزيت راسي وهو أخذ الصينيه وأنه رحت وراه گعد وأشر إلـي أروح أگعد يَـمَه حط إيده بحضني وبلشت ألعب بـ شراينهُ وهو يسولف
آلعلي : تـاج أبوك أريد گعدت عتب تخابر عليه ومايرد
تـاج الـدين : ولك أني لحد هاي لحظة أتصل عليه ماكو وأمي هم و خواتي ماكو ظل بالي وأتصلت على كُل إلـي يعرفهم يگولون ماكو
آلعلي: والله ما أعرف
ظلوا يسولفون وأنـه نعست و سمعت تلفوني رَن گمت شفت إيـڤا جاوبتها ،...
إيـڤا :هـٰلو حُب
فاطمة: هلا شقراء
إيـڤا ؛أحد يمجچ
فاطمة: ثواني
صعدت فوگ بـ الغرفة ،
فاطمة: أيي أحجي
إيـڤا: هذا الولد خَطـاب عايش بَـ بغداد ويـا واحد صديق إله
فاطمة:أي شنو معرفچ
إيـڤا: أتوقع هذا الولد أعرفه
فاطمة: هاااا ؟
إيـڤا: أي بس ما ردت أحدٍ يعرف أنتِ ثاني شخص راح يعرف بـ هذا شي محد يعرف حتى لينا بس أنتِ و تـاج راح أسولف بس حبابـه أنقذيني
فاطمة: سولفي و وعد ما تطلع مني
إِيـڤا : أدري بيج ولو ما واثقة منچ ما أسولف
أنت تقرأ
جَـمّـرَة آل عَليِ 🔥🤍
عاطفيّةبِي قَلمِي : شَمّسِيَن 🫶🏻🫀 آلرُوأيِة : جَـمّـرَة آل عَليِ 🔥🤍 عَوضها،. آلضابط آل عَليِ يقع في حُب جمرتهُ عندما كان طفلًا وكان اول حُب وهو حُب الطفولة ،المراهقة ، الشباب ... جَمرَتهُ ،. الصيدلانية فاطمه تقع في حُب ابن عمها وعندما كانت مراهقة بدأت...
