من اين ابدء

احد عناصر داعش:الله اكبر الله اكبر ☝
حلا:بابا الحكني لا عفيه الله يخليك اتركني الحكوني
احد عناصر داعش:لاتتكلمي لم يسمعك احد
حلا:الحكوني عليك الله اتركني
احد عناصر داعش:لامفر من هنا اليوم ياجميله انتي غنيمه لدينا
حلا:ﻻﻻﻻﻻ
امي:حلا امي شبيج بنتي كومي
حلا:يمه بعد مااستحمل والله مااكدر لازم نطلع منا
امي:هم حلمتي نفس الحلم
حلا:بعد مااتحمل اريد يوم ارتاح والله تعبت
امي:الله كريم تفرج ماتبقه هيج بنتي كومي ديربالج ع ابوج اروح اسوك اني
حلا:اوك ديربالج ع نفسج
اني حلا عمري 24 سنه عراقيه من الموصل الحبيبه عايشه ويه والدي ووالدتي
ماعندي غيرهم كل حياتي اتغيرت صار شهر واني احلم هذا الحلم المزعج اشوف جماعت داعش يحاولون يغتصبوني مااعرف ليش هيج احلم يمكن لان هذا مصيري اذا ابقه هنا مااكدر اطلع منا وحدي لان ابويه رجال كبير ومريض ميكدر يمشي ببسب التعذيب الي اتعذبه من ذولي الانذال صار اسبوع احاول اترك المدينه واروح لشمال او اروح يم خوالي لبغداد احنه ناس نسينه شي اسمه نوم بسﻻم او عيشه بسلام كل شي صار بيد داعش كل شي صار بأسم جماعه اتغطت بغطاء يدعي الاسلام لا اخي الاسلام مكال اقتلوا اطفال او اذبحوا رجال ولاكال هجروا الناس ولااذبحوا المسيح
ولا اليزيدين رب العباد موصانه بالقتل والتهجير ولا بنتهاك عرض اذا ردت اوصفلكم شنو شعوري وشنو خوفي مراح اخلص منا لشهر بس مااكول غير حسبنا الله ونعم الوكيل عليهم
(فرنسا)
عبدلله:يمه لدوخيني بهيج سالفه يعني كمتي متتصلين عليه اله تنكديني اني بأجازه خلي اكمل وارجع
امي:كافي فضايح ابوك راح يتخبل منك
عبدلله:ههههههههههه بعدكم مشفتوا شي حبيبتي بوسيلي اختي وياج
امي:عبدلله عبدلله
عبدلله
سلام اني عبدلله 30 سنه عراقي عايش بالامارات صار 15 سنه ابويه رجل اعمال والحمدلله كل شي مااعرف بالاداره خلصت حياتي سفر وسياحه طبعا العراق اخر مره شفته من 20 سنه لان من جان عمري 10 سنوات طلعت رحت لسوريا 5 سنوات وراهه انتقل شغل ابويه لدبي وهناك صار 15 سنه عايش مااحب اتقيد بمكان واحد لازم اسافر حاليا اني بفرنسا صار شهر مااعرف شوكت امل وارجع بس الله يسلمهه الوالده لازم تنكد عليه كل يوم نفس السطوانه ارجع ابوك محتاجك ابوك يريدك ابوك .....
جوليا:ماذا هناك عزيزي
عبدلله:لاشيء حبيبتي
جوليا:هيا بنا لنذهب
عبدلله :حسنا عزيزتي
جوليا احدى صديقاتي او عشيقاتي مااعرف هاي رقم شكد ههههههه اني انسان احب التنوع واكره ابقه بنفس الروتين
(حلا)
جنت كاعده انظف بالبيت وتقريبا الساعه 12 الظهر اجتي امي تركض من السوك وطبعا هو مو سوك بقال يمنه نشتري منه
حلا:خير ماما شبيج
امي:ابو حلا الحكني ذولي ديفترون بالمنطقه
ويأخذون شكو ابنيه بالبيت مسوين جرد
ابي:لا حول ولاقوة الابالله
حلا:شنو امي شنو تحجين
امي:مااكدر انطيج اني والله ادفن روحي ولاانطيج
حلا:بابا الله يخليكم مااريد ياخذوني والله هسه اكتل روحي واخلص من هالعيشه
ابي:كولي ياالله بنتي ام حلا منو كلج بهالحجي
امي:هسه المختار كلي شنو اسوي
ابي:روحي صيحيلي المختار قبل ليجون
امي:شنو حتسوي وياه اذا هو وياهم
ابي:بس روحي جيبي يمي
راحت امي واني بقيت بس ارجف يعني خلص
حياتي انتهت لحد هنا نهايتي هيج تصير ع ايد ذولي جرذان والله بوكتهه فكرت اذا ماكو حل انتحر واخلص
ابي:حلا روحي جيبي الفلوس الي بالخزنه كلهن
حلا:ماشي بابا
جبتهن واجتي ماما ويه الرجال طبعا هو يعرف المنطقه بيت بيت وشكد عايشين وحتى شنو نأكل بعد هو مختار
ابي:ابو صهيب اني اعرف انت مو بيدك بس اني وياك خلصنه عمرنه سوه اني مااريد احرجك اني اطلب منك طلب والله ماعندي غيره هاي كل حياتي
ابو صهيب:ابو حلا مااكدر صعب
ابي:الله يخليك ساعدني
ابو صهيب:اسف اعذرني
مااكدر اوصف شعوري من اشوف ابويه كدامي يتوسل علمودي جان يبوس بيدهه علمود يساعدني ويخلصني منهم طبعا هو عانده وبقه مصر ع موقفه لان يخاف منهم وراهه ابويه انطاه الفلوس وهنا النفس ضعفت
ابو صهيب:احاول اساعدكم
ابي:الله يوفقك ويخليك مراح انسه هذا الفضل الك
ابو صهيب:هذا واجبي انت صديقي
ياصديق وهو صار ساعه يتوسل ومن شفت
الفلوس يله قبلت المهم قررت اسوي نفسي معاقه جسديا مااعرف بوكتهه شلون سويت الحركات المهم جنت خايفه كلش من الي جاي
بقيت انتظر وماما بس تندعي بابا جان كاعد ع الكرسي ومكسور ظهره ميعرف شنو يسوي
وره ساعتين من الرعب والقلقل
احد عناصر داعش:الله اكبر
ويه كل صوت اسمعه اموت موته اني ويه كل خطوه افقد شي من حواسي صرت مثل المخدره او مثل الميته جسديا بقيت بس اسمع صوت امي
احد العناصر:اين بناتكم ابو صهيب اين قائمه هذا البيت
باوعت لاامي ترجف وخايفه من الي حيصير
مااعرف من اين ابدء بوصف ابويه
ابو صهيب :بس عدهم بنت وحده ومعاقه
احد العناصر :فتشوا الدار
امي:ماكو احد غيرنه بالبيت
احد العناصر:من قال لكي ان تتكلمي
ضرب امي بنهاية سلاحه جانت بس دموع تنزل مني اجه اتقرب يمي وبقه يباوع بوجهي صفن قوي
احد العناصر:انها جميله
اجتي امي تركض ودفعته مني
امي:الله لينطيكم حتى المعاقه مخلصت منكم جانت هاي اخر كلمه دكولهه ماما اي نعم امي
انقتلت ع ايدهم بعد مااخذوهه كدام ابويه واغتصبوهه وقتلوهه كدام الكل ابويه محجه شي غير
ابي:حسبنا الله ونعم الوكيل
تعرفون ليش هيج حجه مو خوفآ منهم لا خوفآ عليه يعني هم سكت علمودي امي انقتلت كدام عيني علمود تحميني من داعش وابويه ضعف ومكدر يسوي اي شي هم علمودي خاف بوكتهه ابقه وحدي ومحد اليه
ابو صهيب:حلا بنتي
انتبهت لنفسي واني واصله لكركوك جانت كل هاي ذكرى حزينه راح تبقه بداخلي ابو صهيب طلعنه اني وابويه من الموصل بعد صعوبات
وتعب وخوف بس اني بعدني منتحله شخصية المعاقه علمود ليأخذوني بالطريق
حلا:ها عمو وصلنه
ابو صهيب :اي يابه الحمدلله ع سلامتكم منا تكدرون تروحون لبغداد براحتكم وراهه مناك بطياره روحي لااربيل
حلا:شكرا عمو مااعرف شلون اشكرك
ابي :رحمه الله والديك مقصرت اخويه
ابو صهيب:يله اني اروح اتوكل
ابي:الله وياك
حلا:مع السلامه عمو
يمكن هنا الوضع شويه احسن لان ماكو داعش بس ماكو ثقه بينه الناس خايفه لنكون احنه
مجرد خليه تزرعهه داعش بنصهم بعد فتره كدرنه نروح لشمال رغم كل هذا الي صار بينه واني بعد عندي امل اطلع من العراق كله واخلص يمكن هذا الحل الوحيد كدرت احصل ع كرفان ويه النازحين مااعرف شلون راح انعيش او شلون نأكل ماادري عفت هالشي ع الله هو وحده يتكفل بينه
ابي:بنتي لتطلعين بره اخاف عليج
حلا:بابا لازم ادور ع شغل مااكدر ابقه منتظره المساعدات
ابي:وين ادورين حتى متندلين هنا
حﻻ:اذا ابقه كاعده بالبيت مراح اندل اي شي اروح اطلع وادور واني اندل
ابي:اني ادري اني حمل زايد عليج
حلا:بابالتحجي هيج اني شعندي غيرك
ابي:حتى اخواني ماكو كل واحد وهمه عائلته خوالج شفتي استقبالهم النه بس شافوني معاق
حلا:لتحجي هيج ابدا انساهم كلهم منحتاج احد ماطول الله ويانه
ابي:ونعم بالله
بسته من رأسه وطلعت من الكرفان الي هو بيتنه اتعرفت ع ابنيه اسمه افيان اني وهي اندور ع اي شي نشتغله
افيان :اتأخرتي
حلا:كملت شغل وغده لابويه يله طلعت
افيان:شطوره ههههه باعي انروح لصالونات او مطاعم حتى لو نغسل مواعين
حلا:اوك
صعب بعد ماجنت ملك بيت اهلك وبنص ناسك ومنطقتك تجي لهنا وتنذل من كل الناس الكل خايف منه صعب من انت تعيش ع نفقه او صدقه يتصدقوهه عليك العالم اصعب شي من توكف وتنتظر المساعدات وهي عباره عن بطل زيت وكيلو تمن و بطانيه
افيان:هذولي شبيهم يطردون بينه
حلا:اوف
افيان:شلون هسه وين انروح
حلا:اتأخر الوكت خلي نرجع
افيان:ماشي لتبجين استحملي ربج يفرجهه باجر هم نطلع ندور
حلا:خلي نأخذ تكسي الدنيا ليل
افيان:فلوس التكسي تفيدج حبيبتي نرجع نتمشه لتخافين
الطريق طويل وطريق البحث ع الشغل اطول رجعت بنص الطريق افيان شافت اخوهه راجع من الشغل
افيان:كريم
كريم:وين جنتي
حلا:مرحبا
كريم :هلا منو هاي افيان
افيان:حلا النازحه الجديده هاي حلا
كريم:اها وشدسوين بره
افيان:ندور ع شغل وماكو
كريم :امشي نرجع واحسابج بالبيت كم مره كايلج لتطلعين بره المجمع
افيان:اسفه
حلا:اسفه ترى اني اخذته ويايه ﻻن تندل
كريم :انتي محد طلب رأيج
حلا:اوك اسفه
رجعت وياهم بس طبعا امشي وراهم لان كلش كرهته يعني ع شنو شايف نفسه وصلت لمجمع ودخلت لكيت ابويه نايم غطيته وبدلت واتعودت من يوم الي دخل داعش الموصل جنت من انام انام اني كاعده وبيدي الزم رجلي واضمهن
ع صدري مااكدر انام مثل اي شخص عادي المريت بي مو سهل صح اني هسه بأمان بس اني خايفه لان همه حتى بأحلامي ميفاركوني
(عبدلله)
بعد اسبوع من التعب من اتصالات امي رجعت لدبي واكيد ﻻزم يستقبلني ابويه بأجمل استقبال
الوالد:والله زين ونورت جان بقيت اكثر
عبدلله:الله يسلمك يابه
الوالد:ام عبدلله من باجر ادورين لاابنج مره يتزوجهه بلكي يبطل فضايح ويعقل
الوالده:ان شاء الله بس لتعصب
عبدلله:اريدهه حلوه امي
الوالد:لك صير رجال وكد المسؤليه وتعال ساعدني
عبدلله:الله كريم من يصير مجال اجي زياره الك الوالد:ام عبدالله صعدي فوك بعد مااستحمل اشوفه
الوالده:اي صار ادلل بس ع كيفك ويه نفسك وانت اصعد ابني
صعدت فوك وامي حضنتني
الوالده:اشتاقيتلك حبيبي اتونست
عبدلله:لا طبعا انتي مو ويايه
الوالده:شكد لوتي جبتلي العطر لو ﻻ
عبدلله:ياسفره نسيتج جبتلج عطر يجنن مثلج
امي جوعان واريد اسبح وانام لتكعديني لو تنكلب الدنيا
الوالده:اوك حبيبي راح اجهز الغده الك وانت ادخل اسبح حتى تنام
عبدلله:احبج
الوالده:روح لوكي
امي كل حياتي هي الوحيده الي مصبرتني ع ابويه من افكر ازوج اخذ وحده مثل امي بحنانه وطيبة قلبهه اخذت شور وراهه اتغديت الحمدلله ابويه ماكو رحت نمت تقريبا بال 9 بالليل كعدت هم طلعت بره اشوف اصدقائي
قصي:عاش من شافك
عبدلله:انت العايش لتبدي انت الثاني مثل عمك
قصي:ههههههه لاعمي ع راحتك
عبدلله:اشو ماكو احد اليوم
قصي:انت جاي من وكت شلونهه العطله
عبدلله:يعني تعرف سوالف عمك
بدر:هلا بالشباب
عبدلله:هلا بيك يالحبيب
قصي:هلا بدر اني اروح شباب ورايه دوام ومااكدر ﻻزم اداوم
عبدلله :هاي شبيك هسه شفتك
قصي:تعال لشركه وتشوفني حبيبي
عبدلله:هههههه ماشي
قصي:لازم تجي ترى
عبدلله:اوكي
(قصي)
عراقي يتيم الاب والام عايش بالامارات بشقه وحدي اشتغل مساعد ويه عمي اصدقائي محدودين اقرب شخص اليه عبدلله عمري 29 سنه ممزوج ولامرتبط كل حياتي شغلي احاول اطور بنفسي علمود افتح فرع خاص بيه احلامي بسيطه احب اساعد المحتاج مااحب سهرات الشباب المتأخره ملتزم بروتين واحد انام من وكت واكعد من وكت مااغيب عن دوامي ماادخل بأي احد ✋
عمي:ابني احجي وياه خلي يجي يداوم كافي طيش ولعب
قصي:عمي اني حجيت وياه وكلي راح يداوم
عمي:اوف ياربي اتمنى يصير مثلك او ربع منك قصي:اني هم ابنك عمي واني موجود بأي شي تحتاج
عمي:ادري بيك متقصر
قصي:عمي بالنسبه لحمله مال نازحين
عمي:اي شبيها
قصي:هي بعد شهر واني اريد
عمي:ادري بيك اتحب تروح بس اخاف عليك الوضع مو امان
قصي:اني اتمنى اروح وبعدين هي بالشمال ماكو اي خطر علينه
عمي:ماشي اقبل تروح انت بس بشرط
قصي:اتفضل
عمي:تأخذ عبدلله وياك
قصي:هههههه تشاقه صح
عمي:لا اريد عبدلله وياك وهناك راح يصير تصوير مباشر اذا راح خلي يحسن شويه من صورته
قصي:صعب يقتنع
عمي:انت وشطارتك لحظه خلي اجاوب خالتك
ام عبدالله:هلا حبيبي شنو متصل عليه
عمي:اي كعدي ابنج وخلي يجي لشركه بسرعه ام عبدلله:صار ادلل صدوك حبيبي خلي يجي قصي وياك مسويتله برياني
عمي:اوك اجيبه ويايه
ام عبدلله:بالسﻻمه
قصي:شنو غداكم
عمي:برياني ودكول تعال خالتك مسويته علمودك
قصي:فديتهه والله
عمي:هسه ع اتفاقنه
قصي:احاول عمي واذا مقبل اروح وحدي
عمي:ﻻ طبعا
قصي:ماشي راح احاول
قاطع حديثنا دخول السكرتيره
نبأ:استاذ احمد الست فاتن تبي اتشوفك
عمي:اوكي خلي تتفضل
قصي:منو فاتن
عمي:الشريكه الجديده
قصي:اروح اني عمي اشوفك ع الغده
فاتن:مرحبا
عمي:اهلا وسهلا نورتينا
فاتن:مشكور متكصر
قصي:اهلا وسهلا
فاتن:هلا فيك
عمي:اتفضلي بنتي
فاتن:مشكور عمي انت تعرف سبب زيارتي كتبنه العقد ونبي منك تقراه وتشوفه يفيدك
عمي:ان شاء الله كيف اخبار الوالد
فاتن :مشكور وايد زين يسئل عنك ويتمنى زيارتك
عمي:الله كريم ابني قصي اقره العقد وانت قرر عليه
اي نعم اني عندي هيج سلطه يم عمي
قريت العقد واخر بند معجبني مراح نستفاد منه اكيد هاي حركه هي استخدمتهه علمود نوافق ع شروطهم
قصي:استاذ هذا اخر شرط
عمي:امم بنتي احنه متفقين ع هذا الشي ويه الوالد مااعتقد نكدر نوفر هيج طلب
فاتن:استاذ احمد انا الي يايه اشتغل معاك مو ابوي
عمي:افتهم هالشي بس هذا صعب انتي طالبه مبلغ كلش جبير فوك طاقتنه
فاتن:اوك الي تبي بيصير بس لازم يكون المبلغ معقول
عمي :اتفاهمي ويه قصي
فاتن:شنو رأيك استاذ قصي
قصي:اوكي عمي الله يقدم الي بي الخير وان شاء الله يعجبج التعاون ويانه
فاتن:ان شاء الله
(فاتن)
مديره اعمال اشتغل نيابه عن الوالد عراقيه الاصل بس اللهجه شويه مو ضابطه ببسب معاشرتهم عمري 26 سنه كل حياتي المال هههههه والاعمال احب اطور من نفسي واحب اكافح بالعمل اليوم بديت انفذ خطه صار سنه نشتغل عليهه اني وابوي هي الشراكه مع شركه الامل خلي اتصل بالوالد
فاتن:هاي دادي
ابي:هلا وغلا بشري
فاتن :كل الي نبي صار
ابي:الحمدلله يعني تم العقد والموافقه
فاتن:اي يبى بس الرقم اتغير
ابي:اعرف بنتي احنه خلينه هذا الرقم حتى ينزلوا همه للي انريده
فاتن:فديت العقل اني
ابي:يله متجين لشركه
فاتن:لا ماني راده عندي مشوار مهم
ابي:اوك حبيبي ديربالج ع نفسج
فاتن:باي
هسه وكت الشوبنك لازم الملابس تتغير والستايل هم لازم ابدي بالخطوه الثانيه وهي ايقاع عبدالله في قبضتنا هههههههه
(حلا)
حلا:اه اه اه ﻻﻻ الله يخليك ﻻﻻ
ابي:بنتي بنتي حلا
حلا:بابا
ابي:شوكت تبطلين هالاحلام هاي شبيج حبيبتي انتي هنا بأمان لتخافين محد يكدر يوصلج
حلا:هذا شي مو بيدي والله اريد بس ارتاح من هالكابوس هذا بكل مكان اتخيلهم كمت اخاف من كل شخص من وراهم
ابي:كافي بنتي الله يحفظج من كل شر
حضنت ابويه وكمت بس ابجي من يوم الي دخلوا بي لحد هسه ماانام مرتاحه لازم افكر بيهم
ابي:كافي يله حبيبتي كومي سويلنه ريوك
حلا:ان شاء الله بابا ترى مبقه فلوس عندي
ابي:الله كريم بنتي ربج يحلها
حلا:اليوم هم اطلع ادور
ابي:لتعبين نفسج
حلا:لازم اتعب بابا لان اذا متعبت نفسي مراح نكدر نعيش
ابي:اني حمل زايد عليج بمكان مااني اداريج
حلا:اني مبقالي بالدنيا بس انت اجه الوكت الي اني اوكف الك واداريك بابا جان حلمي من اني طفله اني اشتغل وانت مرتاح والحمدلله الله حقق حلمي
ابي:بارك الله بيج بنتي
حلا:بابي هذا الغده والعشه تكدر اطلع من الثلاجه جبن وتأكل الجاي يمك ع الجوله
ابي:ماشي حبيبتي روحي الله يستر عليج
حلا:اندعيلي يابه الكه شغل والله مااريد اي شي بعد
ابي:ان شاء الله بنتي
طلعت واني كلي نشاط رحت اشوف افيان تروح ويايه وطلعت امهه
خاله:هلا بنتي
حلا:خاله وين افيان
خاله:نايمه اخوهه ميقبل تروح
حلا:اها ماشي سلميلي عليهه
خاله:الله يسلمج حبيبتي
شلون اروح هسه واني مااندل عدل طلعت من المجمع وشفت اخوهه من بعيد يتمشه رايح لشغل بقيت امشي وراه لحد ما دخل هو مطعم بقيت واكفه واني حايره ادخل وراه لو اكمل طريقي اتعلمت اي مطعم مخلي قطعه ع الباب يعني محتاج عامل قررت ادخل وشنو يصير خلي ايصير
حلا:مرحبا
العامل:عربي (طبعا العامل كردي )
حلا:وين المدير المدير
العامل:ماشي ماشي
اوف ياربي شنو هالورطه شويه واجه المدير الحمدلله ياربي
حلا:مرحبا عمو
المدير:اهلا بنتي
جان حجيه عربي بس مكسر
حلا:اني شفت الاعلان واجيت اشتغل
المدير:ابني انت لازم متتأخر ويتأخر يله يرجع لبيت
حلا:موافقه شوكت اشتغل
المدير:اوك تكدر هسه
حلا:اكيد الف الحمدلله ياربي
دخلت لمطبخ مال مطعم وشفت كريم يأخذ اكل لعالم باوعلي
حلا:هلاو
كريم:
هذا شبي ثول ثولني المن سلمت اصلا باوعت ع المواعين
المدير:يلا ابني ماكو كلام كله شغل وسريع
حلا:اوكي
بديت اشتغل واريد بس اعجبهم كمت اشتغل من كل قلبي صارت الساعه 11 بالليل وشفت كريم يبدل خلصت غسل طلع هو واني وراه امشي طبعا مااكدر احجي وياه شويه وكف هو بنص الطريق وكفت اني هم وياه
كريم:كافي تمشين ورايه
حلا:اني مااندل واخاف
كريم:امشي كدامي لا ورايه
حلا:اوكي
كمت امشي واني مثل الاطرش بالزفه يعني مااعرف وين اروح وكفت
كريم:شكو
حلا:منين هسه يمنه لو يسره
كريم:يسره
حلا:اوكي
باوعت وشفت الانوار مال مجمع كمت اركض اعتقد كمت احفظ الطريق وصلت يم الكرفان مالتنه هو كلي
كريم:باجر بال7 ونص نطلع منا
حلا:اوكي شكرا ع اليوم
ضحك بوجهي وراح صلاوات ع النبي زين يعرف يضحك دخلت ع ابويه لكيته كاعد
حلا:سلام
ابي:هلا بنتي تأخرتي
بسته وكتله
حلا:لكيت شغل بابا
ابي:شغل شنو بنتي
حلا:اغسل مواعين بالمطعم ويايه كريم هم
ابي:الحمدلله بعيد منا المطعم
حلا:شغلت ساعه مشي
ابي:واذا سياره
حلا:امممم تقريبا 10 دقايق او 15
ابي:الله كريم
حلا:لتخاف عليه اني احب الرشاقه
بس استلم راتبي اخذك لطبيب متبقه هيج
ابي:لا بنتي شغلتي تكلف هوايه
حلا:ماعندي اغلى منك حبيبي مااحب تبقه هيج
ابي:عوفيهه ع الله لتخافين مابيه شي
حلا:كافي تبين كدامي انت قوي وممتأذي عبالك مااحس بيك بابا اني دااشوفك كدامي تتعذب واتريد ابقه ساكته مستحيل
ابي:كافي بنتي اتركيني
حلا:مااتركك لازم ترجع تمشي ع طولك
ابي:الله هيج قاسملي
حلا:لا بابا اكو طبيب ويكدر يعالجك لو اعرف ابيع نفسي واعالجك
ابي:لتحجين هيج اني مربيتج ع هيج
سوالف ولاعلمتج هيج حجي
اي ضربني بوكت الي احجي بي لمصلحته ضربني فهم كلمه ابيع نفسي غلط مني
حلا:بابا انت فهمتني غلط
ابي:روحي نامي
حلا:بابا انطيني ايدك ابوسهه وحق الله مو قصدي الي ابالك لا يابه اني تربيتك لتصور يجي يوم واسوي هيج سالفه علمود فلوس اني كتلك ابيع نفسي يعني اشتغل اتعب مااهتم لصحتي علمود راحتك والله مجان قصدي غير شي
ابي:خلص روحي نامي
حلا:ماانام اذا مترضه عليه
ابي:اني راضي عليج حبيبتي روحي نامي
حلا:اتعشيت
ابي:اي وانتي
حلا:مااشتهي راح انام تصبح ع خير
ابي:وانتي من اهل الخير
جنت جوعانه بس مكدرت اكل لان اذا اكلت مااكدر اوفر لابويه اكل بين مااستلم راتب
مثل كل مره روتيني ينعاد استلمت اول اسبوعيه اليه طبعا مااكدر اوصف فرحتي صح هي مو هوايه بس احسن من ماكو بقيت اجمع الاسبوعيه مالتي كمت اوصل اكل لزبون علمود البقشيش اليوم السبت هو يوم اجازتي لان احنه منكدر كلنه نأخذ يوم واحد اجازه لان المطعم مفتوح طول الاسبوع فأمقسمين الاسبوع ع العطل بيناتنه اكثر صعوبه اواجها
اللغه مرات احاول احجي وياهم انكليزي بس ماكو فايده لازم اتعلم كردي
حلا:يله بابا كوم
ابي:وين بنتي
حلا:مستشفى تايم
ابي:لا بنتي مااروح
حلا:اهوو يعني صار شهر اني اشتغل علمود هذا اليوم يله داابدلك هدومك
ابي:بس
حلا:يله بدون بس حتروح ويانه افيان لان مااندل هالكد اني
ابي:الله كريم
اندك الباب واجتي ام اللسان
افيان:هلو عمو
ابي:هلا بنتي
افيان:يله بسرعه خلي انروح العصر يجون اهل المساعدات
حلا:صدوك منين همه
افيان:ماادري يمكن خليج او اجانب
ابي:يله بنتي حتى انلحك عليهم
حلا:قابل شنو نحصل منهم
افيان:كل شي يجي يفيدنه ولج بلكي يأخذون عمو ويعالجوه هناك
حلا:معقوله
افيان:مره اجوي اخذو طفل وامه وياهم علمود علاج ابنهه طبعا هذا الشي طول شويه بس راحت
حلا:صعب و مستحيل خلي نأخذ تكسي احسن
افيان:ماشي
وصلنه لمستشفى واني كل بالي يم ابويه جنت خايفه من النتيجه طبعا مااسولف المستشفى شلون غاليه مجرد الكشف خلص الراتب حبيت استفسر ع العلاج وشكد يطول وخليت ابويه يبقه بره يم افيان
حلا:دكتور ممكن سؤال
الدكتور:اكيد
حلا:العلاج يمكم يعني اريد اعرف شكد يطول وشكد تكلف العمليه
الدكتور:اول شي احسن حل اله هو العلاج بالخارج يكدر يروح دول مثل الاردن او لبنان دول خليج بالعراق صعب
حلا:وشكد حتكلفني
الدكتور:بس العمليه 50 الف دولار
حلا:
الدكتور:من غير التكاليف المستشفى والسفر
حلا:طيب شكرا دكتور ممكن تكتبلي علاج او مهدء لان ديتأذه
الدكتور :اوكي
طلعت من الغرفه مال الدكتور وضحكت بوجه ابويه
ابي:ها بشري
حلا:الدكتور كال سهله ويه العلاج وكم شهر ونسوي العمليه
ابي:مكلج شكد تكلف
حلا:ﻻ كال اكو خصم لنازحين والي ماعدهم شفت بابا مو كتلك خلي نجي لدكتور حتى
نسمع هيج اخبار حلوه
ابي:الحمدلله يله خلي نرجع لبيت
افيان:يله عمو
حلا:مااكدر اشتري هسه العلاج اليوم
ابي:اوكي بنتي
افيان:والله لو عندي اداينج
حلا:ادري بيج متقصرين بس اني دااشتغل نهاية الاسبوع اجيبه العلاج
(قبل يوم دبي )
قصي:عليك الله روح عبدلله
عبدلله:هههههههه لك تحجي صدوك يعني انت من كل عقلك
قصي:هذا شي لصالح شركتنا وطبعا انت راح تتصلح صورتك بين العالم
عبدلله:انسه حبيبي مااروح لو تنكلب الدنيا
قصي:شنو السبب غير اعرف
عبدلله:ممتوازي اروح علمود انطي مساعدات تريد روح انت واني انتظرك بفندق هنا ع الاساس سافرت وياك
قصي:اي مو عمي لهاي الدرجه ميعرفك احتمال يدوك بالعراق ها عبدلله وصل لو لا
عبدلله:مااروح قصي حبيبي روح انت تحب افعال الخير سلملي عليهم وياك
قصي :عمي ميقبل اروح وحدي
عبدلله:لتروح الوضع يخوف
قصي:روح ويايه ولتوصل يمهم ابقه بالفندق بالمطار المهم تعال ويايه
بين مااقنع بي اندك الباب مال مكتبي
قصي:اتفضل
السكرتيره:استاذ ست فاتن هني تبي اتشوفك
قصي:خليهه تتفضل
السكرتيره:اوكي
عبدلله:منو فاتن
قصي:شريكه جديده
عبدلله:اهااا
دخلت فاتن وهي بكامل اناقتها باوعت لعبدلله
فاتن:عبد
عبدلله:فتون شجابج هنا
فاتن:هلا شلونك شخبارك
عبدلله:تمام وانتي شلونج
فاتن:تمام طمني عنك وين صرت شسويت مشفتك من اخر سفره للندن
عبدلله:صح انتي اختفيتي
فاتن :تعرف شغل اعمال صفقات
عبدلله:صدوك ابن عمي واخويه قصي
فاتن:اتعرفت عليه قديم انت
قصي:نورتي
فاتن:تسلم اني اليوم يايه بطلب اطلبه منك
قصي:اتفضلي
فاتن:ابي اروح معاكم لعراق باجر
قصي:شنو
عبدلله :هههههه شتسوين
فاتن:احب اتبرع هم وياكم
قصي:هلا بيج اذا جيتج بيها فايده الهم
عبدلله:لحظه هي وين هلا بيج
فاتن:اوك اشوفك باجر قصي باي عبد اشوفك من اداوم بعد
قصي:ان شاء الله
طلعت وبقه عبدلله مصدوم
قصي:شبيك
عبدلله:شدسوي هاي بشركتنا
قصي:شريكه دخلت ويانه صار شهر
عبدلله:ديربالك منهه وترى حتى باجر رايحه علمود يأخذولهه صور اني اعرفه عدل
قصي:لا مبينه خوش ابنيه
عبدلله :لتخدعك بوجهه هذا كل نفخ وعمليات باع هاي اخبث من الخبيث صح هي بعدهه صغيره بس ماكو هيج مسمومه
قصي:ههههههههه مبين ضاربتك بوري
عبدلله:لا يول هاي كل جيتهه هنا علمودنه اني وانت اتريد اتشوف على منو تحصل
قصي:الحمدلله معتكف اني عن الزواج
عبدلله:هههههههههههههههه
قصي:يله جهز نفسك حبيبي ع باجر انروح سياحه
عبدلله:اوكي لخاطرك راح اجي
قصي:لك فديت اخويه
رحت بشرت عمي هو يروح ويايه احنه مجهزين كل شي بس باجر نسافر وكل هذا اليوم ينتهي
(فاتن)
بعد ماانتهه الدوام رحت لبيت مالتنه دخلت ع غرفة اختي
فاتن:حبيبتي شلونج اعرف انتي مو زينه بس احب ابشرج بديت اشتغلهم والله اله اخذ حقج
من هالحقير هذا حبيبتي اليوم شافني ومثل اي شخص عادي معتبرني انتظري واني راح اخلي يجي يبوس رجلج حتى اتسامحي
امي:هلو بنتي
فاتن:هلو ماما
امي:شبيج تبجين
فاتن:مابيه بس اشتاقيت اسمع صوتهه والله
امي:الله كريم تعالي تركيهه ترتاح
افتهمت امي تريدني بموضوع متحب تحجي كدام اختي
فاتن:خير امي
امي:صح باجر مسافره
فاتن:اي صج رايحه لديرتي
امي:ههههههه باعي جنت اتمنى الوضع زين حتى تروحين لبيت جدج وتشوفين خوالج وخالاتج
فاتن:امي الله عليك لاتبدي تحجين هيج وين الكاهم منو يعرفني انتي صار سنين مشايفه اهلج
امي:ياربي شكد مشتاقتلهم احس نفسي مخنوكه واكو شي صاير عليهم
فاتن:الي نساك انساه
امي:هههههههه الكلام سهل منو يسويهه بالفعل
فاتن:احنه اهلج حبيبتي اريد غده حدي يوعانه
امي:من باجر تروحين لتحجين هيج ليضحكون عليج ههههههههههه
فاتن:ههههههههههه اوكي اني رايحه احظر غراضي بين متصبين غده
(حلا)عوده لحاضر
وصلت لبيت والحمدلله بعدهم مجاين جان الطابور مال الانتظار مال العالم واصل لنهاية المجمع وكفت وياهم ومنتظر الحمله تجي
افيان:ياربي حلوين
حلا:هههههه شوف العالم وين وانتي وين
افيان:مليت من هالشكول والله اريد شويه شكل يفتح النفس
حلا:ههههههههه كولي ياالله
افيان:شكد معقده ياربي
حلا:مو معقده بس ماعندي مجال افكر بهيج سوالف
افيان:ليش مجبتي ابوج وياج
حلا:باعيله عدل واكف يم الكرفان ميكدر يأخذ سره يكول كافي انتي
افيان:يابه هاي الغراض تفيدكم
حلا:عدنه خير من الله خلي غيرنه يستفاد
افيان:باعي ام سمير مطلعه البيت كله حتى الجهال لازمين سره هههههه
حلا:لج انتي شوكت تبطلين هذا فضولج بالعالم
افيان:ههههههههههه
حلا:اجوي
افيان:هلا هلا
دهلت سيارات مال الحمله مالتهم تحت شعار شركه الامل
افيان:حلوو مو لج مااشوف اني
حلا:لان قزمه ههههه بعد محد نزل
افيان:بربج شوفيلياهم
حلا:عادي شكلهم وياهم بنات
افيان:اعوذ بالله شكد اكرهم
حلا:ههههههههههه
كل العمال الي وياهم اتحظرو وراهه بدة الكامرات تصور وبعد مشفنه راعي الحمله نزل شاب اسمراني طويل وراهه واحد ابيضاني وبنات حلوات وياهم
حلا:هذا ابيض يفيدج
افيان:لاﻻﻻﻻ
حلا:هذا اسمراني بس شايف نفسه مبين
افيان:اي بعد اختج هههههههه اريده
حلا:اي ادللي هسه اجيبه الج
جان الشاب الابيضاني هو الي يحجي ويقدم لناس والاسمراني واكف وياهم ابنيه يمكن جايه تصور بس لان اي مكان تروح الكامراه هي وراهه
افيان:شنو هاي جاي تصور
حلا:اسكتي لج لتفضحينه
افيان :والله خبلت نفسهه ههههههه اركعهه راشدي وافضحهه كدام العالم
حلا:ولج عيب اسكتي
افيان:يارب توكع يارب توكع هههههههههههه
(قصي)
من وصلنه لمطار بعد صعوبات راح ويانه عبدلله وصلنه لمجمع وجان طابور من الناس منتظرينه احب هذا الشي اكثر من شغلي بالشركه جنت
احجي وياهم واسمع كلمات الله يحفظك الله يوفقك جانت تنسيني كل التعب جانت بين هذا الطابور بنات شابات يعني حرامات هيج جمال محد يعرف بي او مسجونات داخل هذا المجمع بنهاية الطابور بنات اثنين حلوات رغم كل البيهم الابتسامه مفارقت وجهم وصل السره قريب من يمهم اجه عبدلله يمي
عبدلله:كاعد تشوف الي اشوفه
قصي:اي اتحب كتلك يصير عمل شعبي
عبدلله:ههههههههه خلي اني اقدملهم
قصي:صار ساعه واكف مستحمل التعب علمود اوصلهم
عبدلله:والله وطلعت مو قليل
قصي :اتفضلي امي
احد النازحين:الله يوفقكم وليدي
عبدلله:تسلمين يمه
قصي:انت استلمهم
عبدلله:مشكور متقصر
(حلا)
بقت مسافه تفصلني عنهم واني سمعت خاله ام كريم تصيح بأسمي
خاله :حلا حلا
افيان:امي تصيحج
خاله:لج حلا الحكي ابوج
حلا:شنو ابويه شبي
رحت اركض اله جان واكع بالكاع وفاقد ظليت صافنه عليه اجه واحد يمي بقه يضرب بوجهه
قصي:عمي عمي انت تسمعني
لزمت ايده اني
حلا:لتحركه ظهره تعبان ع كيفك حباب
قصي:لتخافين ويانه دكتور وراح يشوف حالته
حلا:بابا كوم يله بابا حباب كوم
بعدهه اجتي افيان يمي وامهه
افيان:حلا لتخافين هسه يصير زين
خاله:حبيبتي حلا هاي الدكتور هسع يطلع ويطمنه
قصي:ممكن اعرف شنو مرضه
افيان:الي اعرفه هو اتعذب من داعش وبعد مكدر يمشي بس اليوم جنه يم الدكتور وكال علاجه سهل
حلا:مو سهل
افيان:شنو
حلا:بابا صعب يكدر يمشي بعد كل مني اني السبب ابويه راح يروح من ايدي والله اني السبب
خاله:حبيبتي لتحجين هيج انتي تشتغلين من الصبح لليل علموده
حﻻ:خاله ابويه راح يعوفي ويروح اي شغل تحجين شوو الي يفيد اذا هو مات
خاله:اشش كطعتي قلبي ولج كافي
عبدلله:خير شصاير
قصي:تعال احجي وياك
عبدلله :يله
(قصي)
من شفتهه تركت الطابور مال الانتظار وراحت تركض ع شخص نايم بالكاع عرفت اكو شي
رحت وراهه اركض وجانت واكفه يمه ومتحجي شي بقيت اضرب بوجهه حتى يكعد جانت خايفه تحركه لان الظاهر مريض افتهمت من الدكتور الي ويانه انو هو محتاج عمليه ضروري والعلميه متصر بالعراق نكدر نأخذه ويانه بعد مااجه عبدلله حبيت احجيله
قصي؛هذا كل الي صار
عبدلله:شنو نسوي احنه
قصي:نكدر ننطي فلوس او
عبدلله :او نسفره
فاتن:منو تسفرون
عبدلله:لا اله الا الله
فاتن:هههههههه لاصدوك هذا الرجال المريض
قصي:ترى اكو تصوير مباشر منريد حجي او نقاشات
عبدلله:اوك اني حتصل ع ابويه واشوف
فاتن:صورتو من وكع وبنته يمه
قصي:شنو
فاتن:هاي اللقطه راح تجيب مشاهده عاليه العالم تتأثر بيهم وراح يساعدوهم لو ادري جان وكفت يمهم وبجيت شويه
قصي:تشاقين مو
فاتن:اكيد لا اروح اكعد يمهه واواسيهه حتى يصوروني
اعوذ بالله هاي من صدوك بشر يعني جاي لهنا علمود التصوير وفعلا راحت يمهه والكامره بدت اتصور بيهم جان الابينه تحاول تغطي وجهه