وسكرت على طول بوجه بدور طالعت بدور تلفونها وشدت على رأسها بقوه
شمس وهي تدخل المجلس
طالعت شهاب اللي جالس وحاط رأسه بين ايدينه
شمس بتوتر وهي تتذكر شرط امها : السلام عليكم
وقف شهاب بسرعه :هلا وعليكم السلام
وهو يقرب منها ويمسك يدها رفع ذقنها وحط عينه بعينها : حياتي كيفك ( وحط يده على بطنها) وكيف البطل
شمس :الحمدلله كلنا تمام
شهاب وهو ينزل عيونه للأرض : ممكن تفهميني يا شمس كل اللي صار وبالتفصيل شمس وهي تعطيه ظهرها : امك ما قالت لك
شهاب وهو يحط يده على كتفها : ابي اسمع من الكل
شمس وهي تبعد يده وتحاول تقسى عليه :
بيت اهلك يا شهاب ما لي رجعه له
شهاب بأستغراب : ما فهمت
شمس وهي تلف وتطالعه وبقوه : يا اما تشتري لي بيت واسكن فيه او تطلقني ويروح كل منا بحاله
شهاب بصدمه :اييييش
شمس وعيونها مليانه دموع : اللي سمعته يا شهاب انا تعبت والله ما عاد فيني حيل امك تتبلى علي بطالعه والنازله وانت ساكت عنها ( وبنهيار ) امك يا شهاب حاولت تذبح ولدي حطت لي على الدرج صابون واول ما كشفتها حاولت تقتله بنفسها شهاب انا ما عاد فيني صبر ( وبنهيار اكثر وهي تضرب بيدينها على فخذها وتجلس على الكنبه ) ليييش رجعتني ليييش كان يهون علي تطلقني وما شئ يربطنا بس الحين ايش اسوووي
شهاب وهو يضمها لصدره ويحاول يهديها : اششش بس بسس اهدي ما يصير خاطرك الا طيب
شمس وهي تبكي : اان
حط شهاب يده على فمها : بس خلاص اشش
ببيت ابو خالد وصلت سيارة خالد
وهم نازلين شافتهم غاده من الملحق وعلى طول تلثمت وهي لابسه جلابيه فضفاضه وعيونها مكحله وطالعه بقمة الروعه ركضت وسوت حالها صدفه شافتهم وبدلع :السلام عليكم كيفك خالد
شجن طالعتها بأحتقار اما خالد صار يطالعها بوهن : هلا هلا وعليكم السلام بفضل الله بخير انتي كيفك
غاده بجراءه : دامني بصير ملكك فأنا بألف خير
انصدموا شجن وخالد بنفس الوقت
غاده بعد ما حست بالغلط اللي قالته : ا ا عن اذنكم
ودخلت الملحق طالعت شجن خالد بأحتقار ودخلت البيت اما خالد ابتسم بحب لغاده : فديت الجراءه يا ناس
شجن وهي تتقدم لصاله وتبوس رأس ام خالد : كيفك يمه
ام خالد وهي تبتسم لها بحب : الحمدلله بخير
قطع عليهم صوت تلفون شجن طلعته من شنطة اليد وطالعت الرقم توترت اول ما شافت الرقم كان رقم عبدالرحمن : ا ا ع عن ا اذنك يمه
وراحت بسرعه لأصنصير وردت : الو بشر يا عبدالرحمن
عبد الرحمن وهو يطالع الشريط اللي بيده :
كل خير يا شجن دليل برائت ابوك صار بأيدي بس متى حكموا عليه
شجن بفرح : قوول ووالله عب عبدالرحمن ا انا ما ادري كيف اشكرك ( وبحزن رجع لقلبها ) حكموا عليه بعد خمسه شهور
عبدالرحمن بصدمه : اووف ليش كل هذي السرعه
قطع عليه صوت عماد اللي معصب : اي دليل يا عبدالرحمن
عبدالرحمن وهو يلف وبصدمه اكثر : عماد
شجن اللي كانت توها داخله غرفتها استغربت : ايش (وبصدمه ) عماااد
عبدالرحمن على طول دخل الشريط بجيبه وسكر الخط بوجه شجن قرب منه عماد وبعصبيه وصراخ : عطني اللي بجيبك بسررعه
عبدالرحمن بتوتر : ع
قاطعه عماد وهو يضربه ببكس على خده : طلعت هذي خطتك اللي بتجيب لي شجن انت حقير ( وهو يضربه بقوه ) وخاين وسااافل عطني الشريط
عبدالرحمن اللي فقد اعصابه مسك عماد من رقبته ورماه على الارض : احترررم نفسك يا عماد انا ربي عارف اني بريئ وسويت كل هذا عشان انقذ انساااان بريئ مو مثلك تقتل القتيل وتمشي على جنازته عن اذنك وراح متوجه لسيارته وقف عماد بقوه وبصراخ : ما انت طالع حتى تعطيني الشريط وووقف يا حقير
ركب عبدالرحمن سيارته وشغلها وهو يشوف عماد يقرب منه وعيونه حمراء من العصبيه
طلع عبد الرحمن من القصر وركب عماد سيارته شافه عبدالرحمن وحاول يضيعه حتى اختفت سيارة عبدالرحمن تنهد براحه وهو يكمل مسيرته
ببيت ابو شاهر
كانت مرام واقفه قدام الدريشه وتطالع اللي برع وهي تكلم صديقتها الجوري :ما اعرف بس اول ما اطالعه احس بتوتر وكمان بأحساس قريب عمري ما حسيته
الجوري وهي تضحك على مرام وتغمز كأن مرام قدامها : حبيبتي هذا شئ يقولون عنه حب فاهمه
مرام بصدمه : هاااه حب ا ا ان انا ي يعني احب شاهر
شاهر من وراها كان توه راجع من عمله تعبان واول ما سمع كلامها فرح من كل قلبه وقال : وشاهر يموت فيك
مرام على طول سكرت الخط بوجه الجوري
ولفت بسرعه : ش ش شاهر ا ا
ابتسم شاهر وهو يمسك يدينها : حياتي كفايه اللي صار فينا خلينا نبداء صفحه جديده واوعدك اعوضك عن كل اللي صار اتفقنا
مرام ( انا لازم ابتدئ صفحه جديده لمتى بظل على هذا الحال )
نزلت مرام رأسها وهي مستحيه وهزت رأسها وهي بالقوه مستحيه ضمها شاهر وهو يهمس بأذنها فديت المستحي انا
ببيت ابو اسماعيل
كانت شمس جالسه بغرفتها وهي تتذكر كلام شهاب ( حياتي عشان اثبت لك قد ايش انا احبك الحين بروح ادور لنا بيت بس انتي لا تزعلين نفسك ) اه يا شهاب فديتك والله امووت فيك عسى ربي يخليك لي
انتهى البارت الثاني والعشرون واتمنى نال اعجاب الكل
البارت اﻷخير ان شاء الله يوم الجمعه الجايه والله بتوحشوني بس ابغى ردودكم وتفاعلكم عشان اكتبه وانا متحمسه لكم واعذروني لو حصلتوا اخطاء
وودي للجميع
البارت الثالث والعشرون
والاخيررر
.
.
.
بعد مرور 3 شهور
نروح لكل بطل من ابطالنا ونشوف ايش اللي حصل معه
شمس شهاب ^^اشترى شهاب فله صغيره على قد حالهم وجلسوا فيها هو وشمس والحين حامل طبعا امه اول ما درت قومة الدنيا عليهم بس بعدين رضت وببالها فكره تدمر حيات ولدها وزوجته
شاهر مرام ^^ صارت حياتهم من احلى ما يكون ومرام الحين حامل
بدور ^^ صارت مدمنت مخدرات وللحين ما حد كشفها واذا سألوها أهلها عن سبب شحوب وجهها تقول ناقص عندها فيتامينات
اسماعيل درئ ^^ للحين درئ تضايقه بتصرفاتها بس اسماعيل ساكت عنها
خااالد شجن ^^ حددوا خالد وغاده العرس وغاده اللي حددته بيوم اعدام ابو شجن عشان تقهر شجن والمسكينه شجن صارت حياتها اسود بأسود بعد ما اختفى عبدالرحمن واذا دقت على تلفونه تحصله مسكر خالد صار قاسي معاها يأخذ اللي يبيه منها غصبن عنها وغاده وامها عزموا يجلسون حتى بعد عرس خالد وغاده
ببيت ابو خالد
كانت شجن جالسه على الكنبه وحاطه ايدها على رأسها وتحس نفسها تعبانه حييل : اه ياربي ايش صاير فيني (حطت يدها على فمها وركضت للحمام وانتوا بكرامه وصارت تستفرغ غسلت وجهها واخذت فوطه وطلعت من الحمام )
خالد اللي كان توه داخل بأستغراب : ايش فيك ترجعين
شجن وهي تجلس على الكنبه : ما فيني شئ
خالد بعدم اهتمام وهو يتوجه لغرفة النوم : صحيني المغرب
شجن وهي تضغط على رأسها وتحط يدها على بطنها : اه ايش هذا اللي يصير فيني
ببيت شهاب وشمس
كانت شمس تأكل ورق عنب صارت دبدوبه معا الحمل سمعت الجرس
شمس بأستغراب : من بيجينا الحين
وقفت بتعب وهي تتوجه للباب بس قبل تفتح الباب طالعت من العين
