السحريه وبصدمه : يمه من هذا (وهي ترجع تطالع ) لا لا ما راح افتح
قطع عليها صوت الشخص الغريب : شمس حبي فتحي الباب
حست شمس نفسها
ما تسمع زين : ه هذا مجنون ايه مجنون
وراحت بصعوبه لدرج ودخلت غرفتها وسكرت على نفسها بالمفتاح واخذت تلفونها دقت رقم شهاب وهي ترجف واول ما رفع السماعه : ش شهااب ت تكفى تعال البيت بسرعه
شهاب وهو يوقف بسرعه : ايش فيك حبيبتي
شمس بتوتر : تعال وبعدين تعرف بسرعه
شهاب وهو يطلع من مكتبه بسرعه : طيب طيب مسافة الطريق واكون عندك
عند اسماعيل
كان يسوق بسرعه جنونيه وهو يتذكر كلام درئ قبل يطلع من عندها ( انت انسان جبان اناني ما تفكر الا بنفسك رووح زور اهلك ترى مهما صار بيظلون اهلك ولا صدقت نفسك انك لقيط او انك يتيم مثل ما تقول )
ضغط على يده بقوه : ياريتها انكسرت قبل ما امدها عليك ( وبصراخ وهو يقطع إشارة المرور وما انتبه لشاحنه ) ياااااريت
بالشقه
كانت درئ تطالع خدها اللي صار احمر : اه يا اسماعيل ب بس انا استاهل انا تماديت كثير اول ما يرجع بعتذر له اعتقد انه العقاب انتهى
سمعت تلفونها يرن اخذته وطالعت الاسم ( زوجي العزيز واسماعيل مسجلها زوجتي العزيزه )
اممم ما راح ارد بروح اجهز نفسي اكيد الحين يفكرني زعلانه يا حبي لك يا اسماعيل
ببيت ابو شاهر
كانت مرام نازله من الدرج دخلت الصاله وشافت جنى جالسه تطالع التلفزيون مرام ( امم انا ليش ما اصالحها ونصير مثل قبل ايه بصالحها ما راح اخسر شئ )
رسمت على وجهها ابتسامه : سلااام
طالعتها جنى بنص عين ولفت وجهها : وعليكم السلام
مرام وهي تجلس جنب جنى وتمسك يدها : ايش رأيك نروح الكورنيش نغير جو ترى حدي طفشانه
جنى بأستغراب وهي تقول بأستهزاء :لا يكون تفكريني زوجك
مرام (اف ما تغير اسلوبها هالمسترجله ) : لا حبيبتي مو قصدي بس قومي بنروح الكورنيش نتسلى شوي يالله عاد قوومي
جنى (ما راح اخسر شئ اذا رحت ) : طيب عطيني خمس دقايق اغير ملابسي
مرام بفرح : اوك
عند درئ
كانت تحط روج احمر وهي لابسه فستان احمر مخمل ناعم نص كم وعلى الخصر حزام اسود وتاركه شعرها بحريته تأفأفت وهي تسمع تلفونها يرجع يرن راحت اخذته من على الكومدينيه ( وبعدين معاك يا اسماعيل اممم برد بس ما تكلم ) ابتسمت وهي تحط التلفون على اذنها وسمعت رجل يقول وكأنه يكلم احد جنبه : ما بغات ترد الو السلام عليكم
درئ بأستغراب : وعليكم السلام نعم اخوي هذا مو رقم اسماعيل
الرجل الشرطي : ايه اختي بس انتي تقربين للأستاذ اسماعيل
درئ وقلبها يدق بقوه وبخوف : ا اي ه انا ز زوجته اي ش فيه اسماعيل
الرجل : عمل حادث وهو الحين عندنا بمستشفى .....
درئ بصدمه : ح ح حادث لا مستحيل مستحيييل
وسكرت الخط وهي تجلس على السرير بقوه وتهز رأسها : ا اناا السببب انااا السبب كله مني ( غطت وجهها بأيدها وهي تبكي بقوه )
وبعدها قامت ولبست عباتها وركضت لبرع الشقه وهي توقف تاكسي وتدعي ربها يقوم اسماعيل بسلامه
عند شمس طالعت من الدريشه بس ما شافت احد (ياربي من بيكون هذا وايش يبغى مني ) قطع عليها وهي تشوف سيارة شهاب داخله فرحت وهي تمشي بسرعه
اول ما دخل شهاب قال بخوف : ايش فيك يا شمس يوجعك شئ
شمس وهي تمسكه :تعال بقول لك كل شئ
