صح انه مو الشخص الي خططت له لكن هو الي خطط حياتي بشكل احلى هو الي خلى حياتي لها طعم وطعمه حلو لانو هو موجود فيه هو الي خلاني ارضي طموحي ..ارضي غروري ..هو الي سوه نفسه حلم في حياتي .وحققلي هالحلم بوجوده ..بس السؤال هو شمعنى؟هالشخص شمعنى تصرفاته ..شمعنى اسلوبه ..شمعنى كلامه ..شنو الي بي غير شنو الي خلاني اشتاق واتعلق وافز لشوفته كل مره اذا يسألوني راضيه عن حياتج ..اكول الا من تواجد هو بحياتي لان اعشقه.هذا الانسان كدر انو يفرق عن غيره بس.....شمعنى؟كل ما اسأل نفسي شمعنى اطلع بمليون حجه وحجه وابتسم لان ما اذكر منه الا كل خير كدر انو يكون فارق بحياتي عن غيره كدر انو يحسسني بطعم الحب الشوق الغيره اووووووف الله ياهي مشاعر جديده الله ياهي نبضات حلوه الله ياهي خطط ماكنت حاسب لها حساب ...انت ما كنت مخطط انو تتواجد في حياتي ولا كنت مخطط اني اشوفك والتقي بيك صدفه ولا كنت مخطط انو بالحظه والثانيه هذه تصير عيني بعينك وينولد شي خلاني اسأل نفسي دائما .اليوم اريد اسأل الكل شمعنى امانه امانه ما تكول يخرب بيت الصدفه يخرب بيت اللحضه الي جمعت ثنين سوه ما كان بالبال ولا بالخاطر انو يلتقون ....
احمدالله واشكره ان الحياه ما تمشي مثل ما احنه نريد وأيد مقوله...
"تجري الرياح بما لا تشتهي السفن"
ارجع وارجع اسأل نفسي شمعنى انت ليش حركاتك الوحيده الي تلفت نظري ؟شمعنى ابتسامتك الوحيده الي ماريد انو تغيب ..ان صارت عيني بعينك اتمنى اني لو كنت ماعرف ارمش ..شمعنى انت الي قلبي ينبض اسرع من المتوقع اذا حاجيتك او سمعت صوتك ......؟؟؟
شمعنى؟
