-العنود... وامس بالي كله يمه مدري ليش
-نور ....صدك تحجين
-العنود .....والله
-قمر ...حبيبتي انتبهي هاي الشغلات مو النه -العنود ...مادري احسه جذبني ..بالبدايه احسه غير عن هذول
-قمر... هاي كله من ضربه لعد لو يكفخج يمكن تعرفين العائله كلها
-نور .....العنود ترا كلهم نفس الشي هاي الغبيه كناري صدقت بسرعه لا تصيرين مثلها -العنود....انتو ليش مكبرين السالفه لان ترا بعد مشفته يعني عجبني وراح ما كلي احبج(بنات تفكيرهم يودي ع جهنم) ومرت الايام وعلاقتي بهن تزداد اكثر فاكثر وكناري ومحمد اصبحا ثنائي جميل بدأنا نصدق انه يحبها والعنود يوم عن يوم تزداد تعلقا بذالك الشاب لاكنه لا يعطيها ايه اهتمام -قمر...بنات جوعانه ومن المحاظره الاولى بطني ترقص من الجوع -نور... جنج ع اكل -العنود....اليوم علي طلبو -قمر.... اني سمبوسه -نورهان....كص دجاج -كناري ...مثل قمر -العنود اوك
ذهبت وطلبت طلباتنا وبدأت تنتظر
(راشد)
انظر اليها من بعيد منذ ان رأيتها ولم تفارق خيالي كانت بنظري الاجمل ادبها اخلاقها هدوئها كل شئ يجذبني اليها لاكنها لا تهتم عندما انظر اليها لا تنظر وعندما اتقرب منها لا تهتم ....
رأيتها تذهب الى الكفتريا وانتظرت طلبها فتشجعت وذهبت اليها -السلام
-وعليكم (ع الاساس انس ممهتمه)
-شلونج?!
-تمام وانته -الحمدلله -انته تدرس هنا?!
-اي بس ماجستير -اها حلو -اي وعندي شركه....... -حلو سامعه بيها (اخذت طلباتي ) عن اذنك -عادي اذنج وياج اشوفج مرا ثانيه -اي اكيد يلا باي -باي
عدت الى البنات وقد كان قلبي من شدة الفرح يقفز ....قلت لهن ماحدث
-قمر....شوف ابو دروب -نور .....وربج يريد يقولج انه عنده شركه خخخخخ
-كناري ...فديته يخبل
-العنود...بس كلامه عادي مو مهتم
وبينما كنا نأكل ونثرثر كعادتنا نظرنا الى جانبنا وجدنا شاب وفتاه(هذا الشاب كل يوم وي بنت شكل بس فد حات يخبل) -قمر....بنات شوفو -نور ...خرب هاذي وحده جديده
-كناري ...الصبح شفته وي وحده حجابها جوزي -العنود ...خررررررب طلعت من الامتحان ولكيته وي وحده حجابها وردي
-قمر ..... لج مصيبه
نحن ولكل شاب في الكليه نعطيه لقب مثل الهندي او فروگي او الفقير واطلقنا عليه اسم قانم وبدأنا نغني بصوت واطي ونضحك انتبه علينا -قمر ...اريد اخبث -العنود ....شلون -قمر ...اروح وارجع من هذا المكان -نور ..... وياج والله ظلعي ماتركه ههههههه
-قمر....يلا يلا اصبحنا نذهب ونرجع على نفس الطريق -قمر ...وقفت بمنتصف الطريق وقلت ...بنات شتردون اجيب
بقي ينظر الينا (طبعا ماتعبر علي وجه الطاوه )
-نور....حبيبتي تعالي واحنا نكلج
ورجعت من نفس الطريق ...بدأنا نذهب ونرجع الى ان ذهبو من المكان وبدأنا نضحك
ذهبنا الى الكفتريا (مالت الرياضيات للحش طبعا) ....كنا جالسات وبينما كنا جالسات دخل الكفتريا شاب وسيم وانيق بالمختصر حااااااات)
ضربتني العنود بقدمها -لج قمرر شوفي -العنود.....كنت انظر بهاتفي....شكو تبن رجلي راحت -العنود ...يخبل -قمر....وينه
-العنود ....هذا -قمر ....عادي من حلاته دطيري -نورهان .....انجبي يخبل بلا هالمسلته الزايده -العنود....ولج يباوع عليج -قمر ....اكلن تبن وبلا حجي زايد اني جوعانه -نور .....دوم همج على بطنج -قمر...شتردين مني كيفي -نور ...شتردين تاكلين?!
-قمر...سمبوسه -نور.....والله موتيني بالسمبوسه -قمر ....خاله عينج ع اكلي امشي ولي -العنود .....انا رايحه اجيب الاكل شتردين نور ?!
-نور....كص -العنود..... اوك
ذهبت لاشتري ورأيت........ -ورأيته امامي ....سلام
-العنود...وعليكم(اويلي علي يخبل)
-شلونج?!
-الحمدلله وانته?! (ثقل يا بابا)
-الحمدلله ....شلونج بالدراسه ?!
-ماشين بيها بس صعبه
-مو صعبه بس درسي واي شي تحتاجينه اني موجود - تسلم ما تقصر.........نادى النادل ...هذوله الج (وقتها كان طولتها )
-العنود ....اخذت الاكل....انشالله اذا احتاج شي اكولك رح تمل مني
-محد يمل منج
-نظرت اليه وانا محرجه....ابتسمت ....تسلم عن اذنك (يخبل ااااااه ي قلبي)
-بحفظه
ذهبت الى البنات ووجدت نور وقمر كالعاده يتشاجرن طبعا يتمازحن( هاي تكوللها انجبي وهاي تكوللها ماتاكلين تبن )
-العنود ....ماتبطلن - قمر ونور بصوت واحد ...لااااا
- العنود ....لا تاكلوني - نورهان.....جيبي اللفات وما ناكلج - العنود....هههههههه هاكم
بدأنا نأكل وبعد ان انتهينا قالت نورهان بنات عندي خطه ع كناري -قمر ......هيا كولي واخيرا المخ الاجرامي فتح - نور انجبي من قبل بس كنت مؤدبه من مشيت وياكم خربتوني - العنود خلصونا ويلا قولو - نور ....اخرب جوها ونروح نقطع حجيهم?!
-العنود....بس همه وين ?!
نور اتصلت على كناري ....هلو
-هلو
-اكول احنا رايحين لمجمع القاعات انتي وين!?
-انا بالقسم
-وين بالقسم -قاعه 3 وهسه اجيكم -لا من اتصل اكولج تعاي تعاي اخذي راحتج هسه
-اوك
اغلقت الهاتف وقالت يلا -قمر ....وين ?!
-قاعه 3 بالقسم
-العنود ....يلا
وصلنا الى القسم ثم قالت نور ...بنات شرايكم نخرب جوهم بغير طريقه -قمر.....شلون ?! -نور.....كناري تخاف من الفيران -العنود..... ويع
-قمر ....انتي سكتي وانتي من وين نجيب فار
-العنود ......انتو مخابيل
-نور....شبيج مو هذاك مختبر الاحياء قريب -قمر ...واذا ضاع يا فالحه -نور ....انتي توقفين يم الباب والقاعه كلها ستيجات ما يهم -العنود لا اكيد تخبلتو -قمر ....معليج بهااي روحي جيبي
ذهبت لتأتي بالفار وجاءت وهي تضحك يلا ...
-تأخرنا ع المحاظره ماريد ادخل وياكم
-قمر...غبيه انتي كعدي هناك -العنود .....لا تكولين غبيه فتحت نورهان الباب قليلا وكانا مندمجين بالحديث فتحت القفص واغلقت الباب
سمعنا صرخاتهم والكل هرع اليهم كان هو ايضا خائف ونحن نضحك عليهما خرج وترك كناري بالداخل
دخلت انا امسكت به وقلت ...رجال يخاف من فار حشه وبدأ الكل يضحك وبعدما ذهب الكل - كناري ...ليش بنات والله متت من الخوف
-محمد كان يشتط غضبا .....انتو بنات انتو انا عن نفسي مستحيل اصدك انتي وهي بنات
-قمر....(ببرود)...ياااا نسينه الغبيه برا -نظر محمد اليه ....الحمدلله والشكر -نور ...ليش يابه شايف مخابيل كدامك ?!
- محمد ....هسه انا كناري حبيبتي انتو شكو كاعدين -نور ...احنا اربعتنا شلعا قلعا ما نفترق ويلا طير على محاظرتك
كناري كانت متضايقه من حديثنا معه بهذه الطريقه -كناري حبيبي مادخلك منهم
-قمر ....انبعنه -قال اصلا منو هذول حتى اهتم يلا باي محاظرتي بدت
-نور ....روحه بلا رده وهي تبتسسم وذهب
-كناري.... شبيكم بنات علي -نور.....واضح يصيح لامه وابو اني صايع ولج والله ميحبج -قمر .....نور اسكتي هسه انتي متأكده يحبج -كناري .....اي -قمر...بعدين رح تتأكدين شلون يحبج
كان الشاب الذي رأيناه بالكفتريا ومعه اخر واقفان ينظران الينا وذهبا -قمر ....هذول مخابيل لو شنو سالفتهم
-نور....دخيطيرون يلا ع المحاظره
وعندما خرجنا وجدنا العنود وذلك الشاب يقفان معا ويتحدثان ذهبت نور وقالت يلا العنود ورانا محاظره -العنود ...راشد اعرفك على صديقتي نور ...نور هذا راشد -نور ...اتشرفنا -راشد ....الشرف الي انتي وياها صديقات -العنود اي هوايه صديقات وهذناك هم مانفترق -راشد ...الله يخليكم لبعض
