منه:ابت احبيبه هو الاوضه بتاعتنا كان رقمها كام!؟
حبيبه:نعم ياروح امك انا معرفش كنت بحسبك سالتي الحجه.
منه:طب اعصابك بس انا هتصل اسال الحجه
الحجه:منه حبيبتي حمد الله ع سلامتك انتوا عاملين ايه !
منه:كويسين الحمد لله بس هو رقم الاوضه بتاعتنا كان كام
الحجه:اوضه10
منه:تسلمي يامامتشي
الحجه:اي خدمه ابقي طمنيني عليكي
منه:طبعا يا ماما
حبيبه:ايه ابجره كل ده رغي قولنا اساليها عن رقم الاوضه مش قصه حياتك
منه:مهي كانت قلقانه علينا وانا طمنتها
حبيبه:طب يلا
(دخلوا الاوضه في سكن الجامعه)
(حبيبه اترمت ع السرير)
هيييييييييح بقا اخيرا وصلنا ده كان يوم متعب
منه:ومين سمعك يختي المهم خلينا نطلب دلفيري لحسن انا واقعه من الجوع
حبييه:واقعه من الجوع !؟مانتي لسه مخلصه ع اكل الطياره كله
منه:اكل طياره ايه ده اكل عيانين يلا انا هطلب
منه:لو سمحت ممكن 2 بيتزا و2 بيبسي ع العنوان ده............ اوضه رقم 10
الراجل:حاصر يا فندم ربع ساعه وهيكون عندك
حبيبه:طب انا هخش اخد دوش عقبال ميجي الاكل
منه:اشطا
وبعد ماطفحوا
حبيبه:اااااااه يلا تصبحي ع خير وقامت نعست
منه: جتك نيله ع قرفك حد ينام دلوقتي طب انا ههبب ايه بقا احسنلي انام في جامعه الصبح ومش حابه تكون عيني عامله زي المدمنين
(تاني يوم الصبح)
حبيبه:منه منه منه اصحي يلا الساعه 7 يدوبك نجهز
منه:7 !لسه بادري اول محاضره هتبدا 9
حبيبه:ده اول يوم لينا في ام الجامعه ديه لازم نتظبت كويس
منه:طب غوري البسي وانا خمسه وهقوم
حبيبه:لع قومي دلوقتي
منه:خربيتك بجاحتك بقا اديني قومت اهو
(شعرها كان منكوش وع وشها كده)
حبيبه:ههههههههههه يخربيتك ايه ده كنتي بتتصارعي مع السرير
منه:لا ياخفه
حبييه :طب يلا ع الحمام عشان استشورلك شعرك ده غوري يلا
(الساعه 8ونص وهما خلصوا وجاهزين)
منه:يلا عشان انا متحمسه اوووووي
حبيبه:اه وانا كمان اوووي بيقولوا الجامعه ديه كلها موززززززز
منه:خربيت افكارك مش هتبطلي
حبيبه:ابطل ايه الانحراف بيجري في دمي ✌
منه:طب يلا يختي
حبيبه:الله شايفه الواد الي جاي علينا ده
الواد:هاي انا زاك وانتي
اسمي منه
زاك:عاشت الاسامي انتوا جداد هنا صح !
منه: اه ده اول يوم لينا
ترررررررررررررررن (الجرس رن)
منه:طب معلش احنا لازم نمشي عندنا محاضره ناو(بتشد حبيبه من ايديها)
زاك:اشطا سلام نتقابل في الكافيتريا
منه:قول يارب
حبيبه:ابو امك بقا انتي كلمتيه كده ليه ها الواد مززز اووي وبعدين تولع المحاضره
بجاز
منه:بت اهدي كده في من الاشكال ديه كتير هنا انتي محسساني انك اول مره تشوفي واحد مز
حبييه:لا يختي ده كان شويه وعاوز يبوسك مشفتيش نظراته ليكي.
منه:فوكك يلا ع المحاضره
عاااااي
ايه رايكوا ✋
عارفه انه مش حلو اوي
بس احنا عاوزين دعم ✋
بلييييييز فوتس وكومنتس بلييز
لوف يو
أنت تقرأ
He's Change My Life
Acakالشخصيات منه:18 سنه شخصيه مجنونه ومتهوره حبيبه:18 سنه شخصيه مرحه وجريئه وحكيمه. طبعا احنا اكتر من اخوات والاستوري ديه هنتكلم فيها بطبيعتنا وديه اول مره نكتب فيها ستوري يارب تعجبك بقا ✌
