ذهبت نور مع والدتها الى اهلها وعندما وصلت وجدت اخيها وخواتها ووالدها
قامت نور بالسلام عليهم وقصت لهم قصتها مع احمد
الام:نور هوه زين وياج يعني يأذيج يضربج
نور:لا بالعكس
الام:الله كريم يله روحي نامي
ذهبت نور للنوم
وفي الصباح استيقضت نور ولم تجد ابنها بجانبها ذهبت للمطبخ
نور:صباح الخير هاي عبودي يمج
الام: اي اجيت الصبح لكيته كاعد واخذته
نور :ماما هسه شسوي
الام:خلي كلشي على الله
نور:ونعم بالله
اما احمد قام بالاتصال بمحمد
احمد:محمد اهلها شافوها وراحت نور راحت
محمد:شنو انت شدتحجي اسمع اني رح احجز على اول طياره لبغداد
احمد:منتظرك
بعد ساعتان وصل محمد
ذهب اليه احمد وهو يبكي
احمد:عافتني محمد عافتني
محمد:طول بالك انت الي سويته هم مو قليل والمفروض انت تكون متوقع هل شي
احمد:محمد شسوي كلي شسوي رح اتخبل اذا مترجع نور
محمد:خلص روح بدل وامشي نروح لبيتهم بلكي اقنعها
ذهبو محمد واحمد الى بيت نور
قامو بطرق الباب
الاب:منو انتو
محمد:اني محمد اخو احمد زوج نور وهذا اخويه احمد
الاب:تفضلو شنو المطلوب
محمد:ممكن ندخل
الاب:تفضلو
محمد:عمي احنه جايين نشرحلك كلشي
الاب:شتشرحلي ابني كلشي واضح اخوك خطف بنتي وتزوجها وخلف منها
واحنه يحرك قلبنه على فراكها
احمد:اني اسف عمي بس صدكني اني احب نور ورايدها ومن تزوجتها تزوجتها بالحلال
دخلت نور :بس اني مااريدك احمد
احمد:نور الله يخليج والله احبج
نور:خلص كلشي انتهى
احمد:وابنه شنو ذنبه
نور:ذنبه. انته ابو
محمد:نور خليني اشرح لعمي الوضع وهو يقدر
نور:محمد جيتك على عيني وراسي بس اني بعد مااريد احمد
احمد طلقني
الاب:نور سكتي احنه ماعدنه بنات تتطلق
