عائلة بغدادية مستوى المعيشة عدهم متوسط
يعني ما يوم بقوا بدون اكل مثل الفقير
اكبر بنت هي رؤى الي تركت الدراسة بعد من حصلت شهادة الثالث متوسط لاسباب غير منطقية
وحسب ما تعتقد بعض العوائل ان البنت مخلوقة للزواج وتربية اطفالها فقط لذلك ماكو داعي للدراسة
رؤى شكلها وسط يعني شي مقبول
وشخصيتها من النوع الي يتحسس لابسط الاشياء والي يتمنى ان يمتلك افضل الاشياء
نخطبت رؤى لولد قريب منهم ويشبهها بهواي شغلات ان تارك الدراسة وعائلته مثل عائلتها
فجان التحول بعد الزواج بسيط بالنسبة الها ع اعتبار ان الفوارق بين العائلتين شي بسيط
جانت اول ايام صعبة عليها بسبب حبها لأمها فصعبة تفارگها
بس گدر زوجها ان يعوضها هذا الفراق ويسعدها
حاول بكل الطرق ان يقنعها ان غرفتهم الصغيرة يمكن ان تكون اجمل مكان بالعالم اذا نشروا بيها عطر الحب والتسامح والتعاون بكل شي
غرفة صغيرة ! هذا مو الي جانت تحلم بيه رؤى
جان حلمها زوج يضمنلها بيت وحدها و يضمنلها فلوس تشتري اي شي تتمناه بيها
بعد سنة من الزواج الله رزقهم ب طفل
بوقتها صار اليوم يخلص بالعرايك بينها وبين زوجها وعلى اتفه الاشياء
وصلت بيهم حالة ان هو يگلها ليش ما تصيرين مثل زوجة اخوي مقتنعه بكل شي وي زوجها
وهي تگله ليش ما تصير مثل اخوك توفرلنا فلوس تضمن كرامتنا على الاقل
صح ان اخوه جان موظف وعنده راتب فجان وضعه المالي احسن منه
أنت تقرأ
طفلة
Romanceالطفولة ليست مرحلة في العمر لكنها مرحلة في التفكير لذا لاتعجب اذا وجدت من تجاوز عمرة عشرة و عشرين وحتى ثلالثين لكن تفكيرة لايزال طفولي مثلاً رؤى تجاوز عمرها العشرين وهي ..... ومن طفولة الى طفولة تنتقل ...... ولكم الحكم في النهاية
