لذلك رؤى مستحيل تجمع بين زوجها وبين احمد و انور
بده زوجها يشك بيها لان بدت تتعب من تتعارك وي احمد و انور بنفس الوقت او يكونون ما موجودين وهي صار عدها ادمان ع الحجي وياهم ( 😑 )
زوجها بده يشوفها دوم ضايجة و ع اقل الاشياء تنفعل وتتعارك لذلك بده يشك بيها
حاولت ان تطمن نفسها سألت احمد و انور
اذا اطلكت فتكدر تزوجني ؟
اجه الجواب من الاثنين بنفس الوقت
- اي اكيد ازوجج
هذا الشي ريحها من هم الهلوسه الي جانت بيه ع الاقل حتى لو صار الطلاگ فاكو البديل 💪🏼
بقت مستمره ع وضعها و شك زوجها بيها بده يزداد
ع الرغم ان زوجها انسان بسيط ما يعرف بسوالف النت بس يبقى انسان يحس ان كو خطأ وبما ان تجارب العالم كله ثبتت ان الخطأ ما يستمر وينكشف فاجه اليوم الي فجأة نست بيه فونها يم زوجها وبعد دقائق زوجها شاف رسالة وصلتها من شخص باسم بنية و بصورة ولد
حجه وياه ع اعتبار ان هو رؤى وبده الولد يحجي ويتغزل لحد ما اتأكد زوجها ان هي عدها علاقة بيه
قفل الفون
سألها عن الولد ونكرت وحلفت ب روح امها ان هي ما عدها شي وي احد وبدت تبجي كدامه
هو قفل الغرفة وبدت حرب البسوس 👋🏼✋🏼👋🏼 لحد ما اعترفت ان هي عدها علاقة ب ولد
بقة منصدم شلون تخوني الي ما فكرت اخونها ، الي حتى من فكرت ازوج ثانية گتلها ع الفكره وما ضميت عنها
بنفس اليوم راحت لاهلها وفهمتهم ع انه مجرد زعل بسيط لان هي تعرف بيه يحبها وراح يرجعها بعد كم يوم
----------
اقارب رؤى اسمها هبة علاقتهم ببعض اقوى من علاقة الاخوة
رؤى تحجيلها كل شي وبالمقابل هبة تحجيلها كل شي
بعد كم يوم التقن ببيت رؤى وبدن يحجن عن كل الاشياء الصارت خلال هاي الفترة
حجت هبة عن ظلم زوجها الها وعن العذاب الي شايفته وياه
حجتلها شنو يعني تنام الليل وجسمها ازرك من الظرب حتى لو جان السبب تافه
حجتها شلون مشغول عنها وما يهتم بيها ولايهتم باولادها الصغار
اتفاجأت رؤى من وضع هبة
سألتها / هبة ليش ما تتعرفين ع شاب وتحبيه وينسيج هذا الهم العايشته ؟
هبة - ههههه اي واطلك من زوجي وازوجه هههه
رؤى - اي عفية وخيولي هذا
هبة - لا انتي الولي ، الظاهر عقلج خرب ، صدك بعدج طفلة
- ليش ؟
- شنو ليش ، لج اكو بنت عاقلة تفكر هيج ؟
- اي انا افكر هيج واصلا مسويتها والولد يموت بيه ويريدني اطلك بسرعة حتى يزوجني
- شنوووووو ، لا صدك والله
- اي والله شبيج
- ولج والله لو اعرف انام بالشارع انا وجهالي ولا افكر اخون
- ليش بلة ، عاجبج البسط التاكليه يوميه بسبب زوجته الثانيه الي تدفعه عليج
أنت تقرأ
طفلة
Romanceالطفولة ليست مرحلة في العمر لكنها مرحلة في التفكير لذا لاتعجب اذا وجدت من تجاوز عمرة عشرة و عشرين وحتى ثلالثين لكن تفكيرة لايزال طفولي مثلاً رؤى تجاوز عمرها العشرين وهي ..... ومن طفولة الى طفولة تنتقل ...... ولكم الحكم في النهاية
