طفلة

الاخير

هبة- لا ما عاجبني ، والله ياخذ جزائي منهم ، بس مال اخون لا مستحيل ، شوفي انا مدمره جسديا صح ، بس احس عندي كنوز الدنيا عندي جهالي الثنين يسوون العالم كله ، من العب وياهم واشوف ضحكتهم انسه الدنيا كلها بعدين الخيانه لو تعيشني بقصور من ذهب هم ما اريدها
رؤى- ليش شبيها 😒 ؟
- رؤى انا هسه من اگعد وي روحي وافكر اگول الحمد لله ما يوم رخصت روحي هذا الشي مو سهل
وبالاخص بهذا الوكت التعبان الي رخصت بيه هواي ناس وقليلين الي باقين محافظين على هيبتهم وشخصيتهم ، اسألج سؤال منو احلى بنيه من اقاربنا يعني البنات الي باعمارنا ؟

رؤى- انتي احلى وحده وكلها تعرف هذا الشي
هبة - زين اذا فكرت اخون شتتوقعين ما الكه شاب يقبل يكون وياي ، لا احلفلج الكه شكد ما اريد من الشباب ، بس ساعتها راح ابيع روحي .  بعد انحرم من الضحكة الصدك ، ابقى اشوف روحي رخيصة ويبقى عندي احساس ان العالم كله ينظر الي ع انه انا رخيصة ، وشنو اريد احصله من الخيانه اشتري ذهب مثلا ! شيفيد الذهب والروح مبيوعة .
- ( صفنت رؤى وهي تشوف نفسها بكلام هبة طبق الاصل ) هبة اني ما خنته وي ابن شارع . الولد يحبني وراح يزوجني اذا اطلكت
- ههههه وانتي صدكتي ، راح اذكرج رؤى بعدين
----------
بعد هذا الحجي رؤى خافت وراسلت احمد وانور وگلتلهم ان هي يمكن تطلگ من زوجها لان عرف بيها خانته
طبعا انور ما قبل تطلگ وبده يبررلها ان اذا اطلگت فهو ما راح يگدر يزوجها لان هو اقاربها وبنفس الوقت يكون اقارب زوجها فصعبة يزوجها وهنا نصدمت رؤى من كلام انور الي تغير
بس احمد جان يحبها من صدك وما اتنازل عن قراره وبقه ثابت وگللها اذا اطلگتي فانا ازوجج واعيشج احلى عيشة ------
يومين واجت ورقة من المحكمة بلاغ ب طلاق رؤى
اهلها انقهروا وبالاخص امها