طفلة

2

حتى شغلات البيت المشتركة جان يتكفل بيها اخو.
رؤى جانت تضوج من زوجة اخو لان تحسها تحجي عليها بضهرها
حتى من اشتركوا بالنت جانت رؤى تتمنى تشترك وياهم بس صعبة تطلب الباسويرد منهم
بعد فترة عادي صار النت متاح لكل الموجودين بالبيت
برنامج تواصل واحد او اثنين يكفي لرؤى حتى تتواصل وي اهلها واقاربها
من ضمن الاقارب شاب اسمة انور ( شخصيته ملتزم اخلاقياً )
صداقة بسيطة بين انور و رؤى يتواصلون عن طريق برنامج تواصل كتابياً فقط
_
من جانب انور جانت كل الحدود محفوظة وما تجاوز بيوم
على عكس رؤى الي بدت تغير بكلامها وتحجي حجي اكبر من مجرد صداقة ومن تشوف ان انور زعل من حجيها تگله هذا من باب الصداقة فيسكت.
بدت تحجيله عن مواضيع ما تنحجي حتى للحبيب
بدت تدخله بحياتها من دون ان توضحله حدوده
فتحتله باب بيتها واسرار عائلتها من دون ان توضحله ان اكو خطوط حمراء
انور شاب ما مرتبط يخلص يومه بالشغل من دون تعب شاف كدامة بنت مزوجة مستعده ان تنفذله كل شي بس مع ذلك جانت تقاليد اهله تمنعه من ان يدخل لبيت اسرار رؤى
_
بقه بين وبين
بين تقاليده الي تمنعه من الدخول وبين شبابه الي يدفعه للخطأ
بدت رؤى تخلي النقاط على الحروف وبدت تدزله صورها وتتقصد ان تثير لذته من خلال حركاتها
----------
جانت رؤى تخاف ان ترتبط بشخص غريب لاسباب مجهوله 😶
وصدفة تعرفت ع شاب غريب اسمه احمد من غير محافظة
جانت تعتقد ان كل الشباب تكدر تخليهم يحبوها عن طريق ذكاءها حتى لو استغلت دموعها او كلامها باسلوب التوسل او جسدها من اجل هذا الشي

المهم هو ان يكون الشاب يحبها حتى يعوضها عن حب زوجها الي تعتقد انه فشل بالتعبير عن حبه الها رغم ان هي تعرف ان هو يحبها وانه لحد الان ما فكر ياذيها او يزوج غيرها او يطلكها ع الرغم ان هي ما يوم ساعدته بحاتهم وما يوم حسسته ان الشريك للحياة كلها مو فقط للسرير ✋🏼
-------
صاروا اثنين انور و احمد
شي طبيعي ان تهمل عائلتها واستغلت زعل زوجها خلال هاي الفترة حتى تتفرغ للولد الي تحجي وياهم
مو مهم منو صادق وياها ومنو لا
منو رايد مصلحتها ومنو رايد يستغلها
المهم عدها ان يستمرون ثنينهن يسمعوها كلام الحب
المهم ان ينوجد بديل اذا اتخلى عنها احد فالاخر موجود واذا اتخلى عنها الاثنين فراح تبحث عن جديد
--------
اكو شغلات ما يسيطر عليها الانسان
مثلا مانكدر ندخل البحر من دون ان تتبلل ملابسنا
فما نكدر ندخل بالخطأ من دون ان يتلوث قلبنا
واذا ما بين اثر التلوث اليوم فبعد فترة راح ننصدم 😐👋🏼
----------