محمود:ولج لتصدك
ورد:انطينياه اي طبعا يحب بنت خالته
محمود:هههههههه حياتي
ورد:روح لمريم حياتك
محمود:والله تشاقه حنين يله لتهتمين ونحجي فد شويه
ورد:اوكي حبيبي
محمود:كولي شيز ونزلي
ورد:ههههههه اوكي
نزلنه واتونسنه بالحفله واهم شي حركنه قلب مريم صار وكت العشه ورحت يم امي سلمت ع ام احمد وكعدت يمهم اجتي كرايب محمود يمنه ام عمار
امي:شبيج كومي ركصي
حنين:خلي اكمل اكل
ام عمار:هاي بنتج الله يحفظهه
امي:اي الله يسلمج
ام عمار:اريدها لابني عمار
ام احمد:
حنين:
امي:والله بنتي محجوزه لابن عمهه
ام عمار:لا يمعوده
امي:بعد شنسوي هو حاجزها بالعطله تزوج
حنين:
ام احمد:بالخير عليها يستاهلها يله الكعده وياكم متنمل والله اروح ابني وحده
امي:وين ام احمد شويه ونروح
ام احمد:نوصلكم ويانه
امي:لا حبيبتي حسام يجينه
ام احمد:لعد اروح احسن خلي اروح انطي واجب واروح ع خير حبيبتي
حنين:هاا خاله
امي:اخاف صدكت
حنين:عادي قابل شنو صار
امي:مشفتيهه تريدج لابنهه هي
حنين:الحمدلله خلصنه وبقيت ع قلبج حياتي
امي:دكومي سلمي ع ورد خلي انروح
حنين:بعد وكت
امي:كومي يله
حنين:اووف اووف
رحت سلمت ورجعت لبيت كالبه وجهي دخلت سلمت ع ابويه وصعدت فوك حسيت بفارغ بداخلي ع ورد كعدت اذكر يطولاتنه وابجي عليهه
نور:حنونه عمو يريدج
حنين:اوكي
نور:حبيبتي شبيج
حنين:مابيه بس رأسي يوجعني
نور:عليه ولج قابل مااعرفج لضوجين بس ترى الابنيه لازم ترتاح وتأخذ راحتهه ويه رجلهه
حنين:اي بس هي جانت اختي والله مو بس صديقتي احس نفسي مخنوكه عليها
نور:سوده عليه حبيبتي كومي اني هم اختج
حنين:اعرف والله بس هي
نور:افتهمج لان اني هم جانت عندي صديقه وبالبدايه صار مثلج ابجي وادوك عليها بأوقت حرجه بس وراهه حجت هي ويايه لان كامت اتصيرلها مشاكل ويه رجلها الرجال يحب من يرجع مرته بس تتفرغ اله انتي حاولي تنظمين وقتج وياها
حنين:بس محمود حباب
نور:كلهم حبابين بس هاي زوجته اتحبين تتعارك من وراج
حنين:لا اسم الله
نور:خلص كومي يله غسلي وباجر اخلي حسام
يطلعنه اني وياج
حنين:اريد اروح لمطعم اكل
نور:اني عبالي تأخذين صور وترجعين ههههه
حنين:شكراا حبيبتي
نور:عيب اني اختج كومي يله عمو يريدج
حنين:اوكي يله بس اعدل وجهي
نزلت اني وياها وارتاحيت من حجت ويايه
حنين:نعم بابا
ابي:تعالي بنتي شبيج ضايجه
حنين:مابيه بس رأسي يوجعني
ابي:اخاف امج مضوجتج
امي:طلع عينهه بعد
حنين:شوف بابا هاي كدامك هيج
ابي:شعندي غيرها
امي:اي اي
حنين:ع عنادكم
ابي:شوكت النتائج
حنين:كح كح
ابي:بيهه غصه
حنين:هههههههههه الله كريم
(ورد)
بقت مريم وامها يمنه اجه محمود كعد يمي وشافني ضايجه منهه
محمود:يمه جيبي ملح وبخور
امي:ليش يمه
محمود:حبيبتي راح تنحسد
ورد:هههه
محمود:فديتج كومي نروح فوك انتي تعبانه
ورد:يله
ام مريم:شبينه منعجب
محمود:لاخاله بالعكس ع رأس انتي بس مرتي مشايفهه اني اليوم
مريم:لاحك عليها وتشبع منها
محمود:لا عيني مااشبع منها
ورد:فديت قلبك اني تصبحون ع خير
(احمد)
رجعت وامي متحجي ابداا شفتهه ضايجه تركتهه وصلنه لبيت ودخلنه كعدت اني بالصاله وهي راحت لغرفتهه مطلعت ابدا
احمد:يمه
ام احمد:هاا يمه
احمد:شبيج حبيبتي اشو ضايجه
ام احمد:احمد اريد انام روح
احمد:شبيج شمسوي اني
ام احمد:ممسوي شي ابني روح شكد ماعرضت ع السالفه راحت لابنيه من ايدنه
احمد:يابنيه
ام احمد:شوف حتى الموضوع مو ابالك حنين محجوزه لابن عمهه
احمد:الله يسعدها ان شاء الله
ام احمد:روح احمد اريد انام
احمد:اوكي تصبحين ع خير
ام احمد:سد الباب وراك
مجنت مصور امي تريدها لهاي الدرجه مرة الايام وامي نست الموضوع بس بعدها مستمره تريد ازوجني
امي:حمودي اليوم نروح لبيت ام حسام
احمد:خير يمه
امي:حنين ناجحه واروح اباركلها
احمد:اوكي حبيبتي اني طالع اجيج بال7
امي:ماشي ابني مو تتأخر
احمد:لا لتخافين
(حنين)
نضمت وقتي ويه ورد واتعودت شويه ع فراكها اليوم استلمت النتيجه وطبعا الحمدلله نجحت
لتسألون شكد معدلج خلوها سكته خابرتني ورد بالليل
ورد:مبرؤك عوبه
حنين:الله يبارك بيج مبرؤك الج
ورد:تسلمين حبي شخبارج
حنين:تمام وانتي
ورد:الحمدلله لو ماازعاج هاي الخاله وبنتهه
حنين:خلي تولي
ورد:لج كامت تدخل ع محمود بالفيس
حنين:اي
ورد: لج خبلتني اني اجاوبها حنين والله اخاف ع محمود منهه ومن امها
حنين :معليج بيهه حبيبتي لتقصرين ويه محمود وهو ميتركج
ورد:ان شاء الله يله خلي نفرح بيج
حنين:اعوذ بالله
ورد:هههههههههه
نور:حنونه خاله ام احمد اجتي تباركلج
حنين:اوكي نازله
ورد:ها خطار
حنين:اروح ام احمد هنا تباركلي
ورد:اوكي حبيبتي نتحاجه باجر
حنين:لتهتمين لهاي العوبه
ورد:اوكي قلبي باي
حنين:باي
بدلت ونزلت لأم احمد
حنين:سلام عليكم
ام احمد:وعليكم السلام الف مبروك بنتي
حنين:الله يبارك بيج خاله يوم الج
ام احمد:ههههههههه
امي:ولج
حنين:خالتي وبكيفي وينج خاله اشو ماكو
ام احمد:والله انتي ماكو
امي:كومي جيبي لخالتج عصير
حنين:صار ساعه انتو كاعدين يم خاله كومو انتو خلي اسولف وياها
ام احمد:هههههههه حبيبتي
امي:خاله نور جيبي عصير
نور:تدللين خاله
حنين:من البدايه ومكومتها
ام احمد:شوكت تزوجين
حنين:اعوذ بالله اني ليش
امي:بس يجي ابن الحلال
ام احمد:ليش مو محجوزه لابن عمهه
امي :خهههههه لا منو كلج
ام احمد:مو انتي كلتي لأم عمار من خطبتهه
امي:انتي تعرفين ابنهه شلون صايع وفوك كل هذا متعين وفلوسهه كلهه ع الملاهي
ام احمد:الله يفرح قلبج مثل مفرحتيني
امي:حنين كومي ساعدي مرة اخوج
حنين:هو عصير ليش اكوم
جنت ادري امي تريد تحجي موضوع اني مكاعده يمهه بس حبيت اضوجها
امي:لج كومي
حنين:ماا
امي:ولج كومي
حنين:كولي عدنه موضوع خاص
ام احمد:هههههههه
امي:كومي عاب هاللسان
حنين:من رخصتج خاله ههههههه
ام احمد:غاليه بنتي
طلعت وبقيت اسمع عليهم طبعا هذا الفضول مو بس عندي مرة اخويه هم
نور:شكو
حنين:اسكتي
نور:كل شي مدااسمع
حنين:ولااني لج انتي مزوجه روحي كعدي وامانه سولفيلي واله اكولج ادوك عليج بقي الخط مفتوح
نور:هههعععع اروح اودي العصير وابثه كاعده
ام احمد:والله ام حسام فرحتيني اني اريد حنين لابني احمد
ام حسام:والله ام احمد الله شاهد معزت حمودي بمعزت حسام وانتي اختي الي مجابتهه امي اني اكله لابو حسام وهي يسئلها
ام احمد:ماشي راح انتظر اتصالج لتتأخرين عليه اريد ازوجهم قبل الدوام
ام حسام:ادللي من عيوني
نور:اتفضلي خاله
ام حسام:مبين دزتج تعرفين شكو كوليلها ملحكت ههههههه
نور:تتخبل خاله ههههههه
ام احمد:اسم الله عليهه
ام حسام :من هسه عيني ادافعيلها
نور:شكو
ام حسام:بعدين
ام احمد:يله حبيبتي اروح اني سلميلي ع ابو حسام وحسام
ام حسام:من عيوني سلميلي ع حمودي
ام احمد:الله يسلمج
سمعت صوت الباب طلعت ام احمد رحت ركض لأمي اجه ابويه وحسام وكعدنه نشوف تلفزيون امي:ابو حسام اليوم ام احمد اجتنه
ابي:هلا بيهه شلونهه
امي:الحمدلله و
حنين:اي كملي شنو حجيتو وحدكم
حسام:انتي شعليج بيهم
حنين:غير اعرف ههههه
امي:خطبت حنين لأحمد ابنهه
ابي:والنعم
حسام:والله والنعم منه
حنين:شنو
امي:اي هي رايدتج من زمان بس من سمعتني
كلت لأم عمار انتي محجوزه بطلت تحجي
حنين:خلص كوليلها محجوزه
ابي:ليش بنتي
حنين:بابا مااريد
حسام:ليش حبيبتي الولد والنعم منه وانتي تحبين امه
حنين:احب امه مااحبه هو
ابي:ليش تردين تحبين وتأخذين بنتي
حنين:لا بابا مو قصدي
ابي:شنو سبب رفضج بنتي انتي الوحيده عندي مااريد اجبرج بس اني اتمنى ابنها اكثر من ابن اخويه
حنين:بكيفك بابا
ابي:شنو الي يمنع موافقتج
حنين:اريد اكمل بابا
ابي:ام حسام كوليلها موافقين بشرط بنتنه تكمل دراسه وتتعين
حنين:بس
امي:ان شاء الله باجر اخابرها
كمت اركض اني لغرفتي ابجي يعني شنو هاي تاليتهه اخذ واحد مااعرفه مجرد اعرف امه اني مااريد هيج اني اريد ازوج عن حب صح اول تجربه اليه فاشله بس مااريد هيج ازوج
(احمد)
احمد:شنو يمه
ام احمد:الي سمعته اني مصدكت هي
ممحجوزه والله مااضيعهه
احمد:المفروض تحجين ويايه
ام احمد:خلص ابني الله يوفقك
احمد:هههههه الله يسلمج ماكو واحد اسرع منج بهيج موضوع
ام احمد:ياربي تصير من نصيبك
احمد:الله كريم
راحت امي لغرفتهه اني اتصلت ع محمود
محمود:هلا بالضلع
احمد:هلا بيك
محمود:مااكدر اطلع اليوم عندي احتفال
احمد:هههههههه الله يساعدك
محمود:تعلكت هاي هي بعد
احمد:لحكتك مبقه شي
محمود:شلون يعني
احمد:امي اليوم خطبتلي
محمود:روح احمد واني اخر واحد يعرف بالموضوع
احمد:خلي اني اعرف بالاول يله انت تعرف محمود :ههههههه
احمد:امي كتلت نفسهه كتلهه اوكي راحت وحجت وياها
محمود:الابنيه كرايبكم
احمد:لا والله ياخويه حنين
محمود:ياحنين
احمد:حنين كبل مرتك ههههههه
محمود:والنعم من هسه حضر باكست براسيتول وخزنه فلوس وتعلاكه علك نفسك بيهه
احمد:هههههههههه
محمود:لا والله فرحتني الف مبروك مااكو احسن منهه والنعم
احمد:خلي توافق وباركلي
محمود:اتبارك يمه ليش تلكه احسن منك
احمد:روح حبيبي روح افرح
محمود:ان شاء الله حبيبي
ورد:احلفي
حنين:والله
ورد:وسم ليش شبي احمد يخبل وخوش ولد
حنين:اني مااريد ازوج
ورد:ليكون
حنين:انجبي ممفكره بي والله
ورد:حنين باعي اني هم اخذت محمود بدون مااسوي علاقه والحمدلله بالخطوبه حبيتهه
حنين:اكلج شنو قابل مااعرفج جنتي تحبي وغير هذا تعرفين اخلاقه وابن عمج هو
ورد:اذا ع الاخلاق ورده من الله صديق محمود هو حنونه
حنين:صعبه منعرف هو شنو طبعه بالبيت
ورد:حنين خوش قسمه حرام اضيع من ايدج
حنين:الله كريم
ورد:خلي الخطوبه اطول وتعرفي عليه
حنين:الله كريم روحي كملي ركص حبيبتي
ورد:ههههههه عابتلج باي
حنين:باي
محمود :ها موافقه
ورد:ماادري
محمود:شبيج
ورد:حنين تعبانه والله خطيه
محمود:ترى احمد متعوض
ورد:اعرف بس هي خايفه وحقهه الولد متعرفه محمود:ع راحتهه
ورد:عادي باجر اروح يمهه
محمود:اممم افكر
ورد:حباب
محمود:اوكي حبيبتي
