حنين:الحمدلله قريبا ان شاء الله
احمد:بعد خلي نتعود ع الوضع
ورد:امم
حنين:مبرؤك محمود
محمود:الله يبارك بيج يوم الكم
حنين:تسلم
احمد:تسلم حبيبي
ورد:اي حنونه شنو حتقدمين
حنين:مااعرف والله خلي اشوف بابا
ورد:اني منتظرتج حتى نقدم سوه
حنين:ان شاء الله
في زاويه اخرى من المطعم عيون تراقبهم
وسام:وينج وين صافنه
رهف:هنا وياك حبيبي
وسام:اكلي ماطول حمودي نايم
رهف:هههههه ان شاء الله
وسام:متأكده ماكو شي
رهف:وغلاتك حبيبي ماكو
(ورد)
جنت كاعده اسولف ويه حنين وحسيت واحد صافن عليه باوعت لكيتهه رهف ووسام وياها وابنهه مبين ولدت اني مبينت لحنين اكو شي كملت السوالف واندعي من الله متشوفه
حنين:ورد تروحين لحمام
ورد:ها ليش
حنين:شنو ليش كومي نغسل
محمود:شبيج حبيبتي
ورد:مابيه حبيبي حنونه كعدي فد شويه نكوم
حنين:بس اني اريد هسه اكوم
ورد:واني مااروح هسه
حنين:ابقي كاعده احمد كوم ويايه وصلني
احمد:يله
(رحت ويه احمد لحمام جنت لازمه ايده صح هو باله مااعرف وين بس اني فرحانه فجأة اختفت الابتسامه وتركت ايد احمد بدون ماادري بنفسي مثل المخترعه )
احمد:شبيج حنين
حنين:
احمد:حنين بيج شي
حسيت ع نفسي الحمدلله منتبه عليه هو وسام اخذت ايد احمد
حنين:احمد عفيه خلي نطلع منا
احمد:ليش شكو
حنين:الله يخليك ماحبيت المكان
احمد:تعالي نسلم ع محمود وورد ونروح
حنين:اوكي ع سريع
احمد:شكو حنين
حنين:ماكو شي بس اريد ارجع ترجعني لو ارجع وحدي
احمد:شبيج انتي
حنين:مابيه شي اريد ارجع
رحنه سلمنه عليهم ورد حست بيهه اني شفتهه جنت اريد اباوسهه
ورد:انسي وركزي بزوجج احسن حبيبتي
حنين:امم
ورد:يله اخبارج بس ارجع
حنين:اوكي مع السلامه محمود
محمود:هلوو
احمد:يله ضعلي
محمود:متعاركين انتو
احمد:لا ياريت متعاركين والله مااعرف شبيهه باجر اشوفك بالداوم ونسولف
محمود:اوكي حبيبي
احمد:تصبحون ع خير والف مبرؤك
ورد ومحمود:تسلم وانت من اهل الخير
طلعنه من المطعم بدون حتى ماارفع رأسي صعدت بالسياره والصمت كان سيد الموقف وصلت لبيتنه محسيت بشي
احمد:لشوكت تبقين صافنه
حنين:هااا وصلنه اوكي باي
احمد:حنين شنو موضوعج ترى مبقه عقل برأسي من وره سوالفج
حنين:تصبح ع خير
احمد:انتي طفله والله
حنين:اني مو طفله اكره هالكلمه لان هي دمرتني والله
سديت الباب قبل لااسمع جوابه هو راح منزل
ورايه دخلت لبيت وامي حست اكو شي اجتي ورايه
امي:شكو
حنين:ماكو شي
امي:ليش مدخل احمد
حنين:عنده دوام ومستعجل
امي:حنين شكو
حنين:ماما ماكو شي رأسي يوجعني واريد انام ممكن
امي:حنين انتو متعاركين
حنين:لا بس
امي:بس شنو احجي شصار يمه
حنين:بس اريد ارتاح ممكن
امي:اوكي ع راحتج نامي بنتي الله يهديج
حنين:امين
طلعت امي بقيت صافنه ع الي سويته معقوله احبه وليش اباوع ليش طلعت اصلا يعني خلص هو صار عنده طفل واكيد فرحان ويه عائلته الا اني بيوم الي ردت ابدي حياة جديده طلعتلي انت ليش والله جنت مرتاحه وناسيتك
فتحت حسابي الفيس وبحثت ع اسمه دخلت لصفحته جان ناشر صورته هو ابنه اشتاقيت لكل شي بيناتنه بقيت صافنه وراهه طلعت طفيت حسابي ولعنت نفسي الف مره ع الي دااسوي احمد ميستاهل وحده مثلي خلص قررت ادوك ع احمد جان مطفي تلفونه غريبه اول مره
يسويها بقيت ادوك ل12 هو ماكو اجتني امي
امي:بعدج كاعده
حنين:امم
امي:حنين اشو ام احمد اتصلت وكالت احمد يمكم
حنين:شنو
امي:لتخافين هذا الحجي بال11 ونص بس كلتلهه لا مو يمنه وكتلهه حنين رجعت من وكت حنين:ليش مكلتيلي يمه اني صار كومه ادوك عليه وهو ماكو
امي:اسم الله يمه ارتاحي هسه اشوف وينه
حنين:يمه اخاف صاير شي
امي:اسم الله ولج فال الله ولا فالج
حنين:يمه انطيني خلي ادوك ع خاله
امي :لا بنتي الصبح ندوك عيب ليظل بالهه المره
حنين:يمه تحجين صدوك والله اله ادوك
امي:انطيني اني احجي وياها
حنين:اوكي هاج
امي:هلو خيه شلونج
ام احمد :شلوني راح اتخبل ابني ماكو
امي:كولي يالله يجوز يم واحد من اصدقائه
ام احمد:ماكو والله اول مره يسويها هو ام حسام مكلتلج حنين وينه
امي:هاي يمه تبجي ادكول محجه شي بس راح لبيت
ام احمد:يمه ابني راح مني عمت عيني عليه
امي:الله يرجعه الج بالسلامه راح اجيج هسه اني وحنين وحسام منبقيج وحدج
ام احمد:ام حسام هلا بيكم منتظرتكم
امي:وبيج حبيبتي
حنين:ها يمه وينه
امي:الله يستر كومي لبسي خلي اكول لابوج ولأخوج يأخذونه
مبدلت لبست عبايه فوك البجامه وطلعت لكيت ابويه وحسام منتظرين امي رحنه الهم
ام احمد:هلا بيكم
ابي:وبيج كولي يالله ام احمد مابي شي ان شاء الله
ام احمد:والله ابو حسام مو بيدي راح اموت
عليه بس اريد اطمن
حسام:خاله اكيد تلفونه مخلص شحن وتلكي يم جماعته حب يغير جوه
ام احمد:لا ابني ميسويها
حسام:الله كريم
حنين:خاله لتبجين الله يخليج
ام احمد:حنونه ولج ابني هذا شلون ماابجي والله قلبي موتني عليه
امي:حسام يمه روح يم مرتك خطيه وحدهه
حسام:يله يابه تعال ويايه خلي انروح لمركز ونسئل عليه وراهه نروح لبيت
ام احمد:فدوه لقلبك ابني طمني
حسام:من عيوني خاله
ابي:ام حسام تعالي انتي ابقي يم نور واني وحسام ندور بالمستشفى هم خلي حنين هنا
امي:ماشي
ام احمد:راح اسوي زحمه عليكم
امي:لتحجين هيج احمد ابنه هم حنين ديربالج ع خالتج
حنين:ان شاء الله
طلع ابويه وحسام يدورن بعد ماامي راحت يم نور اني بقيت كاعده يم خاله لفجر صلينه وخاله من التعب نامت بغرفتهه اني بقيت بالصاله مالتهم كمت ورحت لغرفته باوعت ع الصور الي مخليهن كعدت ع جربايته وتندمت لان هيج سويت بي اتندمت لان فضلت ادور بصور وسام ومااسئل عليه اتندمت لان كل يوم هو يحاول
يفرحني واني مامنطيته مجال ولافتحت قلبي اله حتى بيوم الي قررت افتحله قلبي كملت يومي بتفكيري ويه غيره بقيت ابجي ونمت بدون ماادري
(احمد)
بعد موصلت حنين حسيت نفسي مختنك ردت ادوك ع امي طفه تلفوني طلعت كبل لكربلاء حبيت ارتاح شويه بقيت هناك لفجر رجعت دخلت لبيت وشفت امي نايمه رحت لغرفتي بقيت صافن عليهه شلون نايمه شدسوي هاي هنا
مكعدتهه ردت اطلع
امي:وين جنت
احمد:اشش تعالي بره
امي:ولك ليش هيج وكعدت قلبي عليك
احمد:يمه شكو شبيج طفه تلفوني ورحت ازور ورجعت هسه
امي:احمد تدري اني منمت اله هسه يعني مكدرت تتصل عليه من اي احد
احمد:محافظ ارقام
امي:مكدرت تشحن
احمد:نسيت
امي:خلي اروح اطمن العالم بالهم يمك يدورن من الليل عليك
احمد:شنو السالفه حنين شكو هنا
امي:بعد متأخرت اتصلت عليهم وكتلهم والابنيه بس تبجي ميته قهر عليك روح طمنهه واني
اروح انام واخابر العالم احمد لتعيدهه بعد والله اكسر رأسك
احمد:ههههه اوكي اسف يمه
امي:الحمدلله والشكر لله ربي يرضى عليك
احمد:تسلمين حبيبتي اروح اسبح
طلعت هدومي وسبحت وكملت رجعت لغرفه لكيتهه بعدها نايمه اتقربت يمهه ومبين عليهه حلمانه حلم موزين وتبجي مديت اصبعي عدلت حواجبها مكعدت اتقربت يمهه اكثر ونمت يعني هي جربايتي قابل وين انام مثلا بالكاع محست بيه هي ابداا حضنتهه وهي هم محست بيه
صفنت ع وجها وبقيت اباوع عليهه حسيتهه بدت تكعد
حنين:احمد
احمد:نامي بعد وكت
حنين:وين جنت
احمد:من اكعد اجاوبج
حنين:خلي اكوم اخذ راحتك اني راح انام يم خاله
احمد:ليش ابقي هنا مراح اسويلج شي
حنين:لا ارتاح
كامت واني لزمتهه من ايدها
احمد:منين ليش انتي هيج والله مداافتهم اي شي يعني اني مقصر وساج شفتي شي من عندي مو زين ليش تكرهيني
حنين:اني مااكرهك والله
احمد:متحبيني هم مو اعرف هذا الشي بس
اريد افتهم ليش هيج
مكدرت اجاوبه جنت ابجي واخاف شهكاتي تفضحني ونبرة صوتي تتغير حبيت اسمع كل كلامه
احمد:لهاي الدرجه مااستاهل اجاوبيني يابنت الناس اذا احد جبرج عليه اني مستعد كل شي انهي جاوبيني حنين ننهي كل شي
احمد:خلص روحي يم امي واني اتصرف ويه اهلج لتخافين مراح تخرب علاقت اهلنا وراح تبقين اخت بالانسبه اليه واعتبريهه تجربه ومنجحت وياريت متبين لأمي انتي تحبيني وخايفه عليه وتعبيهه وياج اني انهي كل شي بهدوء
احمد:لجاوبين لان اعرف انتي تكرهين حتى تحجين ويايه لاحظت اكثر من مره هذا الشي انتي اصلا متعرفين شي عني ولااني اعرف عنج محاولتي يوم ادكوين علينه واني بالدوام او بالبيت حبيت فد يوم تطمنين عليه بس انتي ماكو بارده وابرد من الثلج غير كل هذا اني صبرت وكلت بعدهه روتين جديد عليهه بس كافي اليوم كل شي بين وان شاء الله هاليومين كل شي ينتهي
حنين:بس احمد
احمد:حنين اريد انام وميصير انتي تبقين هنا اكيد حسام حيجي يأخذج روحي يم امي
حنين:احمد بس
ام احمد:حنونه حبيبتي كافي تبجين هذا احمد هنا يله حسام هنا
احمد:خلي اكوم اسلم عليه
ام احمد:ماشي ابني يله خاله حنونه غسلي وتعالي
حنين:اوكي خاله
غسلت وكملت وطلعت اريد اروح ويه حسام
لكيته كاعد ويسولف ويضحك ويه حسام وامه
حنين:هلو حسام
حسام:هلو حبيبتي تعالي باع وجهه ههههههه
احمد:هههه اسف تعبتكم ويايه
حسام:لتحجي هيج اخويه انت يله اخذو راحتكم وحنين يله اوصلج
ام احمد:خاله خلي اسويلكم ريوك
حسام:لا تسلمين خاله والله هسه تريكت واريد واصل حنين وارجع اروح لدوام
حنين:يله خاله مع السلامه
ام احمد:الله وياج بنتي نامي وارتاحي
حنين:ان شاء الله خاله مع السلامه
ام احمد:الله وياج
راح حسام واحمد كدامي لسياره يسولف وياه واني صعدت بدون مااحجي
حسام:شبيج
حنين:مابيه تعبانه اريد انام
حسام:اوكي اني عزمت احمد ع العشه اليوم
حنين:اوكي
حسام:ابويه كلي يله هسه نزلي نامي وارتاحي وحتى اكعدين بالليل وجهج مرتاح
حنين:اوكي باي حسومه
حسام:ولي
نزلت لبيت بس امي كاعده سلمت عليهه وصعدت نمت كعدت الظهر خابرت ورد وسولفتلها كل شي صار
ورد:تستاهلين الي صار
حنين:انجبي
ورد:والقرأن لو واحد غيره مرحمج
حنين:وهسه شنو اسوي اني مااريد افصخ
ورد:كوليله
حنين:ميسمعني ابدا لج اني الثوله كمت ابجي ومكدرت احجي وياه
ورد:حنين انتي تحبين وسام لو احمد
حنين:وسام ماضي وانتهى بعد الحجي الي حجاه احمد حسيت بقيمة وحسيت نفسي مااريد اخسره
ورد:بلا انانيه اذا متحبي تركي
حنين:مااكدر والله شلون اتركه واني
ورد:باعي اليوم كعدي وضحكي وياه ولتهتمين لشي
حنين:اخاف عباله مرتاحه لان راح يتركني
ورد:هم صح باعي من تكعدين دزيله رساله انو تردين تحجين وياه وحدكم واحجيله كل شي
حنين:مثل شنو
ورد:كل شي تحسين بي بقلبج ناحيته
حنين:استحي
ورد:لعد فصخي وانجبي
حنين:لا اسم الله
ورد:انجبي واحجي ويله خلي اروح احظر نفسي حيجي حبيبي
حنين:اوكي حبي باي
ورد:باي
رجعت هم نمت كعدت المغرب سبحت ولبست ثوب قصير وسويت شعري نزلت جوه لكيت موجود هو وخاله سلمت عليهم وكعدت اسمع سوالفهم
امي:حنين كومي ويه نور
حنين:اوكي ماما
اخذت تلفوني ودزيتله رساله
حنين:احمد وره العشه لازم نحجي
احمد:ماكو بيناتنه اي حجي
حنين:مو بكيفك حبيبي تسمعني اوكي
احمد:حبيبج؟؟
حنين:انتظرك اوكي مو تروح
احمد:اوكي
كملت عشه ومنزلت عيني منه ابدا رحت ويه امي لمطبخ
حنين:ماما اريد احجي ويه احمد وحدنه
امي:ابوج كاعد خلي يكوم وطلعي بره
حنين:ماما لازم هسه ليروح
امي:شكو شدعوه هالكد مهم الموضوع
حنين:اي حبابه
امي:اوف الله يصبرني عليج
حنين:فديتج
بقت امي كاعده وكل شويه اكح اني حتى اتحس
حنين:كح كح
ابي :شبيج بنتي صار ساعه اتكحين شكو
احمد:عههههه
امي:اطلعي اشتمي هوه انتي واحمد بره
حنين :اي يله كوم
احمد:ههههه من رخصتكم
الكل :غالي
طلعت وهو ظل واكف مكعد بقيت صافنه عليه احمد:شنو صحتيني تبقين صافنه
حنين :احمد اني اسفه
احمد:ع شنو
حنين :اسفه ع كل شي صار بيناتنه اني جنت مااعرفك يعني فجأه اجيت وصرت خطيبي يعني مجنت مستعده لهيج علاقه
احمد:ليش وافقتي لعد
حنين :الصراحه حبيت اجرب
احمد:عاشت ايدج يعني اني بالانسبه الج فار مال تجارب
حنين :لا حشاك والله مو هيج يعني اني حبيت استقر
احمد:بس مستقريتي تجربتج فشلت
حنين:احمد اني اريدك يمي
احمد:شنو
حنين:والله اني اريدك يمي
احمد:انتي تحبيني
حنين :ها
احمد:من كال ها سمع
حنين:ﻻﻻﻻمو ها
احمد:ههههه طفله
حنين:لا مو طفله اني لتحجي هيج ويايه خبلتوني بهاي الكلمه
احمد:انتي اناينه اتحبين الشي بس المصلحتج يجوز اني مااريدج
حنين:شنو
احمد:يجوز اني ميعجبني اعيش وياج
حنين:صدوك براحتك اني مااجبرك
احمد:يعني مراح ادكليلي شي
حنين:الله يوفقك اني اروح
احمد:الله يوفقني وياج
حنين:عزه بعيني
احمد:حنين مااريد هيج موضوع مينعاد
حنين:اوكي اني.اوعدك اتغير والله
احمد:اوكي يله طبي جوه
حنين:انت هم ويايه
دخلنه جوه وخلص سهرتنه راحو همه لبيتهم اني دكيت عليه
حنين:هلو
احمد:اللهم صلي على محمد وال بيت محمد
حنين:ههههههههههه درزن صلوات
احمد:هيج صيري مره سنعه
حنين:ههههههه شلونك وصلت لو بعدك
احمد:اي وصلت اني بيتنه
حنين:اوكي روح نام وبيش ساعه تكعد باجر
احمد:بال6 ونص اكعد
حنين:يله لعد تصبح ع خير
احمد :وانتي من اهل الخير
حنين:مع السلامه
احمد:حنين
حنين:عيونهه
احمد:لا مو هيج كلهن نفس اليوم ههههههه
حنين:مو صوجك احمد روح نام
احمد:مع السلامه
حنين:هلاؤ
نمت وسويت منبه اكعده الصبح وفعلا كعدت بالكوه اشوف بالتلفون جنت كاتبه بالمنبه كعدي احمد لتنامين ههههههه دكيت مره ومرتين والثالثه
احمد:امم
حنين:صباحوو
احمد:حلمانه بيه
حنين:يحصلك اني احلم بيك عههههه
احمد:والله شايفه روحج انتي
حنين:كوم يله وراك دوام
احمد:اوكي اوكي
حنين :يله باي
احمد:امم باي .
سديت التلفون واعرف مراح يكوم بال7 رجعت اتصلت عليه
احمد:امم
حنين:احمد الساعه بال10 بعدك نايمه
احمد:صدوك تحجين خرب اتأخرت
حنين:اشاقه وياك كوم بال7 يله بقي الخط مفتوح بدل وغسل وتعال
احمد:لا استحي شلون ابدل يمج
حنين:ههههههه
احمد:فدوه هالضحكه هاي اروح واجيج من اريد اطلع نامي انتي
حنين:انتظرك
ع الاساس انتظره ههههه نمت وكعدت بال12 لكيت مكالمتين ورساله منه
احمد:خوش زوجه صالحه هه اني طالع لدوام ارتاحي ونامي
حنين:اسفه وربي نمت بدون ماادري
كمت من النوم غسلت واتريكت وكمت انظف واغني استمرت ايامي ويه احمد وقدمت وياه بنفس الكليه ندرس اني وورد كبرت بطنهه ومرة حسام جابت ولد المهم ازوجت اني واحمد والحمدلله نسيت شي اسمه اسامه بعد ملتقيت بي ولا برهف جنت تعبانه ورحت لمستوصف مال منطقه اني واحمد
رهف:سلام
حنين:وعليكم السلام
رهف:شلونج حنين
حنين:تمام وانتي
رهف:تمام شدسوين هنا سلامتج
حنين:الله يسلمج اجيت اسوي تحليل
رهف:خيرج
حنين:يمكن حامل اجيت اتأكد وانتي
رهف:هم سويت تحليل والله هذا الثاني جاي
بالطريق
حنين:الله يسهلج
رهف:تسلمين حبيبتي عن اذنج يله ماما حمودي حنين:الله وياج
احمد:منو هاي
حنين:صديقه قديمه
احمد:يله كومي خلي نشوف الباشا جاي لو لا
حنين:ههههعههه
طلعت من المستوصف واني الكاع مشايلتني من الفرحه بشرنه الكل وصار الكل ينتظر المولود بديت اداوم عادي مااهتم وورد ويايه
حنين:هالحقيره اني الهه
ورد:شبيج عادي غير استاذها
حنين:بابا متسوي هيج وياه وتدري اني زوجتهه ورد:احتمال متدري
حنين:يجوز ملابس حلقه احمد والله انعل يومه خلي ادوك عليه
احمد:هلا حياتي
حنين:تعال بسرعه لنادي
احمد:اكو شي حبيبي
حنين:تعال بسرعه
سديته بوجهه وبقيت انتظره الحمدلله هاي الي غاثتني موجوده اجه احمد وشفته مبين مرتبك من الخوف عليهه هههه
احمد:حبيبي بيج شي
حنين:حياتي لا بس ظهري شويه يأذيني
احمد:كومي ياحبيبتي
الحمدلله لزمني من ظهري واخذني اجتي الابنيه ع ورد ورد كالتهه مزوج وهاي مرته منتظرين طفل يعني لتحاولين وياه
احمد:حياتي بعد لداومين اجلي من يجي الطفل داومي
حنين:والله لو زحف هم اداوم
احمد:ليش
حنين:اني اتركك وحدك وباع ثاني مره مااقبل تحجي ويه اي احد غيري اوكي
احمد:هههههههههههههه
حنين:احمد مدااشاقه
احمد:فديت الحب اني
حنين:وحلقتك متنزع ويارت من تشرح تخليهه تبين
احمد:شنو رئيج اكتب لافته مزوج
حنين:خوش فكره والله
احمد:ههههههههه خبله يله نزلي
حنين:اوكي
نزلت لبيت سلمت ع خاله ودخلت لغرفه واني لحد هسه ضايجه من العوبه انوبه اتأكدت من احساسي من خابرتني ورد جنت متوقعه هيج يصير بيه الحمدلله عدت ع خير
احمد:شبي الحلو
حنين:ابنك مضوجني
احمد:مبقه شي كم شهر ويجي ويريحج
حنين:امم
احمد:ياحبيبتي تعالي نامي
حنين:احمد هم يجي يوم وتخوني
احمد:حسب
حنين:لا والله حسب شنو
احمد:معاملتج يعني تقصرين اخون متقصرين مااخون
حنين:لا والله مااقصر لتخاف
احمد:ههههههههه احبج والله
حنين:اموت عليك ربي يحفظك اليه
احمد: واليه ياروحي
حنين:فديت روحك اني (عليه واطيه)
بعد مرؤر خمس سنوات
حنين:كوموو من يمي اريد انام
علي :مااما جوعان كومي اريد كيك
زينه:ماما كومي يله
حنين:لكم اريد ارتاح روحو لبيبي بابا نايم تعبان من الدوام
علي:يله فتحي الباب
حنين:نعللا بليسكم اله يكومني
كمت فتحت الباب وروحو لخاله رجعت انام
احمد:اخيراا وحدنه
حنين:احمد نام حبيبي تعبانه من مخابيلك
احمد:ميعجبج بعد مخبل
حنين:اعوذ بالله روح حياتي نام لااكوم انام يم خاله
احمد:ازوج ثانيه ادلعني احسن
حنين:ﻻﻻﻻﻻﻻ كمت والله حبيبي
احمد:اموت عليج
حنين:احبك
ورد ومحمود صار عدهم احمد وسما وورد
خلصت كليه وحنين هم بالانسبه لحسام ونور مصار عدهم بس حمودي وليد كمل دراسته هناك وازوج بنت خاله اسامه ورهف عدهم 3 اطفال بس محد يعرف اخبارهم لان انتقلو لغير منطقه
لست صغيره كلمتين مختصره لحياة اللاف من بنات مجتمعي لبنات تنكرو وراء اقنعه التكنلوجيا اصبح في مجتمعي كل شي موضه وموديل لايوجد عيب ومستحيل الكل اصبح يبحث عن شي اسمه الحب ولكن تناسينا ان نعطي مراهقتنا وشبابنا حقهم الكل يبحث عن حب ولايعلم ماهو الحب ......
النهايه ......ريتا الخفاجي
