رجعت من الدوام واني مااكدر احجي جنت محتاجه احد يوكف ويايه ويكلي الي دتسوي صح او حتى يكلي لتهتمين اذا تحبي استحملي اذا تحبي راح تقبلين بي شلون ماهو
امي:شبيج حنونه من رجعتي لحد هسه صافنه
حنين:مابيه ماما
امي:ليش تبجين احد مأذيج ولج احجي
حنين ماما مشتاقه لاخويه
امي:ياحبيبتي هو هم مشتاقلج خابرني ويكول حنين متسئل
حنين:حقهه اصلا صار فتره محاجيه وياه
امي :اوكفي خلي ادوك عليه
بقيت اباوع لأمي وهي دتتصل ع اخويه حجت وياه وانطتنياه
حسام:هلو بذاته
حنين:
حسام:شبيج حنين حبيبتي اكو شي
حنين:ﻻ مشتاقتلك متجي
حسام:عليج الله اهلي بيهم شي احد مضوجج
حنين:لا والله بس مشتاقتلك
حسام:هههههههه ان شاء الله نهايه الشهر يمكم ديربالج ع نفسج ودروسج وحبيبتي طمنيني عنج كل يوم اوكي لتكطعين
حنين:اممم
حسام :انطيني امي
حنين:هاج ماما
(المكالمه بين حسام وامه )
حسام:يمه كومي من يمهه دااحجي وياج
امي:احجي ابني راحت فوك هي
حسام:يمه شبيهه حنين ترى معجبتني
امي:والله ابني صار فتره هي هيج بس من سئلته كالت مشتاقتلك
حسام:يمه حنين مراهقه ديربالج عليهه لتركيهه وحدهه ولتخنكيهه يعني تفهميني
امي:ان شاء الله
حسام:ترى كافي تفكير السادس اخذيها طلعيها ونسيهه بس انتي وياها اوكي لتخليهه وحدهه وراقبي تصرفاتها
امي:ان شاء الله ابني ليظل بالك حبيبي سلملي ع مرتك
حسام:يوصل حبيبه سلميلي ع ابويه
امي:الله يسلمك بعد قلبي
جنت كاعده بغرفتي ع الاساس ادرس بس بالي مو يم الدراسه فاتحه الكتاب وصافنه عليه دخلت امي وبيدهه جبس
امي:حنونه
حنين:هلا ماما تعالي كعدي
امي:شبيج حبيبتي
حنين:مابيه شي ماما شويه تعب
امي:بنتي اني امج لضمين شي عليه
حنين:ماكو شي ماما بس تعبت ومداارتاح
امي:ارتاحي حبيبتي لو ما محاضراتج جان طلعتج
حنين:ماما مااروح هذا الاسبوع اعاده خلي نطلع السبت بلليل
امي:اوكي نطلع اني وياج
حنين:امم
امي:هسه نامي وتركي الدراسه ريحي نفسج ولتهتمين لأي احد اخوج ظل باله خطيه
حنين:فدوه لقلبه
امي:الله يحفظكم
حنين:بابا وين
امي:يوه نستيني رجلي خلي اكوم احظرله الحمام وانتظره جوه
حنين:هههههههه ماما
امي:ها حبيبتي
حنين :شنو رئيج اذا بابا اخذ ثانيه عليج
امي:لا ياطايحة الحظ ليش هالفال هذا اسم الله حنين:شكو بيهه حبيبتي
امي:تحجين صدوك لج بنتي المره مستعده تقتل زوجهه ولاتشوف ضره عليهه يعني بين قوسين للتراب ولالجلاب
حنين:هههههههه اوكي
امي:حنين هوايه تسئلين ع الزواج بنتي اكو شي
حنين:لا ماما بس هيج حبيت اشوف ردت فعلج
امي:هاي مو بس ردة فعلي هاي ردت فعل
كل مرأه اني نازله لأبوج لظلين فوك تعالي اتونسي ويانه
حنين:ان شاء الله
(ام حنين )
قلبي ممطمن من وضع بنتي يوم تسئل عن واحد يزوج اكبر من ابنيه ويوم تسل ع زوجه ثانيه ياربي بس لا ﻻﻻﻻ بنتي متسويهه شنو ناقصهه حتى هيج تسوي اجه ابو حسام وغديته وراح نام لزمت التلفون ودكيت ع ورد
ام حنين:سلام عليكم
ورد:هلو خاله وعليكم السلام
ام حنين:شلونج بنتي خوما عندج شي
ورد:لا خاله خير حنين بيهه شي
ام حنين:ورد راح احجي وياج بس بغلات امج متحجين لحنين
ورد:اوكي خاله
ام حنين:اول شي مبروك حبيبتي ياربي فاتحه خير عليج
ورد:تسلمين خاله يوم لحنونه
ام حنين:بنتي ورد حنين شبيهه صار فتره متغيره
ورد:شبيهه خاله
ام حنين:بنتي اسئلتهه غريبه واصوري اليوم ادطلي شنو رئيج اذا بابا ازوج عليج
ورد:هاا
ام حنين:اني اعرف حتى اذا عدهه شي انتي
مراح تحجين بس بنتي بغلات ابوج وامج عليج اذا شفتي شي غلط من بنتي احجيلي ورد ماما هاي بنتي الوحيده مااريدها يصير بيهه شي يأذيهه
ورد:ان شاء الله خاله
ام حنين:يله حبيبتي سلميلي ع ماما
ورد:الله يسلمج خاله
(ورد)
نعللا يومج حنين تخبلتي رسمي والله راح تتندمين اوف شنو اسوي اني هسه انتظر لو احجي ويه امها لو شنو اسوي خلي اقره هذا الانتقام واخلص اوف دك تلفوني وليد
ورد:وجع شكو داك عليه
محمود:يمه يستار من السانج
ورد:منو هذا مو تلفوني وليد
محمود:اي ياام اللسان تعالي نزلي اني ابيتكم
ورد:اوكي لحظه
نعللا يومك وليد بسيطه بدلت ع سريع ومشطت وخليت مكياج ونزلت
ورد:سلام عليكم
وليد ومحمود:وعليكم السلام
وليد:تعالي كعدي هنا
ورد:اوكي
طلع وليد ومحمود كاعد محجه شي
ورد:ترى ماادري بيك انت دكيت
محمود:شلون تحجين هيج ويه اخوك
ورد:هاا
محمود:ميصير انتي كبرتي واي شي تحجي ينحسب عليه
ورد:اوكي بس هو يضوجني
محمود:ميصير استحملي بعد مااقبل اسمع هيج حجي
ورد:واذا ضوجني
محمود:احترمي وسكتي لخاطري
ورد:اوكي
وليد :هيج اريدك بعد قلبي
ورد:شوف شوف شنو يحجي
محمود:وليد ولي منا لضوجهه
وليد:هههههههههههههه لا والله ترى ميلوكلج هذا الدلع
ورد:خلي اجاوبه اني
محمود:خهههههه اتركي
وليد:هههههههه راح تنفجر يراد اصورج
ورد:محمود حباب خلي اكوم اله
محمود:كومي سدي الباب بوجهه
وليد:تنكتلين والله
ورد:ههههههههه عشتو خفت ع الاساس
محمود:فديت لك اني مأخذلي ضلع
وليد:ههههههههه يرادلك وحده ثانيه ابنيه بمعنى الكلمه
ورد:دروح شوف وحده تقبل بيك
محمود:هذا الوكت ميحتاج اخذهه تدلع ﻻزم اخذها ضلع
ضرب ع ظهري بيده
وليد:هههههههههه الحمدلله
ورد:يله ولي منا
سديت الباب بقيت كاعده يمه
محمود:اي وين اتحبين نتعشه
ورد:بكيفك
محمود:ههههههههه لا ترى مااحب هيج
ورد:شنو
محمود:يعني من اكلج وين نتعشه كولي بفلان مطعم شنو تأملين كولي باجه اوكي مااحب تستحين مني
ورد:اوكي غالي والطلب رخيص
محمود:وين نتعشه
ورد:فلافل العائله اريد فلافل وراهه نأكل موطه وراهه جيبلي بيتزه اخاف اجوع بلليل واريد جبس مالح وببسي
محمود:استحي الله يخليج استحي مني هههههههه
ورد:ههههههههه
(وسام)
فتحت فيس ودخلت لصفحتهه مااعرف شنو هالاهتمام الي اجاني عليهه حبيت بس اطمئن ماكو مفاتحه هي بقيت انتظر منهه رساله ماكو يوم وره يوم وره يوم خلص اللسبوع ومااجتي لمحاضره دخلت بس ورد وعهد
وسام:كلكم جاين لو نتظر احد
عهد:استاذ حنين متجي ابدي
وسام:شنو السبب
عهد:مريضه
وسام:شبيهه سلامتهه
عهد:الله يسلمك استاذ
وسام:ورد من اكمل شرح انطيج هاي الاوراق تنطيهه الهه وان شاء الله اني اعيدلهه الشرح
ورد:اوكي استاذ
كملت المحاضره واني بالي مشغول عليهه
فتحت فيس ودزيتلهه رساله
وسام:مرحبا حنين سلامتج اعرف مرضج هو عذر بس ياريت ميتكرر غيابج اوكي وجاوبيني لان بالي يمج
انتظرت اجاوب بس مجاوبتني ثاني يوم نفس الشي مااجتي هي خلصت المحاضره وطلعو كل الطلاب
رهف:وسام ليش هالاهتمام بيهه
وسام:رهف شنو هالحجي هوايه مخليه بالج يمهه
رهف:اني ممخليه بالي بس انت دتشكنني بيهه خلي تولي واذا مداومت هذا شي راجعلها
وسام:محجيت شي بس اني هاي طالبتي عادي اطمئن عليهه
رهف:ﻻ عيني مو عادي
وسام:رهف بطلي هاي الغيره ترى مراح تجي منهه بس المشاكل
رهف:يعني انت تعرف اني اغار ليش تأذيني
وسام:حبيبتي شبيج اني مثل اي طالبه عندي سئلت عليهه هي بكد بنتي
رهف:ماكو شي اسمه بكد بنتي مااحبه والله قلبي ممرتاح الهه
وسام:حبيبتي لضوجين نفسج كومي نرتاح شويه عازمج ع عشه
رهف:هههههههه اوكي
(حنين)
بدلت وكملت نزلت لأمي هي منتظرتني جوه
امي:ابو حسام احنه طالعين
ابي :جتماع نسائي الله يستر
حنين:حنتفق عليك هههههههه
امي:اي حزب شعبالك لعد
ابي:ديربالكم ع نفسكم ولتتأخرون
امي:ان شاء الله مع السلامه
حنين:باي حبيبي
طلعنه اني وامي اعترف نسيت كل شي وجنت فرحانه رحنه لمول وبقينه نفتر اني وياها وراهه صعدنه بالطابق الثالث لمطاعم دنأكل
امي:لج اتخبل من هذا الطابق بس عياط جهال
حنين:ههههههه اتحبين نطلع
امي:كومي جيبيلنه اكل وخلي نأكل ونروح
حنين:اوكي
رحت وكف ع السره مال طلب اكو كم واحد
كدامي المهم التفت ع امي شفته كدامي
حنين :وسام
وسام:هلا حنين
حنين:شدسوي هنا
وسام:ههههههه ليش المول بس الج
حنين:اسفه مو قصدي
وسام:ليش متجين لدوره
حنين:تعبانه
وسام:التعبان ميطلع
حنين:تعبانه نفسيا مو جسديا
وسام:حنين لتسوين هيج
حنين:مااكدر احجي هنا بس خلي شي ابالك اني قابله حتى اذا انت متزوج وزوجتك موجوده
وسام:اليوم نحجي بالفيس
حنين:اوكي باي
وسام:باي
(بكل هذا الحوار نست حنين اكو طرف ثالث اول مشافها اجه قريب من يمهم حب يسمع ويتأكد من الشك الي بقلبه رجعت لمكانها ولا بينت اي شي وابتسمت بوجهه )
وسام:وهذا العشه لأحلى رهوفه
رهف:فديتك حبيبي
وسام:ياروحي حبيبج يله شدي حيلج حتى انجيبه هنا يلعب
رهف:ان شاء الله
نظرات متبادله بين الطرفين وشخص ثالث مراقب كل حركات نظراتهم اعمى الحب
