*تانى يوم*
- يلا ياجماعه استعدوا عشان نمشى
حاضر
- طيب يا رنيم انا هروح اقول للسواق يسخن عشان نبقى مستعدين
طيب.
"بعد ما راح شريف يبلغ السواق"
- يا بـــاشـا يا بـــاشـا
فى ايه يا عم خميس؟
- الاتوبيس مش عايز يدور
ازاى يا عم خميس؟! ما انت جيت بيه لما بلغوك و المفروض انك كنت ممون؟
- والله مونت ياباشا , بس مش عارف ماله.. شكل الموتور شرق.
طب و الحل ايه يعنى
- مش عارف ياباشا والله
طب خلاص, انا هتصرف..........
------------------------------------------------
- رنيم. عم خميس بيقولى الاتوبيس مش عايز يدور
ايه؟! طب و العمل ؟
- مش عارف انا هجرب اكلم شركة الرحلات يبعتولنا اتوبيس تانى بقى
طيب كلمهم مستنى ايه
- ما انا هكلمهم بس قولت ابلغك الاول
طيب
"و راح شريف يتصل بالشركة"
- ايه الحظ ده بس ياربى!! مافيش شبكة :s
ها يا شريف عملت ايه؟
- مافيش شبكة
طب خد تيليفونى اتصل منه
"بعد ما خد تيليفون رنيم"
- برضو مافيش شبكة!
طب و بعدين هنعمل ايه فى الورطه دى. هنبلغهم ازاى؟
- سيبى الموضوع ده عليا.......
"صفّر شريف بالصفاره اللى معاه و اتجمع الطلاب"
يا جماعه انا اسف. لكن عم خميس بيقول الاتوبيس مش عايز يدور و حتى مافيش شبكة نتصل بالشركه
"عليّت الاصوات بالحديث تعليقاً على كلام شريف"
- يا جــــمـــاعـــــه لو سمــحــتـوا هدوء شويه الصخب ده مش هيحل حاجه
لو سمحتوا زى ما قال شريف ياريت تهدوا عشان نقدر نلاقى حل..
- طب و بعدين ! انا لازم امشى من هنا.. المكان ده مش طبيعى. والله صدقونى.
"وانهارت سها من العياط"
ايوه سها عندها حق المكان ده فعلا مش مظبوط
- ايه الموضوع يا جماعه احنا مش فاهمين حاجه
الموضوع يا سامح ان انا شوفت راجل كان بيحاول يسمع كلامى مع هاله و لما رحت وراه جرى منى!
- راجل؟ جه منين الراجل ده اذا كان مافيش غير ناس المعسكر بس اللى هنا
انت بتسألنى ! عشان كده فعلاً سها معاها حق, ولازم نمشى من هنا
.
- ايوه يا جماعه فكروا فيها كويس.. الاصوات اللى سمعتها سها و ماحدش غيرها سمعها و الراجل اللى شافته نور و اول ما راحت نحيته جرى! و الاتوبيس اللى كان لسه شغال زى الفل و عم خميس كان جى بيه و ممونة, و مش بس كده! لا ده كمان الشبكة راحت و فجأة! كل ده ليه ؟.. اكيد مش صدفه, اكيد كل ده مش صدفه!
.
- فعلاً, للأسف علي عنده حق
طب و بعدين؟! انا لازم امشى من هنا انا خلاص مش قادره ممكن يجرالى حاجه
- سها ممكن تهدى ؟!!
يا علي انا لحد دلوقتى هادية.. انا ممكن اموت منكوا والله بجد انا خايفه
- سها انا معاكى ماتخافيش
" نظر الجميع لـ علي فى استغراب شديد"
و قالت نور :: على فكره لمعلوماتك. مش وقت تسبيل خـــالــص
- انا عايزه افهم هو احنا فى ايه ولا فى ايه ؟ ايه الهباب ده.
"و تركت هاله المكان و مشيت"
هــــالـــــه ياهــاله! يابــنــتى ؟؟
"وراحت نور ورا هاله"
فيه ايه يعنى ممكن افهم مشيتى ليه؟
- مامشيتش يانور انا مخنوقه سبينى بعد اذنك.
هاله؟ انتى شايفه ان ده وقت اللى انتى بتعمليه ده ؟!
- و انا عملت ايه!
إنسى..
- لأ مش هنسى! ايوه مشيت و ايوه غيرت عليه, ارتحتى؟
على فكره انا مش هبله و مش محتاجه تقولى الكلام ده اصلاَ انتى باينه اوى -.-
- .......
و برضو ده مش الوقت المناسب للكلام فى حاجات زى كده. انتى فاهمه احنا فـ إيه؟ دى مصيبه يا أمى.
- ايوه فاهمه يا نور, بس انا ماقدرتش اتحكم فى نفسى
عارفه و عذراكى.. هــه يلا معايا عشان نروح نفكر معاهم. الدنيا قربت تدخل عل مغربيه و احنا كل ده بنلت فى كلام فارغ!.
- طيب.
"بعد ذهاب هالة و نور"
ايه يا جماعه لاقيته حل ؟
- لأا..
ايــه ده!! الـــراجـــل.. الـراجـل أهــو اللى شوفته امبارح !!
"جري الجميع وراء الرجل"
- و أخيراً مسكناك!. ومش هنسيبك إلا لما نفهم انت مين و عايز ايه, وايه علاقتك باللى بيحصل ده!......
To Be Continued..
أنت تقرأ
الــمــغــارة
Adventureتمت كتابتها: 21 من مارس 2014 قصة رعب هزلي يجمع بين الكوميديا و المغامرة، تقع أحداثها بين بعض الأصدقاء في رحلة أقامتها جامعتهم. تمت كتابة الحلقات باللغة العامية المصرية©