يلا مستنيين ايه, خلينا نمشى........................
.
"بره المغاره"
- يااااه الحمد لله اخيراً خرجنا من المكان المنيل ده!
الحمد لله! ده انا كنت فكره انى لا يمكن اخرج من هناك ابداً
- و انا كنت حاسس انى هموت هناك
لا بعد الشر المهم اننا خرجنا الحمد لله
- الحمد لله..
بس ثانيه واحدة؟؟
- فى ايه يا نور؟
مافيش بس اصل احنا كل ده ماتعرفناش بإسم حضرتك؟
- عادل فوزى.
تشرفنا..
- انا اكتر والله, ماتتصوروش فرحتى انى بقى عندى 8 اولاد عامله ازاى
هههههههه ايه ده و انا كمان بنت حضرتك
- ايوه كلكوا ولادى يا..
رنيم.
- عاشت الاسامى يابنتى
على كده انا كمان ابنك :D
- طبعاً. بس انا عايز اتعرف بأسماءكوا..
اكيد, انا شريف................................
"اثناء الحديث شعر الجميع بشئ عجيب"
- ايه ده!
فى ايـ.. ايه ده!!!
- حاسسين باللى حسيت بيه يا جماعه؟؟؟؟
ايوه يا سها!
- ده ايه ده بقى.. زى ما يكون فى حاجه بتمشى حوالينا!
الــنــظــارة! فين النظارة يا استاذ عادل؟!
- مش عارف يا رنيم, ااااه ده انا سيبت الشنطة اللى فيها النظارة و فيها الاختراع عند شجـ..ره , الاختراع!
"ثم جرى استاذ عادل فـ إتجاه الشجرة ليجد شخصاً ممسكاً بالاختراع"
- انت انتت عممللتتت ايييه!.
ايه ده. ده محمود زميلنا!!
- محمودددد! انت لسه عايش, مش ممكن احنا افتكرنا ان كلهم ماتوا و مافيش غيرنا.!
ايه ده؟؟ محمود انت عملت ايه!!!!
- مش عارف! انا فضلت تايه مش لاقى حد و كنت جعان لاقيت الشنطه قولت يمكن فيها اكل فتحتها اشوف ايه اللى فيها, لاقيت البتاع ده و معاه نظاره و شويه كراكيب مسكته بستكشفه مش اكتر, خــدوه اهو انا ماعملتش فيه حاجه.
- انت متأكد انك مادوستش على اى زرار!
لا بصراحه دوست على زرار من غير قصدى, خفت يكون هيضرب نار بس مافيش حاجه حصلت.
- بيتهألك ان مافيش حاجه حصلت!!!
يعنى ايه يا استاذ عادل :o
- يعنى الافندى خرج كل الاشباح من الاختراع!!! و مش هنعرف نستخدم الجهاز تانى قبل 3 ايام!
أنت تقرأ
الــمــغــارة
Abenteuerتمت كتابتها: 21 من مارس 2014 قصة رعب هزلي يجمع بين الكوميديا و المغامرة، تقع أحداثها بين بعض الأصدقاء في رحلة أقامتها جامعتهم. تمت كتابة الحلقات باللغة العامية المصرية©
