حسن:لج سما يا تاخرتي كومي بسرعه
سما:اي اي بس خمس دقايق
حسن : اني حروح وانتي شوفي منو يوصلج للجامعه
سما : هاهيه كومت
اني سما عمري 19اسكن بتركيا عائلتي تتكون من بابا وماما واخوان ثنين حسن عمرهه 26 وعلي عمرهه 23 اني بيضه ومتوسطه الطول ورشيقه عيوني متوسطه سوداء وشعري متوسط الطول بني غامق
ذهبت للحمام استحممت وغيرت ملابسي وهي عباره عن تي شيرت ابيض مع كتابه باللون الاسود و لكينز اسود وحذاء اديداس اسود وابيض وحقبيه على الكتف باللون الاسود ورفعت شعري كب كيك بشكل مبعثر
نزلت للاسفل
سما: صباح الخير
الجميع : صباح النور
حسن :يله بسرعه اتاخرتي
سما : دانتظر شويه خلي آكول
حسن:يله خانوم فضيه اني طالع انتظرج بالسياره
سما: اوك شويه وجايه
تناولت فطوري وذهبت للسياره
حسن :لا بعد وكت ليش اجيتي ضلي هناك
سما : ماشي اروح ارجع
حسن : لتخليني هسه انزلج واخليج تروحين مشي
سما : اسفين عيني يله تره تاخرت اني
حسن : هو منو الي ماخرنه غيرج
اوصلني حسن الي الجامعه فاتصلت بصديقتي ايه
سما: الو خبله وينج اني يم البوابه ماللجامعه
ايه : الناس اتسلم اول
سما: وجع البارحه قبل مانام حجيت وياج انتي وين ايه : اني هسه حجيج
سما : اوك انتظرج
اتت ايه سلمت عليها وقبل ان ندخل مرت سياره سوداء جارجر كان رائعه ويبدو ان الشاب الذي يجلس بها جميل ايضا نزل الشاب وكان وسيم طويل واسمر ولديه عضلات وانيق جدا ولكن لم اهتم كثيرا
امير :عمري 21 ادرس قانون سنه اولى سوف تستغربون لان عمري 21 بسبب الظروف اعيش مع امي وابي واخي سراج عمرهه 28 واختي لينا عمرها 20 اسمر طويل ولدي عضلات عيوني صغيره بنيه اقمت علاقات كثيره لكني لم اجد الحب الحقيقي استيقظت في الصباح ذهبت الي الجامعه وكالعاده الفتيات يتجمعن حولي لكني لم اعرهن اهتمان ذهبت لاسلم على اصدقائي
ايمن : لك هلو هاي وينك البارحه مشفناك
امير : هلو بيك والله مشغول
ليث : شلونك مشتاقيلك
امير : تمام اني الاكثر بس شعجب صاير مؤدب
ليث : كبر مو شكول واحد يحجي وياك عدل
سما
كنا نبحث انا وايه عن غرفة المدير لكن لم نجدها ايه : شنو رئيج نسأل هذوله الشباب
سما: امم اوك
ذهبنا انا وايه الى مجموعه من الشباب وكان من بينهم الشاب الذي رايته عندما دخلت الى الجامعه
(الحديث باللغه التركيه )
ايه : مرحبا
الشباب : اهلا
احد الشباب : لك امير شوفهن شكد صاكات
سما: احترم نفسك لعبالك احنه مدنفهم الي دتحجي نفس الشاب:خررب عراقيات اني اسف
