سما ثرثرنا انا وايه كثير لم نلاحظ الوقت
ايه : يله اني حروح
يما : ليش بعد وكت نامي هنا
ايه : لا حبيبتي غير مرهه
سما : براحتج
ذهبت لوصلها الى الباب
ايه : باي
سما : بايات حياتي
ذهبت الى المطبخ حضرت اندومي ووضعتهه على الطاوله وجلست
علي : بووو
سما : اسم الله خرعتني شبيك
علي : شنو شبيج شايفهه جني
سما : يي والله شكلك جني
علي : دنجبي وخري دااريد اكول وياج
سما : مااا مالتي روح سوي انت
حسن : سلام
سما : هلو حسون
علي : هلا
حسن : الله اندومي
سما : يي تعال اكول
علي : لا الله !! شكد خبيثه
سما : اكلي وبكيفيي
حسن : ههههه لعد ماما وين شلون قبلت تسوين
سما : راحت البيت خاله جنان
حسن : اهاا
تحدثنا انا واخوتي قليلا بعد ذالك اتت امي وابي جلسنا نشاهد فلم كان فلم رعب مع بوشار انتهى الفلم ذهب كل منا الى غرفتهه
في الصباح
اشتيقضت عالصوت الهاتف كانت ايه
سما : ممم
ايه : وووجع بعدج نايمه كومي لج كسلانه الساعه سبعه
سما : طرشتيني نعلعلا يومج اصلا بعد وكت (هاي جملتي الشهيره من اكعود متاخر حتى ارفع معنويات نفسي ههههه )
ايه : لج يا وكت يله بسرعه تعالي
سما : ديله ولي باي
ايه : بيباي
ذهبت للحمام غسلت وجهي غيرت ملتبسي تنوره ضيقه فوق الركبه وتي شيرت ابيض وجاكيت احمر واسود وحذاء ابيض (بالصوره )
تركت شعري منسدل نزلت للاسفل
سما : صباحو
الجميع : صباح الخير
علي : شو كاعده متاخر
سما : اي محد كعدني
امي : حسن مو كوتلك كعدهه
حسن : نسيت
سما : غبي
حسن : اني اعلمج منو يوصلج اليوم
سما : باباتي حياتي يوصلني مو بابا
ابي : ايي يله امشي
سما : عالعنادك بيباي مامي حياتي
ايم : الله وياج حبيبتي
ذهبت الى الجامعه عندما وصلت اتصلت بايه
سما : هلو قرده وينج
ايه : ها عوبه بالكافتريا تعالي
سما : اجيت
دخلت الى الكافتريا وجدت ايه وامير وايمن وليث
سما : صباح الخير
الجميع : صباح النور
سما : شلونكم شباب
ليث: تمام
امير : الحمد لله
ايمن : بأحسن حال
سما : طبعا اذا الحب وياك وغمزت لايه
خجلت ايه
ايمن : فديت الخجلان اني
ليث : نحن هنا
امير : حس بينه احنه الحدايق
ايمن : هسه منو كامشك روحي كبل هاي بنات الجامعه هواي
امير : اعوذ بالله انس احس بنات الجامعه شخصيه مستعارهه بالجامعه شكل وهي شكل
سما : هههه حلوه هاي
ليث : اي وربي
ايه : صخام ولكم المحاضره حتبدي بعد خمس دقايق
ليث : يله ولكم امشوا
ذهينا جميعا للمحاضره خرجنا من المحاضره
ايمن : عازمكم على غدهه
سما : يي والله جوعانه
ايه : اني هم
بقيهه الشباب يحدقون بنا
سما : خير شبيكم
ليث : لا هيج بس اول مره نشوف بنيه تكول جوعانه
امير وايمن : بالضبط
سما : هههههه اهم شي بطني بس لحظه خلي اخبار اهلي
ايه : يي اني هم
اخبرت امي وذهبنا للمطعم كان مطعم جميل جدا من الخارج دخلنا اليه وجلسنا طلبنا الطعام وانتهينا عدتت الى المنزل الساعه 4 عصرا
سما : هلو اني جيت
امي : هلا سماوي
علي : شنو اجيتي
سما : لا بعدني بالطريق
علي : هه متضحك
سما : اني حروح انام لان تعبانه كولش
امي : ماشي روحي
ذهبت الى غرفتي غيرت ملابسي ونمت
_-_-_-_-_-_-_-_-_-_-_-_-_-_-_-_-_-_-
هلو كبداتي
اول شي هابي نيو يير ان شاء الله تكون سنه سعيده الكم
ثانيا شنو رئيكم بالبارت ان شاء الله يعجبكم وهاي هديتي الكم بعد شتريدون
ثالثا غلسوا عالسحكات لان مراجعتهه ههه
رابعا البارت الجاي شي كولش مختلف ماريد احرك السالفه خليه مفاجئه الكم
